唔少人都鍾意去東南亞旅行，泰國曼谷就係其中一個熱門旅遊點，每日瘋狂Shopping、做massage、食好西是常識吧。開飯仔專誠搵咗泰國當地嘅同事為大家搜羅在地人最推介嘅美食！
近年大熱嘅珍珠奶茶，並唔係台灣或者香港嘅專利，曼谷一樣都有，除咗最近登陸香港嘅Cha Tra Mue之外，去到可以試下呢幾間，暫時都淨係得曼谷先有嘅珍奶店啊！
必試推介：焦糖珍珠奶茶 (125 THB/杯)
要數泰國熱門嘅甜品店，After You一定上榜。由2007年開設第一間店起，佢哋嘅蜜糖吐司已經吸引過無數咁多個foodies。Menu上每道菜式都同樣咁受歡迎，特別係焦糖珍珠奶茶，除咗珍珠之外，仲有黑糖啫喱，口感豐富。
必試推介：招牌奶茶(75 THB/cup) 、Moji Bearhouse boba (10 THB/shot)
呢間珍奶店好新呀，今年4月先開始試業咋，但就火速紅起上嚟，門口長期有條人龍。創辨人係平時主力分享飲食、旅遊等生活資訊嘅YouTuber：Bear Hug。佢最鍾意就係飲珍珠奶茶，終於自己開埋間舖。呢度嘅招牌作係佢哋自家研發、以泰米粉製作嘅Moji boba。
必試推介：黑糖珍珠奶茶 (75 THB/cup)
呢間既係一間茶飲店，亦係一間賣衫嘅舖頭。招牌飲品首推熱朱古力配自家製棉花糖。而黑糖珍珠奶茶則係舖頭最推介嘅，仲可以on top加配燒棉花糖添，甜魔大愛。
必試推介：招牌奶茶(150 THB/cup)
呢間甜品及飲品店，2017年開業，上年因為火焰奶茶而爆紅，到而家總共有5間分店，無論係當地人定遊客都會慕名而去，想去試嘅話記得預多少少時間，要排長龍啊。佢哋嘅招牌奶茶有齊黑糖珍珠同黑糖布丁，仲有啲鮮忌廉同火烤過嘅黑糖喺面，有啲似焦糖燉蛋嘅感覺。
必試推介：招牌珍珠奶茶(95 THB/cup)
Mr.Shake可以話係泰國珍珠奶茶店嘅始祖，1999年開業到而家有成廿年歷史喇，全曼谷都有唔少分店，而Mr. Shake Beyond則係唯一一間有賣premium奶茶同特飲嘅分店。招牌招牌珍珠奶茶仲有層奶泡喺面添。
必試推介：阿薩姆奶茶手作珍珠 (75 THB/cup)
由日本人開設嘅café，開業約2年，有近七成嘅茶品都係由日本進口，香滑有水準。佢哋喺Siam Paragon開嘅第一間概念店相當受歡迎，而家喺Siam Paragon對面嘅Siam Square One亦有多一間分店，同樣都有高質日本茶同埋煙韌有嚼勁嘅珍珠提供！