GaryPoon6026的个人专页

同老婆夜晚去「米炊」食飯，叫咗兩份安格斯牛小扒蛋包飯，我加雞扒，佢加紫薯餅。點知個招牌牛扒**伏到核爆**！ 一上枱陣油煙味攻鼻，塊牛小扒**浸喺油海**，仲痴滿晒**黑色鑊屎**，似燒烤餐廳燒完成餐飯都冇換鐵網刮出嚟嘅嘢。肉又薄，冇肉味，淨係食到油煙味。 唯一叫做正常係炸紫薯餅（香脆唔錯）同我塊雞扒（算嫩滑），但完全救唔到主角嗰pat油鑊屎災難！ 兩個牛小扒飯加兩款小食，飲品都冇叫，埋單$400幾蚊！俾咁嘅錢食油浸垃圾，真係嬲到想拍枱！…查看更多

中午12：45一個人食飯，見有位入去試下。坐位環境係新式粥品店格局，店舖大小中等，尖沙咀中午食飯時間有位，人客不算多。點了艇仔粥套餐，包一碗粥及一件巨型蘿蔔糕，$48；另加一件油炸鬼心+$7, 總共$55。食物都正常，油炸鬼大件及是硊的，蘿蔔糕大件味道一般。有個別員工禮貌上需要改善，普遍算可接受，但可能人手唔夠，櫃檯阿姐燥燥地。最大係衛生問題! 我入到去張枱未抺，亦唔見有職員有意識幫我抺，咁我唯有自己抹，而且食食下見有幾隻小飛蟲不斷周圍飛，感覺不乾淨。本人覺得食店衛生很重要，所以劣評。…查看更多