驚安燒肉商店

營業中

休息中

留意開美食嘅大家，對呢間9宮格燒肉應該唔太陌生，周不時都會喺ig見到有人去食😋企鵝妹都食左好幾次了，每次都維持到水準，推介👍🏻⭐️九宮格燒牛盛盒 $288 (8/10)入面有唔同部位同唔同口味嘅牛肉，可以先食冇調味嘅肉，最尾再食3款有調味。企鵝妹鍾意食冇醃嘅肉多d，可以更品嚐到牛味同肉質。最欣賞係厚切牛舌芯，有咬口得嚟唔會韌🐮2人share嘅話每款都有2塊左右，啱晒心大心細選擇唔到叫咩嘅大家。不過如果佢有d牌仔介紹每種肉嘅名就更好啦，因為唔太分到邊款係邊款😂⭐️鹿兒島A4和牛西冷 $248 (8.5/10)呢款牛肉質偏軟同好重油脂，輕輕燒一燒就食得，接近入口即溶，係邪惡嘅首選😈⭐️特大薄切牛舌 $78 (7/10)因為9宮格有厚切牛舌，所以另外散叫了薄切試一試，都有牛味同爽口，不過相對嚟講，厚切會更出色⭐️柚子漬雞肉山 $28/半份 (8.5/10) 呢個完全係性價比之冠👑肚餓得濟冇幫佢影相😂上枱名符其實係一座雞肉山嚟，雞肉燒完嫩滑有肉汁，配埋柚子汁好fresh⭐️紫菜月見飯 $28 (7.8/10)食燒肉當然要叫翻碗飯，其實佢嘅材料好簡單，紫菜飯素同蛋黃，但令人忍唔住一啖肉一啖飯接住食🤭

九宮格燒肉盛盒（$288），好明顯有九款嘢。呢5款原味冇醃過。A4和牛三角：靚靚油花，食落軟滑，兩件剛剛好。厚切牛舌芯：正，堅厚切，爽口，唔韌、冇筋，大推。頂級牛小排：有牛味，有咬口。黑毛牛仔骨：正常，比較一般。Prime牛肉眼：超薄切，結果黐網，同樣正常冇咩特別。呢4款係醃製肉。辣漬翼板肉：辣味不重，醬汁味不錯，好啱配白飯食。一本壺漬牛肋肉：微甜，醬汁味都不錯，但得一舊比較大，另外碎濕濕。汁燒護心肉：醬汁味亦不錯。紫蘇漬一口牛梅花：重黑椒味，其中一粒比較韌。另外加咗兩碗白飯（$15@），比較細碗。食燒肉當然配啤酒，Sapporo 生啤（$48@），爽呀~~~午市時間，呢間分店沒有套餐（筲箕灣店有），但主餐牌有7折。PS：自助 scan QR code 落單，方便快捷。

ғᴏᴏᴅɪᴇ ᴛɪᴍᴇ 今次食咗驚安燒肉商店💛估唔到而家午市仲有七折優惠，好抵食🥰所以就決定二訪呢間餐廳😆下面既價錢係原價九宮格燒肉盛盒($288)決定再返叫呢一款，可以樣樣都試下(⁎⁍̴̛ᴗ⁍̴̛⁎)-厚切牛舌腩-A4和牛-Prime牛小排-安格斯牛仔骨-内側橫肌-薄燒頂級肉眼-生薑燒小牛扒-壺漬牛肋肉-汁燒護心肉汁燒護心肉、牛舌芯、牛小排同A4和牛都唔錯🤩有醃料個幾款都偏咸，而且味道接近，分別唔大🤣對比番上次發現款式唔同左，另外唔知係我錯覺定點，但係份量好似少咗咁😣柚子漬雞肉山($38)比起黑松露，我覺得柚子仲好味！好fresh同好滑既雞肉好夾🥰同樣有勁多肉好抵食☺️Prime 牛小排($108)一共有六塊，呢一款上次記得好味所以另外叫左🥳佢牛味夠，仲有油香😋紫菜月見飯($28)呢個飯有蛋黃、紫菜、飯素同佢既汁，概念有啲似牛角飯，都幾好味🤩就咁單食定加肉都唔錯！青檸菠蘿梳打($28) 呢個梳打都幾清新，啱哂食燒肉食🤪而且都有幾多菠蘿同青檸係底！當日仲有啤酒買一送一，不過就冇飲到，有興趣既朋友可以叫😚

布婚日當然要食二人最愛~牛🥩牛控出沒注意⚠️尖沙咀良心貼地平民燒肉店🔥充滿東京居酒屋風味. 必吃九宮格燒肉盛盒，A4和牛、薄燒頂級肉眼、厚切牛舌腩、Prime牛小排、生薑燒牛小排、安格斯牛仔骨、汁燒護心肉、芫荽辣漬牛梅花和壺漬牛肋肉一共9款. 重頭戲頂級牛肉眼黑松露壽喜燒🤤雖然只得三塊, 不過大到可以敷mask, 油脂分布平均, 牛味濃👍🏻追加招牌特大薄切牛舌😋紫菜月見飯牛油雜菌👍🏻重有厚切白鱔, 大大隻虎蝦🦐新鮮生蠔🦪 菠蘿青檸特飲好正🍍🍹醬汁有三款, 蒜蓉/燒汁/青檸燒汁, 好fresh

好耐無去食燒肉 見到午市有7折優惠 緊係要去試下啦🤪 九宮格燒肉盛盒我覺得尼個set 幾好，可以一次過試哂唔到款式既牛，岩哂食牛愛號者🐮。而且覺得邊款牛好食又可以散嗌多少少食👍🏻份量黎講都算Ok 每款大約2-3塊，牛既質素唔錯又唔鞋唔韌。當中厚切牛舌、Prime 牛小排和A4和牛印象最為深刻，其他醃味牛肉都整得好好食，醃得岩岩好唔會太過咸蓋過牛本身既味，整體黎講尼個set 係好食又抵食🤤厚切牛舌芯牛舌芯口感爽口彈牙，食落軟腍而且啖啖肉香🤤頂級肉眼壽喜燒唔好見佢得3塊好似好唔抵食咁！每塊都好大塊而且油脂岩岩，輕輕一燒塊牛已經食得，食落牛肉味非常濃郁，而壽喜燒重點就係尼個黑松露蛋漿，餐廳調配得非常出色好食，真係有壽喜燒味架‼️🤤日本A4和牛肉眼上蓋大理石油脂花紋分佈均勻，肉質滑嫩，肉汁鮮甜，可惜肉味唔太濃郁。🥲豪洲和牛大腸脂肪比較多，口感非常有嚼口，試過一次就夠了😂

天寒地凍，當然要食燒肉！🤤最近留意到，喺尖沙咀開咗間CP值超高嘅燒肉店「驚安燒肉商店」，佔地4000呎，人均約二至三百蚊就可食靚牛食到飽！真係牛魔王們嘅福音！除咗燒肉，呢度仲有燒海鮮、各式和風小食、串燒，新開張仲有7折優惠，真係抵到爛！😍😍😍✦ 九宮格燒肉盛盒嚟驚安燒肉商店，必食係呢隻燒肉九宮格，一次話可以試勻A4和牛三角、頂級牛小排、厚切牛舌芯、辣漬翼板肉、Prime牛肉眼、汁燒護心肉、黑毛牛仔骨、紫蘇漬一口牛梅花，以及一本壺漬牛肋肉！啱晒我呢類咩都想試下，但又驚食唔晒嘅人！😍當中我最愛就係紫蘇漬一口牛梅花，甜甜地，帶微酸，肉質爽口彈牙，好惹味！A4和牛三角都唔錯，入口即化，油脂豐富。厚切牛舌芯就好彈牙，肉質膩滑，令人難以抗拒。另外，九宮格中嘅辣漬翼板肉就有少少辣，肉味濃郁。✦ 頂級牛肉眼壽喜燒一般壽喜燒都係火鍋，但呢度食嘅係燒肉版！果然好有特色呢！😂頂級牛肉眼固然一流，超大塊，輕輕一燒，表層已香香脆脆，油脂滿滿，但最正都係個醬汁！係壽喜燒味架！店家將製作壽喜燒湯底嘅材料製成醬汁，好似醬油、味醂及糖等混合，上面仲打咗隻生雞蛋，食上口甜中帶點咸香，好惹味！真係一定要試！✦ 壺漬牛肋肉呢