有時突然holiday mood到（其實日日都有），最好就係放個假同閨蜜/伴侶放鬆下，book返個foodcatioin又食又玩。今期推介有尖沙咀古蹟酒店——富衛1881公館。兩日一夜住宿包2餐，間房仲要有埋露台添，打卡一流！

三道菜午餐   ODEA 

一去到即刻就可以喺維多利亞式庭園風格嘅Odea度，享受咗個三道菜午餐先。餐廳一向主打法式經典菜，擺盤充滿藝術感。今次三道菜午餐，可以喺頭盤、湯品/沙律、主菜、甜品嘅選項中揀選3款心水。

頭盤推介鮮清新開胃嘅「蟹肉配蜜柑、甘筍、苣菜」，師傅特別選擇當季蜜柑做底，on top 加上苣菜、甘筍等健康菜蔬，同鹹鮮嘅蟹肉配搭平衡得宜，喺濕熱嘅春夏季節食，特別清新。

主菜有6款選擇咁多，其中「帶子藍青口伴蒜片欖油意粉」選用北海道帶子製作，鹹鮮惹味，啱晒鍾意海鮮嘅朋友。

至於摩洛哥風味烤雞釀蝦配西蘭花苗嘅製作則比較花心思，煎香雞皮後再釀入蝦膠，連同摩洛哥香料粉一齊爆油，最後以180度烤製。雞皮微脆，加上師傅精挑雞髀肉製作，所以食落啖啖都係嫩滑感。

甜品推介可選紅草莓金寶批配雪葩，同樣都係帶嚟清新感覺。草莓雪葩係自家製作嘅，一冷一熱冰火交融嘅口感，令第一餐完得好滿足。

食飽飽就可放上房休息下，一入房仲會有2杯氣泡酒，作為房內迎賓飲品添。

中式點心早餐   后園 （房內享用）

最疏乎就係第二朝唔使出房門，就可以享用到由后園製作嘅中式點心早餐，瞓到最後一刻先起身食都得。點心款式視乎當日供應而定，例如會有蟹肉南瓜餃、脆炸春卷、荷葉糯米雞等。坐喺露台望住園景咁食，係放假先感受得到嘅chill。

除咗以上嘅美食體驗外，入住887 - 940 平方呎套房連露台一晚，更可免費享用房內迷你吧同NESPRESSO咖啡機，房內裝修富有格調，配有加大雙人床、LED 電視同雨林效果花灑等，記住要好好享受咯~

而家經OpenRice網上訂座預付訂購Staycation套票，可享72折優惠啊！

OpenRice Foodcation限定優惠
$4593享用【2位用】非凡氣派享兩餐連套房！
古蹟酒店富衛1881公館一晚FOODCATION套票【已連服務費】 (價值: $6375.6)

立即預訂：（按此）

另外，喺推廣期5月-6月內於指定活動餐廳訂座同時訂餐，仲有機會贏取訂座大獎，其中一個獎品就係呢個【Foodcation】2人中西美饌一泊二食尊貴體驗 (價值$6375) 呢！（活動詳情按此）

*食材將因應當季供應而作調整，以上套餐如有更改，恕不另行通知