albeehmy的个人专页

Cobber係觀塘都係數一數二嘅高質Cafe 😍今日黎到佢嘅分店食tea！個環境完全唔同，同埋係地舖，好容易就黎到！1. 蕃茄意式肉丸 $88（配自由無限暢飲）超級好食！！佢嘅蕃茄味好濃😍重點係佢細細粒肉丸但都超級Juicy ❤️每一啖都爆汁！唔捨得食哂T.T 如果你地會叫小食嘅一定要叫呢個！2. 鱈魚手指 $68 （配自由無限暢飲）炸得好香，每隻魚手指都脹卜卜！魚肉一絲一絲，正！魚味就冇乜架啦，但都唔會有陣雪藏味，幾好喎又！配埋他他醬好好食，仲有少少Juicy 唔會好乾～3. 自由飲品吧～有好多款唔同飲品，唔知會唔會定期轉，不過今日：雜果賓治、蘋果微碳酸、巨峰提子伯爵茶、台灣四季春烏龍茶，仲有薑檸樂飲🥹我都飲左好多杯！最正係佢可以加冰，仲有啲嘢唔會好甜、飲好多杯都唔會覺得好滯😋😋整體：🌟🌟🌟🌟🌟會回訪！！！！…查看更多

星期日2點零鐘黎到要等一陣位等左15分鐘左右先入到！原來已經冇左最想試嘅海南雞飯同脆豬飯🥹1. 椰子沙冰大推！！超級好飲🤧🤧🤧感覺係真椰子變左沙冰！好香濃椰子味！加埋沙冰凍冰冰口感一流！下次去都要再飲！！2. 蝦餅蝦餅比較普通🤣 應該唔係自己手打蝦餅似係一pack 買返黎炸返熱！3. 肉碎煎蛋飯（豬）唔算好香好濃好辣，有種遷就左香港人口味嘅肉碎感覺～不過就真係唔係好油膩，感覺係幾健康！蛋有流心！但冇脆邊🥹🥹 總係覺得差左少少feel 咁！4. 燒雞油雞飯大讚！！ 只可以話好啱我口味！油雞真係好好食！我就係鍾意雞胸位，唔油，多肉！！！佢完全做到！ 雞油飯唔油膩但香口🧞‍♂️🧞‍♂️正！整體：🌟🌟🌟🌟食食下聽到佢脆豬回歸🥹🥹可惜已經食唔落！下次想再早啲黎試下佢嘅海南雞同脆豬😭…查看更多

今日黎到Cohee，聽聞係嘆啡好地方！星期日4點幾黎到仲係好多人，差啲冇室內位～食完Lunch 過黎，所以只可以叫杯啡同甜品當係Enjoy 下weekend vibe ✨✨1. 手沖咖啡 Yunnan Baoshan我覺得隻味好單一，唔係好飲到佢隻豆嘅特色同埋冇乜前中後調🥲🥲🥲唔知係咪呢杯係咁 定係我個日去係咁因為手沖都係好多因素可以影響2. 凍Latte唔，一言難盡其實我唔係住粉嶺，不過都專程入去真係對佢地嘅啡好大期望！latte 已經係好容易整得好飲嘅啡！但呢杯啡味唔濃，奶味唔香🥲🥲 3. 蘋果撻配雪糕甜品反而令人有驚喜！個撻好脆～蘋果薄片但好甜雪糕上有肉桂粉令蘋果甜味更突出！蘋果撻嘅熱同雪糕嘅凍交融好正！星期日去實在太多人～環境又比較擠擁，唔覺得令人好chill 🤧加上啡又令人失望🥺 未必會再試！但如果你黎到可以試佢個蘋果撻！！…查看更多

食完Lunch過左黎食Gelato😛勁多味唔識揀，不過呢到可以試食！包你揀到啱味為止🥰🥰最後揀左4隻味～左邊：西瓜🍉+草莓🍓右邊：菠蘿🍍+熱情果😝大推西瓜味同草莓😍西瓜味真係超似食緊原隻西瓜嘅沙冰版！！冬天食都好正😭🌱 草莓最驚就係食到超假藥水味，但呢到嘅草莓真係有原粒草莓嘅感覺✨✨菠蘿就唔係普通菠蘿，而係混左橘子🍊所以有種橘子嘅回甘，如果你鍾意就應該會覺得好食，我就覺得有少少苦🥹熱情果就好Fresh 同好酸🤣🤣整體：🌟🌟🌟🌟好食！價錢就應該係香港食Gelato 嘅普遍價錢😂（50幾蚊一杯仔2隻味），覺得會心思思間唔時係附近食飯嘅話，都會過黎睇下有咩季節限定口味🌱…查看更多

星期六夜晚book左黎呢到✨✨8點鐘準時黎順利入座我見當晚8點後有人walk in 都入到！Check完資料就安排我地入座💫當時見門口有呢個位好靚，仲要係空🥹不過店員就好direct 叫我地坐另一邊冇燈嘅位我地膽粗粗問可唔可以坐呢邊佢先睇一睇iPad 話冇人book 都可以坐啊（大膽問！！⚡️）我地預先book左個1. 野菜豆乳嫩雞鍋我見佢話要預先預約先可以食～不過呢個鍋都要400零蚊，唔算好平！但個豆乳湯式好好飲😛😛本身個鍋有呢碟雞、有菜、菇、豆腐、腐皮我地後尾再加左烏冬，配埋個湯好食！2. 人氣牛舌芯食完先知原來係社交平台名物個個都話悄悄食堂嘅牛舌芯好食而我本身係麻麻地牛舌都覺得唔錯🤣配埋佢個鹽好好食！！！開啟左我可以一嘗牛舌嘅底線～3. 草莓🍓乳酸梳打 印象中唔係好平🥹但我覺得幾好飲唔係好甜，草莓味濃！唔係好假嘅草莓味4. Homemade Lemonade呢杯就唔算好出眾不過想講好欣賞佢地嘅冰球😙😙完全唔會好快融冰！！整體：🌟🌟🌟🌟食物好食、環境靚🌱🌱🌱不過收費真係唔算好相宜🥵同埋見社交平台有講起員工態度，我覺得佢地係比較直接冇尾音🤣但都願意提供協助嘅！…查看更多

圍繞東廣場都係小店比較多呢到竟然有間木系Cafe 😛😛😛1. 炸雞胸明太子醬賓尼迪蛋酸種麵包感覺好似好健康嘅選擇😝（雖然明太子醬應該好肥）但雞胸好嫩，配埋Benedict egg 蛋汁好食☺️同酸種麵包一齊食好夾不過覺得個麵包唔算好香😗😗2. 肉眼牛扒100分大讚！個牛好soft 有牛味好食！個汁又好夾！同埋附近好多配菜，有烤菇同西蘭花好香！仲有個西蘭花薯餅，食落唔會好dry 好悶～整體：🌟🌟🌟🌟🌟會返黎再食😝😝😝😙…查看更多

星期六12:50 到！原來已經full booking🤧要等 1點鐘booking 嘅人唔黎先有機會有位好彩等到13:15 有位可以入去，唔算好耐不過最好當然就訂定位😛1. 西班牙海鮮飯不過不失嘅海鮮飯～蝦都彈牙，其他中規中矩！飯嘅本體海鮮味唔算好濃飯質介乎唔濕又唔硬嘅中間除非當日好想好想食海鮮飯，如果唔係，覺得可以試其他主食～🤣2. 烤八爪魚配辣肉腸薯粒 大推！！！坦白講，係八爪魚未係最出色，佢質地好煙韌要咬耐少少嘅！但個汁好惹味～配合埋炸到好脆身嘅辣肉腸同薯粒，好食！3. 凍Latte中規中矩啟德咁多選擇，覺得唔洗浪費quota 係呢到飲😇推廣：🌟🌟🌟🌟有興趣試埋其他野😙😙應該都會再返黎！…查看更多

星期日下午book左位順利入座✨人多但唔逼，空間廣闊坐得舒服～適合一班姐妹坐低傾計chill 下🥰1. 炸蟹肉球拼薯餅配蜜蜂芥末醬及茄乾醬炒首先黎到嘅係小食，黎到個賣相好精緻高級，薯餅變左高級菜咁😗蟹肉球食落一絲絲蟹肉，不過食落就好乾，唔算好濃味～薯餅大讚！炸得夠脆，上面嘅醬係辣辣地，但又好清新！非常特別～2. 明太子忌廉汁煙肉意粉-黑蟹籽意粉creamy ，一貫忌廉意粉嘅味道～不過明太子味唔算好重，黑蟹籽亦唔算特別！但我幾鍾意佢意粉幾彈牙🤣3. 扒西冷220g·精選時菜·薯蓉今次揀左5成，覺得啱啱好～唔會有血水，有少少粉紅，食落口感好soft 有少少咬口得黎唔會好似擦子膠😌薯蓉creamy 好食～！！4. Wonderland 個樣好平平無奇，飲落幾OK！！個頂係抹茶cream，打發得好厚身！隨之而黎係底下嘅抹茶牛奶！好飲！5. 熱Latte啡普通，冇咩啡味😛😛😛😛整體：值得一食，環境靚！會Encore！…查看更多

平日下午黎到土瓜環，想chill 下食Cafe！搵到呢間都好多好評嘅餐廳一於試下佢✨✨1. 四川蝦醬大蝦意大利粉好特別嘅組合，中式醬+意粉，專登試下～四川醬用左一種好creamy 嘅方式呈現完全冇違和感～蝦都好彈牙好食！2. 冬蔭功雞肉意大利粉呢個冬蔭功意粉令我地好驚喜！！首先佢係係個set lunch menu 入面，平過四川醬個款嘅main menu 意粉，本身冇咩期望～但食第一啖開始完全停唔到！冬蔭功味正，好重椰奶香，少少辣又唔需要係咁飲水，惹味又正，雞肉好嫩滑！3. 熱Latte花就打得唔係好靚🤣 普普通通4. 是日甜品：香蕉芒果拿破崙拿破崙好似係呢間舖嘅主打，食完主食都order左一份是日甜品試下✨香港人最高評價：唔會好甜同埋拿破崙好脆，好食！…查看更多

一間細細的店，平日夜晚7:00 幾黎到剛剛好唔洗等位！一入店就聞到一陣陣咖哩味～1. 牛油咖哩+黑毛豬肉餅咖哩超級香甜，質地處於剛剛好狀態好creamy 好似飲緊濃湯咁！豬肉餅有兩大舊好抵食～煎到勁香口✨✨配埋流心蛋一流！2. 牛油咖哩+黑啤牛肋肉黑啤牛肋肉係要額外加$10黑啤味我我就唔係好食到但個牛肋肉入口即化😦好好食！好香牛味！3. 霹靂雞軟骨雞軟骨份量好多～個醬好好好好食！大推！係介乎係黃芥末同沙律之間嘅味，超好食！好襯呢個炸物😭🙏🏻會再encore！下次想試埋佢地嘅辣咖哩🍛！！…查看更多

專程黎試下呢間泰菜，聽聞連泰國人都大讚！平手嘅6點黎到冇乜人直入6-7點慢慢就愈黎愈多人，重點係超多泰國人都黎食✨1. 打拋豬煎蛋飯超級惹味！！！ 夠哂辣，超級好送飯🥵可惜肉碎唔算超級多，我慳住慳住咁食🥹隻蛋白應該係油炸！好香口好脆！大推！2. 馬拉盞通菜好食唔油膩，辣得黎唔會死咸死辣平時最驚食泰國餐廳通菜d汁好咸呢間完全唔會，單食都可以～3. 串燒豬肉無諗過呢個份量咁多😦😦啖啖肉好正～！沙嗲醬濃但唔會太搶味，好食又抵食！…查看更多

今日紅日黎到phi coffee～之前朋友講起食過其他分店麻麻地，所以一直都冇試到，今日紅日見佢唔洗排隊，又想chill 下，決定比個機會佢😈1. 雞排全日早餐落單時店員提醒要等20分鐘，點知唔洗10分鐘黎左！ 但質素都唔錯✨ 🐥雞排雖然做唔到皮脆，但都做到肉嫩！同埋有2塊都覺得份量係okay！ 🍳蛋就輕微脆邊，落左少少辣粉，食落都幾惹味～🍞個包有陣輕輕牛油味，但唔算特別香🥗菜就冇咩特別，冇黑醋/沙律醬，食落dry🧅菇係最差嘅item，明明可以整得好好食，但佢好乾身，又冇乜調味，好似冇特別烹調過～2. 冬蔭功海鮮意大利粉冇咩挑剔，真係冬蔭功味！香茅味同椰汁味都重，好食！海鮮都OK，魷魚好彈牙！不過真係好辣🥵 唔食得辣嘅記得要留意～3. 焦糖牛奶咖啡我覺得個牛奶咖啡本體都唔算好好飲，本身黎到時已經有焦糖味，個陣還算剛剛好，後來上面嘅焦糖越嚟越融，搞到成杯咖啡超級甜😆4. 豆花咖啡佢係一杯牛奶+豆花+Cream+白朱古力塊，另外一個細杯就係espressso，倒落去之後再撈埋～都幾好玩😆不過杯espresso 真係好苦，倒左菇去杯奶到都仲係好苦，我攞左少少焦糖黎呢杯野先覺得好d！———————————————————————整體我覺得唔錯！特別係佢唔使等位嘅話，喺假日可以chill 住食下cafe 都係幾好嘅選擇！…查看更多

今日同朋友講唔想食咁heavy朋友即刻推薦呢間Cafe 比我😙😙😙個menu 即刻見到B區勁多健康餐😆最後冇食到B區，食左A區，再加多$38 升級套餐～1. 是日餐湯- 南瓜湯好好飲🥹🥹Feel到好健康冇落太多調味～南瓜味濃！超級creamy ！個碗望落好細，但飲落又啱啱好✨💖2. A3 青醬雞肉扁意粉呢個都好好食！淡淡嘅青醬味～調味剛剛好✨唔會好死咸！重點係個雞肉唔柴，竟然仲彈牙！3. A9 香煎牛扒配薯蓉呢個牛扒叫左7成🤣覺得下次叫5成好似好啲呢個牛扒有少少乾😛😛同埋又要食意粉又要食牛，佢好快凍左好彩凍左都唔算變得超級韌4. 棉花糖奶蓋窩夫開頭都怕會好甜，不過都還可以✨✨奶蓋中和左棉花糖隻甜味，變得啱啱好！仲有麻薯同雪糕😙😙窩夫就唔算好大份，不過2個女仔share 啱啱好5. 雜莓沙冰唔記得咗影相，都幾大杯✨同埋個感覺都完全唔甜，好似好健康😛總括然而我都會比5星呢間餐廳🥹💦有encore 機會！！！…查看更多

見到Cafe 關注組推薦，專程黎試下☕️🫶🏻1. 四川醬大蝦意大利粉 $138見好多人大推呢個四川醬意粉，即刻想試！中式醬+意粉好特別嘅配搭🥰黎到個樣都靚靚仔仔，先試左個大蝦，應該有炸過，同埋好彈牙新鮮！個意粉有少少微辣，食到四川撈麵醬嘅味道，以為會好重口味，但又唔算好濃，如果個醬再厚身啲就正！☺️2. 泰式香茅椰汁雞肉意大利粉 $88 （Lunch Set）Lunch Set試左呢個意粉，黎到平平無奇，個賣相都普通，結果有驚喜🥹🥹🫶🏻個辣啱啱好，椰汁味濃，香茅味重！每一條意粉都掛住椰汁🥥3. 香蕉🍌拿破崙（Lunch Set +$25 是日甜品）個拿破崙好脆皮😋個醬都唔會好甜香蕉有脆脆焦糖，好食！4. Flat White / Iced Americano 整體都推薦，主食好食，甜品都正，啡都okay☺️🫶🏻 …查看更多

今日幫朋友慶生黎到銅鑼灣嘅Old book📚環境好vintage～有塊落地大玻璃加埋Vintage 佈置，都幾有氣氛！1. 蒜香咸蛋黃少少辣粟米 $78蒜香唔係好feel 到，咸蛋黃就痴哂係條粟米～粟米唔係好甜，辣粉就有少少刺激！重點係🥵🥵佢會醬住個嘴成條脷都好乾好乾，好似d咪精痴住哂係條脷！2. 九層塔肉鬆椰菜花 $108開頭以為係沙律爽脆feel，點知係中菜感覺🤣用水滾嘅椰菜飯⋯⋯⋯加肉鬆⋯⋯就係咁！九層塔都冇咩feel🥹 3. 脆炸香薯（避風塘） $78薯條份量好多，炸得好脆～不過係幼身薯條！如果撈埋d避風塘碎碎一齊食都ok～但如果單食薯條就冇咩避風塘feel！4. 明太子蟹肉蟹籽意大利粉 $148意粉唔算好濃味，啱淡口味人士蟹肉同蟹籽份量唔算好多好多！每啖入口都有少少～意粉就幾有咬口，整體都還可以！5. 西班牙伊比利亞豬鞍配青蘋果醬 $218啱啱好偏熟嘅口感～又未係好硬，但又唔算好Juicy！但個青蘋果醬唔伏，都okay！感覺好清爽同有新鮮感～叫左幾杯野飲，冇影到相，不過杯焦糖蘋果乳酪沙冰幾好飲🧃可以try！另外係到切餅比左$80費用🍰埋單整體用左$1008～ 講真都幾貴，但野食就唔算好值🤑🤑但如果食環境都可以試一次～！！…查看更多