今期幫大家集合幾間夏日人氣外賣自取推介，慳時間又慳荷包，喺屋企或者office都一樣可以嘆返餐好嘅！

越茶香 (中環)  指定飲品75折

主打手搖茶飲嘅小店，標榜用高質茶底搭配新鮮水果同自家調配飲品～推介人氣滿杯金菠蘿，杯入鋪滿鮮甜菠蘿肉，酸酸甜甜又帶茶香，飲完令人精神一振。桂花香水檸檬用上香水檸檬加上淡淡桂花香，入口清新，有層次感，啱晒中環返工一族食完午飯嚟杯解膩。如果鍾意飲茶類，芝芝桂花大紅袍係唔錯嘅選擇，濃郁嘅大紅袍茶底，配上帶花香嘅桂花，再加綿密芝士奶蓋，茶味香濃之餘仲有啖啖甘香，飲落順滑又有驚喜。

Peek-A-Poke (銅鑼灣、尖沙咀)  指定食品買一送一/8折

主打夏威夷特色Poke Bowl，配搭自由又健康，非常適合夏天食得清爽啲。招牌夏威夷風味用上刺身級吞拿魚配海帶芽、紫洋蔥、蟹子同鰹魚醬油；鍾意三文魚嘅朋友就可以試吓加州風味，入面有刺身三文魚、青瓜、雞蛋絲、三文魚子同果仁芝麻醬，兩款都鮮味十足；而鍾意食辣嘅一定唔可以錯過「火辣辣雞胸」，用慢煮雞胸配番茄、豆腐、雞蛋絲再加青檸辣醬，食完開胃又滿足。小食有買一送一優惠，推介炸番薯條、火山炸雞、水牛芝士條，外脆內嫩，配搭主食一齊食啱啱好。

老媽拌麵 (中環、北角、將軍澳、大角咀)  指定食品低至75折

主打台式拌麵同飯類，味道香濃又帶啲家常風味，令人一試難忘。私房花雕雞拌麵係招牌之選，用香濃花雕酒滷過嘅嫩滑雞件，加上煙韌嘅麵條，酒香撲鼻，食落鹹香有層次，開胃又惹味。而麻醬手撕雞肉燥飯用上香滑麻醬配搭鹹香肉燥，再加埋手撕雞絲，飯粒吸晒醬汁，咬落滿口滋味。想加多款小食嘅話推薦試吓百頁豆腐，豆腐外皮微脆、內裡滑嫩，簡單又好味。

町町丼丼 (荔枝角、觀塘、九龍灣)  指定食品8折

想喺夏天食得清爽又飽肚，不如試吓呢間日本料理推出嘅涼拌麵款。首推照燒雞扒配胡麻醬烏冬，嫩滑雞扒淋上香甜照燒醬，再配上冰涼煙韌嘅胡麻烏冬，好清爽～而和風柚子醋手撕雞配蕎麥麵就更開胃，酸香嘅柚子醋加埋嫩滑雞絲，配搭涼浸浸嘅蕎麥麵，簡直係炎夏救星！如果想食得更豐富，仲有吉列豬扒蕎麥冷麵同青芥末芝麻醬手撕雞等選擇。

擰壹檸手打檸檬茶 (葵芳、元朗、佐敦)  指定飲品75折

夏天梗係要飲返杯冰凍解渴嘅檸檬茶啦！呢間就以手打果茶聞名，飲落夠晒香。推薦鴨屎香檸檬茶，茶底具獨特花香味，夾埋清新檸檬，香氣層次豐富；如果鍾意偏果味啲可以試吓甜蜜荔枝角，荔枝味天然香甜，飲落涼快又有初戀感；仲有百香果檸檬茶，酸酸甜甜特別開胃，最啱Lunch後買杯返公司或行街攰攰哋嘆吓！

夏日 Chill 住開飯! OpenRice外賣自取集合多間人氣餐廳,推出低至75折優惠!即日到7月10日，輸入優惠碼「CHILL」，消費滿$50再減$10！加碼驚喜，活動期間首 100位落單滿3次或以上會員可額外獲得$20優惠碼！

仲等？按此立即落單

CHILL: https://www.openrice.com/info/takeaway/tc-CHILL.html