呢排個個因為疫情而唔太敢出街食飯，不過有時都想約吓朋友Gathering，日日喺屋企食都唔係辦法～今次開飯仔一於介紹五間有露天座位嘅餐廳，日本菜、西餐、日式放題至文青咖啡店都有，天氣涼涼地就最啱，空氣流通啲，食都食得放心啲啦係咪？
樓上泰國菜及酒吧 泰斗 
主打正宗泰國菜，設有半露天茶座，可邊食邊觀賞九龍公園景色，食泰菜都食得寧舍chill～菜式由泰國藉廚師班底主理，選擇都好豐富，包括招牌咖喱肉蟹、泰北冬蔭烤鉗魚、鴨肉生菜包等。
圖: 高夫人、iameatproduct
玩味創新西餐 LAB EAT Restaurant & Bar 
好有「玩味」嘅西餐廳！由曾任多間Fine dining嘅資深大廚領軍，更有出身自米芝蓮星級食府嘅甜品師傅同資深調酒師聯合主理，以大膽實驗形式煮出多款菜式，如海膽蟹肉意大利麵，加入蟹膏醬及一絲絲蟹肉，鮮甜又惹味。餐廳分有室內及戶外區，戶外用餐區以白色餐桌椅為主調，簡單又舒服。
圖: 過萬呎海景放題 品川日本料理
有露天座位嘅日式放題真係少見啲！呢間位於荃灣嘅日式放題佔地過萬呎，可以飽覽無敵海景，而且位置相當闊落。食物方面，供應過百款食物、甜品及飲品無限量供應。熟食方面反而表現唔錯，如黃金燒帆立貝、芝麻雞翼及鹽燒油甘魚頭腩等。
豪宅區東南亞菜 Chilli Lime
主打東南亞菜靚景餐廳，供應菜式由印度、泰國至馬來西亞菜都有。當中以印度菜表現最出色，如即叫即做嘅印度烤餅，外脆內軟；而印度烤雞肉香料味突出。而且呢度嘅戶外區帶埋毛孩嚟都無問題！
圖: stellaatzoo
咖啡迷必去 唞唞
如果想飲一杯高質咖啡，呢間位於西九文化區嘅文青咖啡店就啱晒，每杯咖啡都可以選擇唔同嘅咖啡豆，仲有得揀自己鍾意嘅咖啡杯，對咖啡控嚟講絕對係一個好好嘅體驗。而且呢度一樣可以帶埋毛孩嚟邊玩邊「嘆啡」㗎。
圖: 文: Yanica