wlskfoodie的个人专页

同事farewell, lunch去咗天后嘅宮崎肉本舖, 午市推出多款LUNCH SET, 款款吸引, 對於請客黎講絕對唔失禮, 而且質素仲超水準。餐廳座位以卡位為主, 坐得舒服。SET LUNCH $198起, 包括有前菜、湯、菜同甜品, 更可額外追加小食。蕃茄沙律: 蕃茄已被去皮, 蕃茄清甜兼配上酸汁, 酸尾尾好開胃。准山沙律: 質感好似薯蓉, 有蟹肉做點駁。和牛法包: 法包非常香脆, 牛肉碎粒很有肉香, 整件入口既香脆又帶有油香。味噌鮮魚湯: 魚鮮味十足, 超正!鐵板牛舌芯配白飯:鐵板熱辣辣滋滋聲上檯, 牛舌芯份量足, 而且厚切。中心位keep到少少嫩紅, 牛舌芯爽彈軟嫩又帶有脂香味, 唔洗點汁食已經好正!A5牛西冷海膽蓋飯:A5牛西冷平佈盡顯份量, 將整個飯完全覆蓋, A5牛西冷牛脂分佈平均, 口感軟嫩冇筋, 配有甘甜入口即溶海膽同埋三文魚籽, 令整體味道更提鮮、更有層次。另外仲追加兩款小食:烤鰻魚: 絕對可以用皮脆肉嫩形容, 表面烤得金黃, 沒有加太多鰻魚汁, 但能食到鰻魚獨有香氣。粟米天婦羅: 炸得鬆脆不油, 粟米之間分內緊密, 香甜多汁。最後送上甜品---雪糕糯米糍, 非常滿足!…查看更多

假日同朋友相聚dinner, 去了上環呢間門面很有日系感嘅居酒屋, 餐廳分上下兩層, 裝修簡潔, 很有日本地道特色。【無敵家招牌沙律】$98份量十足, 沙律菜新鮮清爽, 配搭粟米、青瓜、蕃茄、黃桃等等…額外自行加上酸酸甜甜醬汁, 清新開胃。【味醂雞泡魚干】$78雞泡魚干近似魷魚絲, 唔會太乾太硬, 甜甜地, 點沙律醬食, 味道更加提升。【免治雞肉軟骨棒】$58餐廳自家制, 表面燒得焦香, 雞肉棒有豐富鮮甜肉汁, 內有軟骨碎, 食落有層次, 再點埋蛋黃汁時, 增添黏滑感。【牛柳串】$78肉味濃郁有咬口感, 沾蛋汁食, 多一點黏滑。【厚切牛舌】$58選用牛舌芯, 烤後依然keep到肉汁, 爽口彈牙, 大愛!!【豚肉荔枝卷】$42微微燒焦嘅豚肉片卷住了多汁清甜嘅荔枝, 整個入口, 荔枝汁平衡了豚肉僅餘嘅膩。【日本蕃薯】$35蕃薯連皮燒, keep到原汁原味, 甜甜地, 幾好食。【叉燒拉麵】$90叉燒大大塊厚薄適中, 肥瘦均勻, 湯底係由豬骨淆成, 真材實料, 濃郁味美, 浸滿湯汁的拉麵入口仍然QQ彈牙。…查看更多

假日同素食朋友同行, 搵食又係一種挑戰, 今次揀咗呢間位於銅鑼灣登龍街嘅「金西南米線」, 呢間米線配料選擇多, 而且仲有素湯同埋素食配菜, 肉食者跟素食者同行, 都能滿足。小店面積不大, 座位比較窄, 不過簡單食個米線, 感覺還可接受。下午兩點半起, order米線, 仲有豆漿/汽水送。而且每碗米線嘅配菜都可以自選多少, 什至走, 滿足不同人口味。我揀咗招牌小鍋米線, 自選了小辣, 配料自選了: 鹵大腸、墨魚頭、鹽香手絲雞、雪花肥牛大大碗米線, 泥黃色湯底, 味道酸辣濃郁; 米線軟淋又滑, 連湯底入口, 酸辣惹味又開胃; 鹵大腸冇異味, 煙韌彈牙有咬口; 墨魚頭爽脆, 鹽香手絲雞不算嫩, 有d乾身; 肥牛稍吸了湯汁, 同樣美味。朋友同樣order了招牌小窩米線, 自選素湯唔辣, 配料自選了: 竹笙、蘿蔔、豆卜、腐竹、豆皮結、豆卜、豆皮結、竹笙同埋腐皮都吸晒啲湯汁, 夠晒入味。米線下午茶仲送嘅豆漿, 豆味突出不會過甜。藤椒魚皮: 口感超爽脆, 麻辣開胃。炸燒賣: 外脆內煙韌, 表面加咗少少鹽調味。黃金炸素春卷: 外皮炸到脆卜卜、熱辣辣, 入邊好多蔬菜, 脆口有層次。油菜: 生菜新鮮, 正常水準。…查看更多

放工經過呢間主打健康乳酪雪糕嘅小店, 發現新出咗開心果限定, 吸引我呢個開心果控一試, 果然冇令我失望。另外仲有多款配料配搭好嘅乳酪雪糕組合、亦有自選組合供選擇, 而且就連寵物杯都有供應。【終極開心果】HK$52超推介比開心果控!! 真係啖啖開心果香氣;中層放有大量開心果碎石同埋神秘開心果脆脆, 令口感超有層次, 加上了軟滑入口即溶嘅乳酪雪糕, 配有開心果黑朱古力, 香脆可口, 再淋上開心果碎碎醬, 層次同埋開心果香氣再double up! 大愛!!【黃金寶】HK$58以芒果肉為主打嘅乳酪雪糕, 乳酪雪糕配上芒果肉、脆口杏仁脆、軟綿麻薯、清甜蜂蜜等等…味道同口感同樣有層次, 健康美味。【芒香乳酪Croffle】HK$40即叫即焗, 製作需時, 但值得一等。窩夫焗得鬆脆, 加上大量乳酪雪糕, 熱辣辣窩夫令雪糕更快為半溶狀態, 令人更急不及待大口大口咁食, 配上芒果肉同埋芒果醬, 甜酸開胃。新鮮即焗窩夫仲係天后店獨有, 一定要試!…查看更多

係中環食晚飯, 除了連鎖快餐, 又想平平地食餐飯填飽個肚, 就去咗---滿滿食堂, 主打多款石燒、丼飯等…對於中環地段黎講, 確係驚喜抵食。餐廳位於地庫, 設有多個卡位, 企企理理。每款石燒都跟一款自選飯類, 石板燒熱辣辣上檯, 如果用餐過程中石板唔夠熱, 可向侍應免費更換。厚切牛柳: 果然牛柳有如掌心般厚切, 切開後可見中心位仲係keep到嫩紅, 可因應個人喜好控制牛嘅生熟度, 肉味香濃, 不會過於油膩。頂級牛肩扒:牛肩扒牛脂較為集中, 肉質比起牛柳有咬口一點。廣島蠔:一客共有四隻脤卜卜嘅廣島蠔, 非常juicy, 一d都唔腥。鴨肝:鴨肝厚切, 放上熱辣辣石板上, 很快滲出鴨肝嘅油, 油香味濃郁。紫菜飯: 白飯加上紫菜, 帶點清香兼可平衡主食嘅濃郁肉味。+$6 升級 蟹皇飯蟹皇醬份量非常糠概, 蟹鮮味十足。…查看更多

放工同老朋友聚會, 相約到沙田市中心呢間鮮橙色門面嘅西餐廳Butlery, 餐廳樓底高, 地方乾淨企理, 供應多款主食, 意粉、BURGER、pancake等…開心果奶昔: 奶昔口感幼滑, 奶味很重, 同時滲透著開心果果香, 大愛!!Sea Urchin & Scallop Taglatelle: 手工闊麵非常creamy, 海膽忌廉味重, 加上少少蟹肉碎, 啖啖鮮香味十足, 麵質帶點口感, 帶子表面稍為香煎過, 內裡仲keep到半刺身口感, 而且仲食到鮮甜味。MO & Chips:漢堡包微微烘過, 夾住了juicy安格斯牛肉、炒洋蔥、大量蘑菇、生菜同埋蕃茄醬, 傳統配搭, 味道不錯, 配上了大量薯條, 但薯條炸得有點過龍, 脆得黎有d硬。Banoffee Crème Brulee Pancake絕對要留肚食甜品, 兩個厚Pancake表面淋上了拖肥醬同埋雲呢拿吉士醬, 面層有脆焦糖, Pancake口感鬆軟, 散發陣陣蛋香, 沾上甜甜地醬汁, 好食得令人回味, 伴有香蕉同埋士多啤梨, 非常推介呢個甜品。…查看更多

中午食咗個豐富lunch, 放工仲未有饑餓感, 係圍方shopping時無意中見到平時買開甜品呢間Jollibean新推出了新加坡特產X香港口味 – 面煎糕串, 吸引一試, 順道買糖水同埋飲品回家同家人分享。我同家人都超中意係Jollibean買甜品外賣返屋企慢慢嘆, 款式多又足料。拉絲麻糬面煎糕(加茶記菠蘿脆)果然係即叫即整, 過程好似整港式雞蛋仔咁, 之後再放焗爐焗面層嘅菠蘿皮。外脆內有些少拉絲煙韌又帶少少甜嘅麻糬, 面層有一小塊平時食開菠蘿包上面嘅皮, 口感幾似, 不過味道就唔多突出。影相打卡確係幾有趣。面煎糕另 +$8 加配9 °微甜濃豆乳-500-ml 口感好滑, 豆味濃郁, 可算是幾乎唔甜, 夠哂健康。香芒小宇宙口感順滑而且配料多, 包括有熟透軟糯口感嘅小丸子、好林兼酸甜多汁嘅芒果肉同埋西米粒, 整體甜酸開胃, 口感有層次。樽裝布甸珍珠豆乳茶-500ml 豆味濃郁, 茶味偏淡一點, 配有煙韌珍珠、布甸同埋口感好似豆腐花嘅豆乳, 口感特別。…查看更多

假日同丫爸去旺角shopping, 順道係朗豪坊食埋dinner, 原先丫爸想係星壹點心食點心, 但坐低之後就比呢個$88/位嘅一人一鍋----極上美國肥牛SET所吸引, 轉移齊齊打邊爐。三選一湯底, 我地揀咗牛油雞咖哩湯同埋莞茜蕃茄火鍋湯。牛油雞咖哩湯: 唔知點解味道係酸尾尾, 後勁滲出咖哩嘅微辣。莞茜蕃茄火鍋湯: 甜酸開胃, 蕃茄較為突出, 反而冇莞茜味。所有火鍋配料一次過上。美國肥牛: 以呢個價錢有呢個肥牛質素都算係咁, 肥牛肉嫩。海鮮有兩隻青口、一隻蝦、同埋三粒明太子蝦滑。青口同埋蝦已經預熟, 烚返熱就食得。明太子蝦滑: Size幾大粒, 口感軟滑, 夾集了爽彈蝦粒, 幾有層次。蔬菜籃款式有齊唐生菜、雞脾菇、蘿蔔、粟米,套餐仲包括一份稻庭烏冬, 夠哂飽肚。…查看更多

天氣悶熱令人冇哂胃口, 趁放假同朋友外出, 去咗「小魚兒」食烤魚, 醒醒胃。自選魚類同埋口味, 每款魚都有炭火興住上檯. 滾下滾下慢慢食, 唔怕條魚灘凍。我地揀咗海鱸魚, 配爆醬鳳梨香辣豆花, 可以先選辣度。爆醬鳳梨香辣豆花配海鱸魚  整條海鱸魚開邊奉上, 份量十足, 鱸魚先被香煎, 除了鎖住原本肉汁, 煎香咗嘅魚皮仲能稍為吸咗個辣汁, 更加刺激惹味。鱸魚嫩滑厚肉, 揀咗小辣, 岩哂辣度惹味; 伴有香甜多汁鳳梨、滑得入口即化嘅豆花、幾條煙韌薯粉、雲耳、芫茜、芽菜、洋蔥等等配料…豐富美味。另外我地仲ORDER咗一款小食, 味道亦唔錯。椒鹽魷魚鬚:魷魚鬚炸皮薄而鬆脆, 魷魚鬚爽口, 加上了椒鹽炸蒜, 香口惹味, 大愛!!…查看更多

約舊同事食飯, 揀咗一間老字嘅扒房--金鳳大餐廳, 係寶林開設分店已有一段時間, 每次經過都見到唔少人幫襯, 今晚正好同同事一試。呢度嘅扒款式都幾多選擇, 而且仲係套餐價, 當然質素比起快餐店好得多。餐廳地方乾淨企理, 平日晚已經人流不斷。我地兩個分別揀咗一個牛, 一個豬, 自選餐廳有羅宋湯同埋忌廉湯, 個餐包仲係暖暖地, 自行加上牛油, 可以慢慢食等主菜鐵板上檯。鐵板熱辣辣滋滋聲上檯, 自選醬汁—黑椒汁/洋蔥汁,店員即席淋上鐵板上, 熱氣散發令人口水流。每款鐵板都伴有翠肉瓜同埋薯條, 吸咗個汁幾正。 招牌牛柳餐: 先選五成熟, 牛柳幾厚, 表面煎至微焦香, 肉嫩keep到肉汁, 配黑椒汁, 微辣美味, 好食!!!  荷蘭豬扒餐: 面層有件煎得幾香口嘅煙肉, 而兩件豬扒大大件, 同樣有水準, 肉質嫩同彈牙, 有肉汁唔乾, 配洋蔥汁令味道更提升。+$18 追加茄汁意粉意粉微微酸甜, 味道偏淡, 但自行沾上鐵板上嘅汁食, 都唔錯。免費餐飲如下:另外額外加錢升級特飲…查看更多

朋友即將移民英國, 我特意book咗銅鑼灣希慎廣場「牛気」同佢大吃一番, 滿足味蕾同胃口。到店後先知適逢「韓風祭」, 選擇LV4套餐, 即可免費升級享用韓式雪濃牛尾湯, 同時免費追加限定醬油熟蝦。最後我地選擇了LV4套餐: 澳洲極上和牛+海鮮放題 (成人$438  小童/長者$348)  +$10鴛鴦湯底韓式雪濃牛尾湯: 奶白色湯底, 牛味濃郁, 非常配合主打食牛嘅火鍋。黑蒜豚骨湯: 大大舊豚骨熬製, 清香濃郁。店內光猛華麗, 設大量卡位坐得舒服, 肉類、海鮮等大部份火鍋配料均以scan QR code落單, 而自助區則擺放了丸類、蔬菜類、少量熟食、多款飲品、甜品小糕點、軟雪糕、自制棉花糖等…我地所選嘅套餐主打澳洲極上和牛, 色澤鮮紅, 油脂分怖均匀幼細得如大理石花紋, 肉質超嫩。日本特選和牛肩胛肉眼(期間限定): 油脂分佈較為集中, 肉味同脂香味較有層次。PRIME美國肩胛肉眼:  油脂分佈不平均, 不過薄切盡量提升肉質嫩口度。套餐同時亦包含了多款牛, 更有豚肉同雞肉, 滿足食肉獸。海鮮方面有爽彈鮑魚、肥美海蝦、超嫩滑無骨脆鯛魚片、爽脆水魷同埋青口等。挪威三文魚刺身: 雖然刺身只有一款, 但有魚香, 總算滿足過下口癮。至於期間限定主題「韓風祭」, 特意加咗韓風美食, 例如韓國手工餃子、韓國泡菜餃子、韓國年糕、辛辣麵、韓國芝麻拉麵等….醬油熟蝦: 醃得入味, 鹹甜惹味, 爽口彈牙。韓式上湯小籠包(晚市供應): 一咬有湯汁流出, 鮮肉味香甜。韓國年糕條: 可以自制部隊鍋, 質感煙韌。韓式炒飯: 辣辣地, 幾開胃。甜品方面, 十勝紅豆豆乳冰豆花: 嫩滑得入口即化, 豆味突出, 有少少紅豆增加甜度。奶蓋白肉丸子: 煙煙韌韌, 奶蓋濃郁香滑。軟雪糕: 竟然有雞蛋仔咁港式口味, 大愛!!自制棉花糖, 增添樂趣。用餐時間只有120分鐘, 胃口有限未能試盡所有美食, 不過質素高質, 回本率高, 會再encore!…查看更多

糧尾食平d, 竟然比我地搵到係炮台山同天后之間呢間小店, 主打日式便當、拉麵等, 價錢親民, 味道亦唔錯, 全日免加一, 係糧尾首選!【豬軟骨 自選[烏冬/拉麵]】豬骨湯輕盈突出, 拉麵Q彈, 豬軟骨就連軟骨都煮得好林, 肉味濃郁!【蒲燒鰻魚便當】便當豐富, 厚燒鰻魚惹味, 配上珍珠米飯, 非常滿足。配菜有前菜、醃蘿蔔、迷你蕃茄、冬菇、玉子、肉粒等等…仲有埋糯米糍做甜品, 抵食!主食另+$10可追加飲品,百香果綠茶     芒果綠茶    兩款綠茶果味濃郁, 清新消暑, 解渴一流。【吉列黃金蝦(配手作他他汁) 】炸蝦炸得金黃鬆脆, 蝦爽口, 點上他他汁, 味道更提升。…查看更多

啟德周邊新開了大型商場同埋設施, 亦進駐唔少食肆, 令港人又多一個吃喝玩樂好去處。今晚同家人食完飯之後, 係附近兜個圈, 先知原來啟德零售館1樓上有個Food court, 其中仲見到呢間新加坡30年老字號「Jollibean」甜品店, 順路嘆返個甜品。呢間品牌老店嘅原材料選自A級加拿大黃豆, 堅持每晚浸豆、每朝煮豆、石磨鮮製而成。食物方面提供吐司輕食、豆乳飲品、甜品, 款式選擇多。沙嗲免治牛肉吐司:吐司烘得金黃微脆, 沙嗲味輕盈不是重口味, 有些少牛肉碎, 幾有層次。奶蓋芋泥小丸子-500ml 豆乳味濃郁順滑, 芋泥微甜, 小丸子軟糯熟透, 整體不是太甜。三色芋圓西米露:西米份量多, 芋圓軟糯熟透, 啖啖層次豐富。黑糖珍珠豆腐花:豆腐花熱辣辣, 口感好滑, 珍珠微微煙韌, 加咗少少黑糖漿, 另有黃砂糖可因應自己喜歡嘅甜度再加。…查看更多

一講起章魚燒, 第一時間諗起旺中一間專賣章魚燒嘅外賣小店, 今日重返舊地, 發覺店名改咗做「百味章魚」, 但班底依然都係keep住係前店名*真‧章魚無雙*, 保証質素不變, 而且推出限定優惠, 每盒減$3。「百味章魚」主打多款口味章魚燒, 有六粒同八粒選擇。章魚燒即叫即整, 所以order後都要預返少少時間等。每款口味嘅章魚燒都會加上沙律醬同埋木魚碎。而每粒章魚燒入面平均都有兩大粒爽口章魚粒, 口感滿足。芝士章魚燒: 面層芝士經火灸過, 令芝士跟章魚丸熔為一體, 金黃帶點焦濃, 味道有有芝士鹹香, 正!黑松露章魚燒: 每粒章魚燒都被平均淋上了黑松露醬, 再以黑松露點驟, 入口軟滑兼黑松露味道濃郁。蜜糖芥末章魚燒: 甜甜嘅蜜糖芥末, 配上沙律醬, 味道好match。…查看更多

放假相約老朋友出黎食飯聚舊, 選擇了近APM附近一間樓上嘅台灣料理餐廳。餐廳以木系傢俱為主, 氣氛很有台灣風味。餐廳全日免加一, SCAN QR code自行下單, 而餐廳中央設自助區放有飲用水同埋餐具。我地揀咗---二人豪華套餐 HK$258皮蛋豆腐: 凍豆腐配有少少溏心嘅皮蛋, 加上了鹹甜木魚片、甜甜地嘅台式醬汁, 清新消暑。炸花枝丸: 表面炸得金黃微脆不油, 口感彈牙, 食到花枝嘅鮮甜。炸墨汁墨魚扒便當:墨魚扒肉嫩厚實彈牙, 表面炸至金黃酥脆, 米飯吸收了滷汁精華, 配有鹵蛋、醃製小菜、沙拉蕃茄仔, 平衡了整體油膩感。紅燒牛肉麵:湯底味濃不澀, 幾有咬口嘅麵條同埋牛肉稍吸了湯汁, 牛肉有肉香而且軟腍。鹵肉燙青菜: 生菜保持爽脆口感, 加咗豉油同埋滷肉, 增加一點肉香。+$8 珍珠奶茶: 口感順滑, 珍珠熟透帶少少煙韌。+$5 薑母鮮奶茶: 濃郁薑香與順滑鮮奶融合, 薑嘅辛香在口中慢慢散開, 隨後有奶香柔和, 特別適合寒冷天氣飲, 很暖胃。炸甜不辣 HK$30表面炸得金黃微脆, 內裡煙煙韌韌, 面層加咗鹹甜梅粉調味。涼伴麻辣牛展頭 HK$38牛展頭切粒, 口感爽得黎唔硬, 有肉香之餘加上麻辣汁, 麻辣過癮。…查看更多