就快到白色情人節，但疫情仍然嚴峻，大家都係留喺屋企二人世界安全啲。開飯仔今期為大家搜羅人氣西餐廳嘅外賣自取優惠，等大家安全抗疫之餘，亦可以慳慳地嘆個豐富嘅浪漫晚餐。
【7折】指定單點菜式 FAB Kitchen（荔枝角）
圖：餐廳（FB）
呢間西餐廳雖然做街坊生意為主，但出品一樣精美。好似德國鹹豬手咁，切好晒配埋沙律菜同酸椰菜，味道比一般配薯角嘅light啲。而家用優惠價外賣「全日二人套餐配德國鹹豬手」，有埋沙律、湯品、主菜、配菜同飲品；主菜有龍蝦汁燴意式粉糰配蟹肉、香草烤雞胸意粉、烤澳洲M5和牛肉眼扒等選擇，再配埋德國鹹豬手都幾豐富。
【7折】指定單點菜式 La Postre（元朗）
圖：西班牙菜有唔少海鮮料理，好啱海鮮控情侶外賣撐檯腳。呢間西班牙餐廳嘅菜式分量十足，而且有傳統同新派口味，例如西班牙海鮮飯、松葉蟹奶油芝士意粉、香辣青檸凍蜆等。現時4間分店中，元朗店有外賣自取服務，多款主食、小食同飲品都有優惠㗎。
【75折】全部菜式 Amaroni's New York Italian Restaurant & Café （旺角 ＋九龍塘）
圖：呢間意大利菜餐廳走美式風格，以方形薄餅同意粉作招徠，重有「正常」同「加大」分量畀你揀。餐廳用新鮮進口嘅食材炮製海鮮濃汁波士頓龍蝦意粉、香燒露絲瑪莉棒棒雞等菜式。想試傳統口味嘅話，車厘批係呢度嘅經典菜式之一，將茄醬、車厘茄、辣肉腸等配料鋪喺自家製作嘅餅底，口感煙韌唔油膩。
【75折】全部菜式 JW咖啡室（金鐘）
圖：餐廳官網
唔知大家有冇掛住酒店自助餐呢？JW咖啡室而家外賣自取嘅單點菜式，同自助餐一樣橫跨歐亞口味，喺白色情人節揀香草橙皮醃漬三文魚、蟹肉粟米蛋花羮、泰式青咖喱大蝦、炭燒美國安格斯肉眼扒等西式啲嘅菜餚，咁喺屋企都有多元化嘅酒店級享受啦。
圖：餐廳（FB）
呢間餐廳嘅多國菜比較香口惹味，唔同分店嘅外賣自取菜式都有少少分別，觀塘以意粉為主，黃埔店就有埋招牌葡式香辣燒雞同炸魚薯條等佐酒小食。如果點燒雞嘅話，配搭蘑菇番茄意大利扁意粉等輕盈啲嘅菜式，則可以平衡多肉嘅感覺。
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
^即減HK$10優惠條款及細則：https://bit.ly/3sWJJ3P
文：Cathy.Ｃ
