愈難過嘅日子，愈需要互相守助。從開業起就致力策動長者就業嘅社企銀杏館，喺即使要停堂食、停晚巿，樣樣都煞停嘅時候，惟獨就係派福飯一直冇停過。
圖：餐廳經理Ricky表示：「風雨中，繼續堅持派福飯。」呢份堅持，嚟自佢哋嘅信念：無論晴天雨天，人人都要食飯。於是，員工們做好自身嘅防護措施後，就繼續準備福飯，有湯、有餸，上環店就更加有素食供應，為有需要嘅朋友提供溫飽。最近喺派飯嘅同時，佢哋更送出快速檢測劑畀弱勢嘅基層。
圖：而銀杏館Facebook分享咗其中一個伯伯嘅故事，82歲嘅伯伯收到檢測劑但表示唔識用，拎返畀員工，即使員工嘗試細心解釋，但伯伯都係話搞唔掂，重話：「實際啲有個飯盒食仲緊要，周圍都閂咗門，個個人都好驚，呢啲時候我哋就無乜人會理架喇，好彩仲有你哋，我就最驚連你哋都閂埋門……」
伯伯嘅故事印證咗餐廳「人人都要食飯」嘅信念，不過喺其實餐廳自己都係咬緊牙關咁去經營時，重要維持派飯服務，實在唔容易，更加難得係佢哋仍然喺Facebook不斷發放正能量，鼓勵大家保持平和心態，保持有愛。
圖：位於油麻地嘅分店，以越南菜為主，生牛肉湯河、撈濛等水準不錯，深受食客歡迎；香辣肉碎生菜包層次豐富，非常惹味。而上環店則主力供應素食，更以多款仿肉製出雜扒餐，食落啖啖豆香。
銀杏館
油麻地分店地址：油麻地彌敦道385號平安大樓1樓20號舖
銀杏館愛心行動 (按此)