中環歌賦街一向都係美食集中地，最近又有一間不一樣的餐廳進駐！呢間咖啡店結合營養顧問、健康輕食及運動元素於一身，由英國註冊營養師石芷因（Tiffany Shek）開設。Tiffany打造呢間健康飲食概念空間，主要想透過唔同嘅輕怡菜式及特色飲品增強營養元素，打破健康飲食係難以實行嘅傳統觀念，即使出街食飯都可以輕鬆達成營養目標～另外餐廳亦會提供一站式營養顧問服務！

Avocado Toast ($128)

用原個牛油果，加入以乾蔥及蒜頭的醬汁及秘製烤杏仁製成牛油果蓉，無加入牛油及橄欖油，減少脂肪含量，配以新鮮焗製嘅高纖全麥酸種麵包。推介配上自家製少鹽純素泡菜食用，增添味道層次。

The GOS Yoghurt Bowl ($98) 

內含奇亞籽、新鮮水果、麥片、自家製果醬及杏仁奶。杏仁奶以益生菌進行發酵，48小時過後變成乳酪，從中可攝取到大量益生菌，有益腸道健康。 

Soup-er (Veggie) Dumplings ($88)

餃子以椎茸菇及豆腐等作餡料，湯底以新鮮及風乾嘅椎茸菇、白蘑菇、昆布及蟲草花熬製約 6 小時的，味道清甜，可有助降低膽固醇。

GOS Salad ($128)

有別於一般嘅沙律，因為坊間沙律醬汁油份普遍較高，如果走醬又會缺乏其他營養素，錯失蛋白質及五穀類營養，所以餐廳特別加入以新鮮杏仁調製嘅醬汁，帶來不一樣的清新感。

除咗輕食健康之餘，就連飲品都好講究，主打以新鮮食材炮製嘅五款奶昔($78)，每一款奶昔都有唔同功效，奶昔比起一般冷壓果汁較健康，因為保留咗水果所有纖維，飽肚感更持久，亦有助穩定血糖及降膽固醇，適合當作餐同餐之間嘅小食或於做運動前後飲用。 

Berry Good係由黑莓、士多啤梨、乳酪、蜜糕及杏仁奶等打成，富有天然的抗氧化劑，可有助改善皮膚， 保持肌膚彈性。Follow Your Gut包括芒果、薑黃、乳酪、杏仁奶、肉桂及大麻籽，富含益生菌及可溶性纖維，可增強腸道健康。

Beetroot Cacao Latte($50)

Grain Of Salt

地址: 中環歌賦街47號地舖

文、相: Yanica