星怡 (已結業)

去isquare睇戲前想食d野，見到呢間餐廳坐得幾舒服，格調又幾好，就入去了～餐廳嘅落地玻璃令到格調好舒服～而且價錢又合理。⭐️新加坡大蝦喇沙麵- 其實我係一個不折不扣嘅喇沙迷，去到邊有喇沙都會點！- 呢到嘅喇沙少有地用上鮮蝦，而且好大隻！食落去肉質結實彈口，味道鮮甜，大啖肉好滿足🦐- 點了小辣湯底，係我最鍾意嘅超rich椰香味😍唔算辣，辣同椰香超balance，唔會互搶味道，好好食！🍢串燒（3串）- 點了3串豬，豬肉食落去肉質軟香- 特別喜歡旁邊嘅沙爹醬，椰香味濃帶少少辣，texture夠rich🌟魔鬼魚辣死你媽，椰漿飯- 呢款真係幾得意，少有見到有魔鬼魚食。魔鬼魚魚肉白雪雪，是比較有質感的texture，好有咬口，上面加了濃香xo醬，幾惹味。- 旁邊嘅椰漿飯幾香，辣醬超惹味夠曬辣，好刺激味蕾❤️榴槤飄香- 個人好鍾意呢款甜品！😋😋先說榴槤果肉好大舊， 食落去好香榴槤味，texture軟嫩，正！（剩係呢個都值回70%票價）-底下全部係菠蘿雪糕，甜度適中，好夠滑香，有誠意-黃色果d係椰絲，幾特別有機會再來食其他野！

星怡係iSquare新開嘅星馬餐廳，黎開哩度個市集見倒星怡個Menu價錢唔貴，環境都好乾淨企理座位唔會好迫咁，就入去試下。午餐只有星期一至五先有，周末只有散叫，不過每款菜式都係幾十至百幾，價錢合理，選擇都好豐富，飯麵、小食、海鮮、甜品同飲品都有好多款揀。串燒($98/6串) - 串燒有豬牛雞三款揀，唔會燒到乾柴柴，蘸沙嗲醬食非常惹味。南洋咖央多士($48) - 咖央多士有三款唔同口味，分別係蛋黃、榴槤同班蘭，我地揀左蛋黃。多士烘到脆地但又唔會太硬，中間夾左厚厚嘅鮮牛油，蛋黃咖央甜甜地，配埋微鹹嘅鮮牛油食真係絕配。新加坡鮮蝦喇沙麵($88) - 哩度淨係喇沙都有好多唔同配料揀，好似魚蛋、鮮蝦、大蝦、安格斯牛或者北海道帶子。我地揀左鮮蝦，入面除左有六隻蝦，另外仲有豆卜、半熟蛋同芽菜。麵量都幾多，麵質唔會太腍，喇沙湯底椰香味啱啱好，帶少少辣味，味道濃郁惹味。馬來西亞拉茶($28) & 鳳梨水果茶($39) - 拉茶味道香濃，唔會太甜，就算飲到最後冰溶左都唔會太淡。鳳梨水果茶入面除左鳳梨，仲有檸檬、藍莓、紅肉火龍果，色彩豐富賣相吸睛，味道酸酸甜甜非常開胃。總結，野食唔錯，價錢亦合理，座位亦闊落

尖沙咀iSquare 呢間“星怡”，主打南洋風味菜式，當然要揀啲例牌野試佢好唔好食海南雞飯好滑，個黑醬油甜度整得幾好，碗雞湯又好清甜，飯就香而不油串燒個沙爹醬同喺新加坡hawker centre食到嘅一樣，食到花生碎，好正，啲肉又夠淋同唔會燒到乾哂喇沙有4隻蝦，新鮮爽口彈牙，湯底好足料，不過就偏辣咖央多有3款味，我揀咗榴槤咖央試，食落幾香，唔會覺得假，多士就兩面都有烘過，但我覺得好似唔夠鬆脆最後仲試咗新加坡好出名嘅麥皮蝦，雖然得4隻蝦，但炸得好香好脆，麥皮又甜甜地，幾似喺新加坡啲海鮮餐廳食到嘅味呢餐樣樣都咁好食，下次一定要再去試下其他菜式先得！