中秋節仲有兩個幾月就到，各大餅店都紛紛開始預售月餅，OpenRice亦率先於上星期同月高陞合作，舉辦酥皮奶皇月餅工作坊，邀請咗一班會員一齊跟前半島酒店嘉麟樓點心部主管葉潤發師傳學整餅！
月高陞主理人為前半島酒店嘉麟樓點心部主管葉潤發師傅，入行逾40年，曾為多間五星級酒店及餐廳擔任顧問，2017 年推出自家品牌「月高陞」，除了推出手工奶皇月餅，亦會舉行工作坊開班授徒。
當日共有30位男女老幼嘅同學仔，由葉師傅親自教授，粉糰、奶皇餡師傅一早已為學員預備好，葉師傅全程講解及示範將麵糰搓皮包餡，然後就輪到學員落手落腳製作。過程唔算複雜，但部分細微步驟都有啲技巧架。
葉師傅不時傳授小貼士，好似點樣處理材料及粉糰為之最佳、製作月餅用料、翻熱方法等等，同學仔們都好用心聆聽同乖乖寫筆記，而且課堂用嘅係家用焗爐，學晒所有竅門，返到屋企都可以再整。
葉師傅更親自整月餅俾同學仔試味，除了招牌酥皮金沙奶皇月餅，更有朱古力口味，連奶皇都有得試食。葉師傅仲同我哋分享自家品牌同過往趣事，有得食有得玩仲有故仔聽，所有徒弟都爭住同葉師傅影相留念！
同學仔嘅作品，賣相一般但餡料一定好味嘅！
同學Bobo同Tree話，覺得師傅教得好，實用而且易整，有興趣上埋紫薯月餅班添！
當日上堂所有同學仔有自己親手焗嘅12個月餅，仲有月高陞月餅一盒，包括埋最新推出嘅日本稀少糖酥皮金沙、金絲千層奶皇月餅。真係全港率先擁有，市面上都冇得賣架。嚟緊8月仲有一場親子班，密切留意OpenRice公佈，同小朋友一齊學整月餅過中秋啦！
大家仲可以優惠價$277購買日本稀少糖酥皮金沙奶皇月餅,優惠期至8月8日咋!
在此購買：https://s.openrice.com/Qrbx0l7K000
文、相：Perrins