最新一屆嘅米芝蓮，啱啱喺上星期公佈咗，相信唔少朋友都會想拎住份名單，跟住去試好嘢，但又擔心銀包會負荷過重？咁又唔係間間星級餐廳都咁貴嘅，有啲重有折𠻹！即刻跟住開飯仔搵食~
連續多年獲得一星殊榮嘅明閣，匯聚世界各地嘅美食精華，以供應高級粵菜同點心為主。最近推出咗個賀年一品煲，材料包括原隻鮑魚、花膠、海參、花菇、蠔豉、瑤柱、水雲、鵝掌同生菜，並以香濃鮑魚汁熬煮而成，又足料又鮮味。現可使用OpenRice優惠券，以港幣1,388元(四位用) 或港幣2,688元 (八位用)享用過肥年。
優惠券：米芝蓮明閣賀年一品煲 (按此)
同樣都係多年獲一星嘅逸東軒，以經典地道嘅傳統手工粵菜作招徠，呢輪午巿點心$38起，使用OpenRice優惠券更可以7折享用午巿主菜單。多款招牌菜如明爐蜜汁叉燒、脆皮燒腩仔、二弄玻璃蝦球等，都要花費唔少功夫。以二弄玻璃蝦球為例，就用咗兩種方法去炮製虎蝦：油泡蝦球，口感彈牙；咕嚕蝦球，則香脆酸甜。
優惠券：米芝蓮逸東軒午市主菜單 7折 (按此)
新年已經冇得出街食，想食好啲可以諗諗米芝蓮必比登推介嘅潮樂園。呢間潮州打冷店推出「鮑參金蠔潮式盆菜」，喺傳統盆菜配搭中，加入多款潮式元素。14款食材中，既有一級烏禿海參、流浮山金蠔、蠔皇鮑魚同南非花膠，亦有米芝蓮滷水鵝、滷水豬手等。而經OpenRice購買餐飲券嘅話，唔止可以低至86折嘅價錢享用，重有多支酒體圓潤、果香濃郁嘅阿根廷紅酒𠻹啊。
餐飲券：
86折 米芝蓮師傅呈獻 鮑參金蠔潮式盆菜 (6-8位用) + 阿根廷Bodega Monteviejo Festivo Malbec紅酒1枝 (按此)
91折 米芝蓮師傅呈獻 鮑參金蠔潮式盆菜 (10-12位用) + 阿根廷Bodega Monteviejo Festivo Malbec紅酒1枝 (按此)
連續4年得到米芝蓮街頭小食推介嘅榴槤樂園，絕對係榴槤控嘅天堂。作為全港首間榴槤主題餐廳，呢度唔止有原個榴槤提供，亦有多款自家製嘅榴槤甜品同飲品。購買OpenRice餐飲券，更可以低至71折嘅價錢，慢慢嘆貓山榴槤肉，口感綿滑，啖啖甘香。
圖：餐飲券：
71折 榴槤控必試真空包裝貓山榴槤肉(400g) (按此)
$100 現金券 特色榴槤美食9折現金券【榴槤樂園】 **無限兌換** (按此)
文：Kar
