台灣過江龍鼎王麻辣鍋，相隔一年後疫市中於將軍澳康城開設香港第二分店喇！香港鼎王無論味道、裝修以至服務都跟足台灣，新店比起尖沙咀店更大，佔地5000呎，約150個座位。而且更推出新店優惠、康城居民獨家優惠及全新嘅獨家鼎王特飲！

新張獨家優惠

由即日起至10月31日，所有食客都可以用優惠價$288換購由鹿兒島藤嶺牧場直送嘅日本A4和牛(130g)一客，和牛每一片嘅紋理都好靚，油花分佈均勻，入口即溶，不過留意返每枱只限購一客。

康城居民獨家優惠

只要你係康城居民，並持有有效康城住戶證件，於光顧鼎王麻辣鍋將軍澳店時，消費滿$800(未連加一服務費)，即可獲贈由同樣由鹿兒島藤嶺牧場直送日本黑豚腩肉一客，豬肉軟腍，有微微入口即溶嘅感覺，放入酸菜鍋到食特別夾！

另外仲有將軍澳獨家嘅全新鼎王特飲，所有特飲都即叫即製，所以每杯都需要15分鐘製作。招牌紅茶採用阿薩姆紅茶及錫蘭紅茶，茶味香濃；而翡翠檸檬就清新，加入特別調製嘅特羽綠茶及四季春綠茶作為茶底，配合新鮮檸檬及薄荷葉，配麻辣鍋飲就可以消滯解膩，又可以中和辣味！兩杯都可自選少甜及少冰～

湯底選擇同樣得麻辣鴨血鍋同酸菜白肉鍋，麻辣鴨血鍋加入豬骨、蔬果、大豆芽、香料及藥材熬製，味道溫和，唔會太辣，建議就咁飲都得！而且鴨血同豆腐都入晒味，無限refill㗎！而酸菜白肉鍋就選用天然發酵醃製嘅酸菜，酸味啱啱好，鍋內仲藏有粉條添。

配料方面，必試有干貝滑、手打丸類、豆皮及滷味。而且最後如果食唔晒，餐廳仲可以加滿鴨血同豆腐畀大家打包湯底拎返屋企！

鼎王麻辣鍋 (The LOHAS)

地址: 將軍澳康城路1號The LOHAS 2樓202號舖

文、相、片: Yanica