food_monster8的个人专页

今日到沙田河畔花園同老友相聚， 見到有間新開甜品店-嘆甜品.即刻 入去試下， 小店以貓貓佈置同擺滿公仔超可愛， 店員親切有禮。 餐牌嘢食多選擇， 除咗甜品外仲有好多小食， 價錢仲好吸引添。芒果飄雪：雪花冰細緻柔滑，新鮮芒果果肉鮮甜多汁仲大大粒， 外面天氣炎熱食碗雪花冰透心涼。宇治抹茶拼烏龍茶麻薯窩夫：窩夫即叫即制外脆內軟， 兩款茶香口味各有特色， 加入麻薯煙煙靭靭口感有層次，雪糕球多款味道選擇。 椰皇芒果小丸子：呢款甜品擺盤精緻， 原隻椰皇， 椰皇奶凍椰香清甜加上芒果小丸子完美配搭，芒果肉大大粒 小丸子煙煙靭靭，口感豐富。Bbq蜜糖雞翼：雞翼肉質鮮嫩經過烤焗外皮微微焦香，內裏保持豐富肉汁， 沾上蜜糖香甜美味。花之丸鹽酥雞拼盤：鹽酥雞金黃酥脆肉質嫩滑，花之丸味道鮮香，調味恰到好處。…查看更多

呢期鍾意食放題， 約朋友最好就係食放題，大家口味唔同，食放題啱曬各人口味， 中西日韓美食應有盡有。今次揀咗觀塘極尚大瀛喜，之前食過已經好鍾意， 食物有質素地點又方便， 呢期仲加咗好多新嘢添。除咗外面自助區有飲品、 生果、前菜、 冷盤熱食外，QR code落單仲有多款刺身， 壽司、 串燒、燒物、天婦羅、一品料理、 手捲等等。 仲加咗新菜單， 焦糖鵝肝壽司、法式紅酒藍莓鵝肝 、 鐵板升級鵝肝多士， 鵝肝質感柔滑入口即化， 各款唔同嘅配搭各有特色， 追求奢華口感必選。金銀蒜粉絲蒸蟶子王：呢款新品不能錯過， 金銀蒜調味恰到好處， 粉絲吸收咗醬汁好入味， 蟶子爽滑彈牙啖啖肉，朋友超愛食咗10隻。北海道白粟米牛油燒：白粟米口感清甜爽脆， 配搭香濃嘅牛油及調味白粟米更味道提升不少。…查看更多

超強颱風即將來了，天文台公佈黃昏前會掛8號風球，老闆叫同事們早點午飯後回家避風，即刻約同事食最優惠，食足3個鐘嘅午市放題。長腳松葉蟹、帶子刺身、北寄貝、俄羅斯甜蝦都好新鮮，每次都係必食，魚子醬日本空運生蠔杯係新出品，蠔味清香，放題竟然有我的最愛，特製醬汁加魚子醬生蠔真係好好味又新鮮。芝士飛魚籽鰻魚玉子燒，芝士咸香同香甜玉子真係好夾，焦糖鮟康魚脆餅放燒鱈魚乾上，又脆又甘香。避風塘大頭蝦，油鹽焗鮮蟹一食就知都係新鮮蝦蟹，除蝦蟹盛宴，最驚喜莫過於XO醬蒜蓉粉絲蒸蟶子皇，無誇張隻隻超過6寸長，大隻新鮮，粉絲爽口，XO醬加蒜蓉吊出蟶子鮮甜更惹味。最後唔少得我第一至第三最愛，無錯，最後我食咗3杯 häagen-dazs雪糕，勁滿足。…查看更多

啟德AIRSIDE呢間來自日本嘅人氣茶室 nana’s green tea， 裝修優雅舒適時尚有品味，每次經過都超多人排隊，佢哋嘅巴菲真係好吸引每次經過都想食， 另外佢嘅烏冬都好令人回味。海老蕃茄豆乳烏冬：蕃茄同豆乳嘅配搭完美配合， 蕃茄酸酸甜甜好開胃 配搭豆乳令醬汁更加香滑美味。 鮮蝦鮮甜彈牙， 烏冬完美吸收濃郁蕃茄醬汁， 令人忍唔住一口接一口。嫩雞肉明太子茶漬飯：雞胸肉質嫩滑， 配上微辣明太子和其配料， 口感豐富有層次， 再倒入充滿日式風味鰹魚湯，飯粒吸盡湯汁精華， 清心美味。焙茶蕨餅芭菲：好鍾意食呢度嘅蕨餅香甜軟糯， 焙茶雪糕茶味香濃， 配上穀物脆片、 軟雪糕 、焙茶啫哩， 再淋上焦糖漿, 口感多重享受。抹茶生朱古力芭菲：色彩對比鮮明外觀吸引， 生朱古力口感柔滑濃郁， 綠茶清新香醇， 配上紅豆蓉完美配搭， 芭菲一層一層食到不同嘅配料， 超滿足。…查看更多

出開觀塘， 肚仔餓， 當然去食“尚極大喜屋”日本放題！地方寬敞， 食住相聚， 超正！必食新鮮大件刺，厚切肥美三文魚、吞拿魚、極品鮮甜大赤蝦、 甜蝦、帶子、北寄貝，鮑片，松葉蟹腳超正。必食大赤蝦及三文魚、希靈魚、赤貝，清甜彈口， 入口即溶！燒物必選，金蒜炭燒廣島蠔， 一食半打，大量金蒜配上生蠔，真係好食都停唔到口，極品！鹽燒牛舌、蒲燒鰻魚， 好味到不得了！鹽燒大頭蝦必食， 厚肉彈口， 鮮甜！ 鍾意食榴蓮朋友， 記得食燒金枕頭榴蓮， 外脆內滑，必有驚喜！壽司實在太多選擇， 赤具， 三文魚，花之卷，赤蝦。。。必食魚子醬龍蝦花多士、厚切燒牛肉壽司、海膽魚魚子拖羅蓉中餅，實在食左太多款，花雕醉鮑魚， 大大隻， 鮮甜彈牙，花雕味濃郁！ 熱食推介鹽焗雞大頭蝦，蝦肉鮮嫩彈牙，蝦膏滿滿，鹽焗的鹹香味與蝦的鮮甜相得益彰。金湯花膠， 大大塊花膠， 啖啖花膠， 厚切出色牛油煮蜆， 非常肥美飽滿彈口，打孖來兩碗。自助區有十多款熱食前菜如鱆魚燒， 炸雞塊， 娃娃菜， 麻辣小龍蝦，椰子湯等。冷盤有蜆同凍蝦， 藤椒爽魚皮，中華沙律， 生果， 泡菜，青瓜。。。甜品，雪糕必食Haagen-Dazs, 日式恭斯蛋糕蕨餅十多款。飲品有自家青檬柚子茶，港式奶茶， 珍珠奶茶，日本清酒等幾十種選擇。 落單柯打， 很少脫單， 快準新鮮， 侍應服務周到！…查看更多

啟德The Twins雙子匯餐廳Nisugu主打西班牙x日式fusion菜，餐廳裝修高雅舒適有格調， 除咗室內座位仲有開揚戶外座位， 可以飽覽啟德夜景， chill住食晚飯。軟殼蟹蟹肉辣蕃茄粗管通粉：粗管通粉口感彈牙， 軟殼蟹外皮酥脆， 內裏則保持 肉質鮮嫩， 配搭特製嘅辣番茄醬， 微微香辣也不失 蕃茄嘅清香，每一口都濃郁美味。明太子蟹肉玉子燒：玉子燒口感柔軟嫩滑蛋味香濃， 上面再加上蟹肉、三文魚子同特製醬汁， 賣相吸引， 調味恰到好處。SUNNY ISLAND：菠蘿·芒果·乳酸·梳打水， 菠蘿嘅酸甜同芒果嘅濃郁香氣相得益彰， 加入乳酸同梳打水， 口感清新。TROPICAL BREEZE:金酒、新鮮鳳梨、萊姆、薄荷、柚子汁、葡萄柚汁、檸檬汁、接骨木花湯力水調配, 清新香甜 酒精加入恰到好處， 微醺感覺令人陶醉。開心果巴斯克蛋糕 ：濃郁芝士與開心果嘅香甜加上開心果碎， 口感豐富層次分明。…查看更多

今日同frd嚟到尖沙咀嘅二鍋頭食餐好嘅！原來而家可以最長食7個鐘嘅牛雜煲、烤魚、雞煲同火鍋放題👍🏻👍🏻可以無限量任食牛雜煲，4款口味烤魚，再加雞煲，牛尾煲，豬手煲，打邊爐，超級豐富，除罐裝飲品外紅白酒都係任飲，睇到餐牌都流晒口水😍🍲我哋火鍋湯底就嗌咗番茄薯仔湯同冬陰功湯，冬陰功湯好香濃，番茄湯打邊爐亦好入味！極推佢哋嘅鮮蝦雲吞，大大隻蝦仔同埋豬肉，超足料、啖啖肉😋朋友以前食過沙田分店，今次第一次食尖沙咀分店，仲更新咗新menu！🐔雞煲除咗醬香惹味雞煲，仲有重慶麻辣味、辣酒東風螺味、泰式冬陰味、雙乳雞煲（咸牛乳，腐乳） 🐟烤魚total有6款口味，亦都新增左冬蔭功口味同番茄口味另外仲有酸菜魚同秘制牛雜煲都係新增嘅～超多選擇！…查看更多

今日再次嚟到觀塘牛站（駅） 麻辣火鍋放題 ， 超鍾意食呢度嘅放題，肉類和海鮮都好高質。湯底我哋揀咗鴛鴦湯底， 花膠雞湯和龍蝦頭湯，湯底濃郁美味，極黑和牛片油花分均勻細緻，入口即化甘甜脂香。安格斯牛板腱肉質紮實中帶軟嫩，輕涮幾秒後沾上蛋液，口感滑順濃郁；封門柳牛味濃郁卻不膩口，帶有微微嚼勁卻不失軟嫩，。帆立貝鮮甜肥美，墨魚片彈牙爽口。除了肉類海鮮之外， 仲有多款熱盤、 前菜、 生果 、打邊爐配料、 蔬菜、 甜品、雪糕、飲品任飲任食， 仲有我最鍾意的大頭蝦和乳鴿！大頭蝦每隻都飽滿多汁，蝦膏澎湃；乳鴿外皮香脆，肉質鮮嫩多汁，忍不住追加了兩輪！最後再食2杯Haagen-Dazs雪糕同芋圓仙草超滿足。…查看更多

今日到黃大仙搵朋友食飯，朋友介紹佢屋企附近間日式居酒屋好高質， 所以我哋決定晚飯食呢間大盛居酒屋。居酒屋環境優雅舒適座位寬敞，除咗室內座位仲有露天雅座， 食物種類繁多，價錢仲好親民。芒果米紙軟殼蟹沙律：呢款要大推，好食。清新爽口色彩繽紛， 沙律中軟殼蟹外脆內軟，香芒鮮甜 配上柔軟嘅米紙， 口感層次豐富。韓醬燒紐西蘭聖子：廚師烹調時間掌握得剛好，肉質鮮嫩美味，充分吸收濃郁嘅醬汁， 調味恰到好處。芝士吉列蝦卷：壽司飯包裹黃金酥脆嘅蝦卷，加上濃郁嘅芝士、蟹子、醬汁形成完美配搭， 口感順滑且富有層次。牛小排壽喜燒：壽喜燒湯底鮮甜濃郁，牛小排鮮嫩，油香滿滿， 配菜有豆腐、芋絲、菇菌類、蔬菜新鮮豐富。宵夜時段優惠，串燒都係十蚊超抵食， 下次要約埋一班朋友過嚟食宵夜飲啤酒開心暢飲。…查看更多

啟德站airside出名多高質食店， 今日嚟到airside食晚飯， 揀咗呢間京都勝牛， 見到餐牌已經覺得好吸引， 最後我哋揀咗 一個御膳一個壽喜燒鍋膳。四品牛魔御膳：呢款御膳超正， 一次過品嚐曬四款高質牛，啱曬我呢啲牛魔王。四款牛包括翼板牛、醬味薄牛、菲力牛和殼飼西冷， 每款牛都各有特色，殼飼西冷肉質軟嫩油花均勻，菲力牛牛味濃郁入口即化，醬味薄牛 已調較醬汁， 肉質嫩滑香甜美味，翼板牛牛肉味道香濃嫩滑帶脂香。店家仲好細心安排爐火隨意加熱， 更添美味。勝牛壽喜燒鍋：壽喜燒湯底香味濃郁，牛肉鮮嫩油花靚， 鍋中配菜新鮮豐富， 牛肉點上蛋漿更加嫩滑。甜蜜乳酸：雜合巨峰 、奇異果、乳酸味道， 清新美味消暑解渴。椰子抹茶紅豆冰：椰子味香濃口感綿密，抹茶清香， 比例調教得恰到好處， 加上紅豆蓉完美配搭。 草莓小豆雪糕三文治： 外皮黃金香脆包裹雲呢拿雪糕細膩嫩滑， 伴碟仲有 酸酸甜甜士多啤梨雪糕及紅豆蓉， 口感豐富。…查看更多

今日相約朋友去天文台道附近的韓國街食下久違了的韓國菜！ 餐牌好多選擇每樣都想叫 ，點好菜， 店員就遞上茶同3大碟前菜開開胃。鐵板牛肉蓋飯：鐵板上碟，牛肉軟淋，加上秘製醬汁預先醃製，入味而且份量大， 配上洋蔥雜菜，完全唔肥膩，味道恰當香口，正宗韓國味道， 配上白飯一流。水冷面：擺盤已好豐足，有青瓜絲雪梨絲已感清涼感覺，重要加上小片牛肋肉同雞蛋，口感滿足。湯底清醇而帶有少許酸甜，老闆娘重為我哋放上額外調查味料， 介紹可以自行再調較味道， 細心窩心。麵條彈口， 滑嘟嘟， 一口接一口。讚！ 誠意推介！ 👍醬汁炸雞翼：炸雞翼我地鍾意食， 雞翼炸起隻隻賬卜卜， 外皮酥脆肉質軟淋，加上醬汁香甜美味夠juicy絕無欺場。 總括來說，整間餐廳店員老闆服務一流，同食客有溝通！ 食物價格合理，大碟抵食， 食物水準高。…查看更多

位於尖沙咀金馬倫道黑木亭， 之前食過佢嘅串燒放題都好滿意， 網上睇到近期佢哋推出左 a5宮崎和牛拖羅放題好吸引， 即刻book枱黎食。呢個放題超多嘢食， 刺身有馬刀貝、象拔蚌、泰式生蝦、松葉蟹 、日本直送鮮吞拿魚、北海道鮮帶子、 極品大赤蝦、 三文魚、油甘魚、池魚王、北寄貝、榮螺等， 每款刺身都鮮甜美味， 尤其是極品大赤蝦， 肉質鮮嫩超大隻啖啖肉， 配搭精緻嘅擺盤， 格外吸引。壽司卷物 有傳統壽司軍艦亦有創意壽司， 海膽壽司仲要任叫任食，海膽鮮味，口感滑嫩入口即化，我一口氣都食咗六件超滿足。鵝肝牛肉薄脆TACO， 海膽魚子薄脆TACO, a5宮崎和牛火焰壽司， 配搭新鮮口感豐富， 呢幾款都超正 必叫之選。A5宮崎和牛海膽牛角包， 牛角包細細隻外皮酥脆夾住超多配料， 超豐富。燒汁菠蘿牛柳粒， 燒汁調配恰到好處， 牛柳粒肉質嫩滑， 加入菠蘿酸酸甜甜，增添清新口感。自助驅仲有好多前菜熱食、 甜品、 飲品、 雪糕任食， 雪糕仲有我至愛嘅häagen-dazs 同dreyer雪糕， 今晚食得超滿足。…查看更多

今日去將軍澳探朋友，經過都會駅見到有間新開嘅甜品店， 畀佢好香嘅雞蛋仔味道所吸引，餐牌甜品種類繁多又抵食， 有中式甜品西式甜品 ， 我哋叫咗幾款甜品兩款雞蛋仔。雙拼雞蛋仔：我哋揀咗海苔肉鬆加黑糖麻薯 即叫即制外脆內軟， 加上黑糖麻薯煙煙靭靭， 好有口感。芒芒雪糕雞蛋仔：外脆內軟嘅雞蛋仔包住大大球嘅軟滑雪糕，上面仲鋪滿新鮮芒果肉， 口感好滿足。楊枝甘露：楊枝甘露充滿濃郁嘅芒果味，芒果漿香滑西米q彈， 仲有香甜嘅芒果肉同金柚， 清新美味。一甜仙草：用料上乘，入面有桃膠、紅豆、芋圓、 蓮子同麻薯，配料超豐富， 仙草滑嫩與其他配料互相交融， 層次豐富。鮮雜果仙草：雜果豐富鮮甜， 仙草滑嫩，甜度調教得恰到好處， 既不會過於膩口， 又能滿足對甜品嘅渴望， 口感清新滿足。…查看更多

今日嚟到沙田新城市搵食, 經過五樓 一間好有氣派 嘅泰國餐廳, 上網睇介紹原來呢間餐廳大有來頭, 泰國過江龍, 多本飲食雜誌平台推薦最佳食府，咁一定要入去試下。 餐廳服務員友善好快就安排我哋入坐, 環境高雅座位寬敞舒適, 餐牌食物選擇多。大蝦柚子沙律：大蝦鮮味爽口， 柚子香甜多汁，清新醒胃， 沙律上面灑滿特製配料淡淡椰子香氣，口感豐富。椰子雞湯：椰子湯香甜可口，口感順滑 ，雞肉嫩滑鮮味， 炎炎夏日尤其清新。黃咖哩軟殼蟹 配印度薄餅：軟殼蟹外酥內軟， 咖哩香料層次豐富，淡淡椰香增添絲滑感， 配印度薄餅完美配搭。冬陰大蝦粉絲煲：大蝦鮮味彈牙份量多， 廚師調味恰到好處， 粉絲吸收醬汁精華， 味道引人入勝。泰式珍寶火山排骨：湯底濃郁醇厚， 排骨肉質鮮嫩入味， 面層鋪滿特製醬料香辣惹味。芒果糯米飯：米飯軟糯， 加上香甜椰漿口感絲滑濃郁， 芒果新鮮香甜厚切，啖啖滿足。…查看更多

大角咀出名多優質食店， 今日就同朋友過嚟大角咀搵好嘢食， 經過呢間西日居酒屋-洋食商店， 裝修好有特色， 好有日本昭和feel， 掛滿懷舊廣告牌， 仲有一排街機添，服務員又nice好快安排我哋入座。我哋叫咗個招牌壽喜燒二人餐， 店員細心全程幫忙烹煮。澳洲M9和牛西冷同埋美國頂級牛頸脊：店員掌握火喉恰到好處，M9和牛西冷， 油香四溢肉質嫩滑，美國頂級牛頸脊肉味香濃， 沾上日本蛋更嫩滑美味。 鍋中煮完牛肉 再煮蔬菜盤，裏面有洋葱、香菇、豆腐、娃娃菜等配上壽喜燒汁烹調， 香甜帶有肉香。 😆漢堡扒肉質緊實，油脂分佈均勻口感順滑， 肉香滿滿。明太子玉子燒：超喜愛佢嘅玉子燒，香甜蛋味濃郁，厚厚玉子上面放滿蟹籽加上醬汁調味好惹味。黑松露燉飯：燉飯煮得剛好， 完美吸收壽喜燒精華，黑松露香氣濃郁， 加入洋蔥、 香菇及其他配料增添層次口感。…查看更多