iflovefood88的个人专页

呢輪冇嘢做，比較空閒，但真心日日煮飯好攰㗎！星期六日我哋多數都會唞唞，搵間餐廳出街食，今日就揀咗尖沙咀嘅二鍋頭打吓邊爐。二鍋頭喺嘉芙中心，空間都幾多喎，面積夠大，同埋應該係新開張，所以各樣嘢都好新淨企理！坐近窗邊嗰啲位都幾舒服，因為窗夠大，望到出面好開揚，視覺上會舒服啲，好relax呢度嘅套餐分三款，基本「美國肥牛任食」，另外有一款係「牛魔皇美國極黑和牛任食」，最後一款係包咗每位四款時令海鮮嘅套餐。價錢方面分別係$198 (星期日至四5pm-1am) 任食2.5小時/$298 (尖沙咀限定；極黑和牛)/ $258 (海鮮)坐低之後，店員都會同客人介紹同解釋，明碼實價。喺兩個半鐘入面，客人可以首先任食雞煲/鴛鴦鴨煲或者黑椒豬手煲，無限refill，又可以轉款，好彈性，食到夠先停手，一定滿足然後仲好好可以換番一般湯底先打邊爐，唔洗用番雞煲嗰種比較油/重口味嘅湯底，好細心。自然湯底有：香茜皮蛋/蕃茄薯仔/沙爹/冬蔭公/豆腐清湯/豬骨或藥膳。火鍋配料方面，呢度都有好多款式，一般港式火鍋料都有齊，一部分係畫紙仔，一方面係自己出去拎嘅。自取：第一次見到火鍋店有豬手煲，有幾過癮喎，好有新鮮感！呢個黑椒豬手煲都幾好味如果唔食得辣要注意，因為個煲好重黑椒味，好惹味！豬手幾腍，輕輕一咬已經離骨！上枱時已經熟㗎喇，店員會幫手翻炒芫茜，然後就食得喇！食完個咁有新鮮感嘅豬手煲，就要試埋呢度嘅雞煲，唔錯喎！我哋點咗中辣，有料到雞件量都幾多，所以如果細食，有機會食完個雞都飽咗，哈哈哈哈！然後我哋轉咗蕃茄湯底~「牛魔皇套餐」任食嘅有：美國極黑和牛、安格斯牛頸脊、安格斯牛小排、牛柳條(每位送一份澳洲M6和牛)食邊個餐就豐儉由人，呢度咁多款靚牛中，我自己最鐘意牛頸脊，入口比較滑，而且有適量油花；牛柳條幾重牛味添~呢款係基本餐嘅美國肥牛，其實都好ok~~唔會太薄或者肥膩㗎其他火鍋料：響鈴、魚皮唔錯！飲品：…查看更多

2021年咁就過咗幾個月，我哋依然係冇得去旅行，最掛住當然係日本啦！早兩日食咗壽司，見weekend冇嘢做，就訂咗枱打邊爐，仲要早場有折，放題黎講算好抵啊！啱哂我同男友呢啲咁大食嘅人~稻八面積都幾大，座位非常多，餐廳整體感覺乾淨衛生、光線明亮，呢點好重要，客人都好自律，離開座位都會自動自覺戴番口罩。餐廳裝潢都有啲日式風味，有唔少裝飾。座位間有適當距離，枱面有足夠空間放食物。呢個位置係自取區，主要擺放蔬菜類，其他肉類、丸餃滑類、刺身就填紙仔，由職員送上。最特別，而又係香港少見，一定係呢個自製DIY天婦羅區，食物用竹簽串起，客人可以試吓自己親手整炸物，然後加番鐘意嘅調味粉，又幾好玩㗎，當日都不停見到家長同小朋友整。呢度有6款套餐，價錢由$158起，有牛肉放題嘅就每位$178，早場訂座位都仲有折，性價比好高。我哋選擇咗國產黑毛和牛嗰款，每位$388，其實去大型超市買pack和牛都唔平㗎，呢個餐可以任食，所以我哋都不斷refill。除咗和牛任食，仲可以order安格斯牛小排啊、美國殼飼牛、豚肉片、北海道雞片同羊肉等，海鮮盛合會成青口、蝦同蠔，其實都好豐富。仲有大量火鍋配料可以order。呢個餐仲包咗刺身任食，三文魚、八爪魚、北寄貝、油甘魚、帶子、馬刀貝等，款式好夠。揀咗邊個餐之後，就揀埋湯底，我哋想食壽喜燒鍋，唔會太鹹，帶少少甜味，用黎淥牛淥菜都好味前菜都有咁多款，幾開胃~唔會太濃味。亦都有螺肉同八爪魚。點咗少少刺身試吓，整體都好新鮮啊，冰底仲有用保鮮紙墊住。個人推薦北寄貝，夠大隻，肉又爽職員好快送上多款肉類，當然唔少得主角和牛啦，先黎兩碟！任食㗎，所以我哋都唔心急~黑毛和牛肩肉油花平均，入口融化，質地軟腍到爆而和牛三角腩就肉味更濃，口感唔同㗎，兩款我哋都好鐘意！呢款係手切牛，肉質結實啲，有咬口，相對和牛就冇咁滑；雞肉都幾滑，有麻油味。呢度嘅牛柳粒都好食㗎，入口好腍唔韌。海鮮類就正正常常啦，我哋都係主力食牛~其他火鍋配料我哋都點咗啲，滑類都好彈牙，另外仲有幾款餃子包括粟米豬肉餃、白菜豬肉餃、西洋菜豬肉餃。飲品任飲。雪條任食，最後仲有每人一杯movenpick添，食到捧住個肚走。…查看更多

難得平日有假，點都要出一出去買下日用品，順便食埋飯先番屋企，揀左呢間喺千色匯果邊嘅餐廳。可能我太耐冇來荃灣，完全唔知有間咁抵食嘅餐廳，今次一試，有下次。(日日煮飯煮到頭都痛，廚部間唔中都要休息！)呢度都幾大，比一般快餐店裝修得靚、企理，而且d staff都幾有禮貌，抵讚！暫時d枱都仲有透明膠板相隔。menu款式多，價格實惠。【食肉獸巨人扒餐】真誇張，包左雞脾、厚切豬、熱狗腸、煙肉、薯條都係158，其實兩個女仔share都足夠有突啦。選擇困難症嘅朋友可以參考呢張對精選推介，將推介項目一覽無遺，好似炒飯/焗飯/螺絲粉/意大利飯/墨魚麵/湯飯/闊條麵都係$68-88。比較豐富嘅仲有鰻魚飯/西冷牛扒/龍蝦伊麵/燒春雞/加拿大豬鞍等，應有盡有，價錢係$98-168。主餐牌仲會有小食、炸物、甜品添，通通都好吸引我地就決定點多少少share食，勁滿足！點晚餐可以用$28升級套餐，就會包左餐湯同凍飲，餐湯揀左南瓜湯，都ok嘅，甜甜地，唔會太稀身凍飲揀左凍檸茶，唔洗少甜都可以接受。凱撒沙律煙三文魚 $68：沙律菜新鮮，簡單用沙律菜調味，煙三文魚質素都唔錯，唔係一味死鹹，伴碟兩片麵包幾好食呢，香脆架我點左呢份好似幾正嘅原個蕃茄濃湯安格斯肥牛湯烏冬，價錢係$68，以呢個質素我覺得完全物有所值。首先擺盤都幾認真，staff上枱時又有略略講下建議食法，好細心；食到中途，又會問客人洗唔洗「加火」金色壺入面係濃湯，夠熱辣辣嘅，食到中途再加都ok。湯底入面有原個蕃茄，非常juicy，按照店員建議，逐片肥牛落鍋，咁就唔洗怕火力一下子變得太弱。牛肉肉質都比想像中來得好，除咗唔會太薄，亦都唔會太肥膩，入口仲幾滑添，真係抵食我配左烏冬，可以加入脆米同湯底一齊食，更加香口紐西蘭西冷牛扒配薯條 $138：可以揀5/7成熟；燒汁/黑椒汁，塊牛扒都幾大塊架，厚身，難得煎到要求嘅熟成度，外面焦香，裡頭唔會變左全熟！牛扒有肉香，完全唔鞋，反而仲幾軟腍。伴碟薯條就ok啦。我地入來時都冇睇過其他食評同介紹，都係事後先知咁多人讚。咁老實講，成餐飯咁嘅質素，我覺得係超出預期，如果我住呢頭，都一定會經常來。…查看更多

陸陸續續都叫多番少少飯局、聚會，雖然都唔敢鬆懈，但真係太耐太耐冇打邊爐，所以決定連打兩星期，呢種感覺好幸福講到最回味，就梗係呢間嘅鴨煲啦！！預先訂左位，好快就可以入座~鐘意二鍋頭除左係因為價錢合理，9點半前入座每位188，可以食足2.5小時。(平時就係嫌其他火鍋店食得太趕，呢度可以慢慢食~)坐低後，店員就好快提供點餐紙，分別有雞煲/鴨煲；火鍋湯底；火鍋配料，一目了然。客人可以先食雞煲/鴨煲(任食)，食到夠就轉鍋底打邊爐，好似我地呢d唔鐘意用番雞煲果煲油來打邊爐嘅人就啱哂我地都唔客氣，首先點左「火焰鴛鴦鴨煲」！因為即整，都要等一陣，期間我地仲可以拎住野飲同配料先。(時間好充裕)店員介紹，佢地嘅鴨煲用左鮮鴨件同油鴨製成，賣相好吸引，點左小辣，少少過癮又唔會過龍。如果鐘意食辣可以點中辣以上。店員會用酒淋上鴨煲，再用火槍燒一燒，咁樣除左係gimmick，都可以去左少少鴨嘅羶味(in case有d人比較怕)輕輕翻炒已經食得，鴨煲唔係度度有得食，我地都食到lam lam脷，沾滿惹味嘅醬汁，鴨件唔係話好多肉，勝在任食我地都食左兩煲！如果鐘意轉雞煲都得架，但我地驚再食落去會冇quota打邊爐，所以決定停手自選火鍋湯底都有誠意嘅，8選1：香茜皮蛋/蕃茄薯仔/沙嗲/麻辣/冬蔭公/清湯豆腐/豬骨/藥膳。我地揀左蕃茄薯仔~唔係太鹹，都有真茄味~淥蔬菜類一流~調味料某d火鍋配料就係寫紙仔嘅，上菜都好快，而且好企理~牛肉同鮮牛肉都唔錯，有肉味，唔會太柴，可以encore蝦新鮮；呢度仲有花枝片、鮮吊桶仔、墨魚仔，算係其他火鍋店比較少有呢~沙白無沙，juicy~另外仲有豬肚片啊、豬皮、雞件、鵝腸、脆脘魚腩、油鴨脾、白鱔片、雲吞水餃等等幾十款配料。凍櫃都好乾淨衛生~食左好多野真係超飽飲品任飲~仲有雪糕，個人認為呢餐CP值幾高~…查看更多

疫情關係，幾乎每一日都係喺屋企食飯，講真係會有少少寡同悶，日日諗食乜頭都痛埋。呢輪見情況好左少少先出下去，但大多數都係lunch或者tea，然後買餸番屋企。早上星期見D2place有個細細地嘅市集仔，有認識嘅朋友設攤，所以都去支持下。行左一陣就喺呢間餐廳食飯~Pickabowl位置喺一期，呢度食肆選擇唔多，加上係weekend，都幾旺場~餐廳面積唔細，座位間都好闊落，2人枱、4人枱都有，仲有一邊對住牆嘅單邊位~座位間有膠板相隔~有一期都幾流行呢類poke bowl，聽講係起源於夏威夷嘅蓋飯，多數都係好colourful，有魚生，又會有啲蔬菜類，好多OL都鐘意。Pickabowl嘅款式都幾多，固定嘅搭配有19款，配料主要有三文魚、吞拿魚、慢煮烤雞、芥末大蝦、松板豬、蒜片八爪魚、熟蝦等等，仲有素食選擇，價錢大約係70蚊起。各款都配埋醬汁例如係和風、泡菜、紅菜頭、蛋黃等，客人可自由選配白飯/糙米飯/黃薑椰菜花/沙律/烏冬。如果唔鐘意固定左嘅款，亦都可以選擇自選，揀兩款喜歡嘅魚生/熟肉，配菜一款同主食一款，都係84蚊~可能有未食過poke嘅朋友會覺得有少少貴? 但其實呢個價都差唔多了，尤其呢間算幾抵食添，因為佢嘅料份量算好大方，我地初頭都會以為會唔夠飽，事實上捧住個肚走啊~材料衛生，一目了然~喺收銀處點單後，店員會俾個號碼牌，用來取餐。經典雙拼 - 三文魚、吞拿魚//追加蒜辣八爪魚半份 之所以有咁多人話食poke比較健康，甚至可以減肥，就係因為配料選擇。我呢個組合就唔係健康第一，但味道真係幾正，好耐冇食魚生喇，望到都心心眼成碗飯型常豐富，色彩繽紛提高食慾。三文魚、吞拿魚切粒，份量得體 (食過d poke真係好似食風咁)，基本上都好新鮮，有彈性，而且撈左秘製醬油，唔會乾如果鐘意食辣野，我真係好推介蒜辣八爪魚！辣汁有蒜香之餘，有料到，夠哂辣，用來送飯一流~呢款poke default嘅配菜組合有：南瓜、玉子燒、炸豆腐、四季豆、毛豆、紫洋蔥、菠蘿，豐富到不得了，而且係為均衡一餐嘅營養所設DIY：慢煮烤雞、蒜油八爪魚+泡菜+黃薑椰菜花、白飯朋友點嘅自選組合都一樣咁惹味呢個組合都適合鐘意食辣野/開胃野嘅朋友~雞肉慢煮，雖然未至於話滑捋捋，但都完全唔會乾或者鞋搭配爽彈嘅蒜油八爪魚，不得不提，配料量係足夠送哂成碗飯，好飽肚果隻配菜除左有泡菜，仲有爽口解膩嘅青瓜，同埋韓式辣醬蒟蒻，口感上又有啲唔同，比jelly更實淨，估唔到poke嘅變化可以咁多:)收銀處位設清水自助，亦都有飲品加配價，我點左蘋果紅菜頭檸檬西柚汁，夠哂清新健康~…查看更多

 好耐好耐好耐冇打邊爐，我覺得起碼有4、5個月...呢輪倫哥做緊優惠，幾吸引，所以我地都訂左位食。本來以為平日應該會冇咁多人，來到現場先見到，真係全場爆滿！好誇張啊，大家都好鐘意打邊爐呢！我地訂左位，就完全唔需要等，直接可以入座。如果你地人多，都好建議訂位，尤其是倫哥有好多"vip房"。(當晚都有唔少人慶祝生日)醬料區好多選擇。店員好快手招呼我地，呢度一個價錢包左人頭海鮮，雞煲任食，大量火鍋配料任食、飲品任飲，臨尾仲有糖水。我地食左兩輪雞煲，已經好滿足！雞煲點左小辣，裡頭有洋蔥、芫茜，好香。焗熟d雞，每兩分鐘炒一次，炒四次就食得。雞件好入味，小辣對我地來講啱啱好啊，辣辣地又唔會搞到太重口味，或者太鹹。第二轉d雞件仲大舊d同好肉地，好正。起碼要食兩轉先夠皮~~~~上雞煲前就已經上左海鮮，大大隻蠔淥完都唔會縮到好細~~仲有蝦、魚腩、鮑魚、蜆、青口，都ok嘅。(我地本身都唔係海鮮控)如果用番雞煲來打邊爐就冇額外收費嘅~~我地轉左個雜菌鍋，唔洗咁油同埋幾香菇菌味呢配料選擇多，唔洗加錢任點果d都已經好夠食~~~肉類、海鮮啊可以搵店員落order，其他丸類、蔬菜果d可以喺自助區拎~~~呢d蔬菜類同我地個湯底好夾飲品都係自取~~~汽水、茶等等嘅罐裝飲品都係包左嘅~~…查看更多

據聞係本土品牌嘅HAND3AG選址K11，主打鐵板燒三文治，見到各傳媒介紹，相片超吸引，所以我都搵日收工過黎試下。餐廳面積大，裝潢明亮，座位都幾多，可以嘆住冷氣食麵包。三文治款式配搭新奇，好似芝士燴通心粉、日式拉麵叉燒，另有雞塊、軟殼蟹、牛仔排、同素食嘅吉列豆腐三文治~早餐餐牌有啲唔同。另有沙律~歐陸監獄鐵板三文治 $73/套餐配薯條(中)、沙律、飲品半份三文治應該唔夠，而且套餐抵食啲，所以點咗set。三文治配料厚厚，食哂都幾飽「歐陸監獄鐵板三文治」嘅配料有芝士燴通心粉、普羅旺斯燉肉丸、脆薯餅，這個組合實在幾估唔到！酸酸甜甜嘅茄醬加上芝士，有啲西餐感覺。值得一讚薯餅真係非常香脆，配合生菜同燶邊流心蛋，食落唔會乾口:)「蝦兵蟹將鐵板三文治」嘅配料有入口酥脆，而且大隻嘅軟殼蟹仲有小龍蝦沙律同爽口嘅紫椰菜絲，加上他他醬組合，比較清新，完全唔油膩，我鐘意呢份呢薯條都唔錯啫，十分香脆另外點咗蟹肉忌廉餅，食落都好脆，新鮮熱辣，基本上所有炸物都幾出色。…查看更多

呢棟大廈一向都多邊爐食，今晚同個frd來試左呢間全新火鍋店，店名鍋霸，去佢地fb睇過知道係台式火鍋放題，覺得好吸引，先來試下。店鋪位於6樓，電梯一出就係，可以見到餐廳面積非常大，新裝修好光猛，店員好快出來招。呢度座位分卡位、一般方枱，卡位好闊落，特別係人多果種大枱，完全唔會覺得逼狹。可能新開張，仲未有好多人認識，加上係平日，都唔係好多客人。我地坐左卡位，正店員好快手過來同我地介紹收費同形式，星期一至四收費每位288(另加一)，無限時放題，吃到飽。如果早場入座，即係5點至7點半呢段時間離座可以有8折，真係好抵食火鍋湯底有好多款式，超過15款，主打台式火鍋，例如養生醉雞鍋、藥膳椰子雞鍋、麻油雞鍋、蕃茄麻辣鍋、沙茶牛肉鍋等，如果雙拼就加40蚊，其實都值得加，因為佢地個湯底唔hea架，足料呢個價錢包左前菜(手拍青瓜同麻辣木耳)任食；炸物一份；肉類、超過60款配料任食；雪糕一杯。值得一提，呢度?飲品都係任飲，有誠意自家製果隻。配料都好多花款，除左一般港式邊爐配料，仲有多款特別嘅手工丸、餃、海鮮！點左個蕃茄麻辣牛肉鍋同藥膳養生雞鍋，可以見到鍋底好多配料。蕃茄果邊有幾件非常腍，入口軟嫩?牛肉，入哂味！蕃茄麻辣湯底以蕃茄味為主，質地濃郁厚身。麻辣味唔會好重，附合番香港人口味，加左湯之後基本上就係蕃茄鍋喇。至於藥膳雞都真材實料，裡面娣除左有嫩滑雞件，仲有好多紅棗、桃膠、蟲草花等，飲落好重藥材味，冇咁熱氣:)自家製shake shake鹹蛋黃魚皮好有gimmick，好似快餐店咁俾個紙袋你，客人自選四款味粉(海苔、芝士、梅子、香辣)，然後將即炸魚皮放入袋，沾滿味粉又幾過癮喎，魚皮香脆，又有蛋黃香。國安格斯肥牛片唔錯架，薄身，唔會淨係得肥膏，入口都算滑，而且有牛味。追加質素亦一樣，而且上菜速度迅速梅菜豬肉丸、手工墨魚丸、麻辣牛丸、豬肉丸等，丸類細細粒，方便客人可以試多幾款，我地先每樣點左兩款，好食?先追加，我地好鐘意麻辣牛丸呢。芝士小籠包其實即係芝士丸，流心度高。海鮮類都有有誠意，沙白首先好大粒，然後冇沙，仲幾鮮甜，蟶子仔都唔錯，好有彈性。海蝦都好爽彈。手工餃皮稍為厚左少少，但餡料都好新鮮，有香菇雞軟骨餃、麻辣粟米豬肉餃、白菜豬肉餃、韭菜餃。菇菌好多款。鴨血好香滑溜，配麻辣鍋一流。蔬菜類都好多款。飲品櫃好有規模，佢地有幾款自家製飲品，好似而家好流行?冷泡茶、烏梅茶、四季春等，當然唔少得一般汽水。so far整體都覺得唔錯！…查看更多

知道近日因為多方面嘅原因，令唔少餐廳人流大減，我其實都係喺屋企食飯多，但今日趁超市有減價，又要補補貨，順便食埋飯先番屋企。呢輪自己煮多，多數食中式野，一場出街，就決定食下西式野，冇咁悶。來到屯市，決定試下意粉狂熱。呢間餐廳印象中都裝修左幾耐先開店，疫情下嘅晚市，大約都有四至五枱客。佢地採用隔枱嘅安排，我地食野都安心啲跟足指示，進入餐廳前有量度體溫。晚市除左可以單點，佢地仲有幾款套餐，睇過都覺得幾抵食，選擇又夠多，於是決定點套餐。呢款套餐包左每人一款湯、沙律，主食(意粉)選一、披薩選一，小食選一、飲品兩杯，價錢係$318，CP值高！餐湯有法式洋蔥湯同南瓜湯，每樣試左一款，洋蔥湯都幾濃郁，唔會太油南瓜湯濃稠適中，飲落會有少許粉感。小食揀左炸魷魚圈，好耐冇食喇，外層脆口，魷魚雖然瘦d，但都幾好食~尤其佢地嘅他他sauce，好濃厚！沙律菜新鮮~主食揀左蒜香白酒汁海蜆意粉，鐘意佢地嘅意粉煮得夠爽口，完全唔會腍bat bat呢款意粉乾爽，食落蒜香重，白酒唔會太濃郁。蜆肉無沙，食落微鹹，成份意粉味道係好唔錯的。pizza方面，我地揀左辣肉腸口味，平時少食到啊。薄餅屬於比較薄身，皮唔會好厚，食落唔會太飽滯~調味啱啱好，尤其鐘意辣肉腸，辣味有存在感，特別惹味…查看更多

今個月真係十日有八日都食住家飯，講真真係好悶啊！襯住屋企人生日前後，終於有個藉口可以搵間餐廳食飯，最後訂左呢間forte。餐廳位於觀塘如心艾朗酒店裡面，平時就有自助餐，不過可以放心，而家模式轉變左，改成西餐形式首先入酒店後，會有職員量體溫，感覺較放心。餐廳外面仲有消毒洗手液俾客人使用！(提提你，真係有興趣嘅記得用openrice訂枱，有25%off，人均都係350蚊左右！)餐枱佈局就如一般西餐廳，當晚係平日，由於套餐價錢真係幾優惠，客人都比我想像中多 (逆境中正正需要變通)。客人間唔會安排得太密，靜靜地食一餐，好滿意！menu有兩款，一種係set menu，套餐包括：麵包、刺身盒、冰鎮海鮮、沙律、餐湯、一款主菜、甜品、咖啡/茶，價錢係308蚊起。(個別主菜可以加錢升級)主菜11選1，有例如牛肉眼、羊扒、牛面肉、牛仔骨、龍蝦、豚肩扒等等。另一款menu係all you can eat形式包括：麵包、刺身盒、冰鎮海鮮、沙律、餐湯、主菜無限量供應、薯條無限量供應、甜品、咖啡/茶，價錢係每位$358。無限量供應主菜有牛肉眼、牛西冷、頂級牛柳、美國牛仔骨、T骨牛扒！如果你係「牛魔王」，又食得多野，就非常抵食喇麵包：刺身：三文魚、吞拿魚、希靈魚、甜蝦、帆立貝，整體都好新鮮，並無雪味！冰鎮海鮮：蟹腳、海鮮、龍蝦仔、青口、鮑魚、翡翠螺、白蜆，蟹腳好鮮甜，唔會太鹹；鮑魚已經起肉，方便食用，爽口彈牙凍蝦配呢款泰式酸辣醬好好食~中式湯熱辣辣，好暖胃~沙律新鮮，仲有八爪魚~加錢升級嘅宮崎A4和牛西冷扒屬於set menu，並非任食，不得不讚，呢塊扒好高質！150g話大唔大，話細唔細，女仔食足夠。和牛肉入口軟腍，咬落不費牙力，點左5成熟，仲保留到大量肉汁，真係每食一啖都好滿足伴菜當中紅菜頭sauce好美味~屋企人點嘅係all you can eat menu，主菜5款無限量供應，屋企人足足食左3轉，分別點左T骨、穀飼牛肉眼同西冷，真係回哂本呢！呢啲牛扒本身喺任何一間西餐廳食都唔平，而家任食，酒店環境又有人serve得幾好，CP值高！T骨肉味濃郁，即點即製肉眼都好juicy；而西冷比較有咬口。食得哂就梗係想樣樣都試到啦！sauce食完主菜，剉有三款薯條任食：黃金薯條、茶漬薯條同黑白松露薯條~最後係甜品拼盤~飲埋檸茶同咖啡，非常滿足！如果鐘意食牛，真係唔好錯過呢度嘅任食主菜menu~最終連埋upgrade左嘅和牛，折完再加一，每位都係350蚊多啲，大讚抵到爛，第二日即刻介紹俾同事~…查看更多

最近處理各方面嘅野，都足夠身心都疲勞，今晚就喺屋企附近食泰國野就算。新墟最近多左好多食店，不過我地幾鐘意呢間象泰，位置唔算好多，喺雅都商場最入面，以熟客為主。menu選擇多，來多幾次都唔會悶，炸物、小食、串燒、海鮮、咖喱、肉類、飯麵、明爐魚等都有齊，仲有飲料同甜品。酸辣鳳爪沙律每次來都會點，好開胃嘅沙律，我又鐘意妹鳳爪，入味得來唔會爛蓉蓉，而且酸酸尾尾，唔辣嘅推薦泰式明爐花甲鍋，比起辣椒膏炒花甲cum食，起碼粒粒花甲都有肉，雖然肉質偏瘦。鍋底就好似明爐魚果種醬汁，酸酸辣辣，有香茅香氣，飲到好上癮。鍋底仲有粉絲，好索湯。另外泰式明爐烏頭都係人氣之選，好多人點，上台時熱辣辣，肉質滑溜，啖啖肉，魚肉嫩，細骨又唔多，好食呢最後點左一份泰式馬拉盞炒通菜，菜葉夠嫩而且爽口。飲品方面都幾有水準，菠蘿沙冰好真實，唔會有糖水feel，好清甜。屋企人點左青檸梳打。…查看更多

呢段時間本應留喺屋企多，但有時逼於無奈要出街，都會食埋飯先番屋企。今日喺元朗買餸，搞掂之後就食左個早飯。未夠6點鐘來到凱逸，仲係下午茶時間，客人都幾多，大部份坐卡位，其實都好闊落下午茶抵食，但其實碟頭飯、小菜等等都唔貴。下次想來試下煲仔飯，天氣仲涼涼地，特別有風味。下午茶餐點左瑞士雞中翼配薯條，一份三隻，雞翼入味嫩滑，唔會太鹹；薯條係粗薯，即炸香脆時菜牛肉炒河份量不少，河粉唔會太細碎，可完整夾起，濕潤度適中，未見過量油份。牛肉都幾鬆，仲有幾條菜添！最後點左一份菜膽滑雞飯，估唔到雞件份量咁多，仲要係雞脾，基本上食落都好嫩滑，幾好肉地。檸茶啱飲，唔會太甜。…查看更多

日本料理分好多種料，燒肉，居酒屋，壽司刺身或Sabu Sabu等，有時想一次過食幾款就有啲難度，因為每間日本料理嘅專長都一樣，食材又唔同，如果要提供晒咁多種類嘅話，就會變咗日式放題，一般質素都唔會好高。最近去咗大坑嘅一間日本料理，佢嗰度係集團式分三間舖位，提供居酒屋、燒肉同埋日本料理，由唔同嘅廚師打理食物質素相當高，你可以喺任何一間店都食到其餘兩間餐牌上嘅食物，對乘客來講相當方便同埋貼心。呢間叫睿居酒屋，位於大坑今日我哋兩個人去食咗一啲日式嘅前菜，加埋壽司，仲有燒肉，價錢唔算貴，但質素相當好先講凍豆腐，用上日本豆腐有濃郁嘅豆乳味，上面加上醬油同埋木魚，簡單又食。蟹籽沙律份量幾多，有好多蟹柳同埋蟹籽喺上面，最特別嘅入面加咗cream cheese，令味道口感都有一種新鮮感，喺第二度未食過，幾特別壽司方面有油甘魚中陀螺燒黃牛同埋魚子最正嘅就梗係仲拖羅夠肥美，魚油又香，好少食到有咁好嘅質素。和牛薄片，配細細舊嘅壽司飯，燒得好香，又唔會太乾，又唔太油膩，一口剛剛好，三文魚子爆趣，咬開射汁鹹鹹地，過癮到主菜燒肉有和牛三角牛排肉，黑豚腩肉同埋海鮮拼盤。和牛牛排肉就唔使講，輕輕一燒已經油香四溢，肉又軟諗，真你食幾多都唔夠。黑豚腩肉用醬汁腌制，帶有少少肥，燒起時特別金黃香脆。海鮮拼盤有鮑魚、海蝦、帶子同大蜆，海蝦新鮮爽口，帶子夠鮮甜，鮑魚又香唔會un，大蜆燒起嚟脹卜卜，仲有淡淡嘅海水味，正正。兩個人食到肚凸，又好食又唔貴，要多啲嚟幫襯先得…查看更多

太子區有唔少餃子店，有啲名氣店經常大排長龍，可惜水準比以往差咗，加上價格貴咗唔少，所以都好少幫襯。有間開咗無幾耐嘅豐信餃子店，聽口啤好似唔錯，但一直無機會試，今日專登同同事一齊行過去食晏餃子款色多，又有得揀湯同煎，細嘅7隻，大嘅10隻，價錢仲幾抵食添！雖然得兩個人食，但又想試多幾款，卒之點咗細份湯莞茜，新推嘅南瓜，大份煎芝士粟米同麻辣雙拼，仲有雞翼同拍青瓜湯底係椰子海帶煲豬骨，店家聲稱絕無味精，飲落又真係幾足料，椰子湯底清甜唔會太濃味，飲落好潤喉，亦唔會搶走餃子嘅味道南瓜餃子裏面用南瓜蓉同鮮肉炮製而成，食落好香甜，第一次食感覺幾得意。莞茜餃係我嘅至愛，莞茜味唔算太強，好多朋友都應該可以接受到，鮮肉唔會肥，加上份量都幾大隻如果食晒都夠飽煎餃方面芝士粟米雖然未至於流心，但芝士味好香，麻辣味過癮，加上皮算薄，但煎起嚟唔會太油膩，兩個人夾手夾腳輕鬆食晒。雞翼似滷水，甜甜地，味道唔錯，一客有五隻。青瓜好清爽，酸酸地好開胃。另外值得一提嘅豆漿同埋菊花，$6杯幾抵飲，唔會太甜，送餃子一流。…查看更多

唔係第一次食呢間火鍋店，除左銅鑼灣，尖沙咀都有分店嘅，個人來講，就環境、服務同食物水準都覺得銅鑼灣店值得一戰，會keep住幫襯。呢度係百樂中心，食肆比較多，排隊等lift上落要預少少時間。入到來見到火鍋店環境企理，冷氣夠，每個座位間有木屏隔一隔，唔洗同隔離枱你眼望我眼，而且唔洗驚張枱唔夠大，旁邊就有木架拿拿混完醬就落單，超肚餓。呢度主打靚料火鍋，除左一般沙嗲麻辣蕃茄湯底，仲有較貴價嘅材料例如四格鍋、佛跳牆鍋、鮮蟹魚湯鍋，最正最正一定係濃湯佛跳牆雞翅鍋，好多人食過呢款湯底都讚，有budget或者人多真係要點刺身、小食唔少得，火鍋配料都有海鮮、牛肉除左本地手切牛，仲有聽到都流哂口水嘅日本和牛肉眼A5級！其餘配料都齊備例如丸、餃、滑、蔬菜。好快落左單，上湯底嘅時候店員都好小心，而且提醒我地可以等鍋滾起先飲淡湯，再打邊爐。一打開煲蓋，不得了，講真，如果人少少，飲完湯，食埋湯料，真係飽左6、7成。成煲佛跳牆好有睇頭，首先有翅、鮑魚、花膠、海參、螺片、金華火腿、雞，非常豪華，落料唔手軟鮑魚新鮮有彈性螺片柔軟！花膠食極都仲有，真心足料，女士一定鐘意。海參呢個湯底雞湯味濃郁，唔會太杰身，淡淡都係精華，我地飲左好多碗！不得不提金華火腿，你睇幾多。雞件又係足料，兩個人差少少淨係食個鍋都飽。好似我地咁鐘意食牛，又諗唔到點邊樣，就大多數會點呢個胡爐牛拼盤。一份有齊5款牛肉，包括牛舌芯、手切安格斯肥牛、極上手切牛頸脊、牛胸爽同霜降牛粒牛舌芯爽脆。手切安格斯肥牛脂肪均勻，入口軟嫩牛頸脊肉味較濃，口感結實。牛柳粒都好味，食落juicy，唔會韌。如果鐘意牛胸爽，真係要試試，入口油花爆發，口感好爽架。其實食到呢度已經幾乎飽，好在唔係點左太多野。紫菜響鈴又係呢度必食，即炸架，新鮮脆口，就咁食都已經好正鮑魚蝦餅王足料！因為我地唔知道原來佛跳牆鍋入面，本身已經有好多娃娃菜，所以點左兩款菜，油麥菜同萵筍都好夾雞湯。…查看更多