Lunch想對自己好啲，不如嘆個高質又抵食嘅席前廚師發辦～銅鑼灣呢間主打手握壽司同清酒嘅專門店，只要透過OpenRice訂座預付，2款壽司廚師發辦午餐可享63折起優惠！

[1位用] (週一至五) 精緻壽司廚師發辦午餐送無酒精飲品一杯 [未連服務費]（按此訂座預付）

[1位用] (週一至五) 極尚刺身壽司廚師發辦午餐送飲品及限定壽司 [未連服務費] （按此訂座預付）

兩款廚師發辦午餐以時令食材製作，而最大分別係「極尚套餐」會加入料理、時令刺身，以及獨家贈送嘅限定壽司同酒精飲品，款式更加豐富。

精緻冷盤前菜、料理

夏天天氣悶熱，先嘆味道微酸嘅開胃冷盤前菜啦～日本高糖番茄配水雲、純菜同自家製水雲汁，口感清爽。而料理會不時轉換炸物、煮物等款式，其中吉列日本墨魚配明太子醬，厚身墨魚炸至8成熟，咬落彈牙又有少少軟心效果，口感豐富。

左：日本高糖番茄配水雲、純菜｜右：吉列日本墨魚配明太子醬

時令刺身、特色茶碗蒸

刺身包括2款白身魚、1款貝類同1款蝦肉，例如真鯛、魴鮄魚、伊佐木、赤貝、帆立貝、甜蝦等，讓大家品嚐各種鮮味。

精緻刺身拼盤

日本菜幾乎必食嘅茶碗蒸亦花心思製作：蛋液混合木魚高湯、昆布高湯、本菇同銀杏，蒸好後再鋪上海苔芡、蟹肉同三文魚籽，清香鮮甜亦口感豐富。

蟹肉茶碗蒸

時令手握壽司

手握壽司提供六款口味，由清新到濃味都有，特別款式有機會試到紫蘇文甲魷魚壽司，選用岩鹽、海南特產香水檸檬皮提鮮；以及當造嘅伊佐木壽司配柚子醬等。而壽司飯拌入自家以日本江户前赤醋、糖、鹽等調配嘅赤醋，鹹甜度適中，唔會蓋過食材鮮味。

時令手握壽司六貫

左：牡丹蝦壽司｜右：炙燒鰈魚裙邊壽司

若訂座預付「極尚套餐」，可享OpenRice獨家優惠之一嘅限定壽司一件，選用即日飛機貨製作，現時則多數供應白身魚。

拍攝當日有深海池魚王壽司

水物、自家製甜品收尾

奶白色嘅鯛魚濃湯，先將大約5-6kg白身魚魚骨、魚頭炒香，再熬煮3.5小時成為濃縮魚湯，配以蔥花、豆腐同海苔，清甜順喉。而幼滑軟綿嘅自家製甜品芝士豆腐，芝士同豆腐味道幾平衡，唔會太濃味，男女都啱食。

自家製芝士豆腐、鯛魚濃湯

OpenRice獨家優惠

餐廳會按預訂套餐送1杯精選無酒精/酒精飲品，感覺更加chill～

預訂即送精選無酒精/酒精飲品

木系裝潢簡約雅致

鮨政x大湖  
地址：銅鑼灣京士頓街9號Fashion Walk地下H2B號舖