外賣自取大激賞!灣仔人氣車仔麵指定食品7折 $28牛孖筋拼豆卜麵
2022-11-23

經過差唔多三年疫情,唔少人都習慣咗外賣自取買返屋企食呢個用餐模式啦~唔少餐廳都不定時推出外賣優惠,今次繼續介紹5間畀大家,有好多選擇嘅港式車仔麵、茶餐廳、小鍋米線專門店、日式連鎖拉麵店同西餐廳,睇下邊間啱你食!

十兄弟車仔麵 (灣仔) 指定食品7折

一間超多配料選擇嘅車仔麵店,而且好多配料都好用心製作。如勁腍牛孖筋,每一件都大大舊但炆得好入味好腍,配埋佢哋嘅辣椒醬仲正,加埋豆卜索晒腩汁真係一流呀。台式豬腩肉拼麻辣蓮藕麵都推介,豬腩肉肥瘦相間,食落唔油膩,一樣好入味~麻辣蓮藕真係幾麻,加埋爽脆嘅蓮藕愈食愈過癮!另外想食返啲傳統嘅餸,都有鹵水雞中翼拼紅腸麵等,最重要係三款麵都係$28咋。


和順記 (荃灣、天后) 指定食品7折

呢間餐廳最出名一定係佢哋嘅神級雞髀皇飯!叫得神就梗係唔簡單,雞髀可以選炸脾或瑞士汁鹵雞髀,炸髀雞皮好薄好脆冇肥膏,雞肉非常鬆軟嫩滑仲好juicy,有9款唔同醬汁如沙嗲、黑椒、麻辣汁等,真係爆卡都要食呀。另外神級吉列豬扒飯同日式汁煮豬手飯都好出色,前者香脆,後者送飯一流!


Délifrance (荔枝角、灣仔、中環、赤鱲角、荃灣、沙田、銅鑼灣) 指定食品7折

平民法式連鎖餐廳,如果想平平地食下西餐係個唔錯嘅選擇~卡邦尼煙肉芝士炒意粉質素唔錯,味道好香濃得嚟唔會太鹹,食晒成個都唔膩,意粉軟硬程度啱啱好。另外推介焗椰香雞野菌飯,一入口就陣陣椰香,野菌味都好香濃,啱晒唔想食太多肉嘅朋友!


味千拉麵 (全線分店) 指定食品7折/8折

日式連鎖拉麵專門店,除咗拉麵外都有唔少丼飯同小食。如生薑豚肉丼定食配前菜+豬骨湯,丼飯好大碗豚肉嘅份量都好多,味道鹹鹹甜甜好有日式風味。小食嘅話金菇牛肉卷、日式炸雞同北海道薯餅都推介,另外仲有多款日式美食揀呀~


貴緣小鍋米線 (紅磡) 指定食品7折

喺紅磡一間街坊米線小店,喺米線關注組都幾有人氣㗎。除咗平時常見嘅酸辣、麻辣同番茄等口味,佢嘅青花椒麻濃湯都幾有特色,一入口花椒味就勁突出,然後會感受到陣陣麻香,好有層次感,配埋煙煙韌韌嘅紅薯粉好夾呀。配料方面有好索湯嘅螺旋藻,健康又好味。



買開外賣嘅可以用埋呢個全新外賣自取大激賞優惠,輸入優惠碼「HALF」或「SALE」, 前者消費滿$60減$30,後者消費滿$50,額外減$10!

除咗上述優惠外,OpenRice都會推出不定期嘅外賣自取優惠,想知更多詳情可以Keep住留意OpenRice App啊!
仲等?(按此立即落單

外賣自取大激賞優惠:
SALE: https://www.openrice.com/info/takeaway/tc-SALE.html
HALF: https://www.openrice.com/info/takeaway/tc-HALF.html 


關鍵字
外賣自取
優惠
灣仔
紅磡
荃灣
天后
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2022生日優惠】持續更新!12月壽星嘆免費生日蛋糕、甜品
2天前
【隨時更新】零食速報 每周新款零食、酒品點評
3天前
5間港式火鍋放題店推介 無限時任食/澎湃海鮮拼盤/復古裝修
2022-11-07
香港8大叉燒推介!柴灣人氣炭香叉燒、大圍勾魂叉
2022-11-08
神還原韓國復古大排檔!大角咀新打卡餐廳 必點招牌醬油蟹醬油蝦
2022-11-17