Kevin20130304的個人專頁

同老婆第二次食啦！鐘意佢哋呢度成個裝修嘅tone～暗暗地舒舒服服咁享受食物同埋傾偈。坐得舒服又可以同廚師交流吓，聽吓佢喺日本學師經歷，超有feel😍一開始先試「牛油果他他配鳳尾蝦」🦐 蝦肉爽彈到彈牙，再配埋牛油果🥑食so yummy！跟住「日本黑豆」軟綿綿甜到好似dessert，老婆即刻想搶多粒嚟食。然後個「白子」真係不得了！肥美鮮甜到癲咗，真係差唔多入口即溶！「北海道蠔」配紫蘇葉、海葡萄，少少酸汁一淋即刻入口，仲有少少海水味👍🏻「馬刀貝」加埋一種日本先有嘅水種植物再撘柚子味嘅啫喱感覺超fresh 。之後個「白象拔蚌刺身」超脆口彈牙再加檸檬汁正到呢！「磯煮鮑魚肝醬」，鮑魚彈牙又夠晒入味，個肝醬好濃厚～😍。之後就到極少見嘅「銀鱈魚刺身兩食」，師傅話特登等最肥美嗰陣先返貨，油份多到呢真係無得頂！「燒吞拿魚下巴分子料理」好似睇緊表演咁，紫椰菜汁加檸檬汁會變咗紫色，估唔到下巴都，層次感爆燈！壽司時間：「昆布海膽」鮮甜到糖尿病😂✨ 「金木犀柚子胡椒」香氣四溢、「中拖羅」油脂均勻、「醬油漬獅魚」入味彈牙、「深海池魚」清爽、「胡麻鯖魚」香口，每款都新鮮到見到光澤！「魚湯」暖胃又鮮甜，飲完好舒服；最後「靜岡蜜瓜」🍈 啲蜜瓜超多汁，因為第一次食，自己感覺甜度ok，清爽啲嘅感覺做個靚ending😍老婆都話正冇詐型🥰其實食omakase 除咗品味佳餚之外，我覺得另一個點係可以同師傅及其他食客交流，細聽一下其他人嘅經歷都係唔錯嘅體驗😌…查看更多

收工接埋老婆去搵食 ，今次去咗灣仔駱克道熟食中心2樓嘅中記大排檔！個場冷氣夠晒凍！唔怕食到身水身汗，坐低即刻叫咗幾款餐牌上嘅師傅推介！大推「醬燒江豚魚」，真心呢個係好鬼好食！🐟✨ 魚肉滑，中間條大骨全起晒，食得超輕鬆！醬汁甜咸適中，滲入魚肉每一角落，外面搵唔到嘅獨門秘方😍跟住試咗 「招牌風沙雞」🍗😋 表面鋪滿炸蒜頭，香到爆棚，雞皮炸到金黃脆卜卜，肉汁仲lock得住，連雞胸都唔會乾！每一啖都係享受，如果配埋杯凍啤酒，簡直係爽到爆👍🏻仲有 「蒜蓉辣椒炒增城遲菜心」🥬🌶 唔好諗住有菜葉食！😂最主要都係食菜心莖。菜心嘅莖爽脆無渣，蒜蓉同辣椒炒到好香，微辣嘅味道超開胃，食完一碟有衝動想再叫encore ！😜最後點咗 「脆皮BB乳鴿」，認真皮脆肉嫩，啖啖肉香，都唔會細隻，兩個人分啱啱好！🕊👍 總括黎講，呢度嘅菜式水平唔錯，又食到師傅嘅原創食物，味道濃郁又夠地道，價錢仲好親民！同老婆一邊食一邊吹水，輕鬆又滿足！😋…查看更多

✨🔥 大埔友，真係羨慕死人！市中心竟然有間平靚正嘅自助餐食！放假同屋企人九成會出街食飯，望吓OpenRice見到校長燒肉喺附近，Shopping完即刻過嚟食，方便到爆！🛍️ 最正係一個人唔使$300蚊，就可以燒肉、打邊爐、自助餐三合一，性價比高到飛起！💸食物方面真是一個字：正！😋 A4黑毛和牛入口成口油，油花分佈靚到不得了！美國頂級手切牛同羊架都超 juicy，燒起來香到暈低！🐮🐑 日本北海道豚腩肥瘦剛好，食落好滿足～🧡 仲有帶子刺身同埋虎蝦刺身新鮮彈牙，炸蠔同炸雞翼外脆內嫩，有得食炸乳鴿更加係驚喜，皮脆肉香！😍 自助餐仲有生啤任飲，飲到爽為止！🍺仲可以自己整台式甜品、嘢飲除咗一般汽水之外仲有獨家特色特飲（一定要試）、仲有Candy Bar爆谷等等、雪糕雪條都有10幾種！環境好寬敞，坐得舒服，燒肉同火鍋嘅煙都唔會亂飛，店員又好nice，服務周到！👍 想同朋友或家人輕鬆聚餐，或者Shopping完chill一chill，呢度真是一個好選擇！起碼要食幾次先食得晒佢哋啲菜式😜📍 校長燒肉 | 大埔安泰路1號大埔廣場地舖及1樓💰 一個人$300有找，食到嘔都得😄🌟 推介：A4黑毛和牛、羊架、炸乳鴿、生啤、帶子刺身、虎蝦刺身（勁大隻）#校長燒肉 #大埔美食 #燒肉 #火鍋 #自助餐 #和牛 #食評 #香港美食…查看更多

最近同老婆去咗試咗銅鑼灣魚一壽司（Sakara Ichi Sushi），咁啱遇到佢哋嘅吞拿魚祭，店員話個promotion好受歡迎，所以延到九月尾！我哋兩個人都鍾意食吞拿魚，叫咗佢哋Tuna Set Meal，每位$240，好多嘢食！前菜有茶碗蒸同三文魚麵豉湯，茶碗蒸滑到飛起，湯鮮甜 🥚🍲 沙律揀咗和牛粒沙律同埋蟹籽沙律一人一個唔使爭👻，配埋佢哋嗰沙律汁淋落啲蔬菜🥒酸酸甜甜好清新開胃🤤🥗 壽司有三文魚、帶子同飛機魚，三文魚油脂滿滿，入口即化！🐟 刺身有葱拖羅蓉手卷、三文魚腩同赤蝦，葱拖羅蓉細滑，赤蝦超甜！🍤主食揀滑蛋吉列豬扒飯，豬扒外脆內嫩，蛋汁juicy！🍚 燒物選雞翼串同京蔥雞肉串，雞翼金黃香脆，京蔥串好香！🍗 揚物有蝦天婦羅同南瓜天婦羅，蝦脆南瓜甜，perfect match！餐以外再試埋佢哋啲油甘魚刺身，非常之厚切！和風牛肉鍋都唔可以錯過！🍤 甜品泡芙酥脆，cream滑順，好滿足！🍨最正係加$128任食吞拿魚壽司！大拖羅入口即溶、中拖羅鮮嫩、驚油脂高嘅食赤身、葱拖羅蓉濃郁，款款都正！😋 整體CP值高，加埋一都係$400頭一個人，環境舒適店員nice ~超啱同朋友chill！快啲推介俾身邊鍾意食吞拿魚嘅人🚀…查看更多

朝早食咗個沙嗲牛肉麵早餐，雞湯底幾清，牛肉都幾滑，但沙嗲味真係淡咗啲。🍜 揀咗丹麥多士同煎煙肉，煙肉大塊唔乾，OK啦！🥓 奶茶順滑，不過茶味淡咗，鍾意濃味嘅我覺得麻麻。可能有啲人鍾意口味淡啲會覺得OK。屋村$42早餐，飲熱飲，價錢合唔合理，見仁見智🫣燒味無燒味食真係有啲可惜。通常早餐想食燒鵝瀨燒味早餐一係去酒樓食，一係就去大型連鎖嘅餐廳難得屋村有一間專賣燒味嘅茶餐廳竟然唔利用自己嘅優勢。#聚喜燒鵝 #早餐 #香港茶記 …查看更多

📍 四面泰 | 香港品賞泰國火鍋天堂 🥥🔥同老婆再嚟沙田 四面泰 ，真心係泰式火鍋嘅天花板！🥳 餐廳環境舒適，燈光暖暖哋，超適合情侶約會，影相打卡一流！📸 點咗佢哋嘅 秘製冬陰功 同 椰奶雙拼湯底，一辣一甜，簡直係味蕾嘅party！冬陰功酸辣開胃，椰奶湯底香濃順滑，兩款都超正！🥣招牌 海鮮金盒 真心誇張，入面有鮑魚、帶子、鮮蝦、珊瑚蚌同生蠔，件件新鮮到爆，食落鮮甜無敵！🦪 美國嚴選牛板腱 入口嫩滑，油花均勻，沾啲特製辣醬，辣得過癮又唔會蓋過牛味，絕對係肉控必試！🐄 仲有 泰式手打蝦餅，彈牙到飛起，外脆內juicy，配上甜酸醬，停唔下來！😍 泰國金邊粉 吸晒湯底精華，滑溜溜又夠味，完美！全晚最驚喜係 青提蜂蜜椰冰！呢個刨冰真心係全港Top 1！刨冰細滑，青提清新多肉，蜂蜜同椰香混搭出無可匹敵味道，甜而不膩，夏天食簡直係無敵嘅甜品！🍧 服務員好親切，仲幫我哋推介咗唔同湯底配搭，感覺好貼心～質素同份量黎講真心抵！同老婆食得開心又滿足😋 想食正宗泰國風味嘅朋友，記得bookmark呢間！💚#四面泰 #沙田美食 #泰國火鍋 #冬陰功 #海鮮控 #刨冰控 #HKfoodie #約會美食…查看更多

今日同老婆去咗牛大人🥢，攻頂佢哋最貴嘅日本A4黑毛和牛餐。咁啱得咁蹺遇到佢哋嘅「炎夏椰樂祭」活動🌴，期間限定嘅湯底有「喇沙椰爺仲夏鍋」同「木瓜椰皇嫩雞鍋」🥥🍗。兩個一向都係椰子雞最愛，所以叫咗個鴛鴦湯底，一邊係椰子雞，另一邊係麻辣湯底🔥。椰子雞嗰邊個湯底真係好鮮甜！認真講，未打邊爐之前真係先飲一碗湯先🥣。啲A4和牛牛肉切得薄薄，肉質滑到不得了，咬落去一啖就化開，味道濃郁，真係驚喜到震！😋就算唔加調味，牛肉本身嘅鮮味已經好吸引，配埋生雞蛋滑到飛起🥚！ 美國S R F極黑牛、安格斯牛板腱同埋澳洲和牛M5牛肩都係正到不得了！ 唔食牛嘅朋友仲可以食西班牙豬梅肉紐西蘭羊肉卷、花雕酒雞件！除咗牛肉，海鮮拼盤都係我哋今次用餐嘅一大亮點🐟。拼盤入面有任點鮑魚、生蠔同埋帶子，仲有脆肉鯇魚，每一樣都新鮮到不得了✨。特別係生蠔，口感滑潤，海味十足！仲有M9澳洲和牛牛丸，咬落去好彈牙！飲品方面🍹：配合埋活動，佢哋有Cocktail飲，打邊爐配Cocktail真係第一次，但係真係好正！「藍調微風」「粉桃椰香」真係好好飲，非常之夏天嘅一杯飲品，一杯接一杯，爽！甜品方面🍧：「香芋椰漿脆脆」芋頭同椰子溝埋甜到入心， 仲有Movenpick雪糕完美結束咗我哋嘅晚餐。總括而言，牛大人唔單止食物質素高，環境都好舒適，服務人員好友善，真係值得一試👍。如果你鐘意牛肉同海鮮，呢個活動一定唔好錯過，保證你會食得開心，飲得過癮！🥳✨ …查看更多

新開咗唔係好耐，第一次試。要咗個生滾鮮牛肉粥、叉燒腸、皮蛋鯇魚片粥🐮 生滾鮮牛粥 $36牛肉都有六七片，幾滑！粥底已經好夠咪，唔使再調味，我自己鐘意加少少胡椒粉。🥚🐟皮蛋鯇魚片粥$32皮蛋大概三份一隻左右，鯇魚片唔係好大塊一般唔滑唔嚡，有細骨自己小心。🐷叉燒腸$20皮唔算薄，但係餡料好多，腸粉都滑，腸粉豉油唔鹹！同埋本身嗰個腸粉豉油一開始落得太少，叫樓面姐姐比多碟豉油我無托手踭。同埋佢哋個腸粉豉油本身有啲油分，怕食太油嘅要注意。Ps. 粥底好綿，食咗大半碗都唔會出水👍🏻…查看更多

上次夜晚 9:30 去到，竟然仲有八成客，人氣真係唔少。老婆嗌咗佢哋招牌藥膳湯底，湯味香噴噴但唔係嗰啲濃得嚇人嗰種，飲落暖胃得嚟又唔會太 heavy。:)因為之前已經試過藥膳湯底，所以我試咗應該係佢哋新推出嘅滕椒麻醬拌麵，口感幾有驚喜，叫咗一個中辣，鍾意佢麻中帶香，麵質彈牙，撈醬撈得好均勻，每啖都夠味。不過要注意嗰拌面都幾乾身，一定要叫埋嘢飲。一齊 share 咗口水雞，肉質滑嫩，醬汁辣香平衡得唔錯；另一個朋友叫咗花雕醉雞，我覺得酒香還好，佢就話如果可以酒味再濃啲仲正。雞肉都滑嘅。基本上每張枱你都見到食客食雞肉。整體感覺唔錯，選擇又多，深夜都仲坐得幾舒服，冇催趕。冷氣又夠凍呢下爽！…查看更多

唔係食過好多次粥底火鍋🍲一隻手數晒，不過今次真係體驗真係唔錯！三個人叫多兩渣飲品，加埋1之後平均每人$282 x3 已經食到魚蝦蟹帶子鮑魚😝仲可以自選6款食物，肥牛、豬腩片、鮮雞、10幾款蔬菜、肉丸類及雲吞，仲可以追加不同的海鮮！佢哋會比埋計時器倒數食材的煮食時間，保證食到每樣餸最鮮味嘅時間。砂白好大粒👍🏻肉厚、帶子又係勁大粒。蟹同埋蝦都好大隻多肉，超鮮甜，上枱俾人劏開一半都仲郁緊🫣，差唔多半隻手咁大嘅鮑魚非常彈牙。墨魚丸多肉，口感爽彈肥牛唔大片但係唔係啲cheap牛肉一掂水就縮埋一舊。另外要讚下佢哋嘅前豉油真係唔錯，佢哋調味料唔多，如果想食鮮味嘅話真係乜嘢都唔使落已經好夠豉油，只係錦上添花。最尾整返個粥底入晒味嘅湯底煮粥埋齋😍…查看更多

今日波兒帶太婆嚟打卡呢架超可愛嘅點心車🚗💨，唔止外型吸睛，仲勁有童年回憶~ 太婆一見到即刻笑晒話：「以前就係咁樣推車揀點心㗎啦～」波兒第一次親手揀點心，熱辣辣、款款新鮮出爐，感覺好有人情味💛🥟 今次試咗幾款地道美食：
* 🥢山竹牛肉：肉香四溢，爽滑彈牙，太婆讚不停口～
• 🦀 蟹籽燒賣：經典必食！蟹籽爆汁，豬肉鮮甜，勁有層次感
• 🌶️ 煎釀三寶：茄子、青椒、豆卜煎得香脆，餡料入味又夠厚
• 🐔 花生虎皮雞腳：滷得入晒味，啖啖膠質，好有老香港味道
• 🍛 咖喱牛腩銀針粉：咖喱香濃惹味，牛腩腍滑，銀針粉吸晒汁，好滿足
• 🧈 蘿蔔糕：金黃酥脆，臘味香氣十足，夠晒香口
• 🫘 豉椒排骨：排骨嫩滑，豉汁鹹香開胃
• 🥥 椰汁糕：滑溜香甜，作結尾甜品啱啱好～* ⁠茶樓保留傳統大排檔風貌，坐喺戶外望住維港嘆茶，邊食邊聽太婆講番以前點心車點樣巡場，真係好warm 🥹 店員又親切，氣氛好熱鬧，係一場充滿回憶嘅飲茶體驗。…查看更多

基本上成個天后冇乜邊幾間有得食牛腩。呢間已經食過幾次，多數啲牛腩好少話會比好瘦我，我自己冇特別要求要食半肥瘦。但係一直都冇試過佢哋嘅雲吞，所以今次就特登嗌咗雲吞麵食。雲吞有五粒正常份量，size OK。入邊都有兩隻蝦唔太大隻亦唔太細隻，蝦肉彈牙，間唔中都有見到啲姐姐喺度包雲吞。要讚佢哋嘅係，湯底有特登叫佢哋加腩汁，過唔到出到嚟湯底又唔係好油啲樣真係要讚吓！枱面有供應嘅調味料有胡椒粉、紅醋、魚露同埋辣椒油。佢哋嘅辣椒油幾辣幾好食一定要試。失望嘅係檸檬茶得三片檸檬仲要好薄:(茶味係夠，檸檬味就爭啲啦。冇特別嘅套餐優惠，總之食麵加$5就有冷或熱飲。…查看更多

Family day同屋企人去咗K11 Art行街街，行到攰想搵間坐得舒服嘅餐廳休息下。行到去3樓一個角落見到有間Ruby Tuesday。見到門口幾靚俾佢吸引咗。呢間分店應該係我去過咁多間Ruby Tuesday 樓底最高、空間感十足，座位又夠闊落嘅分店，呢度仲有好多卡位，成個感覺幾 chill，唔會好迫。好啱慢慢歎餐飯。特別係，餐廳仲有提供小朋友用嘅蠟筆，可以俾小朋友畫畫，等佢哋食飯都唔會悶親，大人都可以輕鬆啲。**Seafood Penne Pasta with Lobster Sauce** 嗰個龍蝦醬汁幾濃，蝦肉同帶子都好彈牙，青口唔會好大浸腥味，意粉軟硬適中，整體算 ok。初頭以為會好膩，但係食落又唔會。👍🏻**Truffle Mac’n Cheeseburger** 一個好得意嘅菜式，通心粉加咗黑松露仲要鋪喺個cheese Burger入邊，加埋濃郁芝士味，香脆嘅炸薯條，絕對係滿足西方口味之選👍🏻**Lobster with Seafood Croquettes**，龍蝦新鮮拆肉，再整埋變薯餅，整體味道幾 rich，仲有超好味加咗檸檬汁嘅牛油果醬，啱晒鍾意重口味嘅人。最後 **Crème Brûlée** 份量幾大，焦糖香脆，口感絲滑，用嚟賣尾真係唔錯，大人細路都鍾意 ！整體嚟講非常之家庭友善，而且仲有小朋友凳。無論係屋企人食飯、朋友聚會、打卡都一流👍🏻而且地理位置方便，喺正地鐵站上蓋真係落雨都唔使驚👍🏻…查看更多

第二次嚟食，第一次匆匆忙忙食冇認真試過。舖頭唔會有陣臭牛膻味，座位無卡位不過都闊落。好似冇特別早餐下午茶時段任何時候都係同一個價錢。今次切的牛腩算ok 起碼食落去無柴皮，牛腩煮得夠軟，味道合格啦。鐘意佢地蔥花冇芫荽，而且湯底少油。至於凍檸茶有四片檸檬，茶味唔會太濃太苦，叫咗少冰真係少冰！呢個組合街坊價$37加$5凍熱飲品，想簡單醫肚都係一個選擇。😌都會keep住幫襯，有機會再試吓其他嘢食。Ps. 辣椒一般般，冇魚露 。…查看更多

銅鑼灣去近啲！銅鑼灣去近啲！銅鑼灣去近啲！重要嘅事情講三次昭和食堂喺灣仔的新時代中心A號舖，雖然地址寫灣仔但由銅鑼灣過去會方便近好多。門口勁日系好易認，入到店就即刻感受到昭和時代嘅氛圍，裝修風格完全忠於嗰個年代，仲有好多懷舊嘅卡通人物擺設，令人一秒回到經典年代。😍先講前菜部分，真係相當有驚喜！「酒盗炒山藥」嘅爽脆口感非常討喜，跟住嚟嘅「川海老唐揚」🦐更加香口，餸酒一流。「流心蝦薯仔沙律」係一個高質嘅健康選擇，滑溜蛋黃撈埋去沙律加蝦，完全冇得輸。主菜方面，🐓「串燒雞內臟」係無可挑剔嘅招牌菜式，（而且全部日本空運到港）「雞大動脈」 嘅嚼勁十足，食落去有啲輕微嘅雞肝味但係口感似食緊豬腸咁👍🏻 雞背肉香嫩又不失油香，而「雞肉丸」更加係肉汁爆滿。「吞拿魚鱈魚餅」亦絕對值得一試，鱈魚炸到好似薯片咁香脆嘅口感，吞拿魚蓉配合埋生洋蔥味，簡直流晒口水😋特別要推介嘅就係佢哋個四月份時令菜：「海膽魷魚卷」，海膽鮮甜得來又唔會有陣尿味👍🏻仲有其他時令菜例如：昭和海鮮卷、清酒牛油煮蜆、雞皮仙貝、時令魚生刺身……而壽司方面，鰈魚邊壽司亦係水準極高，魚邊膠質感好重，好滑！而且表面用火燒過，香味即刻加倍！四月份佢哋仲有做promote，買指定清酒一支會送一款季節限定料理，可惜要揸車如果唔係都叫支飲下！用餐當晚仲有客book 咗房開party ，完全感受到去咗日本居酒屋嘅feel。無論係想食好味嘅嘢，約埋班friend吹水或者欣賞吓店主嘅玩具珍藏都建議嚟呢度感受吓。#昭和食堂 #居酒屋 #高質 #foodie #灣仔 #灣仔美食 #香港美食 #抵食 #海鮮…查看更多