年度素食盛會回歸！第10屆樂活博覽暨第7屆亞洲素食展今日起至6月13日於香港會議展覽中心展覽廳3F及3G舉行。今年唔單止展期增至4日，全場展位亦增加4成至接近250個，總共雲集超過600個素食、綠色生活、天然同有機嘅品牌！等開飯仔現場直擊有咩推介啦。
 

今年亞洲素食展以「#VEGcation」為主題，希望以展覽同大家渡過健康嘅周末。多款素食同特色生產品包括多款零食、醬料、方便餐、甜品等等，仲有多個DIY工作坊同精彩講座畀大家親身體驗。亞洲素食展仲同20間餐廳合作，憑現場派發嘅著數攻略，即日起至6月16日可享低至8折嘅素食餐廳折扣！
 

即食零食+飲品

SO COCO（左）純素椰子雪糕，（右）純素泰式奶茶雪糕（各$35/100mL杯裝，$100/473mL杯裝）

呢個以椰子布甸起家嘅本地甜品品牌之前推出一系列雪糕，最近仲出埋473mL嘅家庭杯裝！以有機冷壓椰奶為基底，不含防腐劑、人工香料或人造色素，夏天消暑一流。
 

So Pup（定價待定）

呢款都係雪糕，但係設計畀狗狗食嘅雪糕呀！有椰子、士多啤梨同芝麻三款口味，用有機椰奶製作，不含乳製品，100％純素。

攤位：SoCoco(H.K.)Ltd（K11）
 

小怪獸系列韓式夾心海苔（原價$20/包，會場價$68/5包）

選用韓國純淨海域生長嘅高纖紫菜，配搭唔同食材再低溫烘烤，層層酥脆！有南瓜夾心、紫米夾心、紅麥夾心，同杏仁夾心四款唔同口味，不添加任何人工香料或防腐劑。

攤位：敏勤國際有限公司（D01、D03）
 

137 Degrees（左至右）雙重比利時朱古力開心果奶、牛油果杏仁奶、原味開心果奶、核桃原味奶（展會價各$50/1L）

植物奶都可以有好多口味變化！呢個嚟自泰國嘅品牌都有多款選擇，成份天然，不含乳製品、大豆或麩質，推介之一係雙重比利時朱古力開心果奶，甜度適中又有朱古力同開心果香。而且除咗就咁飲，仲可以發揮創意用嚟整甜品呀。

攤位：Organic Plus（E21）
 

入廚醬料+食材

原居文化 即沖黃酒釀套裝（$300/套，限量50套）

原居文化係香港首個酒釀品牌，招牌黃酒釀嘅技藝正正就係嚟自新界圍村。最新出嘅鳯梨釀會率先喺亞洲素食展公開發售！最抵就係呢個有齊三款即沖黃酒釀嘅套裝，陳皮南棗釀補而不燥、薑棗釀暖宮溫胃，而新出嘅鳯梨釀用台灣鳳梨製作，沖梳打或者果茶可以醒胃解膩呀。

攤位：晨龍文化有限公司（H06-6）
 

本地種植 （左）粒粒冬瓜露（無花果葉及檸檬風味），（右）粒粒冬瓜露（菠蘿及薑風味）（各$98/280g）

選用荔枝窩新鮮有機大冬瓜製作，瓜香清新無草青味。一款加上芳香無花果葉同香水檸檬，另一款配搭菠蘿同本地薑熬煮。兩款都可以製作手工飲品，冬瓜粒粒仲會增加軟糯嘅口感呀。

攤位：本地種植（B18）
 

The Nutter Company （左）粗粒花生醬（$68/樽），（右）碧根果仁醬（$138/樽）

香港製作手工果仁醬品牌，呢兩款熱賣果仁醬成分都係100%果仁！不另加糖、鹽、油或任何添加劑，果仁味道濃郁，天然健康。粗粒花生醬可以配搭楓糖漿、蜜糖、水果或者海鹽，碧根果仁醬就可以加楓糖漿同肉桂粉配麵包，展場亦有純素食譜畀大家參考呀。

攤位：The Nutter Company（H06-1）
 

香城遺菇 純正蠔菇粉（$70/35g，$150/70g）

煮餸調味唔落雞粉雞汁，可以落呢款本地製作嘅菇粉。呢款蠔菇粉裡面有牡丹菇、鳯尾菇同榆黃菇，研磨後依然保留菇嘅鮮味及營養，包括蛋白質同多種氨基酸，最啱提鮮！而且不含任何增味或防腐劑。

攤位：細味公平@香港公平貿易聯盟（M32）
 

澳登菇皇 黑松露菇皇醬（特價$75/180g）

標榜用100%荷蘭有機蘑菇加精選優質黑松露製作，蘑菇有歐盟有機認證，無農藥同非基因改造。而且黑松露菇皇醬係喺香港製造！建議可以用嚟炒蛋、配意粉或者多士都咁滋味。

攤位：香港澳登有限公司（J19）
 

（左）精裝白松露橄欖油（原價$235），（右）松露粉（原價$190）

呢個品牌係全球銷量No.1新鮮同加工松露製造商，調味料有超多唔同選擇。比較新嘅有呢款白松露橄欖油，將白松露香氣注入嚟自意大利翁布利亞嘅橄欖油，因為橄欖油唔適宜過度加熱，所以建議最後先加作為點綴提香。而松露粉更可以混合成唔同醬汁，變化更多。展場更有夾禮品遊戲，隨時抽中折扣優惠！

攤位：Sabatino Tartufi（H05、H07）
 

Core and Rind 純素奶酪蘸醬（$48/件，$110/3件）

純素嘅朋友都可以品嘗到芝士味？皆因呢款係用腰果製作嘅芝士醬，全素而且無添加任何乳製品或防腐劑，無論就咁點粟米片食，定入饌整漢堡或者Pizza都好夾呀。

攤位：Chase Superwin Limited（L02）
 

辣使你麻 麻椒辣子油（展場優惠價 $95/支，$180/2支）

台灣製造嘅全素辣椒油，白罐小辣黑罐中辣任君選擇，特色係麻辣平衡。選用台灣朝天椒、特級大紅袍花椒同特麻青花椒，香麻感更上一層。無任何防腐劑、味精或人工色素，用嚟拌麵、做沾醬，甚至做麻辣鍋底都得呀！

攤位：衡附有限公司（J14、J16）
 

本地耕種靚菜（$30/包，$50/2包，$100/4包）

呢度售賣嘅本地菜都係用「加樂泥」有機堆肥，呢款肥料係用涼茶渣、咖啡渣、豆渣等本地回收廚餘，以大學科研配方100%香港製造！細細聲講埋畀大家聽，如果你都有種開蔬菜，可以嚟買佢哋嘅「加樂泥」有機堆肥，展場首次發售仲係推廣價$78/包！

攤位：賽馬會「好壤」城市有機堆肥計劃（K22）
 

煮食懶人包

（上）普羅旺斯燉雜菜，（下）意式蕃茄植物肉千層麵（各$68/包）

掃完貨返屋企唔想煮，就係時候用懶人包啦！好似呢間嘅普羅旺斯燉雜菜同意式蕃茄植物肉千層麵都係翻熱（焗爐/微波爐/隔水蒸）就食得，超方便！而且不含防腐劑，食得放心啲。

攤位：紅雙喜餐飲集團有限公司（L03）
 

What The Soup 無肉主意體驗套裝（$280/5包）

呢個品牌主打香港製造，不含防腐劑、味精或雞粉嘅高纖低卡湯品，呢個套裝就可以一次過試到五款湯品。如果係食純素嘅朋友亦可以留意佢哋新出嘅純素系列，有咖喱雜菜湯、羽衣甘藍白豆湯、甘筍藜麥生薑湯等，款款都足料又好味。

攤位：What The Group（G05）
 

（左）新豬肉小籠湯包，（右）新豬肉紫菜水餃（特價$35/件，$55/各一件）

新豬肉新出台灣即煮手工點心，加熱10分鐘就食得！100%Plant-base，無添加味精或人工香料。小籠湯包可以食到鮮甜肉汁，紫菜水餃就加入紫菜同芹菜增加口感層次。

攤位：Green Common（H02、J01）
 

無麩質烘焙DIY系列（$45-$55/包）

五款烘焙預拌粉懶人包都不含五大致敏源：無麩質、無雞蛋、無牛奶、無大豆同無堅果，包裝海綿附上食譜等大家輕鬆製作苔麩麵包、藜麥麵包、原味曲奇、撻皮，同班戟窩夫。想喺屋企自己試下整純素糕點嘅新手值得入手！

攤位：Taste of Veg（M11、M13）
 

入場記得拎著數攻略，睇晒會場有咩超抵優惠

會場各個位置都設有PYRAMID®PhD寶衛美除菌消毒噴液，供在場人士消毒

唔同時段會有多個DIY工作坊

【樂活博覽及亞洲素食展2021】
日期：2021年6月10至13日（星期四至日）
地址：灣仔博覽道1號香港會議展覽中心展覽廳 3F 及 3G
開放時間及入場詳情：https://bit.ly/2Tb3THR  
展會防疫安排：https://bit.ly/3hawAi2  

文、相：Cathy