healingbobo的個人專頁

今次同朋友去咗依間近期hit爆嘅羊肉火鍋店，好好彩訂到檯，餐廳環境好有特色，餐具好有中國風，食物同飲品都有好多選擇。鴛鴦鍋湯底 $88清甜雞湯鍋夠晒鮮，卜卜蜆鍋裡面嘅蜆肥到爆汁，滾起之後香氣夠濃，未食餸先忍唔住飲兩啖湯，夠晒開胃😍招牌高鈣肉 200g $188每隻羊得600g，仲要每日限量㗎！肉上面帶住月牙脆骨，涮10秒就熟，入口嫩到冇得彈，仲有淡淡肉甜，脆骨咬落「咯咯」聲，好特別羔羊後腿肉 200g $168肉質緊實有嚼頭，咬落juicy，就算筋膜煮耐咗都唔會韌，鐘意食有口感羊肉嘅朋友，一定要叫依款。百日羔羊肉 200g $148取自180日大嘅羔羊，肉質特別嫩，羊香味好濃但完全冇羶味。桂花蚌 $138份量大，新鮮爽脆，咬落口感清新。響鈴 $38放落湯度浸幾秒就吸滿汁，咬開超入味，打邊爐必叫。馬鮫魚丸 7粒 $48依個好特別，好少地方有，粒粒都彈牙，咬開仲見到一粒粒魚肉，用料好實在鮮淮生 $32煮軟之後吸埋湯底嘅鮮味，咬落粉糯，中和肉膩啱晒。招牌經典烤羊肉串 $18外皮微焦，肉裡面juicy，一嚿羊一嚿肥膏，2嚿一次過食，超滿足。水果蜜桃茶 $48清甜帶住蜜桃香，飲落好解膩，成餐飯食到飽飽，飲返杯超舒服。評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉翻兜指數：🩺🩺🩺咩記打邊爐旺角通菜街61號德發大廈2樓📍旺角港鐵站E2出口2分鐘路程#healingbobo #foodie #hkfoodie #foodiehk #香港 #美食 #火鍋 #打邊爐 #高質 #羊肉 #香港美食 #打卡 #hotpot #旺角 #旺角美食 #咩記 #咩記打邊爐…查看更多

最近聽朋友介紹依間餐廳有清酒放題，$88一位就可以暢飲3個鐘，真係好抵飲，仲有好多唔同選擇。我哋飲咗9款Sake, 其中三款精選sake各有特色，原酒忠愛有令人心曠神怡嘅香氣同濃郁嘅甜味，清新得嚟有果香滿溢嘅風味。雄町米釀製嘅七水攞咗Oriental Sake Awards 2023「年度最佳清酒」，豐富酸甜感帶出輕透感果香。最驚喜係「松の司純米吟釀生酒」，口中滿滿荔枝同蜜瓜果香，清爽得嚟平衡度又高，飲多幾杯都唔會覺得膩！ 精選魚生刺身壽司盛 $388刺身：三文魚油甘魚赤蝦壽司：深海池魚，間八魚，赤鯛，三文魚，左口魚邊，蟹子一個價錢有3款刺身6件壽司，性價比超高。三文魚油潤、赤蝦鮮甜彈牙，全部都新鮮度滿分！宮崎大米豚壽喜燒 100g $228本身想叫A5和牛霜降壽喜燒，但餐廳話冇， 依個豚壽喜燒份量都好多，有皇帝菜冬菇金針菇等，兩個人share食啱啱好。唐揚雞件 $68粉唔厚好貼，感覺唔會好油膩厚燒牛舌芯 $98一串有三件，幾有牛舌香味黑松露鵝肝多士 $98 一客有兩件，睇落好清淡，唔油膩，啱晒怕肥嘅人士軟殼蟹沙律 $108蟹好脆，份量亦多，沙律中和晒油膩感依度星期周三、四有推廣，蒜香燒廣島蠔原價$78一隻而家先$7.8！真係抵到冇朋友！鍾意飲清酒同食日本菜嘅朋友，千祈唔好走雞！評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉翻兜指數：🩺🩺🩺 昼月銅鑼灣謝斐道535號Tower 535 3樓301號舖📍銅鑼灣港鐵站D1出口3分鐘路程 #healingbobo #foodie #hkfoodie #foodiehk #香港 #美食 #銅鑼灣 #CWB #日本菜 #日本料理 #居酒屋 #居酒屋美食 #深夜食堂 #銅鑼灣美食 #香港美食 #串燒 #壽司 #買一送一 #食在香港 #銅鑼灣美食 #美食推廣 #清酒任飲 #試飲會 #清酒 #Sake #限量優惠 #DayMoon #昼月…查看更多

喺屋企附近散步，經過依間外賣甜品舖，之前已經喺將軍澳堂食過，今次忍唔住再買咗嚟食，雖然餐廳只做外賣但裝修都好可愛好有特色😍 超煙韌榴槤奶蓋 $80未開蓋都聞到D24榴槤香！打開見勁多榴槤肉，椰奶香滑，小丸子同珍珠仲係煙韌口感，豆乳布丁軟嫩，三色芋圓好足料。加埋榴槤奶蓋，每啖都有榴槤香味，好正，榴槤控必試！ Oreo奶蓋珍珠布丁 $52可可豆乳濃而不膩，豆乳布丁入口即化。珍珠冇黐埋一舊，仲有芝士奶蓋同Oreo碎，另外有一塊Oreo餅乾分開裝，可以自己加上去，好有儀式感，鹹甜夾埋好正！ 慢煮豬軟骨玉子粢飯 $50本來只叫甜嘢，見到有粢飯又好想食就追加！豬軟骨軟淋，加埋玉子，青瓜解膩、肉鬆夠多，油炸鬼好脆，仲要係新鮮即包，好滿足！ 評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺 SOYmart by 豆乳狂人沙田大涌橋路20-30號河畔花園地下28號舖📍港鐵沙田圍站C出口10分鐘路程#healingbobo #foodie #hkfoodie #foodiehk #香港 #美食 #香港美食 #沙田美食 #沙田 #Shatin #吃貨日記 #打卡美食 #甜品 #dessert #SOYmart #豆乳狂人 #SOYmartby豆乳狂人…查看更多

想試依間米芝蓮一星法國菜Louise好多年，難得restaurant week有La Terrace by Louise嘅Elite Signature 6道菜晚餐，又有HSBC信用咭，於是即刻訂檯！Elite Signature Dinner $688 per personCourse 1Sago & Mimolette "Arancini"  依道炸飯糰波波，外面好脆，裡面有西米粒，面層舖滿米莫萊特芝士，微辣開胃，好有特色😍Course 2Potato & "Baenki" +$98 per piece我係為咗依道菜而嚟😍大量嘅Baenki 魚子醬舖滿喺薯仔千層酥上面，香濃嘅薯仔配咸鮮嘅魚子醬，順滑綿密，香味喺口中，餘韻久久不散。Course 3Foie Gras Ravioli +$68牛肉清湯倒入鵝肝意大利餃，好有儀式感， 加上貢布胡椒油，感覺好清新，意大利餃咬開爆滿鵝肝醬，配搭埋湯一齊食，感覺唔會膩。Loire Valley White Asparagus    鮮甜嘅羅亞爾河谷白蘆筍配搭魔鬼蛋以及西洋菜蛋黃醬，加埋烤麵包粒，口感豐富。Course 4Moules Marinières (Served for two guests, 400gr)  法式白酒煮青口，兩人份，雖然有啲冇開口，但整體數量超多，而且好鮮甜，同平時任食嚡口果種完全係另一種食法。Course 5½ Roasted Yellow Chicken (Served for two guests)  半隻香烤本地三黃雞，配新潟米雞油飯，飯舖滿香脆嘅雞皮碎，撈埋雞醬汁食簡直係絕配，烤雞香口肉嫩，果然係依度嘅signature dish😍Course 6🍋Amalfi Lemon “Givré”  阿馬菲檸檬冰沙，檸檬上有脆脆蛋白霜及羅勒，裡面係柑橘忌廉，酸甜交集，非常清爽。Pure Vanilla Millefeuille  雲呢拿千層酥，每一層都有果仁脆粒同焦糖，加埋雲呢拿雪糕，香濃有口感，為依餐食咗3個半鐘嘅晚餐畫上完美句號。餐廳樓上係Main Dining Room，會有其他菜式，例如Brittany Pigeon，而且上層有露台座位，感覺更chill, 天氣涼啲果陣可以再嚟🥰依晚食飯現場仲有live band, 聽住柔情嘅音樂食飯，亦唔會阻住傾計。另外，餐廳樓上係Main Dining Room，會有其他菜式，例如Brittany Pigeon，而且上層有露台座位，感覺更chill, 天氣涼啲果陣可以再嚟🥰🍸Cocktail : Saint Earl Grey評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺Louise上環鴨巴甸街35號元創方JPC地舖📍上環港鐵站E2出口5分鐘路程#healingbobo #foodie #hkfoodie #foodiehk #香港 #美食 #香港美食 #上環 #SheungWan #上環推介 #上環美食 #高質 #米芝蓮 #MICHELIN #法國菜 #Louise…查看更多

AMMO嘅週末限定午餐，唔只有悠閒舒適嘅氛圍，啱晒weekend想鬆一鬆嘅人，仲有升級版體驗，尤其是龍蝦瑪奇朵同伊比利火腿，簡直係亮點！$328一位嘅午餐，由開胃到甜品都有驚喜，每道菜都食得出心思，絕對值得嚟👍 BeginningsIBERICO HAM & MELTING EGG Mustard potato foam, croutons, girolles, chives 伊比利亞火腿配溫泉蛋，火腿鹹香，有少少油潤，個蛋黃一戳就流心，加上輕盈嘅芥末薯仔泡沫、雞油菌嘅嫩同烤麵包粒嘅脆，一口落肚好似咬到春天嘅晨光，清新又有層次，開胃啱啱好。🦞LOBSTER MACCHIATO +$45Concentrated lobster bouillon, lobster foam, lobster chunk龍蝦瑪奇朵真係必試！濃縮龍蝦湯離遠已經聞到好香，入口龍蝦味極濃郁，加上龍蝦泡沫，同埋搵竹籤拮住嘅大嚿龍蝦肉，非常彈牙新鮮🤩 EntreesHK TYPHOON SHELTER FETTUCCINE WITH ABALONE & CLAMS +$30Clams stock, tossed in fried crab chili, garlic black bean infused EVOO 香港避風塘鮑魚蛤蜊闊條麵滿滿港式風味，闊條麵吸晒辣椒嘅香辣同蒜香黑豆油嘅濃郁，熱辣辣好惹味，食得好過癮！🥩8OZ USDA PRIME RIB-EYE STEAK +$70Yorkshire pudding, fried egg, veal jus8安士美國特選肉眼牛排，牛排煎到外邊微焦、裡面嫩，切開仲有肉汁慢慢流出，配埋外脆內軟嘅約克郡布丁、滑滑嘅煎蛋，蘸少少牛肉汁，肉香濃郁，好滿足🈵️Sweet Endings ASSORTED FRUIT BOWL 雜錦水果碗色彩繽紛，有齊士多啤梨，藍莓，提子，火龍果，蜜瓜，紅桑子，水果新鮮清甜，為呢餐豐盛午餐帶來陣陣清爽。🍮EGG CUSTARD CARAMEL Coffee jelly, whipping cream, cherry blossom焦糖布丁收尾就最完美！布丁香滑，配埋咖啡啫喱嘅香，仲有淡忌廉，甜得嚟唔會膩。最後各自嘆返杯咖啡同埋茶，週末依啲懶洋洋時光就變得好圓滿啦！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺AMMO金鐘正義道9號亞洲協會香港中心低層📍港鐵金鐘站F出口6分鐘路程…查看更多

兩年前食過世貿中心店，一直念念不忘，因為太多食物同甜品想試😍今晚終於約到朋友去K11店，餐牌太多選擇，我哋有選擇困難症揀左好耐😂🐷香茅豬肉菠蘿米紙卷 $78每件米紙卷都有紫蘇葉包住，米紙有啲粉皮嘅感覺，同平時食開嘅好唔同，咬落有菠蘿嘅清甜同香茅豬肉嘅惹味，蘸埋酸辣汁超開胃，一人食兩件都唔夠！ 🦀濃汁泰黃咖哩軟殼蟹 $228軟殼蟹炸到脆卜卜，浸喺咖喱汁入面吸晒醬汁，咖喱夠濃稠仲有椰香，撈飯簡直絕配！ 🐮炭燒牛肉串燒 $56/2串串燒都好有水準，牛肉燒到帶少少焦香，肉質嫩唔鞋口，醬料惹味唔搶喉。 香辣炒通菜 $88份量大夠鑊氣，通菜爽脆，揀左小辣，辣度啱啱好， 唔食得辣嘅話可以揀唔辣 。 🍍🍹Pina Colada with Pineapple Popsicle $78依杯cocktail酒精都幾重，椰香同菠蘿味好夾，仲有枝菠蘿雪條好得意，可以當埋甜品食，凍冰冰飲落超消暑，成餐飯食得好滿足！🥰評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺阿閒泰尖沙咀河內道18號K11購物藝術館2樓219號舖📍尖沙咀/尖東港鐵站D3出口2分鐘路程#healingbobo #foodie #hkfoodie #foodiehk #香港 #美食 #香港好去處 #香港打卡 #香港探店 #泰國菜#TsimShaTsui #TST #THAI #香港食評 #美食打卡 #人氣 #高質 #尖沙咀 #尖沙咀美食 #香港美食 #AHANTHAI #阿閒泰…查看更多

知道AMMO為咗慶祝13週年，期間限定下午茶優惠先係$368/2，咁抵食緊係要同朋友去chill下啦，餐廳位於金鐘亞洲協會，雖然果日落雨，但周圍環境好靚，好有熱帶雨林feel，餐廳仲安排卡位比我哋，坐得好舒服，氛圍洋溢濃厚傳統氣息，可以慢慢享受😍 Tea set好精緻，好有儀式感，即刻影相打卡先！ Savoury Bites 鹹點 Crispy Chicken Sliders 脆炸雞肉漢堡🍔咬落脆卜卜，雞肉juicy唔乾，包身鬆軟，第一啖就好開胃。Prosciutto & Melon Roll 火腿哈蜜瓜卷火腿鹹香配哈蜜瓜嘅清甜，配合得啱啱好Braised Mini Abalone Tart 迷你鮑魚撻鮑魚軟腍入味，撻底鬆脆有好多層，最驚喜係依個！Shrimps & Quail Egg Skewer 蝦鵪鶉蛋串🦐蝦肉爽彈，鵪鶉蛋好香，串住食方便又好味。 Sweet Bites 甜點 Condensed Milk & Espresso Panna Cotta 煉奶咖啡布甸🍮滑溜到入口即化，面層嘅咖啡凍香濃，布甸唔會太甜Marble Cheese Cake 雲石芝士蛋糕雲石紋好靚，蛋糕綿密，芝士味濃而不膩，底層餅底令口感更豐富！Matcha Mousse & Macaron 抹茶慕絲配馬卡龍抹茶慕絲香滑，馬卡龍唔會太甜，兩樣夾埋食好清新。Mini Strawberry Pavlova 迷你士多啤梨蛋白脆餅🍓蛋白餅脆卜卜，士多啤梨及藍莓，清新得嚟又好食。Scone 鬆餅配埋玫瑰草士多啤梨醬同凝脂奶油，鬆軟又香甜。飲品方面，除咗花茶，我哋揀咗signature cocktail Popping White，白酒底加士多啤梨及藍莓，仲有爆炸糖，飲入口滋滋聲好得意！另外仲有無酒精嘅梳打Peaceful，青蘋果，青檸加櫻花，夠晒清爽。兩個人先係$368真係好抵，環境又靜又舒服～依個set只賣到10月31日，想食嘅朋友要快啲預約啦！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺@AmmoHKAMMO金鐘正義道9號亞洲協會香港中心低層📍港鐵金鐘站F出口6分鐘路程#healingbobo #foodie #hkfoodie #foodiehk #香港 #美食 #香港美食 #Admiralty #金鐘 #金鐘打卡 #金鐘好去處 #cafehk #金鐘美食 #金鐘美食 #admiraltyeats #下午茶 #期間限定 #13週年 #limitedtimeoffer #Asiasociety #亞洲協會香港中心 #ammohongkong #Ammohk…查看更多

8月尾嘅一個晚上去咗大埔，有好重要嘅任務😂我哋之後去咗食喫茶，想食依間餐廳好耐，雖然尖沙咀銅鑼灣都有分店，但感覺喺大埔會開心啲😍夕暮夜煙燻牛舌蛋包飯 $128賣相非常靚仔，有六大件幾厚切嘅牛舌，本身店員話幫我哋切開個蛋，但我哋又想自己試下切，可能刀工唔好，切出嚟冇乜流心澎湃嘅效果🤣昭和咖哩牛肋肉蛋包飯 $130牛肋肉份量都多，蛋包飯配埋咖哩汁睇落色彩繽紛，套餐明明可以揀刨芝士或者刨朱古力，我哋揀咗刨芝士，因為店員話會夾啲，但最尾冇芝士出現過，我哋食完先記得😂不過服務overall係好好👍抹茶牛乳 $42好靚嘅杯杯，面層鋪滿有餐廳logo嘅抹茶粉，幾香亦不會太甜。夏汐青甜蜜瓜刨冰依個係送嘅，本身嚟係想食布丁，但唔駛錢冇理由唔要😂，店長話依個刨冰好出名，自己淋啲蜜瓜糖漿，好有儀式感，仲有蜜瓜粒同cream, 刨冰質地唔係綿綿冰，而係傳統刨冰果種，好大兜兩個人都食唔晒😂差不多食完嘅時候，店長擰住個好靚嘅藤籃走埋嚟做推廣，依個名為秋夜月下菓匠禮籃 $288，本來想話唔使㗎啦，但聽完又覺得真係好抵，有好多優惠券可以即場使用，於是就落咗搭，事後計返真係有賺，係一個開心嘅落搭😂 藤籃有六件月見牛乳及抹茶蛋糕，再加一條靚靚嘅月兔便當巾，好有中秋氣氛，而且仲有好多優惠券，包括免費蛋包飯，甜品，小食，仲有一個皮革吊飾可以無限次使用，只要出示吊飾就會送一杯飲品，所以一定要再翻兜😂評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺喫茶ちょうぼ大埔安邦路8&10號大埔超級城B區2樓276號舖📍大埔墟港鐵站A出口15分鐘路程或轉港鐵巴士#healingbobo #foodie #hkfoodie #foodiehk #香港 #美食 #大埔超級城 #TaiPo #大埔 #喫茶 #喫茶ちょうぼ…查看更多

六國酒店踏入90週年，最近去咗佢哋嘅Le Menu食「極緻細嚐･華麗自助晚餐」，今期主打龍蝦、花膠同佛跳牆，連埋平時自助餐常見嘅食物，整體水準好好，性價比高。龍蝦新鮮，肉質彈牙；花膠炆得夠腍，女士們至愛😍，佛跳牆入面瑤柱、鮑魚都有，湯底濃但唔會太鹹，飲落幾潤。除咗主打食物，平時鐘意嘅刺身都有供應；熱食區仲有鐵板燒，扒類，火候控制得唔錯，唔會過油。重點推介嘅幾款都有水準，鴨肝滑溜，配多士食唔會覺得膩；片皮鵝皮脆，包埋青瓜蔥絲好正；芝士蘑菇焗蟹蓋好香；炸生蠔外皮脆肉嫩，新鮮juicy冇腥味。依度仲有現場表演睇，6:45pm會切葡式燒乳豬，皮脆度夠，肉質鬆軟，仲有煙燻牛柳，牛柳切開有肉汁，唔會太乾；7:15pm就有甜品表演，雙數日會整橙酒班戟，橙味清香，單數日係火焰雪山。其餘仲有好多甜品，Häagen-Dazs雪糕，食到超飽😂依度環境都幾舒服，想歎下靚自助餐可以考慮。評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@gloucesterlukkwokLe Menu灣仔告士打道72號六國酒店一樓📍灣仔港鐵站C出口5分鐘路程#healingbobo #foodie #hkfoodie #foodiehk #香港 #美食 #WanChai #灣仔 #留港消費 #Buffet #自助餐 #GloucesterLukKwok #六國酒店 #LeMenu…查看更多

喺銅鑼灣做完facial要食晚飯，走左去希慎B2嘅food court, 諗起依間之前因為牛肉唔夠秤而上晒新聞嘅餐廳，即管睇下好唔好食😂🐮慢煮熟成美國優質牛肉 $88依個價錢包埋cream, sauce同日本珍珠白米飯，另外加$6要左蘭王蛋🥚, sauce我揀左唔駛加錢最基本嘅紅酒照燒汁，加左燒汁同撈勻雞蛋後係比較好食，但紅酒汁果種完全未揮發酒精嘅味道，加埋比risotto更硬嘅白飯🍚，好明顯係生米未煮成熟飯，而且飯嘅份量少，男士們應該唔夠飽😂至於主角牛肉，雖然好薄但勝在份量幾多，有焦香，算係唔錯。評分：最高為5分治癒度：👩‍⚕️👩‍⚕️👩‍⚕️抵食度：💉💉💉翻兜指數：🩺🩺牛丼新造軒尼詩道500號希慎廣場B2樓B217號舖📍銅鑼灣港鐵站F2出口1分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #希慎廣場 #HysanPlace #SLOWCOW #牛丼新造…查看更多

之前經過海事博物館都一直想嚟依間cafe，今日終於有機會嚟食啦🥰 餐廳有唔同國籍嘅店員，因為係非牟利機構開嘅，佢哋仲支持不同能力同國籍嘅員工，所以依餐特別有意義🙂 🐮牛肉千層麵 $92起身未食嘢想食啲熱食，所以叫咗依個千層麵，份量都幾多，有大量芝士肉醬，舖滿一層層，夠晒飽肚。🥗Museum Cafe 西班牙火腿沙律 $105 超大堆頭嘅沙律，Serrano Ham, 芝士🧀，青瓜🥒，蕃茄🍅及雞蛋🥚，材料新鮮，食完感覺健康咗😂🥑🥐煙三文魚牛油果牛角包 $58煙三文魚牛油果舖滿晒，如果牛角包整返熱更加好食🤩Plant Based Smoothie $65依杯smoothie感覺似奶昔多啲，菠菜菠蘿椰漿，甜甜哋好易入口，冇草青味。🍎Apple Crumble + Mocha $97依個係下午茶餐，Apple Crumble好足料，有淡淡牛油香，蘋果粒仲有少少咬口，甜酸啱啱好，一啲都唔膩👍Mojito $75對住咁靚嘅風景仲有摩天輪🎡，當然要追加多一杯cocktail慢慢享受，依一餐我由下午茶食到黃昏，晚飯都唔使食啦😂餐廳食材有使用可持續食物，值得支持。另外仲有好多Alton Wong嘅主題佈置，粉絲記得去朝聖啦🙂@museum_cafe8Museum Cafe at Pier 8中環8號碼頭香港海事博物館天台觀景層📍港鐵香港站B2出口9分鐘路程#healingbobo #foodie #hkfoodie #foodiehk #香港 #美食 #香港美食 #Central #中環 #中環打卡 #中環好去處 #摩天輪 #cafehk #中環美食 #MuseumCafe #Pier8 #Museum CafeatPier8…查看更多

今晚朋友有揸車，佢話帶我去九龍塘一間隱世嘅餐廳，原來喺浸會大學裡面，真係唔講唔知原來依度隱藏住咁有質素嘅西餐廳🥰我哋叫左兩個單人餐share 食😋頭盤白酒蕃茄煮青口🦪青口份量好多，亦都好新鮮香煎法國鵝肝多士配埋焦糖無花果同埋無花果蓉，鵝肝份量都唔少而且好香口，如果可以多一塊多士，分緊啲鵝肝過去就更加perfect🥰是日餐湯牛尾湯微辣，加埋黑椒更加惹味，仲食到牛尾，一啲都唔馬虎👍主菜熔岩蟹肉南瓜意大利飯依個risotto上網睇已經知道好精彩，有半個南瓜一齊上碟，將南瓜肉撈埋三文魚子鹹蛋黃醬一齊食，味道好特別， risotto煮得有咬口，仲有好大隻嘅青口，亦都好鮮甜😍意式大蜆手工QQ意粉餐廳做緊Italian Night主題，當然要揀呢個意粉啦，新鮮嘅大蜆加埋形狀彎曲似公仔麵嘅意粉，意粉好有咬口，感覺好得意😋甜品朱古力三重奏呢個甜品好大堆頭， 係二人份量，包括Baileys芭菲，朱古力心太軟，73%軟心朱古力，加埋朱古力雪糕，仲可以點餐廳自己打嘅香蕉朱古力醬嚟食，真係好壯觀，滿足晒鍾意唔同朱古力形態同種類嘅人士。飲品凍青檸薄荷烏龍茶黑糖布甸鮮奶黑糖布甸鮮奶因為冇布甸所以用仙草代替，好有口感，好似食緊甜品咁樣😆值得一讚嘅係依間餐廳服務好好，好有heart, 好耐冇去過一間咁好服務嘅餐廳，真心值得多啲人去認識同嘗試咁有熱誠嘅廚師手藝❤️依度仲有間房可以提供包場服務，餐廳可因應你嘅budget提供食物，啱晒一家大細，或者一大班人聚會🥰評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺Bistro NTT by Attic九龍塘聯福道32號吳多泰博士國際中心地舖📍九龍塘港鐵站A1出口12分鐘路程…查看更多

依間曲奇店一直好出名，點知到佢開埋cafe我先嚟食😅 除咗叫曲奇同甜品，仲叫咗啲鹹食，室內坐滿晒人，我哋坐室外吹住風扇都唔會太熱，感覺仲特別chill🙂 Creamy Kimchi Pasta $98雖然冇肉，但材料好豐富，有磨菇，巴馬臣芝士，加埋泡菜，食落幾鹹香夠特別！Kimchi嘅酸辣同creamy醬汁好夾，味道夠晒多元化，唔會覺得怪，亦唔會膩。French Toast $70海鹽焦糖加蘋果金寶🍎，不愧係依間餐廳嘅招牌菜，西多外層香脆，切開勁多餡，咬落軟熟得嚟仲有大量蘋果粒，口感好豐富，好好食，唔理佢有幾邪惡啦😈。Buttermilk Blueberry Pancakes $68Pancakes鬆軟有蛋香，係幾有水準，自己落糖漿，加埋新鮮藍莓嘅酸甜，食完超滿足，記得趁熱食！Egg Tart $30依個蛋撻超大個，店員仲好好會幫你加熱，蛋撻皮好酥脆，蛋漿滑溜，鍾意食甜嘢嘅啱晒😅Double Chocolate Cookie $42朱古力味好濃郁，口感扎實，朱古力控同勁鍾意甜嘅人必試。White Chocolate Macadamia Cookie $42白朱古力帶奶香，加埋夏威夷果仁嘅脆口，味道好清新。Chocolate Chip Cookie $42經典款唔會輸！曲奇鬆脆，朱古力粒夠多，咬落好香。Strawberry Cheesecake Latte $55依款飲品超驚喜！有士多啤梨嘅清甜，咖啡底順滑，飲落好有層次。Strawberry Matcha $55抹茶清香，加埋士多啤梨嘅甜味，味道好平衡，都幾夾。 悠悠閒咁就坐到黃昏，其他客人都走晒😂 下次要再食其他曲奇😋評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@cookie.dptCookie DPT (Soho)中環閣麟街48號地舖 (近蘭芳園附近)📍港鐵香港站C出口7分鐘路程#healingbobo #foodie #hkfoodie #foodiehk #香港 #美食 #香港美食 #Central #中環 #中環打卡 #中環好去處 #cafehk #中環美食 #講玩講食 #美國菜 ＃西餐 #食好西餐 #soho #cookiedpthk #cookiedpt…查看更多

🌕中秋就快到，梗係要搵返啲靚月餅🥮過節啦！今次去咗尖沙咀間Valérie，未入舖就聞到陣陣牛油香，原來係有蝴蝶酥同曲奇可以試食，即刻試咗塊蝴蝶酥，酥到入口即化，果然出名係有原因！ 入面環境好整潔，月餅display得好靚。我揀咗熱門嘅流心奶黃味，返屋企加熱之後個流心真係勁吸引，一咬落去有好濃郁嘅奶黃香，唔會太甜，食晒成個都唔會膩，啱晒怕甜怕膩嘅人😙。除咗流心奶黃，佢哋仲有流心宇治抹茶、流心伯爵茶、宇治焙茶同埋香芋蛋黄蓉依幾款月餅，口味夠晒多樣，無論鍾意茶味定係傳統口味都有得揀。聽講創辦人以前喺米芝蓮三星意大利餐廳Otto e Mezzo Bombana同置地文華酒店糕餅部做過，手藝夠晒正宗，仲堅持香港自設餅房製造，用料又唔落防腐劑同人造牛油，食得好放心。依個品牌好多香港人都鐘意買，做手信又得，自己食又得，而且每年都限量，遲咗可能就無啦！店舖同網站都可以訂，想試嘅朋友快手啦～ 評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺Valérie尖沙咀加連威老道43號地舖📍尖沙咀/尖東港鐵站B1出口6分鐘路程新蒲崗大有街2-4號旺景工業大廈7樓C室📍鑽石山港鐵站A2出口5分鐘路程#healingbobo #foodie #hkfoodie #foodiehk #香港 #美食 #Valérie蝴蝶酥 #Valérie月餅 #香港必買 #中秋節必買 #香港美食 #尖沙咀 #新蒲崗 #香港好去處 ＃香港探店 #香港必食 #香港手信 #香港特產 #香港本土品牌 #香港伴手禮 #ValeriePastry #Valérie…查看更多

去咗韓燒餐廳韓雅林，叫咗佢哋嘅雙人套餐，超豐富！拼盤有齊牛肉、豬肉、海鮮，啲肉油脂又多又嫩，燒到香噴噴🤩仲有超鮮甜多膏嘅招牌醬油蟹，撈埋牛油飯好正，但我只係食左個蟹蓋，其餘成隻比朋友食晒😆！ 另外叫咗個藥膳牛排骨湯，飲返杯Soju Rita Blue Lemon，又靚又Wing好爽🤩！見到有人慶祝生日好chill, 下次約埋朋友再嚟過生日🔥🍖我仲要報仇食返晒成隻蟹呀！🦀😆#healingbobo #foodie #hkfoodie #foodiehk #香港 #美食 #香港美食 #銅鑼灣 #CausewayBay #韓國菜 #醬油蟹 #HanAhRum #韓雅林…查看更多