越風味地道越南料理

營業中

休息中

［📍旺角｜越風味地道越南料理］呢排天氣濕漉漉 放工就想揾啲清新啲既野黎食下係旺角見到呢間越南餐廳 感覺好受街坊歡迎加上老闆亦都好熱情係門口介紹食物款式於是就決定入去試試佢～雖然係平日 但餐廳依然非常熱鬧 好受街坊歡迎餐廳環境好光猛 枱面餐具乾淨企理 坐落都好舒服今次黎到 分別叫左三款主食同一款小食 🍅 鮮茄蟹肉湯"Banh Da”粉見到餐牌有個手指公表示招牌菜同時 又好好奇咩係"Banh Da”粉 就嗌左碗黎試下"Banh Da”粉外型有啲似我地食魚蛋粉既粗麵但質地偏向滑身啲 加上佢用糙米製成 所以顏色偏向淡黃淡黃色鮮茄蟹肉湯底非常濃郁 眼見好多蕃茄肉 而且飲得出好明顯既蟹肉味 喜歡蕃茄湯既你 一定要試下呢碗粉非常足料 有蟹腳 大蝦 香葉燒肉 扎肉 蝦滑 豆卜 非常足料 而且麵底本身都唔少 食完非常夠飽啊🐷 香茅豬扒湯河食PHO最重要當然係個湯底呢到既湯底清甜清徹 有淡淡既牛骨香味一啖接一啖都唔會覺得有味精而口乾香茅豬扒煎得好香脆 除左有淡淡既香茅味醃味亦都唔會太鹹 啖啖肉 無野挑剔🐮 咖喱牛腩飯 （轉配蒜茸包）聽老闆介紹 咖喱係佢地既招牌菜 咁當然要試試佢 咖喱質地濃厚 配飯/包岩岩

同朋友係旺角行完街，就打算是但去搵啲野食，見到呢間越南餐廳，店員係門口熱情招呼，可能因為價錢好親民餐廳到夜晚9點都仲有多食客。因為我哋好口渴，入到去未點嘢食，先叫咗個椰青。佢椰青大大個好鮮甜，超多汁第一次見椰青啲汁係咁滿。下龍灣墨魚餅，點嘅時候職員話墨魚餅係越南直送，所以份量唔會好多，但我覺得兩個人食剛剛好，而且墨魚超彈牙又好重墨魚香味，好值得試一試。越式生菜包，份量好大份。因為我哋食得辣，所以點左辣，味道唔會好辣但就有種胡椒嘅香味，再加埋洋蔥，食落味道好好。如果唔食得辣，可以點走辣。牛油果軟殼蟹米紙卷，我覺得去食越南菜，米紙卷喺必點。因為同我哋平時食嘅廣東炸春卷真係好唔同。軟殼蟹炸得好脆口。主菜，我地點左生熟牛肉湯河。正宗嘅越南河粉真係掛湯。每一啖都有牛肉湯嘅味道。好入味。熟牛肉就比較重牛肉味，但口感會比生牛肉硬少少。個人就比較推介生牛肉，因為入口有種軟綿綿既口感，但又不失牛肉味。朋友去過越南，都話比得上當地食過嘅生牛肉河粉。點解咁多野食，最後兩個人都只係$300左右，絕對係大件夾抵食。下次一定會再黎食！

旺角真係好多餐廳🤤今日天氣好熱，好想食涼啲嘅嘢，咁一於試下越南菜🤤！🌟香茅豬頸肉撈檬 $68夏天食一碗清爽嘅撈檬就最正！酸酸辣辣嘅醬汁加埋凍冰冰嘅檬粉😍，仲有生菜同紅蘿蔔增加口感，真係超級開胃😆同時豬頸肉都燒得好香，仲有微微嘅炭烤味，真係令人忍唔住一啖接一啖食曬成個👅🌟蟹膏海鮮炒飯 $86一個好嘅炒飯最重要係「有鑊氣」！飯粒粒分明，好香～仲有蝦同埋魷魚，份量超級豪爽🫶🏻🫶🏻🌟自製春卷 $68/6件一上枱好香！忍唔住未影相之前已經食咗兩個🤣🤣，餐廳嘅特色係上枱會有生菜同埋春卷，可以將春卷包喺生菜入面，令整體感覺更清爽，唔會咁有罪惡感～不過單食都幾好味，炸皮好脆，內裡調味鹹甜適中🩷🌟下龍灣墨魚餅 $68當日去得比較晏，牛油雞翼賣曬😢😢不過，店員姐姐就推介咗呢款 — 專門由下龍灣運到香港嘅墨魚餅，食落都幾多墨魚肉，爽口彈牙😙🌟消暑必備：椰青+椰汁珍多冰

喺旺角行完街，啱啱好下午茶時段，就去咗越風味地道越南料理食下午茶！環境不錯，坐位寬敞。🌟🌟食物種類好多，湯河、檬粉、炒飯……加錢仲可以追加小食。🌟🌟手打蝦餅撈檬，蝦餅香脆可口，口感鮮香，檬粉幼滑，加埋惹味魚露，真係好食到不得了！🌟🌟越式春卷餡料十足，外皮香脆，內餡軟綿，食多兩件都唔覺得滯。🌟🌟海防牛丸湯河，份量十足，牛丸爽口彈牙，湯底濃郁鮮甜，加埋紅椒🌶️就惹味d。🌟🌟下龍灣墨魚餅，表面金金黃黃煎得香口，入口帶點彈力，充滿墨魚粒。🌟🌟椰汁紅豆冰、鹹檸七，大大粒紅豆充滿口感，鹹檸七味道甜中帶咸，炎炎夏日飲返杯真係一流呀！❤️❤️總括而言，食物抵食，價錢相宜，環境舒適，服務不錯！