農曆新年就到，必定有唔少團年飯、團拜飯局，大家不妨去位於沙田嘅香港科學園～4大中菜廳提供各式海味料理、賀年特色菜，聚餐前後又可以喺園內嘅標誌性景點打卡，仲可以帶埋愛寵去寵物公園大玩特玩。園區設有逾2,000個車位加電動車充電站，方便自駕人仕，即睇4間中菜廳有咩精選推介啦！

海景餐廳嘆足料創作料理 八方棧

想望住海景食團年飯？呢間中菜廳採用一大片落地玻璃設計，讓你近距離飽覽吐露港景色，氣氛勁chill。而多款宴席組合外，更特備創作料理提供更多選擇，其中首推「八寶紅燒釀元蹄」，兩斤元蹄釀入鮑魚粒、栗子等材料，分量十足！而金絲蜜餞香煎金蠔隻隻飽滿大粒，錦玉鮑魚芝心卷則將麵包切絲，包裹鮑魚、芝士等食材炸成，食落鹹香脆口。

部分宴席菜式、新春限定料理，例如啖啖肉嘅紅燒乳豬

八寶紅燒釀元蹄煲2小時至軟腍入味

金絲蜜餞香煎金蠔、錦玉鮑魚芝心卷香口惹味

戶外座位最適合欣賞吐露港海景

八方棧
地址： 沙田白石角香港科學園科技大道東16號16E大樓地下S087號舖

傳統+創意宴席 囍慶

酒家特設4人起可以享用嘅宴席，無論一家人、約朋友或同事聚餐都好方便。賀年必備嘅傳統菜式，好似發財好市大利、當紅脆皮燒雞會分別融入唔同宴席。如果人數多少少，可以考慮「佳節珍饈八味盛宴」，有埋脆皮乳豬、沙律黃金球、紅燒花膠雞絲翅、清蒸沙巴龍躉等豐富菜式。

佳節珍饈八味盛宴（半席或全席均可）

發財好市大利以本地蠔豉入饌；沙律黃金球用蝦滑、墨魚滑製作，口感彈牙

其他特色菜：金錢滿掌鮑有餘，原隻鮑魚伴厚身花菇

大廳空間十足，亦可預訂獨立房間

囍慶
地址：沙田白石角香港科學園科技大道西1號1W大樓1樓S102-103，S105-106號舖

華麗中式料理 薈聚軒

中菜其中一個特點係大份足料，而呢間酒家更著重擺盤，視覺效果華麗，招呼親友大方得體。好似選用越南乳豬製作嘅鴻運乳豬全體，差不多起晒骨，方便食用；而仙酒白雪鳳尾蝦則用爽口嘅越南大虎蝦配花雕蛋白；味道鹹香嘅金銀翡翠聚金桃就好啱做佐酒菜；另外富貴包羅萬有寶，包括8頭鮑魚、南美海參、花膠等海味，鮮味十足。

宴席/新春限定料理，多以海味、海鮮入饌

仙酒白雪鳳尾蝦味道清香

金銀翡翠聚金桃、富貴包羅萬有寶

裝潢氣派舒服，想私隱度高啲可以預訂獨立房間

薈聚軒
地址：沙田白石角香港科學園科技大道西19號19W大樓1樓106-107號舖

創意造型點心 海雲薈

午市聚餐嘅話，最啱食點心！呢間酒家特備幸運金元寶造型嘅鳳梨酥，皮香鬆化有咬口；另外黑金流沙包、香蕉造型嘅香蕉煎卷「金光燦燦」，有金銀滿屋嘅感覺，夠晒好意頭。如果鍾意食清新口味嘅中菜，富貴花開就啱你喇，西蘭花面層鋪上鮮味蟹肉羹，清甜爽口。

點心飽滿足料

新年限定幸運金元寶（鳳梨酥）

富貴花開

餐廳採光度高，環境舒適

海雲薈
地址：沙田白石角香港科學園1期科技大道西1號1W大樓1樓S101號舖

新春滋味賞

凡於2月2至16日期間，於園內任何餐廳惠顧滿指定金額，憑即日單一電子交易收據即可獲消費獎賞*：

• $388-$687送「年年有餘」鎖匙扣一個
• $688 - $887送「年年有餘」鎖匙扣一個及「財源滾滾來」龍年金幣一個
• $888或以上送新春福袋一個，當中包括「年年有餘」鎖匙扣、「財源滾滾來」龍年金幣、「新春大吉」吊飾各一個

*數量有限 ，先到先得， 換完即止。優惠受條款及細則約束，詳情請瀏覽有關活動網頁。

標誌性打卡點

黃昏時分嚟到音樂噴泉，可以拍到落霞襯托嘅「金蛋」，以及噴泉嘅幻彩燈光效果

漫步海濱長廊，飽覽吐露港水天一色嘅靚景

寵物公園「寵愛點」提供多項玩樂設備、打卡拍攝台

「星光花園」設有大大小小嘅星光，浪漫滿分

交通：（按此）
泊車優惠：（按此）
香港科學園各推廣優惠、節目及開放時間如有更改，恕不另行通知。詳情請瀏覽有關活動網頁，並密切留意最新的活動安排及資訊。

*資料由客戶提供