little_tummy的个人专页

💜 之前同老爺奶奶一齊食過，今次再同老公一齊嚟！衝着這裏的八色小籠包😍💜 特色皇朝小籠包 $148呢個就係我最想食嘅八色小籠包啦！每一粒都唔同口味😋佢哋有建議食法順序首先係 原味 > 糟溜絲瓜 > 鵝肝 > 黑松露 > 芝士 > 蟹粉 > 蒜香 > 川味小籠包記得要趁熱食，如果唔係啲皮就會硬㗎啦~ 真心皮薄餡靚而每一款口味都真係好突出，完全食到各自嘅味道。我私心最鍾意係鵝肝口味🤤💜 蟹粉生煎包 (三個) $78而家季節有好多蟹嘅食品，真係眼花撩亂~我哋揀咗蟹粉生煎包！個底煎得好脆，內餡多汁🥰💜 上海炒飯 $96上海粗炒就算多，其實就係用同一個味道不過係炒飯！ 炒飯粒粒都沾滿香味，入邊有蝦仁，香氣滿滿😊…查看更多

🧡 去到睇餐牌有好多唔同set可以揀🧡 今次我哋食嘅就係$898既十四品set，好豐富👍🏼🧡 前菜有三款: 醬油漬三文魚頭軟骨海草昆布，熟成挪威三文魚牛油果他他，醋漬日本三色蔥🧡 沙律🥗係煙燻挪感三文魚有機沙律菜卷🧡 鵝肝多士用左好特別既菠蘿柚子果醬同蛋白醬，加上脆卜卜既多士，好食👍🏼🧡 刺身兩品: 鯛魚+海膽海膽好鮮甜，無腥味🧡 白松露魚子醬蘭王溫泉蛋流心蛋汁和白松露香混和一起，味精特別香濃🧡 鐵板海鮮兩品: 磯煮南非鮑魚 + 帆立貝鮑魚爽口彈牙，唔韌。帆立貝上有魚子，而伴碟有海鹽泡泡點綴~🧡 花膠燉湯🧡 最高級韓國1++韓牛薄燒我哋揀左Medium既熟度，伴有櫻桃蘿蔔，炸蒜和竹炭鹽。韓牛肉質不錯，油脂香濃。🧡 鐵板黑松露海鮮炒飯我幾鍾意食呢個炒飯！上面有滿滿嘅飛魚子同魚子之外，仲有粒粒脆米，非常有口感☺️🧡 是日甜品係柚子雪糕，爆珠入面係整粒十勝紅豆🫘 作一個清新結尾…查看更多

❤️ 間唔中都要對自己好啲，雖然呢間餐廳唔平，但係質素一定有保證😍 如果想享受一餐美味嘅高級燒肉，就揀呢間啦😋❤️ 沖繩豬手湯 $100餐廳宜家推出限定沖繩縣MENU，有呢個沖繩豬手湯~ 豬手煲得好入味和又夠腍，食了滿滿的骨膠原🥰 仲有蛋花同洋蔥🧅❤️ 和牛海膽撻 $98呢個撻真係好好好食！🥹底層係和牛他他，中間有牛油果醬，上面有新鮮嘅海膽，仲有魚子醬一啖咬落去，全部材料口感混合得天衣無縫，全部都好新鮮，完全冇腥味！如果可以俾我每日單買呢個撻食，我都會買🥹❤️ Chef’s Selection (A5 和牛盛合) 100g $360嚟到呢度梗係要食燒肉啦，三百幾蚊可以試到三款唔同部位嘅A5和牛。想試多啲唔同款式所以就揀咗呢個Chef’s Selection，師傅會根據當日存貨及熟成狀態，提供最適合嘅食材。而佢揀咗咩部位，會用返圖片清楚表達我哋上次就食咗呢三個部位: Flat Meat, Tenderloin, Spencer Roll 每一個部位嘅口感都略有不同，但係全部都係充滿油脂香氣，不愧係A5！😍❤️ 和牛崩沙腩 $210然後呢個就係媽咪揀既，本身已經有啲調味，同A5和牛有啲唔同，冇咁重油脂味，但係肉質鮮嫩，食落口絕對不比A5遜色🤤❤️ 香蔥牛舌炒麵 $168 呢個絕對係飽肚之選，炒麵份量非常足夠，牛舌都有好多塊！牛舌爽口入味👍🏼❤️ 沖繩柑橘梳打 $68最後要嗌多杯限定沖繩Menu嘅沖繩柑橘梳打。我覺得一邊食燒肉一邊飲有氣既飲品就最適合☺️…查看更多

🤎 一睇餐廳名都知道係食牛😍 啱晒我呢個牛魔王😈 提吓大家，餐廳係經傢俬店再行入去先見到~🤎 餐牌係自由配搭。可以揀自己鍾意嘅肉+base+配料+醬汁😋最平$88就有~ 不過第一次嚟食就梗係額外價錢，揀多少少自己鍾意嘅嘢啦😝🤎 第一碗揀咗慢煮熟食牛肉+拉絲芝士蕃茄茄醬意粉粉+ 新登場嘅港式香濃沙嗲醬 + 日本蘭王生雞蛋黃 ♡ 加蘭王生雞蛋是必須的😍 香濃嘅蛋黃醬撈牛肉同意粉都好夾！♡ 慢煮牛用上慢煮煮法所以肉質比較嫩，非常之易入口😝🤎 第二碗呢就揀咗每日限定數量嘅A4 和牛丼 (已包蛋黃及蒜片) $168 + 蛋白炒飯 + 自家製忌廉 + 紅酒照燒汁♡ 講真其實我個人口感係覺得配飯係好食啲，特別係A4和牛已經有足夠嘅油脂香，加埋少少炒飯嘅香味就Perfect😍和牛份量十分多，食到我勁飽😂🤎 仲加咗個炸雞小食 $48炸雞都炸得外脆內嫩，點埋個沙律醬好好食😚🤎 飲品就嗌咗Ginger Ale + 玄米茶 I love Ginger Ale 🍺 🤎 我最鍾意就係餐牌夠多元化，嗰日想食咩就自己訂製，平啲又得貴啲又得👍🏼…查看更多

💚 大圍不嬲都有好多好嘢食，開咗商場圍方之後就更加多亦更加方便😊 今晚嚟到上陽樓食飯，裝潢係中式皇室設計，感覺奢華高雅。入到去門口見到嘅柱狀裝飾，原來係以清明上河圖作創作概念描繪大圍民犏的「大圍之柱」😆 非常有創意~💚 開茶有得揀菊花，已經加咗分👍🏼　因為我夜晚唔鍾意飲咁濃嘅茶💚 中式牛柳 $188牛肉完全冇根，好好咬，亦都好入味！伴碟洋蔥非常之甜！撈飯一流😋💚 枝竹紅炆班腩 $198鐵鍋上，保溫程度高，食到尾都仲熱~ 除咗斑腩仲有豬腩肉，兩者都好好食😎 可惜斑腩有少少骨，如果可以用冇骨嘅部位就好了😝💚 濃湯鮮腐竹菜苗魚腐 $158超鍾意食呢個菜！！因為好少食到魚腐，魚腐吸晒湯嘅精華，湯亦都清清地，有助解膩。💚 上陽樓服務同埋食物質素都對得住價錢。晏晝好似仲有得飲茶🫖，下次試吓啲點心先😚…查看更多

🤎 大圍啲小街既餐廳成日都會有驚喜🤩今次搵左一間馬來西亞餐廳推薦比大家😙🤎 細滲 $88嚟到呢度一定要食肉骨茶！呢度最正係肉骨茶係可以無限次添飲😆 肉骨茶有好多款式揀，我哋就揀咗細滲，入邊有豬腳, 雞腳, 豬腩肉, 豆卜, 金菇 等等~非常豐富！因為肉骨茶湯可以任添，所以兩個人食都好滿足了☺️🤎 水魷蕹菜 $58蕹菜即係通菜，份量都算多。水魷爽口彈牙，不會韌~ 水魷上有啲辣醬和炸蒜，辣得黎都幾惹味☺️🤎 福建蝦湯麵 🍜 $68勁大碗麵！我揀咗滲滲，即係油面加米粉~配料有豬肉, 蝦, 魚片, 蛋，都好豐富。湯底濃郁😊🤎 椰漿飯配生炸全雞髀 (白飯)🍗 $92炸雞髀好大隻，炸得香脆！泛類都有好多款選擇，雖然我哋只係揀咗白飯，但係其實有得揀椰漿, 飯黃薑飯, 蝶豆花飯等等~叛碟有咖喱薯仔，同花生魚乾，令成件事更惹味😋🤎 鮮牛油扒央多士 $38呢個甜品就係必叫㗎啦！雖然成篇牛油夾喺中間但係食落都唔會太油膩，多士薄薄地易入口。話咁快就食晒四嚿，超級邪惡😈🤎 美祿恐龍 🦖 $30喺冰凍嘅美祿上邊撒上大量美祿粉，超級濃郁🤎 檸檬薏米水 $30薏米水清熱又解渴，加埋檸檬好清新🍃…查看更多

💜 一上到去就見到有一枱日本客人，首先已經有個幾好既first impression。因為我覺得如果連日本人都去食嘅話，即係餐廳質素同埋口味都貼近日本本土口味👍🏼💜 蟹膏多士 $68蟹膏蟹味十足，偏咸，但配埋多士一齊食就剛剛好~💜 厚炸豆腐 $48，外脆內嫩💜 蒲燒鰻魚 $88坐吧枱可以望住師傅燒，燒得勁滋味，重點係冇乜大既魚骨食到☺️💜 手打雞肉丸串 $38呢個一定要叫！點生雞蛋，入口彈牙又順滑~💜 西京燒銀鱈魚 $148去居酒屋每次都想食銀鱈魚，外皮用火槍燒得香脆，魚肉卻非常嫩滑🥰💜 厚切牛舌 $98牛舌中心透出淡淡粉嫩色，火喉控制得剛剛好！💜 火炙三文魚腩魚籽丼 $73💜 火炙蔥照燒雞丼 $58除咗小食亦都有丼飯，兩款各有特色，照燒雞檔有生雞蛋同埋沙律，好易入口😆💜 白味噌法式燉蛋 $48白味噌味道唔算濃郁，但燉蛋質感做得幾出色💜 可爾必思香燈乳酸梳打 $60💜 吟坐確實係一間高質居酒屋，同朋友可以再過嚟飲嘢食嘢☺️…查看更多

❤️ 同老公出街食飯其實都好鍾意食小炒！中式小炒好有鑊氣，真係好惹味😋今次嚟到太子曾經獲米芝蓮推介嘅容記小菜王試一試😍❤️ 首先要讚一讚職員，因為臨近中秋節所以都好爆滿，但職員都有盡力安排座位，態度亦都十分之好，特登擺多張凳俾我擺袋，感覺被尊重🥹👍🏼👍🏼 ❤️ 椒鹽墨魚咀 $138唔嚟食之前我已經睇咗有咩必叫😆 其中一樣就係”容記第一咀”！其實即係椒鹽墨魚咀，係容記嘅招牌菜😁 首先脆皮夠薄，炸得非常脆！入邊嘅墨魚嘴又唔會韌，加埋醬汁非常好食😍😍❤️ 薯角牛柳粒 $168薯角牛柳粒好多地方都有得食，但係唔係度度都整得好~ 呢度嘅牛柳粒加咗黑椒，一食落去仲有淡淡甜味，應該係落咗蜜糖🍯連老公都話好食😋 送飯一流！❤️ 容記小炒王 $148想叫多個蔬菜食，就不如叫小炒王有多幾樣配料~ 鮮蝦蝦乾都有，仲有魷魚腰果等等，非常有鑊氣👍🏼❤️ 整體感覺都幾好，有機會會叫屋企人再來食😁😁…查看更多

💜 估唔到尖沙咀The ONE 商場入面，會有一間宮廷系餐廳😍 雖然裝修係歐式宮廷系，但原來餐牌係中西合璧！有得食西餐，但係亦都有中餐揀！💜 今次同媽咪一齊嚟所以揀咗中式二人餐$688~💜 香辣炸雞刈包前菜已經好豐富! 炸雞非常脆，好香口☺️ 反而食落又唔覺得好辣😝💜 鱈魚膠南瓜濃湯南瓜湯好Creamy，魚膠好大塊，骨膠原滿滿👍🏼💜 醬燒酸梅鴨半隻，酸酸甜甜好開胃😊 💜 煙燻豬面肉炒椰菜花食中餐一定要食菜😋 一打開砂煲，香氣四溢，炒得好香💜 微辣酸菜魚煲 (配白飯 x 2)主菜終於黎啦！有蠟燭熱住，唔怕凍。辣椒，花椒，酸菜缺一不可😆 仲有滑捋捋無骨嘅魚！🐟 配白飯一流~💜 最後仲有甜品，係玫瑰同心形造型既桂花榚 + 紅棗糕💜 另外配兩杯$28飲品，或半價轉任何其他飲品💜 整體感覺都幾有feel，幾適合傾偈，當日平日都滿座呀~ …查看更多

❤️ 位於服務式住宅嘅2樓，裝修典雅，環境都算幾有情調。❤️ 餐廳叫 The Grill Room，感覺上一定要試吓呢度嘅烤肉 😝 所以主要叫咗兩個主菜:❤️ 香煎慢煮牛柳 配 新鮮黑松露片 $368♡ 牛柳嗌左三成熟，煮出嚟嘅熟度剛剛好，食落唔會韌，牛味出眾☺️ ♡ 上面鋪左新鮮黑松露片，加上原味嘅牛肉原汁，整體感覺都好夾，好好食😌♡ 另外，薯蓉都非常幼滑creamy~❤️ 燴蕃茄牛面肉扁意大利麵 $168另一個主菜都係牛，不過呢個係牛面肉。意大利粉中嘅牛面肉俾牛柳更加入口即溶😍扁意大利麵相信係手工製作，有咬口，食到蛋味😆❤️ 整體嚟講，兩款主菜都高質~ 係拍拖/聚會好地方☺️…查看更多

❤️ 喺旺角TOP商場既第三層發現左呢間西餐廳~ 價錢合理，環境又企理，我覺得係好朋友嚟傾偈食嘢嘅好地方 👯‍♀️❤️ 小食拼盤 (包括三款小食) 小食拼盤可以揀一款 $48，雙拼 $88 或者三拼 $128我哋想試多幾款所以就揀咗三拼！♡ 唐揚魷魚爽口，唔會太韌♡ 鹹蛋黃雞翼單骨雞翼，所以好容易就可以食到啲肉😁 ♡ 鐵板燒牛舌牛舌都好大塊，煎得幾香~❤️ Dinner Set $238平時其他餐廳 $238可能得個主菜，今次你配埋沙律餐湯甜品飲品，都算好抵！😁❤️ 鮮蝦柚子沙律估唔到跟餐沙律都咁有驚喜😍 一啲都唔Hea👍🏼 隻蝦好新鮮蛋呀，酸酸地嘅沙律好開胃🥗❤️ 是日餐湯 - 雜菜湯❤️ 白酒蜆肉扁意粉 蜆肉唔細隻，吐沙吐得好乾淨完全冇沙☺️意粉口感軟硬適中❤️ 是日甜品 - Brownie到最後除咗更餐飲品仲有甜品！我哋嗰日有Brownie😚 一開始督落去覺得有啲硬，但係食落朱古力味好濃，又唔會太甜，幾好食😋❤️ 如果想入旺角又唔知約邊度好，可以考慮吓呢間餐廳😆 …查看更多

❤️ 嚟到驚安燒肉商店，一定一定要嗌而家推廣緊嘅$8牛舌！🤩🤩 其實嚟之前都知道有呢個優惠，但係一上枱都嚇親，因為原來$8係咁大碟！我初頭expect係得幾塊🙈　點知應該都有成十幾二十塊，仲要質素都高🤤每人限嗌一碟，講真真係好抵😍❤️ 首先嗌啲小食先。炸九肚魚 $48，粟米天婦羅$38，兩款都非常香脆好食，做小食就剛剛好🥰❤️ 之後我哋嗌咗呢度好出名嘅九宮格！每款肉都有啲又唔使自己煩嗌啲咩🤣　佢有幾款九宮格揀，我哋就揀咗 $388既 上.九宮格~❤️ 除咗有唔同牛嘅部位，仲有豬五花，雞肉，白鱔！滿足晒不同嘅願望😁❤️ 日式拌冷麵 $48 食咁多熱氣嘢，我都會想食吓啲凍嘢解下熱氣，呢個冷麵就啱晒啦👍🏼❤️ 另外如果鍾意食蟹嘅，我推薦你哋食蟹黃海膽月見飯！ $168海膽完全唔腥唔臭唔使擔心☺️ 滿滿嘅蟹黃同埋蟹肉加埋生雞蛋撈埋飯一齊食，好食呀😍😍❤️ 飲品係清甜解渴嘅 青檸菠蘿梳打 $28 同 焦糖菠蘿特飲 $38 😘❤️ 最尾食埋脆脆豆腐雪糕 $18 解吓油膩感，清新~…查看更多

💙 第一次睇到嘅時候都覺得好驚訝，竟然有咁抵嘅事🤯 $99就係88分鐘， $199就係150分鐘 (仲會多咗蟹黃麵，蟹粉小籠包等選擇)!!💙 咁我哋就揀咗$199嗰款任食。首先可以揀雞煲或者烤魚，食晒可以再食~ 個人就建議嗌咗烤魚先，因為雞煲之後直接加水就可以做火鍋！我哋淨係因為嗰日食晒雞煲打完邊爐已經好飽，所以冇食到烤魚了😝💙 雞煲可以揀唔同辣度或者唔辣，我哋揀咗小辣，食雞嘅時候又唔算好辣，但係反而火鍋嘅時候啲菜變到好辣😂😂💙 台式放題，除咗雞煲，梗係仲要嗌多啲唔同嘅嘢😍 首先有手帕青瓜同埋涼拌木耳做前菜。💙 之後嗌咗好幾款小食。鹽酥雞粒同滷水糖心蛋都好高質😍 蟹黃麵嘅蟹黃都非常滋味~💙 串燒最特別有個叫做牛油小串，真係穿住幾粒燒香咗機牛既油脂，非常邪惡得來又幾好食😂💙 想講雞煲份量真係都幾大，食到差唔多可以加水變火鍋。火鍋料都繼續係任食！有牛肉，豬肉，羊肉，丸同菜！💙 總括來說兩個字，就係”抵食”! 👍🏼⭐️ 貼心提醒: 當日平日都好爆滿！所以非常建議預先電話/Whatsapp留位！…查看更多

💙 一入到去餐廳已經比巨型壁畫吸引! 係一個越南女仔嘅側面，顏色同埋風格都好靚👍🏼 餐廳氣氛亦都幾舒適，少少昏暗感有啲情調🤣💙 肉鬆烤茄子 $68首先嗌啲小食食吓，呢個係冷盤，連埋肉鬆食都唔會太鹹，茄子充分吸收咗醬汁，一咬就爆汁，估唔到又幾滋味😍💙 蝦醬炒通菜 $78通菜一直都係我哋好鍾意食嘅菜，因為都係非常之掛汁！蝦醬同通菜好夾，份量亦都不少😁💙 生牛肉河粉 🍜 $98嚟到越南餐廳一定要食Pho 🤓 生牛肉換言之就係上菜嘅時候仲係半生熟，之後用非常熱嘅湯去浸熟佢，咁就唔會過熟而引致肉質太韌。湯底都處理得非常好，高質的越南河粉👍🏼💙 燒豬扒鴨蛋飯 $98雞蛋就食得多，鴨蛋比較少食，煎到燶邊，撈埋飯同埋豬肉一齊食好滋味😋半碟仲有青瓜同蕃茄💙 斑斕撞奶 $38 💙 桔仔梳打 $38呢度嘅飲品都比較特別😍 斑斕撞奶易入口，桔仔梳打有少少鹹柑桔嘅感覺非常解渴~下次早啲嚟可以試埋呢度嘅椰子咖啡/雞蛋咖啡呢~…查看更多

💜 之前嗌外賣都有嗌過呢一間餐廳，今次經過就入去試吓😁 我覺得環境其實都坐得幾舒服，自己去counter落單所以唔使加一，上菜又快，自己一個或者同朋友一齊食都OK😚💜 店員仲同我講小胖推出了全新餐單！一於睇吓有咩好食😋💜 首先叫個小食先，叫咗夜市鹽酥雞嘅海苔味😍 $44外皮酥脆，肉質軟嫩，食落都唔會太油。加埋海苔味，都幾夾幾好食~💜 紅燒牛頰肉便當 跟餐配 鳳梨抹茶 $76♡ 除咗牛頰肉仲有好多其他配料，包括雞蛋粟米白菜紅蘿蔔西蘭花等！牛頰肉含有豐富膠原蛋白，加埋咁多蔬菜，營養均衡，好抵食😁♡ 鳳梨抹茶幾好飲，有淡淡嘅鳳梨香，第一次飲呢種配搭😝💜 蕃茄大排骨滷肉湯麵 跟餐配 桑葚洛神花茶 $80♡ 本人是非常喜歡吃湯麵的😍 食湯麵最緊要係湯底，今次湯底茄味夠濃，仲可以撈埋滷肉汁，不錯不錯。額外仲附上排骨，麵嘅份量都好多，食到好滿足😆♡ 餐飲方面，桑葚係莓既一種，加埋洛神花飲落會有少少微酸，但係又帶點醒神嘅感覺。💜 同埋我想講凍嘅餐飲係會用靚靚膠樽上，飲唔晒可以拎走，膠樽亦都可以重用！…查看更多