香港嘅夏天一係就悶熱到唔想郁，一係連綿大雨搞到無心情出街？搵個理由畀自己約朋友出街啦，例如係一齊去食夏日主題自助餐！開飯仔幫大家搵咗呢四間酒店餐廳，都有提供以水果做主題嘅下午茶自助餐，色彩繽紛味道清甜，等味蕾過一個最清新Juicy嘅夏天！
 

週末嘆繽紛水果甜品　　add@Prince

各款時令水果變身精緻甜品！尖沙咀呢間餐廳逢週末供應鮮果下午茶自助，雜莓沙巴翁、提子白酒啫喱同士多啤梨蛋糕等唔單止賣相吸引，仲可以一邊補充維他命一邊滿足甜品胃！另外仲有廚師即製香脆窩夫配Mövenpick雪糕，保證夠Sweet。

繽紛鮮果下午茶自助餐
供應日期：即日起至2017年9月30日逢星期六、日及公眾假期
供應時間：15:15 - 17:30
 

DIY鮮果芭菲+梳乎厘班戟　　1+1 吧

唔少人都鐘意食芭菲，沙田呢間餐廳新推出嘅甜品自助餐就畀大家自選唔同Häagen-Dazs雪糕，配搭鮮果、馬卡龍、朱古力等配料DIY自己嘅芭菲杯！仲有菠蘿椰子奶凍、香芒拿破崙、紅桑子朱古力軟心蛋糕等一系列鮮果甜品同即製梳乎厘班戟同樣係任食！

盛夏鮮果嘉年華甜品自助餐
供應日期：即日起至2017年8月31日
供應時間：14:30 - 17:00
 

 
日本白桃甜鹹美食　　咖啡亭

想食得專啲？尖沙咀呢間餐廳就以日本山梨縣白桃為主題，有16款鹹點同甜品任揀，包括漬醃白桃海鮮杯、意大利香腸芝士白桃薄餅、白桃忌廉蛋糕、白桃芝士迷你卷蛋、白桃小丸子等。冰顉海鮮同新鮮刺身呢啲回本位當然亦唔少得啦。

日本白桃の戀下午茶自助餐
供應日期：即日起至2017年9月30日
供應時間：星期一至五15:00 - 16:30；星期六、日及公眾假期15:15 - 17:00
 

夏日特色水果甜品　　馬哥孛羅咖啡廳

夏日炎炎，各位甜魔熱到連甜品都無胃口？No way！呢間位於尖沙咀嘅餐廳同樣以水果做主題，供應士多啤梨拿破崙、檸檬乳酪配果醬、意大利乳清芝士蛋糕配西柚、覆盆子荔枝慕斯蛋糕同椰子燉蛋等清爽怡人嘅甜品。

夏日水果下午茶自助餐
供應日期：即日起至2017年8月31日逢星期六、日及公眾假期
供應時間：15:15 - 17:15

文：Cathy