第一次跟朋友返完教會就喺附近食個午飯，本來諗住隨便食啲嘢，點知驚喜地幾好食又抵！🍴叫左黑松露帶子意粉，份量足料，帶子煎得金黃香口，加上松露醬夠味，意粉掛汁又唔會太膩，水準相當唔錯。三文魚凱撒沙律新鮮開胃，煙三文魚厚身，配埋爽脆嘅羅馬生菜同凱撒醬，好啱而家嘅天氣～🥗另外水牛城雞翼都好出色，夠酸甜，炸得香脆唔油膩，幾啱一邊傾偈一邊食，見到都有幾台叫咗呢款雞翼，可能都係餐廳買點之一🔥最重要係地方闊落，唔多人，可以慢慢坐、慢慢食，氣氛好舒服。以呢個價錢嚟講份量夠、味道好、環境又唔嘈，真係幾值得再嚟。💯
…查看更多
…查看更多
餐廳個環境都尚可，因為人少，坐得又唔算話唔舒服，叫咗佢個二人晚餐埋單大概$500 。但如果$500嘅價位嚟講，佢啲嘢食絕對係不能接受個湯又冇味又好水，嗰啲薯條，麥當勞薯條都仲好過佢，個意粉亦都係冇味㗎，話龍蝦味，但係一啲龍蝦味都冇，同埋個賣相似喺茶餐廳度食。
如果你話$200買單都OK嘅但呢個價位。
