旺角海鮮菜館

朋友生日希望食海鮮，過去幾次去西貢食都覺得水準下降，興記同竹家莊嗰啲又食過，今年就試吓搵間酒樓食。OpenRice見到旺角海鮮酒家，睇相覺得幾有feel，細細間專做海鮮，地點又勁方便喺Moko 5分鐘路程，即管試吓。見到有幾個負評，話蜆有沙同服務差，琴晚嘅體驗真係完全冇喎；服務勁friendly，係有傾有講嗰隻，係一個好開心嘅飯局，所以我都的起心肝寫個食評為佢哋平反吓😆我哋6個大人叫咗6人餐，份量好足夠，味道方面中上，絕對係可以回頭嘅餐廳👍🏻WhatsApp訂位時，我問有冇壽桃同價錢，老闆知道係生日飯就慷慨話贈送，仲要唔係迷你嗰啲，呢啲訂位過程都令我覺得呢間餐廳幾有人情味，唔係連鎖嗰啲機械式操作😇…查看更多

今日主要係同朋友慶祝生日，預先訂咗位去到都唔使等，坐低咗之後睇咗下餐牌，跟住都有過嚟介紹，老闆話大部份人都係叫套餐，咁就即管試吓啦，另外今日比較多人因為有兩圍人搞緊生日，所以都比較嘈，但老闆娘後尾都話今日真係唔係咁好意思，平時無咁嘈，但整體菜式唔錯，換碟加水都快手，侍應有留意眼神有冇需要，唔會話好忙無人理，有加一但冇收切餅費，如果太子同旺角附近黎講，又想食海鮮呢個係一個唔錯嘅選擇，係性價比幾高嘅一間菜館…查看更多

好耐冇食海鮮喇，係網上睇到旺角海鮮菜館口碑唔錯，今晚同父母黎試下佢地海鮮質素🐟🐟去到時見到門面估計佢地都有一定歷史🤭餐廳環境符合一般中菜廳格局，提供約5️⃣0️⃣個座位，整體感覺乾淨衛生❤️店員們有禮貌，老闆娘親切友善👍🏻上菜前先奉上一小碟花生及每人一小碗辣椒豉油，仲有公筷同公羹🫶🏻點左個三人海鮮餐，每位$2️⃣9️⃣8️⃣ (另收茶位，茶芥及加一服務費）已包括前菜，湯品，海鮮同甜品==========🔹前菜：白灼韮菜花菜花好新鮮嫩口，完全冇渣只以少量豉油調味，食到食物原味道👍🏻==========🔹前菜：白灼海哲絲海哲切得好粗身，口感爽彈，調味恰到好處不過鹹😋==========🔹前菜：白灼鮮豬肚豬肚洗得好乾淨冇異味，豬肚口感爽滑，爸爸勁讚😆==========🔹杏汁豬肺湯每人一盅，每碗湯都有兩條菜膽，兩件豬肺及一件魚肚杏汁味非常香濃美味，調味剛好不過鹹菜膽新鮮嫩口🫰🏻==========🔹清蒸虎杉斑目測最少超過一斤的🐟，加上大量香口的蔥白魚肉雪白，食落非常驚喜，口感嫩滑彈牙，魚味重而不腥，食得出好新鮮🥰而且師傅功夫好到家，將魚蒸到剛剛離骨僅僅熟，掌握到咁好的蒸魚時間應該係好有經驗👏🏻蒸魚豉油不過鹹，更能帶出魚的鮮味爸爸媽媽表示非常滿意💯==========🔹豆豉果皮蒸南非鮑魚大量的豆豉鋪面，好香口，果皮味反而唔算好重鮑魚新鮮黏殼，口感夠滑夠彈牙😉==========🔹蒜蓉粉絲蒸日本元貝海量的蒜蓉及粉絲，調味同樣恰到好處蒜蓉極香，粉絲掛哂汁好好味平時係出面間中食到粉絲會乾會硬，但呢度完全冇呢種感覺，粉絲夠軟身濕潤又不過腍👍🏻元貝係完全黏殼，要花點力量及時間先可以將佢同殼分離，證明元貝極新鮮元貝鮮味十足，肉質有咬口😋==========🔹薑蔥霸王雞以大量蔥白鋪面，不過就唔係好覺有薑😅雞肉嫩滑，有口感的肉質👍🏻如果雞味再重一點會更理想😝==========🔹上湯浸時蔬加上蒜粒，杞子，芹菜的上湯菜心，絕不馬虎菜心鮮嫩冇渣，有淡淡的菜味，上湯夠鮮甜==========🔹精美私房甜品每人一碗的番薯糖水，薑湯略甜，番薯質素正常🆗==========整體用餐體驗很滿意，大部分食物質素都係水準以上，食材新鮮，廚師技巧到家，老闆娘好客🫶🏻埋單$1️⃣0️⃣5️⃣1️⃣，以呢個質素海鮮餐黎講都幾抵食🤩下次會再黎試下龍蝦餐😺…查看更多