大川滬

帶住阿女老公拍拖嚟到土瓜灣， 覺得肚仔餓，見到大川滬門面幾光猛乾淨， 唔使等位就入去坐低。阿姐服務態度好好，笑容滿面，即時準備bb櫈同餐牌，見選擇有困難既我們 ， 跟手阿姐介紹以下食品。真係好細心。嫩雞煨麵 （$58）- 真係好適合小朋友食，好香雞味，雞湯底。雞肉同菜切到細細粒， 雞肉好滑，面條索曬湯汁好林，但唔係爛。三歲人仔都食到小半碗。小籠包（4隻）$38-  皮薄餡靚，趁熱食，咬開會爆汁，充滿左湯汁，肉汁，好好味。鮮肉鍋貼 $40 - 皮厚左少少，但煎得好香脆，咬落去同樣好多肉汁（湯？）帶點少油，肉質鮮甜。上海炒年糕 - 份量都幾大碟，有冬菇絲， 菜絲，肉絲， 醬汁調味唔錯。年糕唔會痴住一大舊， 每塊都彈牙煙韌。老公都話正。紅油抄手（6隻）- 未食過好似乒乓波咁大粒既抄手 ，帶點甜味，個皮好滑。再點左個客飯滑蛋蝦仁，配白飯靚湯 例湯 紅蘿蔔粟米湯，賣相就一般，但好足料好好味架！蕎麥胚芽茶 $6/位 - 好清新，健康。 食咗好多肉同醬汁，飲返啖口氣回復清新。老公話一個人都可以食個客飯。食到勁飽都係300幾蚊, 服務態度又好，味道又好，下次要試埋糖醋魚或樟茶鴨。好期待…查看更多

好少機會經過土瓜灣， 今日揸車到附近買嘢， 晚上時分拍低架車周圍搵嘢食， 見到大川滬門面裝修得幾靚， 所以就入去試下。 這間上海菜館的菜式都幾多，價錢大眾化， 見到當晚都有很多熟客幫襯， 我就點了幾款不同的菜式，上海小籠包$38，香煎鮮肉鍋貼$40，花雕醉雞$68，川式回鍋肉$88，上海炒年糕$70，豆沙鍋餅$40， 豆漿。✨花雕醉雞～ 一上枱花雕嘅香味已經芬香撲鼻， 醉雞非常入味，肉質鮮嫩。✨上海小籠包～ 這裏的上海小籠包是我近期吃過最好吃的， 小籠包裏面嘅湯汁很好味， 這個是必點的！✨上海炒年糕～ 年糕煙煙韌韌我最喜歡吃， 炒得剛剛好不會太鹹。✨川式回鍋肉～ 少少辣非常惹味， 送飯簡直一流， 是我喜愛的上海菜之一。✨香煎鮮肉鍋貼～ 原本一碟有四隻，但是因為太肚餓的關係食食下先記得影相， 煎得金黃香脆的外層， 裏面有豐富的鮮肉汁， 配埋秘製的豆瓣醬非常好味。✨豆沙鍋餅～ 最後當然要食埋豆沙鍋餅啦， 這碟豆沙鍋餅烹調得很出色， 完全不油膩， 皮脆豆沙餡料不太甜。✨凍豆漿～ 豆味濃郁，又香滑。估唔到途經土瓜灣都會畀我發現到這間咁好味的上海菜， 下次有機會再嚟食。…查看更多

晚餐時間與太太路過餐館。負責人剛好在門口，說這裡的小籠包很不錯！反正很久沒嘗上海菜，於是進去試試，可能時間尚且早，沒太多人。我們點了蒜泥白肉，小籠包，蔥爆牛肉和上海炒年糕！等不多久就上菜，先來的是蔥爆牛肉，鐵板上，用料十足，牛肉很多而且肉質鮮嫩。小籠包一如介紹十在不錯，皮薄餡靚，美道鮮美！蒜泥白肉略嫌汁醬比較淡！最後係上海炒年糕，方形年糕味道十足，配以他們的豆瓣醬，十分美味！整體而言，另人十分滿意！下次要再來試試其他菜式！…查看更多

突然想食小籠包 又唔想離開土瓜灣區的話...可以諗諗依間。小籠包係經典的南翔小籠包，皮薄，有湯汁，不過略嫌豬肉有少少冰鮮味。炒年糕還不錯，味道適中。最好食係個鍋貼，有湯汁，香口。佢有套餐可以選擇，但二人餐無小籠包，得涼菜同小菜等，所以無試到。價錢同菜單同翡翠拉麵小籠包差不多，不過質素可能翡翠會高分少少。餐廳環境都幾好，座位同餐具都幾乾淨，又唔會迫，算大間。而且店員好好笑容，keep住幫你添茶。可以一試！…查看更多