食肆將全日禁止堂食，想開飯又無時間自己煮就要用OpenRice外賣自取幫手！暫時都飛唔到去其他地方旅行，不如食住各地特色麵食先吖？留意返即日起至8月31號，首次落單滿$40即減$20*！另外消費滿$80， 下晝3點前落單輸入優惠碼「TA20L」或3點後落單輸入優惠碼「TA20D」，即減$20^！
►立即體驗：https://bit.ly/2ZTqNDb
灣仔台式牛肉麵 牛霸小麵店
講到台灣菜唔少得牛肉麵，灣仔呢間小店嘅紅燒牛肉麵湯底用牛骨熬足八個鐘，啖啖濃郁牛香呀。怕熱唔想食湯麵亦可以試肉躁香蔥鹽酥雞乾拌麵，撈埋夠香口又有香脆鹽酥雞食。而且呢兩款麵食都做緊八折優惠呀！
OpenRice外賣自取優惠：指定食品六折起
愛媛縣過江龍沾麵 麵鮮醬油房周月
嚟自日本愛媛縣嘅拉麵店，14年起至今連續七年奪得米芝蓮車胎人美食推介！湯底用發酵18個月嘅醬油加上沙丁魚粉、鯖魚粉及北海道昆布等調製，鹹鮮醇厚。加上有製麵房製作新鮮麵條，將日本嘅風味帶到嚟香港。
OpenRice外賣自取優惠：指定食品減$31
泰國過江龍船麵 船皇
同樣係過江龍，呢間喺泰國有超過50間分店嘅餐廳主打正宗泰式風味嘅船麵，啡色嘅湯底用秘製醬汁加上大量牛骨製成，味道濃郁，有鮮味而唔會過鹹。湯麵之外仲可以選擇撈麵，一樣可以配搭唔同配料㗎。
OpenRice外賣自取優惠：指定食品八折
特濃雞白湯拉麵 金鶴拉麵
同樣係日式拉麵沾麵，呢間就主打雞白湯底，用日本赤雞煲六個鐘！令湯底變得奶白濃厚，鮮味十足。連雞叉燒都係低溫慢煮雞胸肉，肉質嫩滑。另一款招牌黑蒜醬油拉麵就加入自家秘製黑蒜醬料，蒜香味濃而唔油膩。
OpenRice外賣自取優惠：全單九折
佐敦特色南洋風味 南洋
有泰國、越南、新加坡等地美食，賣相最霸氣嘅就要數到南洋波士頓龍蝦喇沙摻摻，真係有原隻波士頓龍蝦㗎！配埋微辣有椰香嘅喇沙湯底真係無得輸。另外仲有越式炒金邊粉、原個菠蘿炒飯，同金沙骨肉骨茶都係推介。
OpenRice外賣自取優惠：全單九折
抵食越式Pho 火五越式牛肉粉專門店
店如其名主打越式牛肉粉，最豐富嘅火五火車頭牛肉粉有齊生、熟牛肉、札肉同牛丸，湯底有牛骨同香料香氣。法式咖喱牛肋撈檬就勝在有好多咖喱汁任撈，而且牛肋相當入味軟腍。男士怕一碗麵唔夠飽嘅話仲可以加大蝦米紙卷或者牛油雞翼。
特色芫茜山船麵 泰濃麵
同樣係泰式船麵，呢間就偏泰北風味，船湯用十幾款香料加上豬骨熬八個鐘，味道濃厚，推介可以配黑豚肉或者頂級安格斯牛肉。想特別啲有足300g芫茜嘅芫茜山，或者坊間少見嘅卜卜蜆。唔慣食啡色嘅船湯嘅話，亦可以轉做冬陰功湯底呀。
除咗上述優惠外，即日起到12月31日，逢星期二同星期四用埋Mastercard®付款滿$80，仲有即減$20嘅獨家優惠#！想享用Openrice獨家優惠，就記得用Openrice apps落單嗌外賣自取啦～
仲等？按此立即落單
文：Cathy
圖：餐廳Facebook，餐廳提供，會員上載
*迎新優惠條款及細則：https://bit.ly/3fs0rPo
^優惠碼條款及細則：https://bit.ly/33dOw4m
#Mastercard優惠詳情：http://bit.ly/2QzELXA
※外賣自取餐廳名單：https://s.openrice.com/QrbV00G0000takeAway~etas
※圖片只供參考
