【唯一新上榜摩登懷石料理】虎白
繼神楽坂 石かわ後，虎白今年亦成功進占三星榜上，成為飲食集團一龍三虎堂旗下第二間三星餐廳。虎白嘅店主小泉功二就係集團社長石川秀樹嘅左右手，而虎白就供應創新嘅懷石料理，既勇於改良菜式，亦保留咗日式料理嘅靈魂，米芝蓮仲大讚喺虎白用餐體驗流暢。
地址：東京都新宿區神樂坂3-4
電話：03-5225-0807
圖片來源：TOKYO CALENDER
【奧巴馬都食 日本壽司之神】數寄屋橋次郎本店
主廚小野二郎被叫得做壽司之神，來頭當然唔細。佢今年90歲，係世界上年紀最大嘅三星主廚，出名非常認真，幾十年嚟拒絕煙酒，就係為咗令雙手唔會有其他氣味影響到手握壽司。難怪當奧巴馬訪日嘅時候，首相安倍晉三亦特登安排到呢間壽司店。老師傅嘅故事仲被拍成紀錄片《壽司之神》(
地址：東京都中央區銀座4-2-15 B1樓
電話：03-3535-3600
圖片來源：數寄屋橋次郎本店
【高級河豚料理】臼杵ふぐ 山田屋
ふぐ即係日文嘅河豚，顧名思義臼杵ふぐ 山田屋提供河豚料理。喺臼杵市嘅本店係百年老店，由山田淺吉於1905年創立，第二代改以河豚為主，而家已經係第三代。東京分店供應嘅季節會席一樣嚴謹，無論係河豚又或者係其他搭配時令食材都經過嚴格挑選。
地址：東京都港區西麻布4-11-14
電話：03-3499-5501
圖片來源：臼杵ふぐ 山田屋
【屈機主廚坐陣新式法國菜】Joël Robuchon
Joël Robuchon係主廚嘅名亦係餐廳名，而呢位主廚厲害嘅程度可以用屈機嚟形容：同名餐廳得到三星，另外同一系列比較休閒嘅L’Atelier de Joël Robuchon 同La Table de Joël Robuchon得到二星，而佢兩位徒弟開嘅Ryuzu同Le Coq亦分別係二星榜同一星榜各占一席位！Joël Robuchon係當中最高級嘅餐廳，走現代法國菜風格。
地址：東京都目黒區三田1-13-1
電話：03-5424-1347
圖片來源：lennardy
【隱世傳統懷石割烹料理】牧村
牧村開喺住宅區旁邊，真係經過都未必留意到呢間米芝蓮三星。餐廳堅持傳統懷石料理嘅精神，例如食材同季節嘅配合，菜式嘅賣相同上菜次序亦非常精緻同講究。小店以割烹，即係廚師親自到餐枱前即席操刀嘅方法烹調美食，又係另一番和式體驗。
地址：東京都品川區南大井3-11-5
電話：03-3768-6388
圖片來源：Savor Japan
【正宗傳統赤醋壽司】鮨 よしたけ
位於銀座嘅鮨 よしたけ，佢地嘅壽司飯會呈紫紅色，因為飯裡面加咗赤醋。赤醋原材料係兩種成熟度達四年嘅清酒，微酸之餘仲有種陳醋嘅芳香同回甘。用赤醋代替壽司醋係傳統江户前壽司嘅特色， 配合有超過30年經驗主廚吉武正博嘅手藝，難怪可以蟬聯三星。首間海外分店就喺香港！
地址:東京都中央區銀座8-7-19 3樓
電話:03-6253-7331
圖片來源：Narinari
【追求日本料理之醍醐味】神楽坂 石かわ
可以繼續蟬聯米芝蓮最高嘅三星榮譽，神楽坂 石かわ嘅店主同主廚，亦即一龍三虎堂嘅社長石川秀樹當然功不可沒。餐廳只有七個座位同四個獨立廂房，為嘅就係等主廚可以專心為客人烹調懷石料理，先可以將和式料理當中嘅醍醐味，即係最純粹最高級嘅味道帶出嚟。
地址：東京都新宿區神樂坂5-37
電話：03-5225-0173
圖片來源：KENZO STATE
【連續九年三星和風料理】神田
主廚神由裕行先喺大阪料理店修業，23歲嘅時候再去巴黎擔任料理長，五年後返日本再喺青柳跟住日本料理之神小山裕久做咗13年先自己開業，手藝之高可想而知。04年開業，08開始到16年連續九年獲得三星肯定。能夠堅持良好品質，或者呢種就係日本職人嘅專業精神。
地址：東京都港區元麻布3-6-34
電話： 03-5786-0150
圖片來源：神田
【抵食三星日式Fusion菜】えさき
大部分米芝蓮三星餐廳都係高級餐廳，平凡人未必捨得一擲千金，而えさき價錢就相對相宜得多，按米芝蓮嘅資料，Dinner set最平都係 ,880。主廚江﨑新太郎以新派日本料理為主，將日本天然食材用最合適嘅方法演繹，而方法有混合日式同法式。
地址：東京都澀谷區神宮前3-39-9
電話： 03-3408-5056
圖片來源：ぐるなび
【飛躍進步新一代壽司之神】鮨 さいとう
如果米芝蓮都有飛躍進步獎嘅話，鮨 さいとう嘅主廚齋藤孝司應該都有一個，從08年初奪一星，09年躍升二星，到09年到而家一直保持係最高嘅三星位置！被封為新一代壽司之神嘅齋藤孝司，厲害之處就係在於佢嘅精準，無論握功，對食材嘅了解同平衡都準確無誤。
地址：東京都港區六本木1-4-5
電話： 03-3589-4412
圖片來源：WEB GOETHE
【傳統京都料理之味】麻布幸村
主廚幸村純喺京都修練廚藝25年，所以麻布幸村嘅料理亦以傳統京都料理文化為基礎，加上幸村純擅用四季當造材料，所以唔同季節去麻布幸村都有新享受。其中以松葉蟹之中最高等級，被喻為一世人一定要試一次嘅人間極品嘅間人蟹最受食客追捧。
地址：東京都港區麻布十番1-5-5 3樓
電話： 03-5772-1610
圖片來源：TOKYO CALENDER
【傳奇主廚不敗法國菜】Quintessence
主廚岸田周三今年年紀只有41歲，但已經係東京最傳奇嘅法國菜主廚之一，因為佢年輕時到法國鑽研，29歲就成為巴黎米芝蓮三星餐廳L'Astrance嘅二廚。而佢回流日本後喺08年佢33歲嘅時候得到米芝蓮三星殊榮，成為當時最年輕三星主廚。餐廳餐牌一個字都無，皆因岸田周三堅持用新鮮食材，加上細緻嘅烹調同調味為客人送上美食。
地址：東京都品川區北品川6-7-29
電話： 03-6277-0090
圖片來源：editeur エディトゥール
【和式料理嘅無限可能】龍吟
龍吟嘅主廚山本征治同神由裕行一樣，師承日本料理之神小山裕久，而小山裕久係其中一位將分子料理手法加到日本料理嘅先行者之一，所以山本征治亦專注於尋找日半料理嘅各種可能性。所有時令食材，落到山本征治手中都可以創造新驚喜。喺香港嘅分店亦有二星。
地址：東京都港區六本木7-17-2
電話： 03-3423-8006
圖片來源：ぐるなび
隨時接收最新資訊
讚好OpenRice專頁！
關鍵字
東京，米芝蓮，2016
複製到剪貼簿