札幌拉麵 Miso No.1 x 辛味屋

營業中

休息中

荷里活廣場呢度方便就腳，餐廳又多。但今次都係第一次黎，因為朋友想食～札幌拉麵同辛味屋原來係同一個鋪位既。剛黎到仲有好多人等位，要到門口前禁飛的門面光亮內在環境裝修簡約餐牌，拉麵既選擇較多，另外仲有咖喱飯🍛《蟹肉棒拉麵》拉麵好軟身，蟹肉棒都好軟，鹹度適中《招牌牛油拉麵》材料亦都係好軟身的叉燒比較硬身，味道ok《炒韮菜豬肝》好少見日式餐廳會有中式既小食，好想試下。都唔差喎～韮菜軟身，豬肝既味道同硬度都適中豬肝切了薄片《串燒雞軟骨》幾好，唔需要加檸檬汁都可以《提子果汁酒》只有好少既酒味，感覺似波子汽水🥤《桃果汁酒》總括而言，這間餐廳真的非常適合一家大細食飯，因為材料偏軟身，味道適中，不會太濃。需加一服務費，cp值不錯

呢間餐廳，平時都真係常滿㗎！芊嶠次次去親荷里活廣場，都會跑去呢間餐廳，話要入去食！今次都唔例外，自己跑咗入去，識講3位。不過今次我地就唔叫定食，一於食拉麵，冇咁 heavy 丫嘛！【白豚拉麵】呢款拉麵係新推㗎，以前都冇㗎！因為呢款拉麵嘅麵係幼麵，我好鐘意，因為偏軟㗎！而且佢個湯底係豬骨湯，都係我至愛！【螃蟹拉麵】有芊嶠同劻霖至愛嘅蟹棒，所以佢地必叫。我就叫咗拉麵午餐，$69 有拉麵 + 小食一款，但某些拉麵，如螃蟹拉麵，都要加$5。呢款拉麵就偏粗，我就唔太識欣賞，但芊嶠同劻霖就一於冇理，食食食。【串燒雞軟骨】媽媽至愛，跟餐小食必食，另外仲有多款小食揀選。總結：兩大一小食兩碗拉麵，仲有個小食，其實都已經好飽㗎啦！如果大家想叫飲品，跟餐都可以加錢叫冷熱飲㗎！

近排天氣又熱兼夾不時下大雨，躲在商埸就最好了。星期日中午，在商場內行了一圈，看到這𥚃的午市套餐價錢實惠，正合我的心意。招牌牛油拉麵套餐（$69/Lunch set)👍👍👍👍套餐包括一碗拉麵，一款小食，熱飲加$3，涷飲加$5。招牌牛油拉麵的特色就是有一片厚切牛油，當牛油溶化在白麵豉的湯底，令湯底増添濃厚馥郁的牛油香氣，簡單的配料更能突出白麵豉湯底的原味。小食-串燒雞軟骨👍👍👍👍套餐包一款小食，雞軟骨有三串，以鹽作調味，外面酥脆，𥚃面的軟骨咬落卜卜脆，最啱喜歡吃香口食物的朋友，這是一個不錯的餐前小食。中華冷麺（$79/Lunch set)👍👍👍👍夏天天氣咁熱，不想吃熱食的話，這個季節限定的中華冷麵就最適合不個了。冷麵的口感比熱食拉麵更彈牙爽口，配合青瓜絲、生菜、海蜇、紅薑絲、紫菜、义燒等，再加入醒胃的酸汁，令冷麵味道更清新醒神。小食-炸豆腐👍👍👍👍金黃的外皮包著軟滑的豆腐內層，上面放上木魚碎，然後放在調味汁上，豆腐索了醬汁味道，加上木魚碎，令豆腐增添咸香的味道。涷檸茶（+$5）👍👍👍👍門面餐牌