泓居酒屋 (已結業)

朋友介紹喺尖沙咀嘅居酒屋，位於鬧市中比較隱蔽嘅廣東道apple store附近嘅中港中心17樓🙆🏼‍♀️上到去見到有幾枱客喺度，氣氛好而又唔覺得嘈，餐牌選擇又夠晒多，有選擇困難症嘅朋友可以試吓精選推介😙🌟三文魚海膽他他🌟$148強烈推介🙌🏻🙌🏻🙌🏻，三文魚蓉同海膽非常鮮甜😋，底部撈咗少少葱，進一步提升咗他他嘅鮮味，師父仲好有心思咁配埋薄脆魚塊，𢳂一羹他他放上脆魚塊，再點少少自家製蛋黃醬，咬一啖就滿咀都係海鮮嘅甜味🤤🤤🤤🤤🤤雞泡魚乾 $88好多居酒屋都有雞泡魚乾供應，呢度係少數做到有種焦香效果，而且上枱嘅時候仲熱辣辣，比起喺其他居酒屋食到嘅更加出色👍🏻𩶘魚湯牛肉烏冬$128奶白色嘅𩶘魚湯底好鮮味🤩，烏冬幼滑又彈牙，索晒d魚湯食到停唔到口😚串燒 (蘆筍豚肉、牛舌心、牛小排、翠玉瓜、大葱豚肉、手羽先) $48-$68特別推介蘆筍豚肉同牛小排❤️，蘆筍多汁冇渣，豚肉肥瘦適中，牛小排燒到脆邊又唔靭，大愛😍飲品 (巨峰提子、梳打荔枝梳打) $58/杯Drink list有好多日本酒，不過我哋兩個都唔飲得😝，叫返兩杯梳打可以解膩🍹為咗個他他，一定會再返來❤️❤️❤️

【尖沙咀】泓居酒屋 最近天氣唔穩定，落雨嘅晚上想搵一個靜靜地又坐得舒服嘅餐廳，坐低chill住飲下野同食啲輕食。中港中心頂層17樓居酒屋，一進門見到周圍擺放咗好多好靚嘅清酒樽，睇嚟係個暢飲清酒嘅好地方。🤩入座後每人上一份小前菜，我哋先嗌兩杯梳打再慢慢睇食咩。青蘋果梳打同日本乳酸梳打，兩杯都酸酸甜甜清爽又開胃。😆✨慢煮鮟鱇魚肝（大推！）我個人非常鍾意食鮟鱇魚肝，以慢煮方式令魚肝口感綿密細膩而且入口即化，醬汁用咗魚高湯，調味到位，好出色！🤤✨三文魚海膽他他擺盤好吸引，三文魚他他上放置咗海膽及魚籽，旁邊插住鱈魚乾😍。店員專登介紹底下嘅自家制蛋黃醬，顏色鮮黃味道濃郁👍🏻。我自己第一次配鱈魚乾，效果好特別，店員話送酒一流！食完啲開胃菜傾計下又肚餓，嗌咗串燒蠔同幾款壽司，賣相唔錯，魚生都好新鮮。👉🏻呢度位於17樓，日頭望出去風景應該唔錯，會好chill。見到海報寫手工啤全日買一送一，啱晒放工人士嚟鬆一鬆。✨✨泓居酒屋 📍尖沙咀廣東道122-126號中港中心17樓