or#tm66592481的个人专页

不停翻兜嘅米線舖一定係元朗雲家米線，湯底同餸都一流不過唔知最近果次係咪因為繁忙時間定唔同師傅，啲餸俾得有啲少，不過味道依然！最鍾意一定係小鍋米線配麻辣湯底，小鍋米線一定有肉燥、韭菜、芽菜同芫茜，唔食芫茜記得走～我嗌小辣湯底唔算好油，可以一路食一路飲湯。當日嗌咗豬腸，無話食到咩清得唔乾淨嘅部位。魚腐就都係嗌貨方形魚腐，無乜特別。朋友就鍾意食墨魚頭，無乜腥味，好夠嚼口希望師傅可以定翻出菜嘅量，唔好一時得好少餸啦～…查看更多

話到明叫Gyoza AnD就知餃子一定係佢地最有信心嘅嘢食，又真係好好食。有煎餃同水餃，黎兩次都係食煎餃第一名一定係章魚燒煎餃，真係煎餃外型+皮嘅章魚燒，加埋啲「郁郁」同蛋黃醬照燒汁，好Juicy。紫蘇餃子都好好Jap，每隻餃子入面都好多肉汁，呢款餃子建議加埋山椒粉食～味噌燉牛舌牛腸都超淋，側邊舊薯仔搶曬fo，入味到不得了生啤只有Sapporo一個選擇，其餘Sawa都有幾款，早到去既朋友可以選擇Happy Hour～…查看更多

好少黎紅磡食飯，第一次嚟到個美食坊食lunch。見到川菜加一個咁嘅門面就衝咗入去。兩個人總共嗌咗兩個擔擔麵，一個小籠包，一碟菜都食得曬。份量偏少，但係平價，可以食多幾樣野麻辣擔擔麵麻辣味好香，麵質都啱啱好，唔會太硬。改良版擔擔麵上好足料，好多肉碎，麻醬味好濃。小籠包皮唔會太厚，但係一夾起都唔會穿窿，入面好多汁，超好食腐乳通菜都煮得啱啱好。有時好驚食通菜會有好多框/葉，兩者份量啱啱好。一坐低就有包茶位，應該無得揀，係普洱茶。一定會再黎食…查看更多

想食咗芝士好耐，終於喺中環搵到間有Mac and Cheese食嘅鋪頭！比起一啲焗過嘅嘢，我更加鍾意撈芝士醬嘅Mac and Cheese，更加掛汁！7點前仲有Happy Hour，等朋友嘅時候嗌定佢地招牌Meatball，調味好足夠，唯獨有啲凍咗。配Prosecco食一流！Happy Hour可以揀紅白酒氣泡酒，仲有Aperol Spritz同Espresso Martini，種類都幾多Pepperoni Pizza略嫌鹹咗少少，薄底Pizza邊燶咗少少，不過都好好Jap～…查看更多