貓之眼

營業中

休息中

上個星期去完日本旅行返黎，今個星期就已經思鄉。由於今日day off，所以好遲先食早餐，黎個late lunch，去試一試灣仔這間醬汁蛋包飯。平日兩點半到，已經唔駛排隊。佢地呢度野食選擇唔多，以幾款醬汁、幾款沙律同小食為主。入到舖，店員已經話漢堡扒賣曬。於是，我點咗蕃茄咖哩蛋包飯、三色腸同埋冷豆腐。「CAT’S EYE」地方好細，得十幾個位，裝修都ok，好似日本啲CAFÉ咁，不過因為佢牆係用白色，所以好多地方都已經污糟曬，例如係枱底果啲地方。廚房係OPEN KITCHEN，可以睇到師傅晌度整野。冷豆腐同我晌日本天丼食既差唔多樣，豆腐好滑，個豉油好味，配埋啲蔥食，味道同我晌日本食差不多啦。三色腸有芝士腸、豬肉腸同埋香草腸，個人覺得芝士腸最好食，其次係香草腸。主角蕃茄咖哩蛋包飯。蕃茄汁牛肉味唔重但係好有茄味，唔似得出面果啲獻汁咁， 十分OK。咖哩方面就係一般的日本咖喱，唔辣而帶甜，兩隻汁要黎配滑蛋都好掂，撈埋黎食又得。個米飯軟硬適中好好食。老實講，比我上星期去日本食果兩間還要好。仲有不得不提係佢地個辣醬好香，用黎撈飯一流，必試。試咁快就食曬成碟飯…跟住文台話陣間掛8號波，快快埋單搭車返屋企

今日同朋友在演藝睇完音樂劇之後想醫肚, 但雖然小妹在金鐘返工, 但對於金鐘同灣仔的食店也是否算太熟悉, 因為又貴又多人, 當然如果再遠一點的灣仔其實很多美食, 也有很多隱世小店, 朋友是哈日族, 所以上網搵了一下就找來這間蛋包飯了~~雖然位置唔太好找, 但其實就是在修頓球場的後面一條小巷, 不過如果不是有心找就難找一點, 不過近街口的有指示牌 (但當晚的那個反了方向, 幸好找到~); 在門口看到店雖小, 但感覺幾日本式及舒服, 入到去看座位不多, 但客人不算太多, 所以就安排了二人座, 通常這些小店都不會賣太多種類的食品, 就如拉麵店寫紙仔同枱號就得啦, 店員會到時端上來…….本來想試漢堡, 但今天已經售罄了, 所以無緣, 結果同朋友各自試了三色……..牆上寫著可以問店員取飲用水的, 朋友說日文字寫得好靚, 哈哈!! 而店員們都是著住有貓眼的TEE, 好得意!!! 如果沒太多人還可以看店家提供的雜誌……..招牌三色蛋包飯 ($78)~~~我選的是忌廉雞肉及濃茄牛肉, 雖然之前說戒牛了, 但又不想吃咖喱, 所以就選了!! 一上來好大碟啊, 希望我食得晒因為今早食得少, 顏色也很漂亮!!