去泰國食正宗泰菜！OpenRice預先訂座同時訂餐唔使等

今年終於可以無限制咁飛～想飛去泰國 Chill 住放鬆度假，又怕食飯要等位？而家 OpenRice 網上訂座預付套餐服務，已經擴展到泰國啦！唔使等位之餘仲有得訂定嘢食，用 DBS 信用卡訂餐更可享滿 HK$500 即減 HK$200 折扣^，實行慳錢又慳時間！

經濟實惠米芝蓮必比登推介 Yoong Khao Hom

本店位於泰國南部蘇梅島，獲米芝蓮指南必比登推介為具質素且經濟實惠嘅美食。餐廳主打正宗泰南菜，食材由蘇美島空運至曼谷，招牌菜有咖哩檳榔葉鮮蟹肉、黑汁炒魷魚及竹笋椰奶蝦湯等，咖哩檳榔葉鮮蟹肉味道香濃，拌飯食一流。竹笋椰奶蝦湯椰香突出再帶蝦嘅香氣，好有層次感。

有自助餐癮嘅朋友，又點可以錯過泰國又平又好食嘅自助餐呢～呢間可以話係泰國近年最人氣嘅自助餐，有新鮮泰國生蠔，肥肥圓圓咁好飽滿又清甜。和牛壽司同澳洲和牛船麵係另一 Highlight，和牛船麵湯頭超濃郁，和牛入口即溶，出色！另外松露濃湯都係必食，奶味十足又有香濃嘅松露味。

食飯之餘想睇埋景，就可以揀呢間復古帆船餐廳。停泊於昭披耶河旁，食飯同時欣賞河濱碼頭嘅浪漫景色～招牌菜包括紅酒炆牛臉肉，牛臉肉炆得軟腍入味，牛味都好濃郁。另外可以試下海鮮拼盤，包括大蝦、帶子及各種蜆類，好鮮甜！餐廳更提供 All you can eat，好啱大胃王。

呢間泰北菜餐廳，外觀睇落好似玻璃木屋咁，室內有大量植物擺設，啱晒打卡。亦連續六年獲得米芝蓮必比登推薦，遊客必食！來自泰北的廚師精心打造各種特色菜，必食有咖哩軟殼蟹，軟殼蟹香脆多汁，配埋香辣嘅咖哩無得輸。烤豬頸肉都值得一試，口感軟嫩、豬肉醃製過帶少少甜味，點埋特製醬汁就變成酸酸辣辣咁，好醒胃。

平時去泰國多數都係食正宗嘅地道泰菜，泰式宮庭菜你又食過未？呢間餐廳位於曼谷雅典娜酒店內，主打正宗泰式宮庭菜餚，選用有機食材。食物美味之餘擺盤亦相當精緻。如紅咖哩鴨胸，加入荔枝及菠蘿等令整道菜更清新；主菜方面有燒大蝦及炸原條鱸魚都好推介，新鮮又開胃。

仲有更多曼谷餐廳網上訂座及訂餐優惠等大家逐一發掘，計劃行程同時快啲睇吓邊間啱食啦！

文：Yanica
^優惠受條款及細則約束