food_monster8的个人专页

喺沙田如果想食放題一定揀大喜屋, 地方大座位又舒服,食物選擇多, 仲會不斷推出新菜式, 每次嚟都有驚喜。先嚟一個刺身大盤，厚切三文魚油脂分布均勻，口感肥美，除咗三文魚，甜蝦、北寄貝、帶子都好新鮮，尤其係大赤蝦肉質緊實，鮮香味濃， 我一口氣食咗八隻。新出咗蜜柑鯛口感細膩，肉質柔嫩鮮甜，配上三文魚子增添豐富口感。油鹽焗大頭蝦：鹽香突顯到鮮味，蝦肉肉質緊緻， 鮮甜爽彈， 蝦膏飽滿。脆炸貓山王：外脆內軟，貓山王香氣濃郁， 每一啖都好滿足。川燒廣島蠔：蠔肉大大隻鮮甜飽滿， 乾濕蒜調味有效提鮮， 鮮香微辣， 調味恰到好處。鵝肝金黃香脆，內裡綿密，油香滿滿。另外還有多款 一本料理、 創意壽司、手卷、 串燒、天婦羅、炸物等等， 自助區有熱食冷盤，冷熱飲品 清酒啤酒選擇, 還有多款甜品雪糕及小朋友至愛糖果吧。…查看更多

今日到尖沙咀工作，中午有頗多時間，約朋友出來聚一聚，朋友介紹佐敦一間火鍋放題，午市火鍋放題可由中午12點食到4點半，食足4.5小時啱晒我食完緊接下一工作。午市放題有5種套餐，我哋揀咗Lv2套餐，主要分別在於肉類，而其他火鍋配料都可以任點任食，另加40蚊升級海鮮。美國牛肩胛肉以基本級別係相當有驚喜，肉質軟腍肉味幾濃，係可以食唔停口嘅選擇。其他配料有豬肚、牛栢頁、台灣腸、餃類、台灣丸類、帆立貝、墨魚滑、手打肉丸等，質素都超合格。炸物有鹽酥雞、墨魚丸、墨魚春卷、鹽酥雞翼、炸魚片頭等台灣炸物，仲有4款shake shake粉任揀配搭，食落好有風味。升級海鮮有花膠、墨魚仔、鱔片、海蝦都新鮮，尤其海蝦我地每人食超過10隻已翻本。台式小食停不了，仲有滷水豬耳、豬大腸、雞腎、鵪鶉蛋、台灣腸、麻辣青瓜木耳，一啲都唔馬虎，慢慢坐慢慢食，飲品啤酒汽水任飲，仲有自家冷泡茶，我最鍾意四季春茶甘甜解膩。最後唔少得 Movenpick 雪糕 dreyer's雪糕都有任食，朋友話之前有限，現在無限任食，即刻食多兩杯勁滿足。…查看更多

今日約咗好耐冇見嘅朋友食飯朋友一早訂定位帶我食好嘢, 呢間係一間好有特色嘅日式居酒屋,裝潢好有日式風情, 炭火燒烤香港少有，好似去左日本咁。 呢度主打串燒同佐酒小食， 師傅即場炭火燒烤， 即燒即食，好有風味火喉十足。除咗串燒，居酒屋仲有多款日式靚酒，啱晒三五知己約埋傾偈聚餐。醬燒魷魚筒：魷魚筒大大隻份量十足，表面沾滿醬油，魷魚新鮮，食落爽口彈牙。明太子玉子燒:玉子燒蛋味香濃，質地好棉密，表面明太子醬更添惹味。大蔥鷄脾肉：雞髀肉嫩滑，大蔥新鮮香口，配埋特製醬汁，真係食到停唔到口。甲羅燒：蟹蓋裡面有蟹肉蟹膏好鮮味加上蟹籽 ，放上香脆嘅多士上面食，口感層次豐富。自家製免治雞肉燒日本季節蠔：肉質鮮甜飽滿，炭火燒蠔火候剛剛好唔會乾水。紫蘇墨魚卷：墨魚卷柔軟鮮嫩配上紫蘇獨特香氣，上面嘅蟹籽粒粒飽滿， 口感清爽不油膩。最後仲送兩枚扭蛋金幣 ，可扭蛋抽唔同嘅優惠券， 我哋抽到免費甲羅燒券可以留返下次用，正！…查看更多

牛大人火鍋放題出名高質，今日嚟到沙田分店， 地方好大， 座位寬敞舒適， 今期佢哋嘅主題經典重現 復刻體驗，推出咗多款傳統台灣菜式仲有兩款新湯底。聰明魷魚沙茶鍋醬香重疊，先潤美味。 養生菇菌燉雞鍋 菌鮮甘醇，滋潤溫補。 食材均以全天然製作， 健康又養生。日本黑毛和牛A4： 肉質細緻柔嫩， 油花均勻， 淥幾秒就食得。伊比利亞黑毛豬梅肉， 肉質軟嫩唔會鞋，肉香四溢。3款即食鮑魚各有特色，醉鮑魚酒香味濃， 另外兩款外層酥脆肉質彈牙軟嫩，鮮甜美味佢哋推出咗好多新菜式 :烏金墨汁手作腸口感特別，香濃彈牙、三和夜市雞皮卷微辣香脆、夜市撈脆薯焦香惹味、海苔鹽酥雞肉質嫩滑、滷味五香雞胗調味恰到好處嚼勁十足。超鍾意佢哋嘅特飲芒檸蜜西米爽，酸酸甜甜，入面有芒果蓉同西米，口感豐富， 加入清新嘅檸檬好解 膩。另外酒精特飲：港式檸檬茶18+，惠顧「日本和牛」任飲，惠顧「極上和牛」升級任飲價$68/位，其他套餐單點$58/杯。晚餐嘅中段， 店員重安排咗小遊戲畀我哋玩（ 東南西北回到童年時），玩完仲有小禮物添。…查看更多

每次同啲鍾意食海鮮嘅朋友食飯，都忍唔住推介呢一間千海水產海鮮放題， 因為呢間放題真係性價比高啱曬鍾意食海鮮嘅朋友， 今次嚟到九龍灣分店， 未到十二點已經好多人排隊等入座， 可見呢間放題店極受歡迎。自助撈海鮮區， 海鮮大大隻好生猛 ，鍾意邊隻撈邊隻勁興奮。 大頭蝦肉質彈牙蝦膏飽滿，沙白、蜆鮮甜冇沙， 鮑魚大大隻好彈牙， 藍蟹三點蟹肉質緊實鮮甜美味，朋友超鍾意一口氣食咗六隻蟹。澳洲m5和牛， 牛味濃郁油花超靚， 牛肩胛細嫩多汁，油香四溢。自助區仲有好多熱食、冷盤、甜品、雪糕、飲品任食， 我好鍾意食甜品，呢度嘅甜品款式好多， 仲有日本版嘅häagen-dazs雪糕，另外新增咗台式芋圓仙草甜品吧， 十多款配料 diy任意配搭，超滿足呀。…查看更多

朋友話今日帶我食好嘢-旺角安平燒肉， 一早網上訂定位（經inline訂位，L3套餐送 日本a4+和牛拼盤或 海鮮拼盤）。 入到餐廳大部分都係卡位， 環境優雅座位寬敞舒適，服務員好nice。食物好多款式， 簡直係海陸空盛宴，肉類、海鮮、夜市小食應有盡有， 好豐盛嘅烤肉體驗。 牛肉多款選擇：日本A4+和牛、日本A4+醬燒一口和牛丁、 蘭王蛋月見牛、 極厚切檸檬牛舌、澳洲M8和牛肩胛等等。日本A4+和牛油花分佈好靚，肉汁豐盈，入口即化，油香甘甜。蘭王蛋月見牛蛋液包裹住牛板腱肉，每一口都滑溜濃香，配上洋蔥調味整體更美味。海鮮有炙烤白鱔、 炙烤霸王蝦 、威士忌釀鮑魚、生蠔等等， 炙烤霸王蝦兩種口味鹽蔥和黑蒜油，蝦肉 新鮮彈牙，兩款口味各有特色非常惹味，生蠔大大粒飽滿鮮甜。好鍾意食佢嘅柚子鮑魚酥，外層微酥脆，肉質鮮甜彈牙， 調味恰到好處。可以申請成為會員儲分， 每月都有不同優惠，生日仲有特別優惠添。…查看更多

位於尖沙咀加連威老道和道屋，今日同朋友經過見到出咗新嘅午市半自助套餐好吸引，即刻入去食返個 豪華嘅午餐。食店裝修超靚每一個位置都係打卡位， 充滿日本風情舒適雅緻，店員有善。極尚套餐主菜可以揀煙燻麵包蟹或浜燒北海道蟹腳， 麵包蟹鮮甜，煙燻嘅處理增添層次感，超多蟹膏， 朋友食得津津有味。 北海道帝王蟹腳質感豐盈，肉質鮮甜緊實啖啖肉。前菜三選一： 雜錦刺身盛/ 精選串燒拼盤 / 日本直送生蠔 ， 串燒拼盤有5串，五款都好好味， 牛肉串燒肉質嫩滑，焦糖菠蘿外層微焦脆香甜可口， 另外仲可以無限追加 十蚊一隻日本直送生蠔， 勁鍾意食佢嘅日本直送生蠔，口感嫩滑入口即化， 鮮甜有海洋味。鍋物二選一我哋揀咗海膽龍蝦湯，湯底濃郁醇厚，啖啖鮮味，宮崎和牛肉質嫩滑，油脂均勻，忍唔住一口接一口。另外套餐會送和風沙律、 雪糕球、 五色刺身海膽甜筒，海膽甜筒超正，全個筒入面都係鮮味刺身食得超滿足。…查看更多

好鍾意週圍食放題，因為唔使諗， 同朋友之間又唔使遷就，入到去中西美食，南北小點各式各樣甜品美食樣樣齊。 今日嚟到尖沙咀殿大喜屋， 超驚喜呀，而家放題已經去到咁高質，除咗任食刺身外仲可以任食波士頓龍蝦、海膽壽司、仲有鱘魚子醬添，真係大癲呀！！波士頓龍蝦開邊大大隻， 肉質鮮甜彈牙啖啖肉， 鱘魚子醬質感細膩， 鹹味恰到好處， 口感綿密。蒜蓉粉絲蒸蟶子皇又係一大亮點， 蟶子大大隻新鮮 鮮甜， 添加大量蒜蓉好惹味。川燒珍寶鮮蠔燒， 啱啱燒起熱辣辣，蠔肉鮮甜大大隻， 脹卜卜食落好滿足。避風塘炒蟹， 蟹肉鮮甜緊實，加上避風塘式辣炒， 鑊氣十足 ，香氣撲鼻惹味非常。油鹽焗大頭蝦：大頭蝦超新鮮， 蝦頭好多膏， 蝦肉鮮甜彈牙， 調味恰到好處。自助區仲有好多美食、甜品同雪糕，最後一定要食 佢哋嘅甜品，細細件精緻美味 。…查看更多

今日經過紅磡寶其利街見到新開糖水舖， 店舖除咗糖水仲有餃子小食， 今晚一於唔煮飯買返屋企做晚餐。餃子即叫即煎拎上手新鮮熱辣， 我哋叫咗兩款口味 餃子，鮮肉韭菜餃子及鮮肉粟米餃子， 餃子大大隻外皮煎得香脆，＄40有10粒好抵食， 韭菜味道香濃， 皮薄帶點煙韌，肉汁豐盈，食得好滿足。鮮肉粟米餃子， 粟米清甜配搭肉汁滿滿嘅鮮肉完美配合， 餡料比例剛剛好， 雖然外賣拎到返屋企仍然脆口。綜合芋圓芒果燒仙草：佢哋嘅 糖水甜品大大碗好足料， 呢款入面有芒果、芋圓、仙草、紅豆、珍珠、西米， 配料好豐富， 芒果香甜仙草滑溜， 珍珠煙煙靭靭， 甜度調教得恰到好處，口感豐富。…查看更多

旺角超人氣海鮮火鍋放題, 好彩一早訂定位, 去到見到好多人排隊等入座， 入到去地方好大環境舒適， 仲有好大個海鮮水缸， 超過十多種不同生猛海鮮任 撈任食， 店員仲會為我哋清洗海鮮等食得 衛生又安心。海鮮控不能錯過 ， 三百幾蚊任食大頭蝦、草蝦、基圍蝦 、沙白、蜆、花螺、 花蟹、藍蟹等等十幾款海鮮，仲有大大隻鮑魚都係任撈任食， 新鮮美味，淨係食海鮮已經飽。除咗海鮮 仲有好多唔同嘅冷盤熱食， 有鐵板鵝肝多士、王牌燒乳鴿王、 芝麻雞翼、川味燒鮮蠔、 鹽燒牛舌 、西京燒比目魚等等。 好鍾意食佢嘅鐵板鵝肝多士， 鵝肝鐵板煎烤後外層黃金香脆，內部則保持柔滑濃郁嘅質感， 配上鬆脆多士口感豐富。肉類有澳洲羊肉片、美國豬梅肉片、特上牛小排、澳洲m5和牛美國牛肩鉀片， 淨係特上牛小排我都encore咗六轉， 肉質細嫩，充滿濃濃嘅肉香， 油花分佈均勻， 淥幾秒已經好好食。另外自助區有前菜冷盤、熟食、 甜品、 雪糕、飲品任飲任食超豐富。…查看更多

今日到樂富食飯，食完飯去豆乳狂人食甜品， 好鍾意呢間甜品店，地方大座位寬敞舒適 ，環境好有設計感。 屋企人知道我食豆乳狂人都叫我買返兩碗返屋企畀佢地食。多芒楊枝甘露：芒果鮮甜份量都唔少， 椰漿香濃 配搭清新嘅柚子肉及芒果粒口感順滑美味，甜酸平衡得宜， 讓人感覺清新而不膩。多芒小丸子：有西米、小丸子、芒果蓉、鮮芒果和 香濃椰奶， 芒果超甜大大粒， 小丸子軟糯且煙煙靭靭，香甜滿足。慢煮豬軟骨玉子粢飯：粢飯即叫即制，拎上手還是暖的 ，有慢煮豬軟骨、 肉鬆、青瓜絲、 油條和玉子，豬軟骨軟淋又入味， 配搭清新嘅青瓜絲及其他配料口感層次豐富又惹味。…查看更多

今日到沙田河畔花園同老友相聚， 見到有間新開甜品店-嘆甜品.即刻 入去試下， 小店以貓貓佈置同擺滿公仔超可愛， 店員親切有禮。 餐牌嘢食多選擇， 除咗甜品外仲有好多小食， 價錢仲好吸引添。芒果飄雪：雪花冰細緻柔滑，新鮮芒果果肉鮮甜多汁仲大大粒， 外面天氣炎熱食碗雪花冰透心涼。宇治抹茶拼烏龍茶麻薯窩夫：窩夫即叫即制外脆內軟， 兩款茶香口味各有特色， 加入麻薯煙煙靭靭口感有層次，雪糕球多款味道選擇。 椰皇芒果小丸子：呢款甜品擺盤精緻， 原隻椰皇， 椰皇奶凍椰香清甜加上芒果小丸子完美配搭，芒果肉大大粒 小丸子煙煙靭靭，口感豐富。Bbq蜜糖雞翼：雞翼肉質鮮嫩經過烤焗外皮微微焦香，內裏保持豐富肉汁， 沾上蜜糖香甜美味。花之丸鹽酥雞拼盤：鹽酥雞金黃酥脆肉質嫩滑，花之丸味道鮮香，調味恰到好處。…查看更多

呢期鍾意食放題， 約朋友最好就係食放題，大家口味唔同，食放題啱曬各人口味， 中西日韓美食應有盡有。今次揀咗觀塘極尚大瀛喜，之前食過已經好鍾意， 食物有質素地點又方便， 呢期仲加咗好多新嘢添。除咗外面自助區有飲品、 生果、前菜、 冷盤熱食外，QR code落單仲有多款刺身， 壽司、 串燒、燒物、天婦羅、一品料理、 手捲等等。 仲加咗新菜單， 焦糖鵝肝壽司、法式紅酒藍莓鵝肝 、 鐵板升級鵝肝多士， 鵝肝質感柔滑入口即化， 各款唔同嘅配搭各有特色， 追求奢華口感必選。金銀蒜粉絲蒸蟶子王：呢款新品不能錯過， 金銀蒜調味恰到好處， 粉絲吸收咗醬汁好入味， 蟶子爽滑彈牙啖啖肉，朋友超愛食咗10隻。北海道白粟米牛油燒：白粟米口感清甜爽脆， 配搭香濃嘅牛油及調味白粟米更味道提升不少。…查看更多

超強颱風即將來了，天文台公佈黃昏前會掛8號風球，老闆叫同事們早點午飯後回家避風，即刻約同事食最優惠，食足3個鐘嘅午市放題。長腳松葉蟹、帶子刺身、北寄貝、俄羅斯甜蝦都好新鮮，每次都係必食，魚子醬日本空運生蠔杯係新出品，蠔味清香，放題竟然有我的最愛，特製醬汁加魚子醬生蠔真係好好味又新鮮。芝士飛魚籽鰻魚玉子燒，芝士咸香同香甜玉子真係好夾，焦糖鮟康魚脆餅放燒鱈魚乾上，又脆又甘香。避風塘大頭蝦，油鹽焗鮮蟹一食就知都係新鮮蝦蟹，除蝦蟹盛宴，最驚喜莫過於XO醬蒜蓉粉絲蒸蟶子皇，無誇張隻隻超過6寸長，大隻新鮮，粉絲爽口，XO醬加蒜蓉吊出蟶子鮮甜更惹味。最後唔少得我第一至第三最愛，無錯，最後我食咗3杯 häagen-dazs雪糕，勁滿足。…查看更多

啟德AIRSIDE呢間來自日本嘅人氣茶室 nana’s green tea， 裝修優雅舒適時尚有品味，每次經過都超多人排隊，佢哋嘅巴菲真係好吸引每次經過都想食， 另外佢嘅烏冬都好令人回味。海老蕃茄豆乳烏冬：蕃茄同豆乳嘅配搭完美配合， 蕃茄酸酸甜甜好開胃 配搭豆乳令醬汁更加香滑美味。 鮮蝦鮮甜彈牙， 烏冬完美吸收濃郁蕃茄醬汁， 令人忍唔住一口接一口。嫩雞肉明太子茶漬飯：雞胸肉質嫩滑， 配上微辣明太子和其配料， 口感豐富有層次， 再倒入充滿日式風味鰹魚湯，飯粒吸盡湯汁精華， 清心美味。焙茶蕨餅芭菲：好鍾意食呢度嘅蕨餅香甜軟糯， 焙茶雪糕茶味香濃， 配上穀物脆片、 軟雪糕 、焙茶啫哩， 再淋上焦糖漿, 口感多重享受。抹茶生朱古力芭菲：色彩對比鮮明外觀吸引， 生朱古力口感柔滑濃郁， 綠茶清新香醇， 配上紅豆蓉完美配搭， 芭菲一層一層食到不同嘅配料， 超滿足。…查看更多