tiff_wakaka的个人专页

最近去咗尖沙咀金馬倫道嘅 壽喜·關西，上次銅鑼灣店真係食到我舔舔脷，今次一入到去就感受到嗰種日式氛圍，未食都已經好期待！😍餐廳主打關西風壽喜燒，師傅會喺你面前用牛脂起鑊，先將和牛煎香，再加醬汁同其他配料，成個過程都係一場視覺同味覺嘅享受！今次食咗啲咩好西？120g 赤身壽喜燒 & 180g 牛板腱壽喜燒：兩款和牛都超高質！赤身肉味濃郁，牛板腱就油花分佈靚到好似藝術品咁，入口即溶，油脂同肉汁完美平衡，配埋佢哋秘製嘅壽喜燒汁，真係食到我停唔到口！每塊肉都沾滿蛋漿，滑溜到不得了！配日本米飯：食壽喜燒點少得一碗靚飯？佢哋嘅日本米飯粒粒晶瑩飽滿，索晒啲牛肉汁同壽喜燒汁，簡直係人間極品！配讚岐烏冬：食完肉，梗係要淥埋烏冬啦！煙韌彈牙，掛汁力一流，將壽喜燒嘅精華完全吸收晒，食到最後一啖都係享受！Orion 黑生啤 330ml：呢個真係要特別讚！佢哋個啤酒杯係用零下-30℃雪櫃冷藏㗎！飲第一啖嗰陣，真係有薄薄嘅「啤酒冰雹」衝擊味蕾，超冰爽！配埋熱辣辣嘅壽喜燒，一冷一熱，個對比真係好過癮，口感一流，將成餐飯嘅體驗推到最高點！🥛可爾必思梳打：清甜解渴，食完咁多好嘢飲返杯，即刻refresh晒！赤身 40g：透過佢哋個優惠換領咗一份赤身，實在太好食，滿足晒我呢個食肉獸！外賣和牛：憑收據，一個月內仲可以7折買外賣和牛添！可以買返屋企慢慢嘆！🥰呢餐壽喜燒真係食得好滿足，無論係食物質素、用餐體驗定係服務都係一流！壽喜燒迷同和牛控一定要嚟試吓！…查看更多

不少友人都推薦這間韓式餐廳，今次去完韓國之後去這間餐廳，真係有一些驚喜。步入餐廳就看到幅韓式壁畫，侍應一見到就講韓文，在柔和的燈光投射下，營造了仿如置身韓國的氛圍，有種親切感，位置寬敞，餐廳空間都適合舉辦私人派對。餐牌選揀多，除了平時會常見的部隊鍋、粉絲外，連炸雞、燒肉、醬油蟹宦有，真係豐富。🖇️點完餐，當然不少得小菜：菠菜、芽菜、辣魚餅、泡菜等，口味相當豐富，可以續添。韓式八爪魚雞一上來就被菜的賣相吸引，一艘海賊船盛載著美味的海鮮，份量絕對超充足，炸原隻八爪魚和蜜糖牛油炸雞各半，然後店員會幫忙剪開八爪魚，真係好多。食八爪魚時已經feel到八爪魚肉夠彈牙，炸得都好香，整體而言，兩者都回味無窮！辣炒八爪魚拌麵八爪魚和螺肉都好鮮嫩，超爽口彈牙，而且辣度適中，再拌勻韓色拌麵，色香味俱全，滿足。如果你最近從韓國旅行回來，狎𠥹亭會是你回味韓國味道的理想之地。Highball讓人驚喜的是，這裡還提供 Highball，絕對要一試！沒想到和韓國菜搭配得如此完美！…查看更多

今個夏天，終於推出咗一份新菜單，真係令人期待😍！一入去就被佢嘅日式裝潢吸引，彷彿置身於另一個地方，心情即刻放鬆（😜雖然有啲誇張，但的確好舒服）。呢個新菜單選擇多到你眼花撩亂，全部都係自家創作。點餐流程簡單易明：1.從前菜、野菜、海鮮、炸物中選3-5個菜式2.自選一個米飯選項（拌飯或飯團）·送自家製啤酒柚子蘿蔔漬·購買多品料理可享八折飲品優惠（部分飲品除外）新菜單推介😍1.馬賽克三文魚配紫蘇油：新鮮三文魚，搭配清香紫蘇油，味道清新。2.露荀松露野菇香雞卷山：香雞卷配上野菇，味道層次豐富。梅酒冷蕃茄配西瓜汁與紫蘇油冰鎮蕃茄浸梅酒，配西瓜汁，口感清爽開胃～富士三文魚泡菜飯團可愛富士山造型，米飯Q彈，內有三文魚同泡菜。醬燒沖繩黑糖豬軟骨慢煮豬軟骨，醃製黑糖，味道甜香入味。明太子茸飯香滑明太子茸，口感特別。焦糖明太子玉子燒玉子燒外脆內嫩，加上鹹香明太子醬，味道超正！金平蓮藕蓮藕釀豬肉，炸至金黃，秘製醬汁惹味。和風燒汁燜豬軟骨軟骨煮至入口即化，吸收濃厚日式燒汁，配飯一流。名古屋の手羽炸至酥脆的雞翅，蜜糖醬汁加苔粉，絕對令人上癮！羽根餃子（單點）底薄脆，餃子皮煙韌，肉餡juicy。…查看更多

行完花墟,慢慢行行吓就見到這間餐廳,發現有日式套餐,加上環境舒服又好多休閒打卡位,所以即刻入去!這間文青風cafe,裝修新淨,食物質素亦都十分不錯,餐廳主打日式定食、美式漢堡、沙律等料理,讓人享受放鬆身心的時光。我們點了一套Combo,包括了:Bonito Soup Udon 木魚湯烏冬： 湯頭濃郁鮮美,烏冬Q彈有勁,令人回味無窮Grilled US Chuck Flap 烤牛肩胛： 肉質鮮嫩多汁,帶有微微烤香,完美襯托牛肉本身鮮味Mentaiko Tamagoyaki 明太子日式蛋卷: 明太子的鹹香與蛋卷的軟滑完美融合,令人難忘Chicken Wings 香蒜牛油雞翼： 外酥內嫩,蒜香四溢,實在太下飯Gyoza 山葵忌廉醬炸餃子：外皮酥脆,內餡鮮嫩,配上濃郁的山葵醬, 第一次食好唔錯同時, 我單點一份CHILL PILL沙律碗,有紫薯和牛油果,清新爽口,紫薯的甜味和牛油果的香滑形成絕妙對比,是一道非常開胃的沙律。點少得叫一杯Dirty, 濃郁香醇的咖啡,令整個人都放鬆下來。相信下次再來的時候,一定會帶更多朋友一起來品嚐這裡的美味!…查看更多

最近去咗銅鑼灣一間泰菜館，真係有驚喜！ 餐廳嘅廚師同侍應都係正宗泰國人，菜式選擇豐富。最正係個環境好寫意，難怪就算閒日夜晚都座無虛席一踏入餐廳，所有店員都係泰國面孔，🇹🇭即刻有種置身曼谷嘅感覺，連播放嘅音樂同燈光都散發住濃濃嘅泰國風情。餐廳氣氛非常悠閒，今次試咗椰汁雞湯，係我極力推介～🌴椰汁雞湯Spicy and Sour Chicken Soup with Coconut Milk呢個椰汁雞湯湯頭香濃，帶有少少辛辣，🥥配料仲有嫩滑雞肉同多款菇菌，真係好足料。🥬炒通菜Sauteed morning glory w/bean paste and chilli 通菜炒到恰到好處，爽口脆嫩，鑊氣十足。蝦醬同辣椒嘅味道好突出，鹹香惹味，係地道泰菜嘅精髓餐廳選用嘅通菜都好幼嫩，唔會食到渣。燒豬頸肉Spicy grilled pork neck salad豬頸肉燒到外皮帶點焦香，但內裡依然保持肉質軟嫩。配埋泰式酸辣醬汁~酸酸辣辣好醒胃，做前菜一流。豬頸肉邊位燒得微燶，再點埋個帶有醋香嘅泰式辣汁，味道真係冇得輸。🥳🪵木桶肉鬆欖角蝦炒飯Fried Rice in bucket呢個炒飯用木桶上菜，賣相好特別，而且炒得夠晒鑊氣。面頭鋪滿肉鬆，仲有欖角，我第一次咁食，鹹香味道非常獨特。炒飯入面嘅配料都好豐富，有大隻爽口嘅蝦同埋大量肉鬆，份量十足，睇得出廚師好有料。再飲埋兩杯🍻啤酒真係好爽…查看更多

最近又同友人去太子食飯，😋估唔到今次咁有驚喜！一入去就聞到香噴噴嘅東南亞味，即刻胃口大開。佢哋啲嘢食真係有水準，食到好有風味，😝好似去咗旅行咁！✨ 仁當巨霸牛肋骨配烤餅：嘩，呢個牛肋骨超大舊，炆到勁冧，一夾就散！仁當汁又濃又香，點埋個烤餅食，正到爆！仁當迷必點！✨火焰醬香椰子雞窩：呢個好特別，個雞窩係椰子味㗎！雞肉好滑，個汁又香又甜，食到暖笠笠，好有東南亞feel！✨馬拉盞椰菜苗：菜都唔馬虎，炒得好爽脆，馬拉盞味夠香，辣辣哋好開胃，送飯一流！✨Susan豬手全隻：豬手炆到好軟熟，肉質又滑又入味，連皮都好好食，夠晒大份，食得好滿足！🌟熱蜂蜜桔仔水：酸酸甜甜好解渴，食咁多嘢飲佢就啱晒！🌟恐龍美綠：經典嘢飲，朱古力味濃，甜甜哋，小朋友同大朋友都鍾意。🌟熱薏米：清清哋，甜度啱啱好，飲落好舒服，解熱氣一流。總之蘇山雞飯啲嘢食真係有水準，味道好正宗，食得好開心！想食東南亞菜，呢間絕對值得試吓！…查看更多

灣仔嘅THE STAGE一直係我會留畀自己享受一個輕鬆愉快嘅夜晚嘅地方，今次私心推薦出嚟。今晚嘅重點緊係佢哋嘅Fries Before Guys（薯條山）今晚點咗Triomphe fries，搭配2 hours bottomless bubbles and wine，適合所有男女（it like a ladies night but make it available to ladies and gentlemen），讓每個人都可以享受！唔講得笑，當薯條端上嚟嗰陣，我哋都嚇親，份量真係多到驚人！薯條外脆內軟，食一口就停唔到，根本唔想分畀其他人。💡酒吧嘅設計超有格調，環境高雅又有情調，無論係同朋友聚會定係約會都非常合適。🪔呢度嘅氛圍輕鬆自在，傾偈時感覺特別舒服，絕對唔係淨係打卡嘅地方。特別推薦佢哋嘅🥂Prosecco 順口又清爽，侍應都好熱情，經常過嚟幫我哋加酒，令飲酒體驗更加愉快。如果你想喺忙碌嘅工作後搵個地方放鬆，灣仔嘅THE STAGE絕對係個好選擇…查看更多

「潮正和」嘅招牌菜式可以話係集合咗唔同精選牛肉部位,🐂為食客呈現一場視覺同味蕾嘅牛肉饗宴。首先係金標生牛丸,肉質鮮嫩多汁，🥩配合濃郁醇厚嘅牛骨清湯,湯頭清澈透亮,飽含牛肉精華,溫潤回甘,令人回味無窮。🍖而全牛宴更係呢間餐廳嘅招牌之作。由三花趾、五花趾、匙皮、牛舌到雪花、胸口勝、匙柄、吊龍等各式部位,每一件都經過精心處理,👍保留住牛肉本身嘅鮮美滋味。無論係軟嫩多汁嘅五花趾,定係彈牙爽口嘅三花趾,都令人難以抗拒。👏🏻整體而言,「潮正和」嘅菜品唔單止喺視覺上吸引人,喺味蕾上都絕對係一絕。無論係初次品嚐,定係老饕光顧,都可以喺呢度找到屬於自己嘅牛肉饗宴。期待下次再嚟一探究竟!…查看更多

今次食咗朋友屋企附近嘅The Platter自助餐廳，酒店最近大捱體驗「海之誘惑」主題，餐廳價錢好實惠。而且輕鬆愜意氛圍，好啱屋企聚會或朋友小聚～🦞 必食波士頓龍蝦：肉質彈牙，蝦膏甘香，絕對是必試之選！ 新鮮海鮮：冰台上擺滿了各式各樣的蝦子、青口和螺類，讓人忍不住想要品嚐！仲有長腳蟹、蝦、龍蝦等，讓海鮮控們心滿意足！🦐刺身：新鮮三文魚同吞拿魚刺身都有🍣 冷盤海鮮熱菜；燒羊鞍和穀飼肉眼扒，肉質鮮嫩，而且外焦內嫩，令人回味無窮！😋🍰 🍦 甜品區各式蛋糕、布甸，自製窩夫，還有任食的Haagen Dazs雪糕杯，飯後可以狂刨兩杯，完美收尾！🎉…查看更多

每次行過棉登徑都被呢間居酒屋嘅日式氛圍吸引！今次終於約齊朋友黎試佢哋嘅招牌磯燒海鮮～🦀✨必食推薦✨🦀【蟹味噌甲羅燒】$98店員即場炮製嘅視覺享受！蟹膏+蟹肉+飛魚籽+鵪鶉蛋完美融合，濃郁蟹香爆發之餘仲有青瓜絲平衡鹹度，連平時怕腥嘅朋友都搶住食！🐚【焱丸活貝大盛】$398海鮮控必點！上枱時鮑魚仲識郁👀 手掌大嘅牡蠣、肥美帆立貝、清甜白蜆全部鮮到會發光✨ 店員專業控制火候，每款海鮮都燒到剛好彈牙～🍳【蟹肉玉子燒】$88驚喜之作！蛋香濃郁又蓬鬆，蟹肉鮮甜完全唔腥，仲要切開有流心效果💛🥘【日式甜醬牛肉鍋】$228關西風味十足！分開上嘅美國牛肉片可以自己控制生熟度，鍋物配料多到滿瀉～特別推薦加配烏冬，吸晒湯汁超正🍜💡小貼士：- 晚市建議訂位- 磯燒海鮮每日限量- 店員會主動幫忙燒烤…查看更多

成日都唔知食乜好，今次就膽粗粗直入東涌試呢一間有中東美食 食lunch buffer ！餐廳位於喜來登酒店入邊，🙌🏻環境喎裝修好有異國風情，開放式酒櫃可以邊行邊睇唔同種類嘅酒。🤤午市自助餐選擇多到眼花，由經典嘅hummus、falafel，到海鮮同香料燉菜，款款都夠晒地道。必試佢哋嘅烤雞，皮脆肉嫩，配埋自家製醬，🧁真係食到停唔到口！甜品區嘅Baklava同米布丁都係人氣之選，甜度剛好！Mocktail: Passionfruit Yakult Cocktail: Tea Collins最後一定要讚d Staff 好helpful好nice☝️一句講晒：1. 中東菜款式多，香料足 2. 即叫即烤嘅naan同烤肉超香3.環境放鬆又chill，打卡一流～ 4！性價比高，weekend同friend或者family去食就最抵！…查看更多

呢日同閨蜜喺中環行到腳軟，行經聞到陣陣川菜香飄出門口🔥​📌 紅燒肥腸麵一上枱就聞到濃郁醬香，麵碗堆到滿滿嘅肥腸塊，每舊都處理得乾淨，肥膏位軟腍帶膠質，唔會有異味。湯底帶少少辣勁卻唔嗆喉，撈埋粗麵一齊食，掛湯力一流🍜📌 酸菜魚片鍋配飯砂鍋上陣時還滾住泡泡，酸香撲鼻而來。魚片無骨又滑嫩，浸喺金黃色湯底入面，吸收晒酸菜同野山椒嘅精華，配埋熱辣辣白飯🍚酸辣開胃。📌 香辣牛肉鍋配飯大片牛肉腌得嫩滑，鋪滿密密麻麻嘅乾辣椒同花椒，望落驚人但食落層次豐富，初時覺得香，後勁微麻慢慢湧上，令人愈食愈上癮。🌶️ 呢度份量夠大，埋單人均百幾蚊，喺中環呢個地段算抵食💕辣迷必朝聖啊！…查看更多

平民價錢，高級質素今日同朋友嚟到旺角呢間街坊小店，專程食吓佢哋嘅生煎包。人氣很旺，晚餐時段都要排一陣，不過很快鋪面唔大，但乾淨企理，午市時間坐滿晒人，好彩等咗十分鐘就有位。 🥟 招牌生煎包 (2隻) $20外皮煎得金黃香脆，咬落去肉汁豐富，要小心燙口。豬肉餡調味剛好，唔會太鹹，加少少醋更開胃。 🦀 蟹黃生煎包 (1隻) $20蟹黃味突出，同豬肉餡好夾，鮮味十足。不過一隻唔太夠喉，下次要叫多隻先得。 🍲 雞湯小雲吞(12粒) $36小雲吞細細粒，皮薄餡靚。湯底清甜，飲完唔會口渴，配生煎包食幾平衡。 🥤 豆漿任飲 豆味香濃，唔會太甜，免費任飲真係好抵。 見到隔離枱叫咗蟹粉小籠包同炸醬麵，賣相都唔錯，下次可以試吓。 …查看更多

搵到時間去試呢間「麺屋」荃灣店！未入門口已經聞到陣陣濃郁豚骨香，枱椅全部係實木製，坐低已經覺得好治癒💡​Menu 主打「正宗全料東京撈麵」，當然要叫最經典嘅啦！熱辣辣咁上枱，配料成座小山丘咁 —— 半熟流心蛋、厚切叉燒、筍乾、蔥花、海苔，視覺已經先打 100 分🥚🔥​👏 麵條彈牙，還原到東京「中華そば」嘅神髓🍜​重頭戲叉燒厚到誇張，肥瘦均勻，；流心蛋簡直係藝術品，蛋黃半固態，撈埋麵條食簡直邪惡至極😈呢間店真係「平靚正」三字真言！一碗全料撈麵，份量足到男生都食飽，環境舒服得嚟又有氣氛，無論自己獨食定同朋友吹水都適合🥰…查看更多

今日喺沙田撞正間寶藏拉麵店！一入去就被木質裝潢+暖黃燈光治癒到陣陣湯香飄過嚟 即刻餓到肚打鼓🤤✨主角登場：【豆乳白味噌拉麵】一上枱就WOW！奶白色湯底濃到會掛杯 飲落...豆乳清甜✖味噌鹹香 完美balance💯麵條煙韌到彈牙 掛湯能力MAX🥬配菜豪華到似藝術品：✅爆漿溏心蛋（流心程度100分）✅綿密紫薯+粉糯南瓜（甜到入心）✅爽脆蓮藕（卡滋卡滋聲治癒）口感豐富到似坐過山車🎢🍗必加item：蒜香炸雞球 外脆內嫩到犯規！咬落肉汁多到要用手接（冇誇張）📸打卡位：暖黃燈光下碗拉麵自帶柔焦效果木製吧枱超有日本feel🇯🇵💁‍♀服務：店員笑容甜過紅豆湯仲會教你點食最正宗💰性價比：配料多到滿瀉絕對值得專程過嚟！…查看更多