香港有唔少夜鬼，都有個共通嘅問題，就係：為何深宵總是餓？然後就引申另一個問題，夜麻麻去邊度搵食？唔通次次都淥個杯麵咩？唔使煩，各區都有唔少深夜食堂，開飯仔同你哋逐區去食宵夜！今次帶大家去大圍覓食，唔一定要出到市區先多深夜食堂嘅~
西班牙菜Bar 風車 
唔好以為酒吧只可以飲酒吹水呀！呢間酒吧食宵夜都一樣咁高質！除咗特色Cocktail同Mocktail，西班牙菜都好受歡迎！特別介紹西班牙脆皮乳豬配彩椒汁，乳豬皮夠脆，肉質又腍身，配上鮮甜清新嘅彩椒汁，真係相當Match呀～
收舖時間：04:00
優惠券﹕生啤及杯裝紅，白及有汽酒買一送一
意式深夜約會 M3 Italian
想帶另一半嚟個深夜約會？！呢間餐廳環境寬敞，而且仲夠晒情調！餐廳主打Fusion意大利菜，提供Pizza、意大利麵、牛扒等，食肉獸不妨試下佢哋嘅安格斯肉眼扒，煎嘅坑紋夠晒靚，而且嫩滑又有肉味。
收舖時間：星期一至六 03:00；星期日 22:30
刁鑽牛肉部位 616牛肉火鍋專門店 
餓到食得落隻牛嘅話，呢間主打牛肉火鍋嘅餐廳就真係不二之選。餐廳嘅牛肉來自不同產地，包括澳洲、日本、本地等。而提供牛肉部位亦相當少見，好似牛腩心、滑尾龍（牛嘅後腿肉）、牛扑肉（牛頸）等，每日限量供應呀！最近驚咗出街打邊爐？可以考慮外賣自取買返屋企慢慢嘆，仲有8折優惠啊！
收舖時間：02:00
訂座優惠﹕正價88折 單點餐牌
外賣自取﹕買返屋企慢慢食！人氣牛肉火鍋專門店8折優惠
「芝」味串燒食堂 大圍168串宵
講到宵夜，又點可以少得串燒呢！呢間串燒店提供嘅串燒超過50款，有唔同嘅肉類、海鮮、蔬菜等，最正係有三重芝士系列呀！例如三重芝士燒雞軟骨、三重芝士燒原隻帆立貝等，啱晒各位芝士控啦！
收舖時間：02:00
超過50款配料 顯徑車仔麵
圖﹕嘉菲cc
想簡簡單單醫飽個肚嘅話，食車仔麵就Perfect啦！呢度嘅車仔麵配料真心多，超過50款畀你揀，有即炸魚皮、瑞士豬頸肉、秘製魚餅、手工韭菜餃等；而且仲有特色麵，例如油渣麵、炸醬麵等，絕對唔係一間普通嘅車仔麵店呀！
收舖時間：02:00
文﹕Kiko
