scalpel226的個人專頁

新開既時候，天氣涼啲既時間，無乜問題，但到夏天，一路食一出汗，問侍應話有無得較凍啲，話無得較，另外哩間既洗碗亦好馬虎，啲碗碟筷子全部都好油，有時仲會黐住啲食物殘渣，食物係可以既，但天氣熱就真係免，仲要有一次食晚飯，送既紅豆沙，變咗，有酸縮味既，唔係客人投訴，仲周圍攞俾人食。仲有一樣好難頂既就係，啲厨房員工，或者客人，會走去廁所或廁所裏面食煙，我哋坐喺入面既食客，完全吸晒啲二手煙，完全無得避，啲煙味仲要停留好耐，先可以完全散晒，好難頂！無諗過飲茶，要焗住食埋二手煙。…查看更多

見好多人話雙子匯呢間西班牙餐廳唔錯，有景同環境唔錯，有朋友從外國返嚟，一於帶朋友一齊去試吓，見有人寫佢哋服務差，但通常都唔會信，都會自己親身去試吓，點知原來啲負評係真嘅，叫人落單，好似永遠無人睇到，加水亦一樣。最後再order既西班牙油條，好耐都無送到，但又會催你埋單，唔係食客唔想埋單，而係啲食物根本未到齊！講返食物，味道同質量係唔錯嘅，係可以一試，但希望佢哋嘅服務質素會有改善，否則只會幫間餐廳趕客。…查看更多