維維他的个人专页

一踏入餐廳，最吸引眼球嘅就係座位旁邊嘅流水蝦缸！生猛大頭蝦不停游來游去，客人可以自動手去夾蝦，即時放入冰桶凍暈再放上烤爐燒。蝦肉爽口彈牙，蝦頭爆膏，鮮味十足！夾蝦過程好玩又過癮，無論係大人定小朋友都會鍾意。 【🐚 海鮮種類豐富！鮑魚、生蠔、扇貝任拎】 除咗流水蝦，自助區仲有超多海鮮選擇： - **鮑魚**：新鮮即開，燒完口感彈牙！ - **生蠔&帶子**：配上蒜蓉牛油燒，香氣撲鼻！ - **蜆、東風螺、魷魚**：清洗得乾淨，無沙無腥味！ - **原條魚類**：三文魚鮫、大眼雞等，魚肉鮮嫩。 海鮮refill速度快，而且員工會不停補充，唔怕搶唔到！【🔥 $1加購火鍋！燒烤+打邊爐雙重享受】 餐廳最近推出優惠，**加$1**就可以額外享用小火鍋！湯底有蕃茄湯、豬骨湯等選擇，酸甜開胃。火鍋配料有丸類、蔬菜、烏冬等，燒烤食到膩嘅時候轉打邊爐，完美平衡口味。 【🍖 串燒+熟食+飲品！性價比超高】 - **串燒**：雞翼、羊架、豬大腸、蒜蓉包、燒菠蘿等，種類多又好味！ - **熟食區**：辣酒煮花螺、咖喱魚蛋、椒鹽蝦，即拎即食！ - **飲品**：紙包飲品、汽水、啤酒、燒酒任飲！ - **甜品**：最後食返杯Coco Berry雪糕，大滿足。下次再約fd去食過…查看更多

平時見好多人排隊，可能今日係平日，無乜人就試下，職員話有套餐，咁入去試下啦裡面張張枱都係放左Reserved牌😆😆但其實無乜人，我地一入去，佢地就拎走個Reserved 牌（咁即係扮好多人食而放牌？？）咁我地就叫2人餐（炸雞+小食）加碗拉麵，諗住唔夠再加order好快就上左呢個無骨half half 炸雞，揀左粟米炸雞味和韓國甜醬味賣相幾靚，本來好期待，點知食落第一啖就覺得無乜驚喜🤔🤔食嘢時拎碟，其中一隻碟洗唔乾淨，就問職員拎，職員慢條斯理咁拎第二隻俾你跟住上左呢個忌廉芝士波波，估唔到係黑色，但入邊有芝士，都幾好味，喜歡芝士可以試下然後問職員拎水，職員會問你要拎幾杯？仲以為佢裝1杯水過來，原來係拎個水壺同空杯過來🫣🫣自己斟跟住又問職員拎匙拎碗（因為食麵），職員都好唔耐煩咁，問幾多隻？其實我地都唔想職員洗咁多，只係拎1隻匙1隻碗，無拎多再嚟呢個韓國拉麵，職員都好唔專業，連托盤拎到過來，先記得係熱，放低碗麵和托盤就突然走左去，原來拎2張紙巾去揸個手柄，放低就走大去，完全無提我地邊位和手柄位好熱🥲🥲🙃🙃諗住個拉麵好味啦，點知。。。味都無，個湯好水好水好水🥲🥲🥲仲有2杯梳打，味道還可以，但真係無心去影相（只記得叫芒果梳打和西柚梳打，但2個樽係貼住青蘋果😂😂😂）全餐都唔知食左咩，無食晒就走，無乜誠意嘅一餐，食完埋單無耐，個個都覺得口渴，我仲覺得好眼訓，應該落左不少味粉。所以今次係第一次，亦係最後一次，好失望嘅一餐，未試過未食晒就想想走🚶‍♀️叫埋單時。。。。仲要叫左幾次先聽到，然後指我行出去俾錢，基本上呢餐無乜服務，職員唔會笑，自己又SCAN QR CODE😅😅…查看更多

約左幾個親戚食晚飯，呢一間一定要預先訂枱唔係大時大節都分6點和8點2個時段入座，而且仲要坐滿人今次叫左4個小菜先嚟係第一炒，原來係帶子蝦仁露荀小炒菜式幾多帶子和蝦仁，露荀又好清新嫩口好味第二碟上嘅係咕嚕肉咕嚕肉甜酸適中，啖啖肉，伴碟菠蘿唔會太甜，幾好食第3碟遠影，係蒜蓉炒小白菜好大碟，又炒得好香口乾身第4碟係近影呢個薑蔥蠔滑雞煲上次見人地叫，聞到都好香今次記得一定要叫來食仲有幾款煲仔菜，下次再試蠔生熟程度剛剛好，唔會太熟變蠔豉，又大大隻滑雞未算好滑嘅，但索晒啲汁，好好味最後叫糖水得紅豆沙或冰糖燉雪耳2款揀上次食過紅豆沙唔太甜今次試下個冰糖燉雪耳好清甜，潤肺甜味適中…查看更多

見新開，就試下職員問有無訂位？我地無訂，walk in見到職員睇訂位張紙，都有十幾個訂位，好彩裡面都夠大，平日來，都仲有位，入到去，好多枱客，一心諗住應該唔差舊餐廳中間係用來送食物，依家無用，變左放假草裝飾下點左個二人餐，先再散叫食物都來得好快枱面嘅生菜和配料係跟餐有一份，想添就額外加錢，職員話可掃枱面QR CODE睇到價錢（唔算貴）二人餐送來，食材質素一般，未至於食完想翻尋味個種，套餐包括：老太太特色肥牛香甕鳳梨牛扒烤磨菇烤墨魚腸海帶湯仲有一個亦係唯一款嘅甜品：冰糖草苺職員仲送左個芝麻醬用來點牛肉枱上原本放左調味料（1碟3隻味，我地其中一碟放到乾身左，唔知放左幾耐無人用醬汁都可以乾埋）呢啲調味料唔夾牛肉，好彩職員俾芝磨醬（第一次來食，職員如果唔記得俾，我地就慘，直頭覺得唔好味，芝麻醬好似靈魂咁）驚唔飽，再叫左泡菜餅，好乾身，有啲辣，粉左啲，所以唔太好食仲有唔記得影相嘅辣白菜，幾好味好大碟一個石鍋伴飯，如果唔食辣唔撈辣醬齋食，都幾乾身，撈埋個醬食，先啱味職員最後問我地食完未？因為有個甜品跟餐俾我地，要解凍咁我地就等上呢款唯一嘅甜品啲凍溶左變水，係甜甜地嘅，不過匙羹係膠，完全唔知點食好，草苺食落口，有啲奇怪，唔好食，下次可以唔叫，慳返啲錢仲有叫左一罐可樂$15呢一餐唔算太貴，但係肉嘅質素未算好好應該都唔會再來食，因為無乜特別…查看更多

電話預約訂枱，去到酒樓，安排了近電視那邊，因為有小朋友不想他們太近看電視，所以要求轉枱，但藍色衫應該係經理嘅男職員走過來話：另一張枱無咁大。佢知我地因為部電視嘅問題而轉枱，佢主動就話可以熄電視。跟住職員幫我地搬位（因為當時已轉了枱開左茶，洗緊杯和碗）仲有，家人覺得凍，又即時去調教冷氣溫度，服務非常好首先嚟這碟鮮菠蘿拔絲咕嚕肉個咕嚕肉真係好拔絲，拉到絲好脆口，好惹味，啖啖肉（平時食嘅好多骨）出邊好少食到呢種感覺，仲有個新鮮菠蘿好鮮甜，唔會係浸糖水個隻甜，亦無酸味。再上嘅係龍蝦晚飯四寶（1）上湯西澳洲龍蝦伊麵底（加左芝士，$30）龍蝦啖咪肉，伊麵同芝士汁好夾，多人唔夠食添呀加錢轉芝士，係明智，因為超好味（2）海南文昌雞半隻有啲淡口，無乜特別，薑蓉好咸，唔點薑蓉又無乜味（3）海皇雜菜煲有幾款菜，任君選擇，排得好靚好齊正，加埋中間嘅海鮮：帶子，珊瑚蚌，蝦（少少雪藏味未僻好）（4）清蒸游水藍瓜子魚肉魚甜，size唔算大，因為有其他餸，大家都唔太好魚，所以夠食（淺嚐）繼續散叫小菜：雲耳白合炒蓮藕呢一碟全部都好啱大人細路食，正常味道，好快俾我地食清光紅燒雜菌豆腐呢一碟個豆腐燒得好滑，好惹味仲要大大碟咁多件，我自己都食左3件豆腐脆皮燒鵝半隻一入門口已經見到好多未燒嘅燒鵝掛住係廚房（透明玻璃見到，都幾有氣勢）今次叫半隻試下，都食唔晒，啖啖肉，燒得好香好惹味即叫即蒸蟠桃一打大人細路都鍾意食，裡面蛋黃好新鮮，漏晒油（平時食嘅蛋黃係實的的，又硬，好似放左好耐咁）蓮蓉餡又多又唔算太甜到漏個款，好味食剩就打包職員最後送上免費紅豆沙，有啲酒樓，送嘅糖水係唔好食，一係太水，一係太杰（好似煲乾左嘅感覺），但呢一碗紅豆沙，唔會太水＆太杰，真係超好食，唔太甜是晚我地叫左8餸1打蟠桃，另外叫了2支雪花啤酒1罐可樂，職員最後送糖水，要左3個外賣盒裝蟠桃拎走，8個人都食得好飽，好啱食，全部熱辣辣咁送上，上菜速度啱啱好走剩我地最後一枱客，時間大約晚上9：40，職員無催我地埋單，價錢仲要好合理，可以話抵食（平時係貴格唔飽，但今餐真係夠食又唔貴，仲要職員都好好人，走過來吹下水問下啱唔啱食，又送左汽球俾小朋友，真心推介）…查看更多

因為周年紀念，同埋見到訂座有9折，所以訂左呢間私房菜餐廳試下搭𨋢全部人都上9樓，食呢間建議大家訂位，因為位不多餐廳樓面職員剛剛好，得3個走全場，一坐滿，個個叫order，又上菜，職員就忙到飛起。所以都建議大家，能夠早到就早到，望好menu想食乜，就先叫，因為一多人，廚房出餐都要排隊我地諗住紀念日慢慢食，先叫幾個，食完再叫幾個，點知。。。後幾個等左好耐都未到等嘅時候，見到有張2人枱，一次過叫左好多，唔夠放，所以都勸喻大家一係食快啲，一係就分2次叫講返食物，叫左咁多碟，碟碟都好好味，但可惜無生蝦刺身，因為無拎刺身牌鳳尾蝦炒金邊粉--濕炒得幾好食，不過好細碟，3人食，每人半碗都不夠，應該轉細碟，賣相好啲海鮮冬蔭公湯--有青口、蝦、魷魚，個湯甜甜酸酸，好開胃串燒雞--2串起咁叫，好重香茅味，又唔會太乾，燒得幾好因為近bar枱位，不停見到出沙冰同特飲，飲品賣相都幾好，而今次，老公叫左呢杯Blue Kamikaza水吧職員話係Vodka加藍柑酒，度數都幾高，加埋藍柑酒帶啲苦杰味，不過易入口，唔係勁哽個隻因為人多了，再叫食物，就需要等候，差啲以為漏單因為金邊粉份量太少，唯有叫多個炒飯呢個海鮮炒飯，全部海鮮都唔合格，全部水灼，無味，但個炒飯就炒得幾好，希望餐廳改善下香蒜蝦餅--估唔到有2款醬汁點沙律醬溝得幾特別，有啲微辣，蝦餅應該師傅自己整？因為大細不一，裡面啲餡又好好味最後上呢個，今晚嘅戲肉--燒牛三角沙律個牛三角超好味，有牛肉香味，燒出來生熟程度都非常適中，口感非常之好，好juicy下邊個沙律，沙律醬唔多夠但整體係好味，下次會再來幫襯…查看更多

去完科學館玩，找到最近嘅拉麵鋪巷仔一間小鋪，好易搵，鋪面雖然座位不多，但坐滿人叫了一碗濃厚䐁骨魚介拉麵$98，加$25慢煮叉燒仲有一個芝士雜坎（芝士飯）$36食物點完好快上枱，拉麵麵質揀了軟硬適中，果然煮得好好，配埋魚濃厚介湯底，好好味湯底係微熱，所以要趁快食，怕凍了會腥芝士飯，好好味，細細碗又唔會太漏，有拉絲口感，都係要快食，再食遲啲，芝士開始漿住個飯因為想吃拉麵，無叫招牌嘅沾麵，留返下次再嚟幫襯再叫過…查看更多

坑口區食到厭，走去坑口村周圍覓食發現呢間西餐廳，無記錯，應該平時叫外賣，叫過呢間，都幾好食所以走入再食多一次1家3口，點了1個2人set dinner，再加一個pizza，食到肚仔好滿足頭盤揀2款我地揀左白酒煮青口同煙肉菠菜釀啡菇（跟主菜上）先來青口味道好夠，隻隻青口好鮮甜好入味，估唔到頭盤都咁大碟呢個雙色pizza，抵食呀本身一個中size（10寸）pizza，加多$10，有2款口味，鍾意食pizza嘅可以咁叫，試多啲😋😋😋我地今餐叫左六式芝士+達文西pizza達文西pizza個邊勝出，比較惹味，停唔到口我地仲叫左house red wine，今日係呢一支紅酒好易入口，好香醇不過要快飲，到用餐尾聲就會走晒啲味，味道怪怪（應該唔可以攤太耐）另外再叫左跟餐嘅fruit punch俾小朋友我自己就叫Ginger ale(好想試cocltail，不過有啲貴唔太值）主菜等左一陣就上喇，嘩好大堆頭，打卡一流相機食先頭盤煙肉菠菜釀啡茄係度呀，好大隻，好重芝士，好有口感相片右邊係肉眼扒5成熟配雜菜切埋上真係估唔到，煎得好香好juicy，一試難忘雜菜係扒嘅底下，有幾片翠肉瓜，青瓜，茄子，都煎得好香口，好出色相片左邊係羊架，煎得非常好，尤其係羊架嘅邊，微燶再加埋少許脂肪，脆脆地咁放入口，真係回味無窮好彩叫左，羊架嘅肉和脂肪分佈好好，又大件，又唔係“蘇”羊架跟薯角，都炸得好脆好香口，食到停唔到口食完都同餐廳嘅職員（唔知係咪老闆娘，唔記得左問）講聲好好味，即時講左俾餐廳廚房知，下次有機會，真係想請主廚出來見下面，的確真係好好味，要當面稱讚下下次一定會來幫襯，到時要留胃口食埋個甜品p.s.餐廳好闊落，坐得好舒服，食左一頓豐富又美味嘅晚餐，超開心…查看更多

叫左Daily special生蠔試味 $238/6pcs味道偏淡海水被沖走了同埋唔太夠口感洋蔥圈$98食到底都仲熱㗎好味😋煎大蝦、蟹肉、魷魚黑松露忌廉手捲意大利麵好欣賞呢個手捲意大利麵，手指咁長，好有口感龍蝦燒得好香口，個蟹肉汁好多，一啲唔孤寒美國克厘石牧場安格斯肉眼配巴黎牛油好快就上，好多人叫呢個，5成熟，都有少少熟得際，加啲海鹽，又再好味啲肉眼底下仲有一串瓜菜🍆🎃左：Ocean（blue curacao syrup,grapefruit juicd,lychee syrup,club soda)好靚嘅名字，飲落酸酸甜甜，幾好味右：Long Island Iced Tea正常味道menu上嘅所有mocktails都好吸引有機會要再來試即日打來都可以訂到枱坐係度好chill無request 梳化位，如果有得坐梳化位，仲chill來到食，望到濕紙巾包裝，先知係Mr Steak集團質素都有保証，下次會再來…查看更多

環境／設施－每個爐上邊有抽氣扇，所以全場唔油煙，又多款燒肉、熟食和飲品選擇特色－4小碟及泡菜爐邊蛋任食，勁開心，好開胃評分－🌟🌟🌟🌟6點去到無乜人，位置任選，坐低叫餐就送來4小碟我地點了士多啤梨梳打，柚子味真露，皇牌牛肉組合，海鮮煎餅，全部都好好味😋😋（1）士多啤梨梳打-調配得好好，梳打同士多啤梨糖漿比例剛剛好，小朋友好開心好鍾意飲😍（2）柚子味真露-韓燒絕配，真露👍👍（3）皇牌牛肉組合-牛，全部都係牛，唔同部位，煎出來有不同口感，有極級霜降牛、秘制牛肋排肉、秘制牛排骨、牛肋骨、牛板腱肉，我最鍾意食牛肋排肉，煎出來好有牛味，油脂分佈比例又剛剛好，食落口唔覺漏又有口感😋😋😋（4）海鮮煎餅-好足料，又香口，未燒好嘢牛之前，可食住等😂…查看更多

特色－位置寬敞，有些可看到溜冰場景，亦有卡位評分－🌟🌟🌟🌟🌟（1）士多啤梨檸檬梳打-有深得小朋友心，每次必叫嘅飲品，少少甜，好好飲🍹（2）Fresh fruit cocktail-甜度適中，雜果口味，清新😍（3）肉眼牛扒加配黑醋醬椰菜仔-牛扒鐵板上，想食生啲可以叫5成，熟啲可以叫7成。黑醋醬椰菜仔每次必叫嘅配菜，酸酸甜甜又焗到好香口，超好味🤩😋（4）海鮮拼盆1份-1隻龍蝦尾開邊配上芝士，略為少少咸得啲，但一切即離穀，可以大啖食落口，好蝦嘅我，感覺好滿足🤩🤩🤩中間凍蝦杯，10隻左右，調味料一粒粒黏住，唔太好食，但蝦本身鮮甜好味。鱸魚煎到好香口，遲了少少食都唔會話好腥，底下放了飯，炒得幾好，夠濕潤。蟹腳4隻，啖啖肉好易拆出來食。職員好細心俾定碟仔裝殼，仲有較剪和濕紙巾，方便食客👍（5）洋蔥花-好大個，炸完灑了五味粉，好惹味，再點埋沙律醬，味道更突出…查看更多

環境／設施－黑色裝修為主，地下係接待處，樓上2樓係餐廳，感覺高貴浪漫特色－牛扒餐為主評分－🌟🌟🌟🌟（1）爆醬芝士熱菇熱菇-有拉𢇁感覺，不過無泡菜酸辣感覺😅（2）意式香草蕃茄意粉-中規中矩嘅味道地（3）牛板翼扒9安士5成熟-呢間主要据扒，其實一人一塊扒可能仲好過我地散叫，散叫來講就唔多選擇，好似食極都唔夠咁，呢件牛板翼扒幾好口感，配菜幾好味，賣相好吸引，推介😋👍👍（4）伊比利黑毛豬-熟嘅程度剛剛好，唔太韌好juicy😍😍（5）fruit punch-唔太突出，味道尚可（6）黑牛（雪糕+可樂）-好吸引😍😍一見到即刻想叫，好少可出邊有呢杯特飲😋…查看更多

疫情之後一直都冇去過旅行🥺明明以前每年都一定會去一次台灣㗎嘛…搞到我勁掛住台灣嘅美食🥹香港都有好多台灣餐廳，但係都冇台灣食到嘅味道。今次嚟到呢一間新店，有啲食材係由店主親自挑選既台灣原裝，仲要係90後台灣女生主理👩🏼‍🍳有信心保證！今次叫左一諗起台灣就會諗到既野食😆其中一個係解饞塔香鹽酥雞配滷肉飯！必食之選黎～因為佢個雞啲炸粉好薄身，而且滷肉飯都勁有台灣感覺！香港有多餐廳都係勁多肥豬肉同勁多油，呢一個食完完全冇罪惡感同埋幾好食🤣仲有佢個半筋半肉麵～我就梗係揀麻辣味啦😎佢個湯底都幾入味同達到我麻辣嘅要求！好少食到啲牛筋牛腩會炆到咁軟腍野飲方面當然推介我最鍾意飲嘅珍珠奶茶🧋佢嘅甜度做得啱啱好，同埋唔會飲到有奶精味！總結係整體性價比都幾高！😶仲要佢地係用竹製餐具，支持環保♻️之餘，仲支持身心障礙者就業！加分！…查看更多

特色－每位入座最低消一個set lunch，有限時人均價格－$96評分－🌟🌟🌟🌟🌟油麻地找一個舒服，食物質素好嘅餐廳，唔係咁易。如果路過，提議大家試下呢一間💜之前食過一次，今次第二次，質素維持到，星期六中午要一早搵位，唔係就無位，落地大玻璃，採光度好高，光猛舒服，加上木枱櫈，帶來自然清新的感覺今天叫了2個sets,一個係ALL DAY BREAKFAST，另一個係漢堡包（仲有沙律，意大利飯，煎扒等選擇）All day breakfast樣樣都好食，特別推介：漢堡包爆醬芝士，口感層次好豐富，仲有厚厚嘅漢堡扒，食落好滿足😋😋雖然呢個包係等得耐少少，但一直叫廚房係出漢堡包占中，証明好多人也點了漢堡包飲品方面：伯爵茶，早餐茶2款不用加錢，其他也要加錢…查看更多

環境／設施－木枱木櫈設計特色－先拎位，然後睇好menu就到自助機自行落單，食物由職員棒來人均價格－$98 或以上（叫一個拉麵最平$98，我地今次有叫小食和飲品，埋單每人大約$177）評分－🌟🌟🌟🌟本來無留意i.t.買衫呢層有間食肆，但突然聞到一陣好香嘅拉麵味，所以就去覓食店鋪唔算大，但坐滿人，見到木枱櫈嘅設計，好清新好乾淨好回歸大自然嘅感覺，位置亦好寬敞，坐得好舒服，好relax餐廳職員示意安排入座，話你知枱號，然後睇好menu就自行到自助機落單，食物由職員棒來，成個流程好流暢，食物好快棒來食物種類唔算多，但好多個也很吸引（1）柚子青檸梳打- 飲品幾款都係檸檬、柚子味，所以點呢個，2種口味都有，好大杯，飲落唔算太甜，幾清新（2）豬骨濃湯拉麵（小心有一款差不多名字，但係辣）-好濃香嘅豬骨湯底，拉麵都好有口感（3）A4和牛醬油拉麵-A4和牛好正，未食都聞到牛嘅香味，和牛為呢款拉麵背來特色，出邊試多數係叉燒，和牛真係第一次（4）柚子甘露沾麵（溫麵）- 柚子味唔太食到，麵可以揀冷麵和溫麵，我揀左溫麵，下次要趁熱食，我放左一陣先食已經一餅咁，肉粒食落口感無咁油膩，女士食呢款最啱（5）炸軟殼蟹包-大大隻軟殼蟹，包夾了泡菜、青瓜、沙律醬，又幾特別，食落不會油膩，泡菜同軟殼蟹又幾夾餐廳座位有位叉電usb位，幾貼心❤職員都好有禮貌，提示你幾號枱，睇啱menu出去自助點餐，當我唔知要揀冷麵或溫麵時，職員又過來提示💯…查看更多