食得是福食得滿足的个人专页

網上見到旺角Liberty Coffee & Wine² 有巴斯克開心果芝士蛋糕好似好吸引，所以約埋朋友去食飯。Liberty Coffee & Wine²  晚市都有套餐食，套餐由$138起，送餐湯同埋迷你牛角包。我同朋友分享左兩款主菜，分別係香辣鮮茄龍蝦扁意粉 ($178) 同埋封門牛柳配開邊大蝦 ($268)。當中香辣鮮茄龍蝦扁意粉食落唔使驚會辣，而醬汁都入味，龍蝦肉質飽滿。封門牛柳呈粉嫩嫣紅狀態，質感鬆軟，伴以薯蓉一齊食，旁邊有開邊大蝦。套餐加$68就有巴斯克開心果芝士蛋糕，開心果同芝士味平衡，底層有朱古力，而中間加入左口感軟糯既麻糬，味道同質感都唔錯。食物方面另外同朋友分享左全日早餐 Liberty All Day Breakfast ($128)，有開邊大蝦、魚柳、黑松露蛋、Churros、蘑菇、牛角包、煙三文魚、菠菜薯仔等。Liberty Coffee & Wine² 除左有咖啡之外亦有酒，酒類方面，店內都有特色 Cocktails 比客人選擇，當中 Distance 紅酒以分層形式呈現出嚟建立出層次感。French Kiss At The Sunrise 加入左緻月四季桔氈酒同杏果，旁邊伴以雪糕可以一啖酒一啖雪糕咁去品嚐。…查看更多

最近想打邊爐而又喺網上見到唔少人推介九龍坎麻辣火鍋，所以就嚟到試下先。一入到嚟就見到係走宮廷風既四川火鍋店，門口有古裝漢服可以比客人打卡。經過見到包房有KTV可以同朋友唱K。見到午市晚市單點經openrice訂位分別有68折/78折優惠，亦可以揀任食火鍋，我同朋友決定揀任食放題，揀左$168既極上套餐，150分鐘任飲任食，有五款肉類任食，包括美國特級肩胛肥牛、澳洲安格斯牛板腱、澳洲高鈣小肥羊、西班牙五花腩片同雞肉件，另外亦有豬黃喉、鵝腸、黑毛肚、鴨血等廿幾款單點任食選擇。個人覺得整體D肉都唔錯！湯底可以揀麻辣雞煲或火鍋湯底，我就揀左太極鴛鴦湯底，分別係招牌四川麻辣牛油紅鍋同鮮蕃茄湯。當中招牌牛油紅鍋用左十多種香料製作，食落都唔算太辣。出面亦有自助區，有多款蔬菜、丸類、涼菜、炸物等任食，當晚亦有小龍蝦食。而冰粉自助區亦可以因應個人喜好落唔同既配料解辣。飲品區亦有多款罐裝同紙包飲品，亦有多款甜品。而雪糕櫃就有唔同品牌既雪糕雪條甚至有Häagen-Dazs 雪糕添！整體環境都好古色古香，任食以呢個價錢嚟講性價比亦都高。…查看更多

最近朋友帶我食好食既私房中菜，位於香港南區既Spin Club 係一個私人會所，會所內既Teapsy@The Spin Club，係一間主打創意中菜既餐廳，由曾經喺米芝蓮餐廳任職既行政總廚王能達師傅主理。餐廳酒吧亦有季節性手工雞尾酒、茶飲同世界各地既紅白酒。Teapsy@The Spin Club 裝潢典雅，亦有私人房間可以食飯。雖然平時剩係會員可以去，但其實星期二同星期四都會開放比非會員客人訂位，所以大家都可以食到，價錢方面，午市套餐 $328+10%/p.p.，晚市 Tasting menu 就係$628+10%/p.p.，提前一日預訂，而如果想要私隱度高又想食中菜就可以同餐廳溝通講下想食啲咩，主廚就會做一個餐單出嚟，至於我同友人嚟到食既係 Chef's Tasting menu 就係 $1188+10%/p.p.。當晚頭盤首先有3款，包括松葉蟹肉卷、脆葱8頭鮮鮑魚、西班牙蜜味黑豚肉叉燒。當中脆葱8頭鮮鮑魚質感彈牙。西班牙蜜味黑豚肉叉燒肉質鬆軟。招牌煙燻脆皮乳鴿做得好，乳鴿皮夠脆之外亦有煙燻香氣，內裡有肉汁而肉質都夠軟嫩。魚翅釀鳳翼，皮都夠脆，內裡釀左脆身既魚翅。私房汁關東刺蔘伴山瑞裙，山瑞裙軟燸，關東刺蔘質感帶彈性，醬汁濃稠漿口。原個椰皇花膠燉螺頭湯鮮魚湯胭脂蚌浸浦瓜乳龍蝦麻婆豆腐，食落幾惹味，乳龍蝦肉質彈牙帶甜，麻婆豆腐夠滑亦唔會太辣，旁邊有日本越光米飯可以撈嚟食。甜品最後以雪映紅珠作結，龍眼西米露底下有冰涼粉，面層有血燕，將所有食材混合一齊食就最合適。當晚餐單:🍽️ 松葉蟹肉卷🍽️ 脆葱8頭鮮鮑魚🍽️ 西班牙蜜味黑豚肉叉燒🍽️ 招牌煙燻脆皮乳鴿🍽️ 原個椰皇珍珠肉花膠燉螺頭湯🍽️ 魚翅釀鳳翼🍽️ 私房汁關東刺蔘伴山瑞裙🍽️ 鮮魚湯胭脂蚌浸浦瓜🍽️ 乳龍蝦麻婆豆腐配日本越光米🍽️ 雪映紅珠📍Teapsy@The Spin Club…查看更多

最近同朋友行經旺角，經過白布街見到蕾 Mirai，門面唔錯所以入去試下先。Mirai 係一間售賣超過80款清酒既Sake Bar，同時亦供應燒鳥、串燒、揚物、燒海鮮、野菜等既食物，當中既燒鳥同串燒更加以備長炭燒製。蕾 Mirai有兩層，下層有吧位，上層亦有坐位，同時亦可以間作私人房間增添私隱度。嚟到當然要同朋友飲清酒啦!食物方面，首先叫左酒盜芝士 $48同梅子蕃茄 $28豚肉生菜卷 $88 顧名思義以豚肉包住生菜，係店內招牌之一，外層燒得帶點脆，生菜消除膩感。白鱔 $78 皮燒得香脆，肉質鬆軟得嚟不失質感，而且亦都唔鯹。自家製雞肉棒 $58，伴以醬油同“夢王蛋”蛋黃，雞肉棒食落鬆軟。另外亦同朋友分享左其他既串燒，包括牛小排嫩蔥卷 $48， 雞肉京蔥 $38 、 墨魚汁香腸 $48，翠玉瓜 $32， 當中翠玉瓜燒完仍然都有汁，而牛舌心串 $78 牛舌心串燒得爽口。煙肉荔枝串 $38 煙肉荔枝串以煙肉包住多汁既荔枝炸墨魚滑 $58　 炸墨魚滑以紫菜包住墨魚滑然後炸，食落香脆。最近見到店方新推出蕾小碗 $298，所以都叫左嚟試，有A4和牛、北海道海膽、三文魚籽，店員即席以炭輕焫幾下和牛粒，帶出炭香味，肉質都夠軟腍，將海膽，三文魚籽、飯同埋和牛一齊食就最合適。最後甜品以綠茶Churros 配雪糕 $78作結。…查看更多

之前去中環飲酒時見到一間新開既小店  SAKABA MASAKA，係一間由日本人主理既食店，所以去左試下先。店內有兩層，地下主要係立食而上面嗰層有得坐。店內裝修帶有日本風情。飲品方面，出名係清酒，而另外亦有Highball 等飲品。同朋友分別飲左 Masaka High Ball ($38) 同埋 Honey Lemon Sour ($38)。食物方面，主要係食壽司Sushi 同串燒 Kushi 等。Nokke Sushi ($128)，呢一碟都可以話係店內招牌菜之一，好澎拜啊，有吞拿魚蓉同埋三文魚籽等。壽司$18起，同朋友分享左三文魚壽司 Salmon、油甘魚壽司 Yellowtail 同埋帆立貝壽司 Scallop。串燒就同朋友分享左幾款，包括豬肉卷蘆筍，牡蠣，煙肉卷蕃茄，煙肉卷金針菇等幾款，價錢由$18一串起，當中煙肉卷金針菇係幾爽口既。其他食物就食左天婦羅 Tempura，當中件雞天婦羅都算鬆軟。三文魚薯仔沙律 ($78)薯仔沙律都幾有口感，另外既魚刺身會係是日既魚，當日係三文魚。亦有慢煮牛舌伴柚子胡椒 Slow cooked beef tongue with yuzu pepper ($28)，呢個價錢有兩塊，食落係幾軟腍。店內仲有刺身、燒物、揚物同甜品等選擇。…查看更多

我同朋友都同樣鍾意食和牛，所以就約左去中環既 Wagyu Kappo Oda 食晚飯。Wagyu Kappo Oda 係中環一間和牛料理餐廳，用上日本小田和牛，餐廳有counter座位亦有一個私人房間。晚市餐單有 Dinner Omakase ($980+10%)、Samurai Omakase ($1280+10%)同埋 Seasonal Omakase ($1480+10%)，我就品嚐左Samurai Omakase。首先以一杯清湯揭開序幕，飲落順喉。前菜有薯仔沙律。之後就有Oda Wagyu Sukiyaki 小田和牛壽喜燒，和牛肉質軟滑，廚師即席刨上黑松露增添香氣。Oda Wagyu Tartar Mini Rice Bowl 就有和牛海膽魚子醬壽司飯，和牛軟嫩，連埋海膽同魚子醬一齊食非常邪惡。當晚既Selected Beef係和牛西冷部位，有D炭香味，肉質都算鬆軟。Oda Wagyu & Mushroom Truffle Rice with Sea urchin & Salmon Roe 就係一道釜飯，飯粒濕潤，混合埋海膽、和牛、海膽同三文魚籽等一齊食。飯配埋漬物同埋湯。最後食埋甜品，都重奶香。…查看更多

同朋友喺太子行街，然後經過山東小城見到好似都唔錯所以就入去試下先。山東小城除左有粉麵食之外，主打就有餃子，標榜每日新鮮製造，有湯餃同埋煎餃選擇，招牌同埋最好賣就有墨魚馬蹄餃，另外亦有京蔥羊肉餃、鮮肉韭菜、鮮肉西洋菜、鮮肉栗米香菇、鮮肉麻辣菜甫、鮮肉白菜等選擇。我就叫左墨魚馬蹄餃煎餃 ($35/5隻)，黑色既外皮內裡既馬蹄增加左口感。而人氣第二位既香蔥羊肉餃我就叫左湯餃 ($41/7隻)，大粒飽滿，羊肉食落亦唔會有好羶既味，湯底不定期會轉，今次係養生雜菌湯底，飲落都幾好味。洋蔥牛肉餡餅 ($30) 亦都大大塊，切開一半上，盛載住牛肉同洋蔥，牛肉鬆軟，而且仲有湯汁添。麵類方面，就同朋友分享左手撕雞擔擔麵 ($58)，雞肉軟腍，而麵條都掛到湯汁。…查看更多

最近同友人嚟到尖沙咀既 Enchanté 餐廳食飯，餐廳既裝潢以神秘既洞穴為主題，配上現代設計既風格，另外有開放式酒吧令客人可以飲酒。最近因應聖誕亦有特別裝飾。今次就適逢聖誕就快到所以食左聖誕既特別菜式，首先有南非薩爾達尼亞灣生蠔N1 ($95)，一隻伴以赤霞珠魚子醬，另一隻就伴以柚子醋奶油，食落新鮮。兩款開胃菜分別有炸和牛餃子 ($178) 同埋聖誕冷盤 ($278)，炸和牛餃子配上芝士醬、虎蝦油同蔥油，都夠脆身。而聖誕冷盤就有2種芝士、2種火腿、特色配菜同埋芝士烤板，將其中一款芝士放喺烤板上面，熱溶之後可以連埋多士一齊食，而兩款火腿分別有巴馬火腿同西班牙伊比利亞風乾火腿，當中西班牙伊比利亞風乾火腿食落帶鹹香，油香亦豐富。主菜有兩款，火雞卷 ($388) 經慢煮，釀左牛肝菌喺肉內，肉質都算鬆軟，伴以栗子醬。至於另一款主菜既七魚宴 ($558) 有海膽、鮑魚、扇貝、蝦、翡翠螺、鱈魚同海藻等，有多款海鮮可以一次過品嚐。冷食既鮑魚彈牙，鱈魚肉質都算鬆軟。甜品既Pistachio Paris-Brest 以水晶球方式呈現，連埋聖誕裝飾同音樂盒旋轉出場，帶有聖誕氣氛。兩款特製既雞尾酒分別有粉藍色既𝐂𝐫𝐞𝐞𝐩𝐲 𝐂𝐫𝐞𝐚𝐦𝐬𝐢𝐜𝐥𝐞同埋 𝐃𝐚𝐫𝐤 𝐒𝐩𝐢𝐫𝐢𝐭𝐬 𝐒𝐮𝐧𝐝𝐚𝐞，當中既𝐃𝐚𝐫𝐤 𝐒𝐩𝐢𝐫𝐢𝐭𝐬 𝐒𝐮𝐧𝐝𝐚𝐞 結合蘇格蘭威士忌、咖啡利口酒、榛子利口酒同雲呢拿雪糕。最後同朋友都喺呢度打左卡，哈哈。…查看更多

最近喺佐敦做完野，然後一個人食晚飯，諗住輕鬆食下野，經過一間漢堡小店，網上睇又見唔少好評，所以入左去食。呢間店舖就係叫做 Burger Lab，主打當然就係漢堡，店內有多款選擇包括特級牛肉漢堡、經典牛肉漢堡、芥末墨魚漢堡、芝士魚柳漢堡、烤豬頸肉漢堡、芝士雞肉漢堡、小龍蝦蛋漢堡、辣雞肉漢堡、烤大菇漢堡、特式田園漢堡、鵝肝雞肉漢堡、芝士鵝肝漢堡、辣芝士豬柳漢堡、松露蝦餅漢堡等，價錢由$58起。除左可以外賣，店內亦有位置比客人坐喺度食。漢堡方面我就叫左鵝肝牛肉漢堡 ($98)，我額外加左$35就有薯格以及一款飲品。漢堡包大大個，包身帶微脆質感，牛肉鬆軟有肉汁，鵝肝豐腴，確係幾好食。而套餐既薯格就食落香脆，醮上茄汁就最合適，整體食得好滿意！…查看更多

最近同朋友去大坑食飯，想食西餐所以網上搜尋完之後最後揀左 Tipsy Restaurant & Bar。 Tipsy 供應歐陸菜式，餐廳設計摩登時尚。餐廳有開放式廚房、私人用餐室同埋戶外露台，我就坐indoor。餐廳最近做緊$10一隻蠔既優惠，所以同朋友總共叫左6隻，蠔大大隻，確實係抵，食落新鮮肥美。另外叫左幾款前菜，包括Yellowfin Tuna Tartare with Watermelon ($168)，黃鰭吞拿魚他他伴以西瓜一齊食，都幾清爽開胃。Truffle Toast ($88)，松露多士鬆脆，多士夾住松露、巴馬火腿同埋Mozzarella 芝士。主菜方面就同朋友分享左幾款菜式，包括 Sea Urchin Pasta ($288)，可以話差唔多每枱都叫。海膽汁濃稠，伴以茴香泡沫，面層有海膽同埋飛魚籽。Charcoal Grilled Wagyu M6 Ribeye ($398) ，和牛以炭烤過，重300g，用上澳洲M6和牛，揀左肉眼部位，肉質鬆軟。Tipsy Signature Roasted Spring Chicken Stuffed with Black Truffle ($328)，餐廳招牌烤雞以木盒盛載住，呈煙燻效果，刨上幽香既黑松露，雞既肉質都算鬆軟。最後無叫甜品，因為同朋友都好飽，哈哈。…查看更多

同朋友喺旺角聚下，然後朋友推介嚟到位於旺角通菜街既鴻運食菜館食晚飯。首先叫左口水雞，雞肉都算鬆軟，食落都唔算辣。店內標榜以新鮮魚製作，招牌之一就有老壇酸菜魚/酸湯檸檬魚/藤椒魚同埋麻辣水煮魚。魚方面可以揀生魚 ($168/小份, $198/例牌)、鱸魚 ($198/小份, $258/例牌) 或者桂花魚 ($288/例牌)，辣度可以揀BB辣、微辣、中辣同埋特辣。我地就揀左桂花魚，肉質都算有彈性。其他菜式包括有江湖烤魚同小龍蝦，當中烤魚有麻辣、蒜香同泡椒口味，魚就可以揀海鱸魚 ($228)/鉗魚 ($258)/江團魚 ($288)，配肥牛同寬粉就分別加$88，選擇左江團魚，魚肉都算滑，而寬粉有彈性，亦可以索晒啲汁。…查看更多

同朋友嚟到尖沙咀行街，夜晚既時候佢推介左每個人都有屬於自己的大海  Sea You Lounge 話一齊食同飲下酒，所以去試下先。位於天星碼頭~每個人都有屬於自己的大海係香港手工蜂蜜酒品牌日照夜霧幾個月前開設既第一間日夜酒室，睇番介紹就知道日照夜霧蜂蜜酒以 100% 本地蜂蜜釀製，酒室內設16個Tap頭供應新鮮蜂蜜酒同埋本地手工啤酒，更加有日本空運桶裝清酒以及各款精品調酒。主角既蜂蜜酒🍯有6款，例如期間限定既蘋果玉桂蜂蜜酒、青提蜂蜜酒、紅提蜂蜜酒、雜果賓治蜂蜜酒、綠茶蜂蜜酒、咖啡蜂蜜酒。當晚品嚐左2款，蘋果玉桂蜂蜜酒 ($86) 同紅提蜂蜜酒 ($82)，2款都同樣甜美，蘋果玉桂更為清香，我個人嚟講係鍾意飲。酒室內亦可以叫6小杯package，$288 就可以有2款蜂蜜酒以及4款啤酒或者可以用$318既價錢喺牌蜂蜜酒同啤酒之中自選6款口味。店內亦可以飲shot，當中我就叫左Tiramisu 口味，亦係好飲，好似真係食緊 Tiramisu咁。至於食物方面，我就叫左明太子忌廉烏冬配珍寶日本帶子，忌廉烏冬夠creamy，帶子亦都軟滑。朋友就揀左食日式雞軟骨菜肉餃子伴鰹魚湯烏冬。串燒方面，2串$48起，可以揀柚子燒煙鴨胸、醬燒五花腩、醬燒牛柳粒、日式照燒汁燒雞肉棒、明太子雞翼、灸燒芝士大啡菇、燒茄子、燒露荀、燒秋葵、大根燒、燒車厘茄等。我同朋友就分享左幾款，當中車厘茄多汁，日式照燒汁燒雞肉棒食落鬆軟。另外我地亦都有叫左佐酒小食同炸物，當中避風塘魷魚鬚 ($98) 惹味，食落香脆可口。而惹味薯條 ($58) 無改錯名確實幾惹味，伴以松露蛋黃醬亦都夠夾。…查看更多

我同朋友都鍾意食日本菜，所以就相約左喺上環既和緣食晚飯。和緣 主打日本割烹料理，晚市餐單有Lite Dinner Menu ($1480+10%/p.p.)以及Dinner Experience Menu ($1880+10%/p.p.)，我地就品嚐左Dinner Experience Menu 。7道菜既menu首先以先付揭開序幕，冷素麵上面有海膽、魚子醬、芽葱，賣相精緻，食落清爽。然後就到造里，有三款刺身，拖羅經煙燻散發香氣，油脂亦甘香，軟燸既牡丹蝦經昆布茶漬，而鮑魚就質感彈牙，伴以胡麻醋同長芋。第三道菜就有毛蟹真丈薄葛出汁。飲落順喉。下一道菜就係揚物，甘鯛脆身亦唔油膩，黑醋醬汁酸得嚟開胃。強肴就有和牛壽喜燒，用上日本鹿兒島A4和牛，柔軟帶有脂香。食事就有櫻花蝦土鍋飯，配上椰菜、栗米等，櫻花蝦炸過後增添香氣。最後就以餡料有白豆沙既蕨餅作結，質感煙韌，灑上青豆粉。除此之外，加$220追加左和緣既其中一款招牌菜式，天婦羅紫菜上盛載住吞拿魚腩、海膽、牡丹蝦，口感豐富，上面伴以紅菜頭泡沫，用手拎住食，非常滿足。…查看更多

朋友住奧運，我去探佢之後一齊食飯佢就提議去大角咀既 Restoran SAYA，我網上見到餐廳拎左米芝蓮推介，所以就一齊去試下。位置都幾好搵，位於大角咀利奥坊二期地下，由奧運站行過去大約幾分鐘左右。Restoran SAYA 供應泰國菜，餐廳以湖水綠色為主調，配搭藤製家具同埋壁畫，滲出泰國風情。餐廳主打泰國依善地區既傳統泰菜，首先以清新既泰式柚子蝦沙律 Miang Som O ($128) 揭開序幕，然後就叫左蟹肉奄列 Kai Jiaw ($168)。分量夠大，適合同朋友分享，食落面層脆身，都有蛋香，內裡盛載住飽滿既蟹肉，唔錯。Restoran SAYA 喺招牌菜加上最多客人叫既菜式之一就有泰北咖喱金麵  Khao Soy ($128)，喺咖喱中加入椰漿，咖喱味同椰香平衡，配上炭烤雞肉，雞肉食落都夠鬆軟。餐廳都有不同咖喱既菜式，可以配上虎蝦、燒鴨、牛肋條、雞、軟殼蟹等，當晚就品嚐左泰式荔枝紅咖喱配燒鴨 Kaeng Phed Ped Yang ($148)，燒鴨肉質都夠彈性，唔會乾柴，旁邊既香草蒜蓉麵包醮上紅咖喱一齊食就最合適。炭火燒牛肉 Suea Rong Hai ($208) 係餐廳另一多人叫既菜式之一，牛肉經炭燒製，肉質鬆軟，配上 Chimichurri Sauce 阿根廷青醬都幾夾。最後甜品餐廳有三款，我就叫左芒果燸米飯 ($78) ，芒果甜美，燸米飯煙韌。…查看更多

兩位朋友都喺灣仔返工，所以約埋喺灣仔食飯，然後佢地揀左連續超過十年都榮獲米芝蓮必比登推介既美味廚，所以去試下先，呢間出名打邊爐食火鍋。適逢最近美味廚推出以韓國美食為主題既湯底、肉類、特色餃子丸類等，所以就揀左一系列既韓國湯底同埋其他食物試下先。餐前小食首先以皮蛋、韓式芝麻芽菜、韓式麻油菠菜、韓式惹味泡菜揭開序幕。首先講下招牌既湯底方面，新增左韓國牛肋骨蘿蔔湯同埋韓國泡菜年糕豆腐湯，我同朋友就揀左韓國牛肋骨蘿蔔湯 ($298/一人鍋, $498/大鍋)，湯底清澈味道尚算濃郁，加入白蘿蔔亦多左清甜味道，牛肋肉亦都軟腍。丸子同餃子都加入左韓式元素，手工丸子方面，當晚品嚐左韓式大醬八爪魚墨魚丸 ($88/4粒)以及韓式大醬紫菜海蜆豬肉丸($78/4粒)，個人最喜歡就係韓式大醬紫菜海蜆豬肉丸，海蜆爽嫩。至於特色餃子就食左韓式泡菜年糕部隊餃($58/4粒)、韓式烤牛肉洋蔥餃 ($88/4粒)、韓式辣醬海鮮餃($88/4粒)。當中韓式烤牛肉洋蔥餃，烤牛肉都幾入味，洋蔥增加口感。韓式辣醬海鮮餃外皮係菠菜皮，厚薄度適中，亦都唔算辣。海鮮方面，當晚揀左生猛大連鮑魚仔同埋生猛游水海中蝦，蝦既質感爽口而鮑魚既肉質彈牙。肉類方面當晚品嚐左韓國江原1+頂級西冷 ($248/2片)韓式紫蘇葉蔬菜豬腩卷 ($128/8件)韓牛選用左1+級別既西冷部位，油脂都算豐富，亦嚐到肉香。另外亦見到餐牌有日本和牛等既選擇，下次試下先。…查看更多