Kan811的个人专页

❤️❤️❤️❤️❤️韭菜餅好食 但今次應該韭菜烚得太耐先至包入餡料去再煎 所以太淋太淡變成韭菜冇乜口感 希望改善吓呢方面❤️❤️❤️❤️芫荽餅好食 芫荽口感OK 好香芫荽味 夠多料❤️❤️咖喱薯仔餅 個人覺得一般 印度咖喱味 未必個個鍾意 🥲💔咖喱魷魚 啲魷魚唔係爽口嘅 唔合格 🥲💔咖喱三寶有魚蛋豬皮蘿蔔 個咖喱唔香口剩係得辣 同埋咖喱嘅味道調味個人覺得唔好味❤️❤️炸燒賣 佢嘅魚肉燒賣味道好食嘅，但係蒸會好食過炸 食唔慣脆硬口嘅表面 ❤️❤️❤️❤️蒸魚肉燒賣 唔錯都好食整體係精嘅燒賣，韭菜餅 芫荽餅好食 其他唔會令我encore ，一直好想食佢嘅芫荽燒賣佢淨係賣星期六 平時冇得買 星期六下午4:00去已經係售罄啦，下次希望試到啦…查看更多

今日特登嚟食吓個安格斯漢堡 個餡似係自己整嘅 好食 ！以呢個價錢嚟講真係算係超值 出邊閑閑地一個呢啲質素嘅包都成$100 呢度嘅特飲都好飲 薯條係粗薯條即刻炸好脆嘅 炸魷魚圈個人覺得一般般 另外忌廉蘑菇湯唔同出邊嗰啲佢有少少加咗類似麥皮定係燕麥嘅嘢入去 我個人就幾鍾意覺得幾好味 第一啖飲落去好似普普通通再飲多兩三啖越飲越覺得幾好飲 另外佢有一碟圖片中左手邊嗰碟黃色嘅醬黃黃地色其實係一啲雞蛋碎新鮮嘅 唔係出邊買嗰種醬點落去幾好食 ！會為個漢堡包再嚟食！但係大家可能要俾啲耐心如果人多都等得比較要幾個字先至整好，因為佢哋全部即制 唔會整定喺度 一張一張單咁做 個Court好大嘅 有兩邊 好多位坐…查看更多

啲咖喱好食! 叫咗咖喱豬頸肉飯，佢比得好多汁 足夠撈飯 ! 主要係佢個汁好食 如果可以俾多啲薯仔就好啦 又或者餐廳有雜菜薯仔咖喱飯仲啱我但係佢嘅金邊粉味道比起出邊嗰啲甜 同埋個金邊粉，可能落咗啲醬汁 嗰碟粉係偏紅色的 ，平時出邊餐館嗰啲係橙橙地色 ，佢味道唔似平時出去啲泰式餐館嗰種味 另外隔籬枱見唔到有人叫泰式炒河都好似幾好叫咗杯龍眼冰正常 都係茶餐廳格局食完就走，唔會坐得耐嗰啲個咖喱唔錯，下次再嚟食價錢普通茶記價錢啦，$60左右連埋杯嘢飲…查看更多

豬膶枸杞呢個常餐$50左右連埋嘢飲 個湯底有明顯嘅薑味 豬潤都好食嘅，唔會Over Cook ,凍檸茶好大杯 ,佢跟咗一個多士 丹麥多士比普通白麵包好 火腿奄列個蛋嫌佢略為太乾 好似一張蛋子包住啲火腿咁 又薄又乾 所以唔好食 如果佢似外面有啲茶餐廳咁炒到入面可以有蛋汁 就好喇,個蛋皮太差了叉燒意粉 個叉燒唔得真係好乾同埋好似擺咗好耐咁 冇味道嘅…… 熱飲嘅size正正常常同出面嘅一樣 佢嘅價錢唔係貴，亦都唔係平中等價錢茶餐廳嘅價錢 入面有好多卡位 衛生程度正常一般啦 …查看更多

去完韓國返嚟 掛住想再食 見香港有去試吓Menu同韓國有分別,冇韓國嗰隻白色乳酪醬汁點隻雞 就簡直冇咗靈魂一樣 仲有香港店係冇蘿蔔前菜跟送 ! 韓國一藍炸雞可以有雞嘅不同部份 ，呢度只係可以12隻雞鎚或者12隻雞翼！最少order起手$200有12件 如果想食兩款 就變咗24件 ，但係佢嘅雞比起韓國細件D ，如果只係叫一籃雞12件 兩個人食已足夠 我叫咗原味同埋甜酸 兩隻口味 雖然肉質唔乾 冇韓國當地爆汁 但係雞皮被韓國差 人哋嘅雞皮炸粉同調味都好過香港同整體嘅感覺覺得似係韓國當地嘅六七成 。其實唔講我唔覺得去咗韓國嘅BHC ，韓國當地食比 菲律賓炸雞嗰間叫”Jo 甩B”好食, 但香港嘅 “Jo 甩 B “好食過呢間嘅BHC仲要平啲..所以應該我沒有下次再嚟…但係韓國一藍雞入面有雞翼雞鎚 各款 ，呢度嘅只係分雞鎚 雞翼 只能叫12隻雞鎚或者12隻雞翼 如果想食兩款，咁就貴啦。因為單點一盤都200起步。 ，你要食兩款就要變成 超過$400 仲要係24件 …查看更多

一定要食黑松露炒滑蛋蒜蓉多士 佢嘅炒滑蛋牛油香黑松露香，仲要超滑濕濕地好正 佢個蒜蓉包係鬆脆嘅 牛油同蒜蓉嘅香味 好好食好鬆化！之前食過佢湯意粉通粉公仔麵嗰啲屬於味道正常範圍 叫咗個奶蓋紅豆冰 OK都唔錯好大杯 ！推介大家嚟食佢嘅炒黑松露滑蛋配蒜蓉多士 基本上常餐一個麵都可以配埋黑松露滑蛋 個餐入面會包一個蒜蓉多士 ，將啲黑松露滑蛋放喺個蒜蓉包上面食正到不得了 都係為咗呢個而嚟 呢度係food court 座位都算太多，但係好快都有位坐 旁邊就係AEON supermarket ，supermarket買啲嘢食，加埋呢度叫嘢食一齊食都得 …查看更多

聽朋友嘅介紹吓走咗去試蛋撻 蛋撻嘅蛋味好好食 揀咗個曲奇皮，我冇叫到酥皮 個曲奇皮好鬆化好香口 $$5一個真係性價比超值，係好經典以前嗰一種味道懷舊蛋撻 ！朋友介紹冇錯，蛋撻係好食👍🏼👍🏼👍🏼👍🏼👍🏼👍🏼👍🏼👍🏼………………………………………………………………………………買咗三個蛋撻食 影相之前俾我壓扁咗㖭…查看更多

叫app 外賣平台 佢比餸嘅份量唔會慳唔孤寒 呢啲先至識得做生意 有回頭客！啲嘢都好食之前喺舖頭食過佢豉油王雞髀茄汁意粉都唔錯無論食物 同價錢也ok評分高合理！外賣個金牌特歺通粉有分湯唔會變腍會再光顧 價錢合理 量大料足 好大嘅飯盒特歺 豉油王雞翼好入味 雞翼紅腸好大片 鮮茄鯪魚球燴意粉佢嘅新鮮鯪魚球好食 超大粒仲要好多粒 淨係食鯪魚球都半飽啦 星洲炒米，味道好足夠亦都夠鑊氣嘅,(另外加錢要咗隻雞翼😂)廈門炒米，反而唔夠甜酸嘅感覺 奶茶嘅茶底好濃檸檬利賓納正常佢嘅飯盒兜係大size唔係正常嗰種 比起一般飯盒份量多20% 所以非常飽肚食唔晒冬至…查看更多

串燒好食嘅，沙嗲汁好味但係唯一缺點就係過分濃嗰啲會有啲漏 啲汁濃到好似黑色咁睇圖 如果係啲雞扒飯咁樣Max埋就會好啲，就咁食確實重口味嗰啲,我開頭期望佢嘅沙嗲濃得來唔會漏 ,叫咗佢嘅印尼炒飯 覺得係似係西炒飯嗰啲friend 冇乜材料 個飯就唔推介啦 我諗食沙嗲雞飯咁樣Mix嚟食就唔錯 !未至於會特登返嚟再食 , 只係不過不失都合格嘅!因為醬汁比較濃烈，其實食緊豬雞同埋牛差別都唔大 我叫咗一塊雞扒 一串牛一串豬 一盒炒飯，一包蝦片有四大塊 一共$147…查看更多

住附近 平時都有嚟酒店嘅food court食嘢，亂咁行周圍望吓 原來food court隔離有韓國店 見有位走咗入去 加油啦啦，梗係環境好開陽 好舒服望海景係一間正宗嘅韓國舖頭好食！佢食物款式唔多，但有水準貴精不貴多 ，下次我會再嚟食佢其他嘢.燒粟米好食，完全唔會乾有牛油味唔記得咗燒唔知乜嘢菇 中間濕潤，有啲韓式醬汁喺上面好食好似叫芝麻豆腐冷麵 清爽好味，連芝麻都飲埋呢個食完再encore 必叫 年糕看似濕潤 但咬落去個面有少少脆脆口好特別外脆內軟味道亦都好食泡菜豆腐湯 濃厚，唔係好辣，好多人都食到外面環境雖然落雨如果天氣好坐出去都幾正望住個海景喺度傾偈一流 需要早啲嚟食，因為有啲嘢食會好早售罄 建議六點幾七點好嚟啦 免費飲品佢哋有提供 飲落去好似係麥茶可能係地方隱世嘅關係，冇乜人發現 係一個好地方好餐廳 街坊推介！…查看更多

👍🏼👍🏼👍🏼👍🏼叉燒腸粉好滑 叉燒略嫌少咗啲啲👍🏼👍🏼👍🏼👍🏼炸兩腸粉 個皮又係好滑 👍🏼👍🏼椰汁白兔仔一般般 椰汁味不夠重 實咗少少 👍🏼👍🏼👍🏼👍🏼👍🏼 十分推介黑椒豬大腸好多地方冇得食呢度整得好好食 連啲酸菜都甜甜地嘅唔會死鹹 黑椒汁味超濃入味 （每次都係為呢款嘢食以來）👍🏼👍🏼👍🏼👍🏼炸鮮奶卷個皮超鬆脆 即炸的👍🏼👍🏼👍🏼👍🏼蝦餃👍🏼👍🏼👍🏼韭菜蝦餅 油咗啲，但係佢係用蝦肉加韭菜啲邊係脆炸 😿雪山叉燒包個面唔脆 亦都不夠鬆軟叉燒味道一般般般 👍🏼👍🏼👍🏼蘿蔔糕，普普通通正常👍🏼👍🏼👍🏼👍🏼👍🏼馬蹄糕 唔會好甜 佢嘅甜度教得啱啱好 軟硬度非常好 熱熱地嘅好好食 雖然環境冇外面啲貴價靚酒樓咁好，但係佢平均啲點心都唔錯 佢有部份款式係出邊冇嘅 所以間唔中會嚟食吓 以食物質素嚟講同價錢性價比高…查看更多

叫咗片皮鴨同一個豬油炒飯 隻鴨仲有好厚嘅油脂 鴨皮賣相都麻麻哋 自己睇圖啦!以下係豬油炒飯豬油味唔係好覺得有，你當普通炒飯可以嘅炒飯，過得去片皮鴨 $188半隻 呢間嘢唔收+1都有茶俾你飲服務 係零 ,好彩冇收+1條氣順啲.兩個大人都食得飽二百幾蚊買單 價錢都幾實惠，好抵嘅.但對隻鴨有要求就可以揀第二間! 如果平平哋食餐飯 當茶餐廳服務 就冇要求有一樣嘢會讚佢嘅就係個鴨肉湯幾好味可以免費飲添 !所以價錢二百幾蚊有半隻鴨有一大碟炒飯 又有湯飲 都冇乜嘢講 除非你要求服務同隻鴨好食囉…查看更多

食過幾次都係人均$350食串燒唔算平，但我會為部份食物回頭!（有啲相唔記得影😅)推介食物芝士年糕（燒年糕，放喺好似芝士奶蓋嘅汁上面當甜品做ending)雞腎（僅僅熟好爽口 絕對唔會乾爭爭硬掘掘）雞皮（超薄脆，唔會好似出邊嗰啲好油咁）奶油多士（烤得好鬆脆好味）蘋果鵝肝多士(當然不是法國的鵝肝🤣）豚肉荔枝卷（咬落爆汁好Juicy）豬肋(鹽香幾好食)燒豬腸（豬皮脆！比較漏，一串兩個share好啲 ）還可生蠔 牛舌 粟米 蘆筍卷 雞肝 味醂魚乾鰻魚飯個飯還可，但鰻魚燒得唔香比較濕 不太推介的燒茄子 ,佢面啲醬料同埋粉 太重手過鹹燒扇貝 都係出邊中式酒樓好食啲 燒芋頭 好乾 豚肉牛油果卷 食落好似唔夾明太子雞肉 好普通冇乜特別平日6:00/8:30分兩場係限時 兩小時（但食8:30場已經係最後一場都可以坐到11點）包廂房坐到八個人最低消費平日4000星期六日4500，包廂房無限時6:00已經可以坐到尾,可以叫啤酒飲…查看更多

之前黃埔嗰間食水準幾好 比一般酒樓貴我都接受,點知因為黃埔嗰間執咗笠 所以走去尖沙咀嗰間食 點知失望 ! ！！環境望海景 服務就普通酒樓咁 食物唔得 叉燒包得啲醬汁極少叉燒 蝦餃蝦肉又少 帶子腸粉入面主要菜肉瓜 帶子好細粒！以前黃埔 club one 叉燒包，帶子腸粉 都好好食 灌湯餃都好 蝦餃又大粒 但點解呢一間完全兩個世界？?老人家話 仲差過普通酒樓 !所以呢個價錢我真係唔會揀呢間大把好嘅選擇 !!!!三個人平日$五百幾蚊買單性價比好低 冇下次…查看更多

喺呢區工作20幾年，所有粥譜都食過 呢間嘅粥舖粥底嫩滑 唔記得影相 豬潤粥 好食，好多好多豬膶仲要厚切 幾滑唔會Over cook ！推薦炒麵係 紅磡黃埔區最好食嘅一間 因為其他間嗰啲一係淡茂茂 一係啲面太爛 太濕，呢間比較炒得乾爽 啲面都仲有口感！ 蘿蔔糕好唔同其他，較似家庭式嗰啲蒸嘅蘿蔔糕有蘿蔔絲 蘿蔔糕有胡椒粉味 好睇個人鍾唔鍾意呢種 我就還OK濕濕潤潤嘅感覺腸粉冇乜特別啲皮又唔係薄 滑嗰種 但啲叉燒都足 都唔會孤寒 不過不失店舖都好多人食，好多時候都冇位睇落都係乾淨企理 …查看更多