Maggieka的个人专页

香港有好多台式餐廳，小食店，但專賣芋圓既小食店並唔多，今次係尖沙咀行街時竟然見到有賣地瓜球既專門店，十分驚喜，因為我都係一名地瓜球愛好者，每次去台灣夜市可以食十幾廿粒呢個地瓜球專門店有幾種味，今次試左QQ地瓜球 $28/5粒大大粒，有台灣夜市既風味 😛可芋不可球（QQ地瓜球 &大甲芋頭球）$35建議幾個朋友一齊食，十分足料，食2-3粒都飽飽地！重點黎啦： 蛋黃肉鬆芋頭球 $28/粒好想知道呢個味係咪店鋪自創呢？十分之出色，去過台灣都未見過有呢隻地瓜球，涵料有蛋黃肉鬆，皮同料中間有芋泥，地瓜球上邊有沙律醬 好出色行街見到既話，一定要試試啦 👍🏼…查看更多

喺太子地鐵站附近，有一間裝潢10分舒適嘅日式居酒屋，每逢放工時間就會人山人海。除咗嘢食好味，環境裝修好，座位亦好舒適，好啱情侶或者一班同事過嚟消遣。菜式嚟講，佢有好多款喺出邊餐廳都比較少見，質素亦都好好沖繩海葡萄沙律 $78海葡萄相信有去日本嘅都唔需要介紹太多，作為開胃前菜十分適合蜜柑鯛刺身5切 $128蜜柑嘅味道提升咗刺身嘅鮮味，刺身亦都係厚切尾長鯛刺身5切 $128比較少食呢種刺身，有驚喜另外點左唐揚雞横隔膜 $68鹽燒牛面肉 $48豬頸肉配韓式辣醬 $68鍾意食肉，同埋內臟嘅朋友不能夠錯過牛油燒蟶子$116去過唔少居酒屋，都唔係好多會提供蟶子，本身我好鍾意食海鮮，一定要點，正自家製醬汁鵝肝豆腐$58唔係講笑，呢個鵝肝放入口嘅時候真係嘩咗一聲三文魚茶漬飯$38如果前面幾樣落肚之後你都未夠飽，建議要點茶漬飯，除咗飽肚，真係非常非常好味蘋果日本果酒$28佢其實有幾款酒，但夜晚想試果酒，不錯…查看更多

切腩魚片撈麵 $68切腩是比一般腩牛肉味道更濃而且轉咗崩沙腩，呢款肉嘅位置肉膜相連，肥瘦啱啱好！另外餐廳嘅魚片日日新鮮炸，入口彈牙！鼓勵大家必須要加佢哋祖傳自家製嘅辣椒油，當中採用10幾款材料炮製，鮮味同辣度十足！撈麵亦都配有清湯，如果驚太鹹嘅話可以沖一沖湯然後再食！粗麵蛋味濃，爽口而且好滑嫩！紫菜湯 $20 非常多份量嘅紫菜，而且湯好鮮甜油菜 $26 菜心煮熟程度非常食，每一條菜都爽口！特飲消脂青檸 跟餐$18…查看更多

前陣子去完台灣，見到一間好有feel嘅酸菜魚餐廳「築間酸菜魚」，但未有機會去食，點知上網一Check，原來香港都有分店啊!! 所以決定要去試下!! 嚟到餐廳門口就有一股強烈嘅漫畫感，配上各種螢光燈帶，大大加強食慾!嚟到梗係要點袐製重長酸菜魚 $88雖然只係細份，但非常吹料！好多片魚，而且魚肉嫩滑！！無骨！可以大大啖咁食！另外要同大家分享佢哋超抵食嘅火鍋套餐! 一共有8款湯底任你揀，我地就叫左2個Set純愛番茄魚鍋配招牌烏鱧魚 $135眷村酸菜白肉鍋配招牌烏鱧魚X嚴選雪花豬 $135跟餐仲可以加錢追加唔同食品同飲品台味滷肉飯 +$12浪子鹹酥雞 +$28暴走波奶茶 +$18冬瓜檸檬茶 +$12炸裂酥魚皮 $35最最最正既係!有野菜自助吧無限放題!! 多款蔬菜同火鍋配菜全食!!我已經好想再去食多次，試勻唔同湯底味道…查看更多

喺白布街有一間裝修得好有特色嘅串燒舖頭，同普通裝潢唔同，反而係有一種好高貴同埋新淨嘅裝修感覺，從大門就知道佢哋用咗好多心機去裝修聽聞呢間串燒最近好Hit，我同朋友兩個人就決定去試一試。職員安排坐吧枱位，好啱同朋友飲嘢食吓串燒，但係如果係多人嘅話樓上樓下都有一啲大枱前菜叫咗燒味醂魚乾 $38呢個魚干真係有驚喜，第一係價錢好合理，份量亦都多，重點係好好食 😛封門柳燒得好好食，調味不太咸豬頸肉餐廳處理過，並唔係平時一塊咁燒，食落更有口感雞心平時都少食雞心，估唔到都有驚喜雞頸肉係出邊比較少見既串燒，都係值得一試墨魚汁香腸好好食，一定要點 👍🏻豚肉泡菜卷又係必點，醬汁燒得好開胃雞腎好食過一般坊間既腎類最後同朋友都係有啲餓，再叫左個夢王蛋飯。飯上面有大量既蔥，中間打左一隻日本蛋王，撈勻再食大滿足！如果鍾意飲清酒，又想有個靚同舒服環境食串燒，同朋友傾下計，絕對推薦呢間串燒店…查看更多

位於灣仔同銅鑼灣交界嘅摩理臣山道原來都有好多唔同類嘅餐廳，今日出開去個邊做野，行過見到呢間轉角位嘅日式小店，門口貼住「每日限量50份 LUNCH主打」我吸引咗我入去啦！店內環境細細，但就好似面對住個bar咁，店員亦都好親切！舒適感覺加分！招牌雞白湯拉麵（每日限量 50碗） $104好好彩食到小店招牌菜！雞白湯拉麵！配慢煮日本雞胸肉、半熟蛋、大量白蔥絲、兩塊紫菜！雞白湯標榜 「自家熬，無添加」，所以入口非常濃郁，仲有一陣奶白味道，而且質感好厚實。拉麵就選用曲拉麵，蛋味比較重！如果可以有麵底揀道更好啦！跟餐仲可以配一大杯熱玄米茶，茶味好濃，有解膩幫助！另外仲追加小食！炸雞皮餃子 2pcs $16 雞皮勁脆同時又鎖住餃子肉汁！真係一定要試！…查看更多

講到佐敦文英街既韓國餐廳，相信好多人都會聽過呢間星星Pho Cha，其實佢已經屹立咗喺佐敦好多年。除咗炸雞十分出色外，其實佢好多韓式食物都好食，性價比亦好過，絕對比尖沙咀金巴利街嘅同行有過之而無不及 😆喺文英街有兩間星炸雞，一間係可以堂食嘅星星Pho Cha，一間就係專做外賣既星星Togo，我同朋友其實兩間都食過，亦都係長期嘅擁躉，今次食完個土豆豬骨湯後決定要幫佢打返一篇食評 🤓土豆豬骨湯 佢有細份同埋大份，我哋兩個人所以叫咗細份，呢個豬骨湯用咗土豆、韓菜及豬骨熬製而成，豬骨肉10分軟腍、入味，令我諗起泰國嘅火山排骨。但呢隻韓式排骨湯更加有驚喜。原味紫菜包飯傳統嘅韓式包飯，性價比10分高炸醬麵炸醬麵嘅份量又係令我哋嚇一跳，份量超多之餘，亦都好有韓國本土嘅風味泡菜炒豬肉建議點泡菜炒豬肉，加配白飯，呢個餸既辣汁好開胃，豬肉亦都好軟腍，真係白飯都要叫兩個先搞得掂星星系列餐廳都係由韓國人主理，我同朋友食韓國老闆娘都在場，服務都好好，見到我哋前菜食完就即刻幫我哋再添加，好有人情味嘅韓式餐廳😍…查看更多

喺餐廳門外已經見到好精緻嘅日式裝潢，模仿日本咖啡廳，好有返鄉下嘅感覺 😆曾經係星期六日嘅中午嚟過，但係因為太多人食唔到。今次係平日嘅夜晚嚟到，就唔使等好耐，終於食到！入到室內發現裝修真係好日式，同附近嘅車房環境好大反差，點咗一個明太子奶醬蛋包飯、自家手打日式漢堡扒 、同埋日式布甸。明太子奶醬蛋包飯 $118明太子奶醬蛋包飯有驚喜，明太子醬汁十分之開胃，奶醬又帶一點嘅甜味。蛋包飯完全係日本嗰隻，輕輕用刀切開就會包住舊飯 😆Ado's自家手打日式漢堡排 $108日式漢堡，食落去有啲似最近好出名嘅炭燒漢堡專門店，應該都係選用做高質嘅牛肉，牛同油脂味濃推介加$25可以升級至套餐，包括有是日餐湯前菜同埋飲品焦糖雞蛋布甸 $52喺香港食過好多日本布甸，但係好多都比較實，呢間軟硬程度做得剛剛好，食完正餐之後一定要點返一個布丁😍日式蜜瓜梳打 $28抹茶鮮奶$32…查看更多

今次就去到位於尖沙咀寶勒巷上樓嘅日式串燒小店「火赤」試一試! 餐廳室內同室外氣氛都非常惬意，員工都好nice!! 而呢間餐廳最出名就係食「燒鳥」，主食材雞肉由日本農場新鮮直送，除咗有平時食開嘅雞肉之外，仲有好多唔同部位嘅串燒畀大家試，而整體肉質入口都好紮實，一定會再返嚟!!唐辛子 $38福岡秋葵 $38燒鱈魚乾 $48雞頸肉$38雞心$38雞下心 $38雞上髀肉 $38提燈 $48水牛芝士煙肉卷 $48醬油燒飯團 $38抹茶蕨餅 $38…查看更多

曾經有一段時間，好多火鍋店名都有個坎字，包括小龍坎，雲長小龍坎，今次我地黎到九龍坎，當然係食個火鍋啦。餐廳位於油麻地，同廟街好近，係花園酒家下邊。一到門口，就會欣賞到餐廳精緻既裝修，行中國古代風，門口仲要有啲古裝衫（唔知係咪俾客著得影相呢）。 入邊座位多，坐得闊落，一班朋友黎仲會有房，可以邊唱K邊打邊爐鴨血要慢慢落，唔係會太散，濃+好味牛筋丸 一咬落去，仲以為係大埔振興，好食三色小丸子蝦丸、蟹子丸、黑松露丸四菌子 新鮮好食，必點…查看更多

平日做嘢做得太辛苦又未有時間去旅行周圍有喺香港搵高質嘅壽喜燒店，有日上網見到太子呢間八不，於和牛壽喜燒，而且價錢非常平民，正常半價就已經食到個肚捧住走！一定要大力推薦！亦都會再返去食多次！職員會好細心咁先將牛嘅脂肪插滿整個鑊面，再加入洋蔥同大蔥，同倒入壽喜燒醬汁，另外仲安排咗高湯令客人可以自行調較濃度！人氣満満二人餐 $630365日全穀飼黑安格斯小排150g 澳洲M9+全血和牛100g 野菜盤，包括有豆腐、南瓜、金菇、白菜仔、洋蔥、大蔥同埋日本蒟蒻粉日本雞蛋吉列千層豬一份清酒白鹿/果酒300ml自選，但由於我哋唔飲酒就可以揀兩款餐牌上嘅非酒精飲品！日本和牛封門柳 $188 （追加）…查看更多

荃灣有大量既任食火鍋，大鴻輝中心就成層都係，多不勝數。但係普遍朋友都同意如果要食有質素既火鍋店，去散叫食物既火鍋店普遍食物質素，餐飲體驗都會比較高質。今次黎到荃灣既大滾友，位置係千色店附近，交通都算方便，係門口睇已經會見到佢精繳裝修，入到餐廳內部發現係行宮廷風格，比括碗碟、煲、水壺等等都係宮廷風，食緊都以為自己係返左古代，我同朋友分別叫左以下食物 🤤大滾友牛肉拼盤（細）拼盤嘅牛肉種類好多，牛咪都10分濃郁，拼盤仲有牛胸爽，好豐富伊比利亞橡果豬平時食嘅打邊爐豬肉可能都會比較肥或者比較粗鞋，但呢隻豬肉係10分軟腍大滾友雜菜拼盤大大份，夠豐富，仲有蕃茄等等其他蔬菜特色卜卜蜆鍋勁多隻卜卜蜆，湯底10分開胃手打鵝肝墨汁墨魚丸呢個都係10分推介，入邊有好多餡，墨魚汁味亦都好濃，大大粒菜苗帶子餃皮薄餡靚，誠意之作總括嚟講，10分推薦呢間餐廳如果食任食火鍋食到悶嘅話，不妨試一試呢間大滾友…查看更多

今次跟朋友去左間位於銅鑼灣金百利廣場嘅隱世嘅韓國燒肉店 - 柞木炭家，真心有驚喜！平時大家可能都會去登龍街搵食，但原來賣衫熱店嘅金百利廣場3樓都有間高質韓燒，仲會由店員親自為你燒肉，完全唔驚燒得唔好食，真係公主級享受！壽喜燒和牛三筋肉 $225世一壽喜燒，每一塊肉都會配上一件飯團，同埋埋一隻雞蛋！店員非常貼心幫你燒好肉仲包埋飯，你只要點上蛋液，就可以成啖放入口！韓國鰻魚 $280不得不讚店員嘅燒鰻魚嘅能力同耐性！勁有心機將鰻魚燒到金黃香脆，有別於日本嘅燒法，韓式鰻魚係食客自己點醬汁，所以咸度可以自己控制最上等牛肋骨$308肉質好鮮嫩，同樣有店員幫你燒，特別好味！雪梨水冷麵 $85夏日韓燒必食之選，就好似中式涼茶咁，食左咁多熱氣野，食一啖冷麵即刻透心涼！西柚乳酸梳打$42青瓜青檸梳打 $42餐廳喺即日至8月31日，仲有六重賞！只要喺等食物個陣講出口號「我要『六秒挑戰』」，就會有店員畀個秒錶你，禁準06:00秒就會有半份炸雞…查看更多

香港最新真係多咗好多新商場，一有新場就當然有好多新餐廳加入!! 今日就去咗黃竹坑新商場Southside參觀，再食埋一間性價比好高嘅韓燒餐廳 - 山洞食堂，餐廳入口已經有一種走入山洞嘅感覺，而入到去，餐廳嘅裝修完美係打造出山洞嘅氣氛，牆上以灰色大大細細岩石設計，有數量嘅卡位，絕對適合同屋企人或者一班朋友一齊食! 另外餐廳職員亦會好殷勤咁幫你逐件燒肉，非常細心! 整體食物質素都好高，燒似份量亦好足夠!! 全晚最有驚喜嘅竟然係1++韓牛牛肉石鍋飯，因為連平時好少食飯嘅朋友都話要添飯!!! 極推薦大家去試一試佢!最上等牛肋骨 $388和牛肋眼上蓋 $220慶州黑毛豬五花肉配生菜 $1881++韓牛牛肉石鍋飯 $188海鮮豆腐湯 $138西柚乳酸梳打 $42菠蘿梳打 $42…查看更多

鬼金棒相信好多人都食過，佢個湯底味道十分濃郁，每隔幾個月就想去食一次🤓增量叉燒辣麻味噌拉麵 $120當店員將呢碗麵捧上餐枱嘅時候，我比呢舊叉燒嘅尺寸嚇親。真係十分之巨型抵食，而且呢嚿叉燒煮得非常軟熟，我同朋友仲另外叫咗增量芽菜$30同埋芫荽$30，份量十分之多，啱晒鍾意食拉麵配大量配菜嘅朋友。一如既往鬼金棒湯底都係十分之出色，呢個辣味噌湯底好開胃，辣度足夠，但如果唔食辣嘅朋友最好叫小辣，食嘅時候拉麵配埋芫荽同埋芽菜，口感好豐富。玉米筍辣麻味噌拉麵 $105平時好少見玉米仔為主菜嘅拉麵，玉米仔配埋辣湯，原來都好好食同埋好夾。呢碗我就冇叫到增量叉燒，但係都係大大嚿，唔係平時食開嘅一片片，鍾意食叉燒嘅朋友不能夠錯過。佢除咗有個增量叉燒拉麵，仲有個兩倍增量叉燒拉麵，由於佢叉燒真係好出色，下次都決定要試吓🤓…查看更多