翡翠拉麵小籠包

我一家人都十分喜歡在這裡用餐，這裡的員工都非常友善。當然，餐廳的食物質數也很高，小籠包非常美味，配上薑絲很完美，鍋貼也很好吃，My family and I are huge fans of this place. The staff is super nice and the food is great. The xiao long bao is very good with the shredded ginger is perfect. fried dumpling is delicious too. Highly recommended!…查看更多

一直喜歡食上海食物，咁岩係金鐘廊，見到翡翠就去吃一餐先！有期間限定新推出餐單，不過還是比較喜歡傳統的上海菜式。於是叫左上海小籠包，炸銀絲卷，燒椒小皮蛋及上海排骨拉麵喇 😂前菜小吃－燒椒小皮蛋🥚香辣醬油配上凍豆腐一起，非常好吃，小皮蛋係選用鵪鶉蛋，賣相精緻，一口尺寸剛好，推介！👍🏻👍🏻炸銀絲卷(一條)🥖醮上煉奶，簡單但好味，包面炸得岩岩好，口感脆脆的。上海小籠包(四隻)🥟湯汁充足，皮既厚薄適中，豬肉鬆軟。但是小籠包皮摺得層次不夠，略欠馬虎，美中不足。上海排骨拉麵🍜清湯加上芫荽，麵身爽。厚豬扒肉質軟， 炸得香口卻不熱氣 😁員工服務很好，食物保持水準。…查看更多

到訪翡翠拉麵小籠包不同分店很多次，寫食評還是第一次， 上海食店基本功一定是小籠包。上海小籠包，$42/4隻， 小籠包的皮要薄，夾上來時不能穿，也不能黏底，湯要多，最好是一口一個小籠包。這裏的小籠包合格。生煎小籠包，$52/6隻，很特別的菜式，小朋友喜歡吃，要追加一籠；蔥油乾撈拉麵，$54，好，乾撈比湯麵更考功夫；紅油抄手，$56/6隻，很辣，很大隻， 其實抄手應該是 一口一件更好；上海排骨拉麵，$70， 炸排骨，合乎水準；嫩雞煨麵，$70，可以；炸銀絲卷，$26，皮炸得很脆很薄，包一絲絲一粒粒，好吃。食物水準算中上，可惜經理的服務態度差一點。…查看更多

我家係翡翠常客，食過幾間分店，而金鐘分店不論平日夜晚定星期六晚都可以好快就入到座，連食物上枱速度亦都好快，但講到服務就比較一般。食物就保持到一向水準，較為喜歡有口水雞，炸銀絲卷同炸醬拉麵。茶位每位$8，以價錢黎講，每人一百都算幾抵食。口水雞 $78味道同譚仔口水雞比較相似，係麻辣個種，但呢個就再多啲花生，麻油香味同八角麻感係入面，啲雞又嫩滑又入味，辣得過癮。銀絲卷 (炸) $25其實同饅頭一樣，個佢呢個食落入面會有一條條嘅口感，外面炸到酥脆，面內裏軟熟，再加煉奶，真係好好味。炸醬拉麵 $60炸醬濃味同杰身，今次辣左少少，而麵就岩岩好，唔會好淋，但好辣得夠惹味。上海小籠包 $40一籠四隻，湯汁多，唔會好咸，但皮就略為厚左少少，所以，夾起時完全唔怕散。鎮江排骨 $65酸酸甜甜，屬正常水準。菜肉雲吞拉麵 $68湯清清地，有五粒雲吞，麵都係正正常常，無煮過火，有少許彈口。上海生煎包 $40有三個，底煎得好脆，唔油膩，幾好味，但汁就唔係話好多。…查看更多

-上海小籠包😋（$40）薄薄的外皮包著豬肉，一咬開就流曬肉汁出嚟，十分juicy👍🏻-櫻花蝦炒飯💕（$98）飯粒炒得好乾身，粒粒分明，櫻花蝦份量都算多，食落幾香🤗，金黃色嘅蛋炒飯 配上 粉紅色嘅櫻花蝦係飯面，色香味俱全，真係唔錯❤️-雞絲粉皮😎（$60)雞絲粉皮味道幾好，將青瓜🥒同雞絲切成幼細狀，粉皮厚身而且好滑😋，淋上好多濃郁嘅花生醬汁，食唔停口😆 但份量比較少😌-花雕醉雞 🐥（$74)依個花雕醉雞 真係好香酒味😍上菜果陣已經聞到陣陣酒香，肉質十分嫩滑，好好食😀同樣，份量比較少😌-京蔥爆牛肉🐮 ($95)依碟小菜十分香，牛肉食落鬆軟，牛肉份量都算多，牛肉炒到色香味俱全👍🏻十分入味❤️-櫻花綠茶🍹（$28）有幾片櫻花花瓣係飲品中，十分漂亮😋綠茶味比較濃，味道不錯☺️-檸檬薏米水☕️($20)味道酸酸甜甜☺️，十分清新，好開胃👍🏻-酒釀丸子😍（$33）酒釀丸子嘅酒味好重，十分香，而丸子好煙韌軟腍，好好食👍🏻份量好多，仲有桂花😆食落更清甜，十分推薦依個甜品😍必食💕-薑茶湯丸 👍🏻（$33)薑味十分突出，唔會太甜。有2粒大大粒嘅湯圓，咬開湯圓，好香芝麻味😋，好多芝麻餡料，湯圓皮好厚又煙韌，有口感，食落覺得好滋潤😆-…查看更多

每一次食翡翠拉麵小籠包都一定用APP拎定飛先，如果唔係唔使旨意有得食。今日又係12點左右拎左飛，大概一點鐘有位，LUNCH真係好趕，基本上一坐低都要叫野食，好在我地都叫慣叫熟，唔使研究個菜牌太耐。我地4個人叫左5樣野，加埋每位$8 茶芥，最後每人比$100。算正常價錢，不過留意返收錢姐姐既服務係零，都明白多人既，不過都冇必要食飽之後再食東南北麫。五香牛肉拉麵 $73有5大塊牛肉真係幾抵食，可惜個湯真係太清，完全冇味。好似食緊病人餐咁。糖醋雞球 $82呢個係見到隔離枱叫所以心思思叫左既糖醋雞球，其實即係咕嚕雞，呢個好香好味呀，酸酸地又夠熱，仲要因為係雞球完全冇骨，啖啖肉，又好味又好方便。上海炒粗麵 $86翡翠拉麵小籠包裡面既上海粗炒真係做得好出色，我未食過失手，份量多，麵多椰菜多肉絲多。椰菜唔會炒到好硬，麵又唔會林BB，重點係個汁好野味，小小偏咸，整體黎講都唔算太油,，可以接受。佢地份量係足以我地4人每人一碗半!!勁!!上海小籠包 (4粒) $40上海生煎包 (3粒) $40…查看更多

Honey話好想食小籠包，跟得男友XO仔當然係奉陪到底，收工立刻前往金鐘會合 ，一齊行去附近間「翡翠拉麵小籠包」。位於金鐘廊o既「翡翠拉麵小籠包」好方便，如果搭地鐡連街都唔洗出。店舖o既裝修用料、間隔同餐廳其他分店差不多，簡約、光猛、衛生，近窗及牆o既座位大多為梳化式卡位，舒適闊落，大堂中央o既六人散座就逼啲。兩口子其實係「翡翠」o既常客，只係未黎過金鐘分店而已。由於對餐牌內容都相當熟識，和藹o既服務生效率又高，所以不需多費時間已點好食物，小籠包亦於五分鐘內送到 。 上海小籠包（$36）：雖然連鎖店各分店提供o既菜餚都大同小異，但始終每個廚房o既師傅手勢有一定o既分別，同一款食品往往都有不同o既效果。金鐘「翡翠」o既小籠包外表看似冰冷無煙、皮層厚硬，但咬落卻又新鮮熱辣，外皮軟薄，餡料香嫩，湯汁量足 ，餐店主打點心果然冇失拖。 三鮮鯊魚骨湯泡飯（$76）：每次光顧「翡翠」，例必食嫩雞燴麵，不過honey話想轉吓口味試個泡飯，XO仔又點會異議呢 ？！所謂三鮮，原來係魚肉、蝦仁及海蔘；蝦仁同海蔘好爽脆，份量都好足。用鯊魚骨煮製o既泡飯味道清甜但較淡，小肥結果要加入其他餸菜o既蒜泥及醬汁加以調味。 花雕醉雞（$62）：醉雞已去雞毛，感覺衛生。雞皮香滑，肉質軟嫩，加上味道甘醇，比起其他分店做得更為出色。 蒜泥白肉青瓜卷（$58）：一客八件o既蒜泥白肉，外觀整潔鮮艷，每卷白肉皮層肥瘦分明，雪白晶瑩，蒜泥充足，卷中o既青瓜絲清脆爽口，美味尤甚 。 砂窩粉皮魚頭（$98半份）：Honey別號「辣椒魚后」，男友卻怕辣又怕魚，所以依味砂窩粉皮魚頭煲佢一早預咗自己要搞掂。小肥只敢少試滑嘟嘟o既粉皮，同用咗少少汁液送泡飯，覺得個味道都好香口，無奈情人略嫌窩物辣味欠奉，好明顯二人口味極之不同。食過咁多間「翡翠拉麵小籠包」，每間分店o既環境、服務、衛生及食物水平均屬高等，價格合理，似乎有一定o既信心保證。…查看更多

我跟爸爸一天晚上到金鐘的翡翠拉麵小籠包去吃晚餐。我們一共點了三道菜因為我們兩個人都不太餓。我們點了一個上海小籠包，蔥油拌麵，和乾煸四季豆。這三道菜都很美味，特別是蔥油拌麵。我們本來想點上海排骨拉麵，但是因為我們怕吃不下所以就沒有點。我覺得上海小籠包還不錯，但是我夠地道。我以前住在上海的時候，他們的小籠包裡面湯多得不得了，可是我覺得這裡的湯不夠。我特別喜歡蔥油拌麵因為他們做的蔥很香，麵很有口感。最後他們做的乾煸四季豆也很好吃，我覺得他們的肉做得很香，很咸，所以我覺得特別好吃。我對這家餐館很滿意，我下次一定會再光顧的。…查看更多

世事難料！緣份更是不到最後不知結果！  在我的朋友堆當中，有一對情侶！兩年前開始拍拖，兩者條件好！感情要好！我還一直期待他們的婚宴！ :)  怎料早前大約 6月中，我突然在 Facebook 收到她的觀禮邀請！她結婚了！當然可喜可賀！  卻嫁給另一個他！  我們一班朋友也感愕然！  而且，傳出這個好消息實在突然！覺得她急住嫁！那麼！大家都會有其他想法！....既然朋友一場，還是俾面出席吧！我們到達時中環紅綿道，陽光普照！ :)  整個觀禮過程大約半小時，十分倉促！ :(  怎料觀禮後傾盆大雨！我們等待細雨後才離開！連第三對新人也進場準備！這裡擠迫得水洩不通！:( 我們一行 6 人還要共用兩把雨傘，甚為狼狽！  :( 於是，我們沿著天橋，行過 ICBC 大廈、中銀大廈、然後，行到金鐘廊！大家都覺得 <翡翠拉麵小籠包> 適合口味！ 下午大約 4:30，這一帶星期日人流稀少，我們一行3人馬上安排入座，早已餓透的我們也忍不住立即打開印刷精美的餐牌！  大家看著數頁的餐牌，選擇多多！真令人有點煩惱！最後還是選擇大家想食的東西吧！ :) 店內裝潢簡約型格，闊落舒適！而且，地點方便！ :) 桌子上調味料齊備！由於桌子夠闊大，就算所有食物到齊也容納得到！ 雪菜毛豆百頁 $69一條條白雪雪的百頁，其實是豆腐皮！  食起來略帶嚼感！雪菜切得頗為幼細，淡口的百頁可中和重口味的雪菜，互相輝映！混合毛豆；整體口味清新！也值得一試的！ 鯊魚骨海鮮拉麵 $72 先來一啖湯，奶白色的湯底有鯊魚骨熬制增強層次，鮮味突出！  而且少油！確實不錯！還可預防骨質疏鬆！  海鮮包括魚肉、海參等，份量算是交足貨！ :)  魚肉鮮滑美味！海參則爽身！  上海排骨拉麵 $60 排骨鮮炸口感一流！ 上海排骨即是豬扒，分開上能保持質感香脆可口！  惹味得來不會一味死鹹！麵條滑溜又富有彈性！ 上海小籠包 $38 每粒飽滿卻大小不一，共有4 粒！:)用筷子夾起來沒有穿，很滿意！:) 一咬開薄而略帶柔韌的外皮，嘩！肉汁豐盈差不多滿瀉！ 略帶肥肉的新鮮豬肉！充滿鮮味！真令人回味！如蘸上醋會更有風味！…查看更多