clui1210的个人专页

呢間米芝蓮拉麵店，終於都喺九龍區開咗分店，位置就係喺啟德體育園啟德零售館2入面，位置相當方便，我哋今日都特登收工後去食晚餐。平時中午嘅時候必定要排長龍，好彩我哋六點收工之後即刻飛過嚟，先叫做即刻有位坐咋！一嚟到就已經好有驚喜，竟然期間限定係山葵，到2025年年尾12月31日！我要咗個日本A5和牛山葵拉麵，佢用咗秘製山葵醬汁，完全係味蕾嘅衝擊，有少少刺激感啲嘢，亦都唔會覆蓋咗湯底本身嘅濃郁度，和牛亦都好嫩滑。另外朋友就叫咗個黑豚香蔥拉麵，特登揀淡湯同少油，感覺上比較健康，肉質鮮嫩，而且蔥嘅份量真係好多！同時亦都叫咗啲小食一齊分享，包括關東煮五點盛、燒黑豚伴味玉，野菜漬同埋餃子。餃子煎得外皮酥脆，入面肉汁滿滿關東煮亦都好入味，燒黑豚伴味玉亦係誠意之作！…查看更多

由第一間分店我地已經想食，估唔到都未嚟，而家各區已經開咗分店，今日收工之後就去咗九龍灣德福呢間食dinner，人氣旺盛嘅漢堡排專門店我！來！了！呢到更加有無限添加嘅時菌湯同西蘭花，完全可以滿足想食得健康嘅各位人士！不過講返正題，店員就係你面前準備堡扒排，之後再放上烤爐煎熟，漢堡排肉汁飽滿，好juicy，肉質都鮮嫩，配上唔同醬汁就有唔同風味，整理而言都真係幾好食，食完之後都唔會覺得成身油煙味，加分👍…查看更多

以前室友就係緬甸人，所以都食過唔少緬甸嘅家庭菜，不過返到來香港之後真係好少再食到。泰國菜香港人就一定食得多啦，但係緬甸泰國菜大家都應該比較陌生。不過我地最近發現佐敦廟街就有一間小店，呢到裝修都有緬甸色彩，野食都好好味😋緬甸魚茸湯麵係媽咪懷念好耐嘅菜色，做法就係將魚肉去皮去骨再同香茅一齊燉煮，最後加入大洋蔥同魚露調味，而豆脆餅都係呢碟嘅靈魂，呢間湯頭鮮美，魚肉鬆軟，豆脆餅都係一d都唔油，好香脆！緬甸咖哩牛肋條飯個汁調配得好濃稠，用上好多洋蔥，配埋嫩滑嘅牛，yummy！呢到嘅緬甸海南雞飯同埋泰式魚餅同泰式鳳爪都好出色，酸酸甜甜咁樣，超級開胃！最後都要講埋，呢度個泰式奶茶都唔錯，更加可以同佢要求落少啲煉奶，唔好太甜先適合香港人口味🤭…查看更多

呢日去左奧運站搵朋友，之後朋友介紹我地來呢間超好食又超抵食嘅拉麵店，果然冇介紹錯！呢到裝修好美，不論門面定入面都好有心思，外面整到好似日本屋咁樣，裡面燈飾好特別，然後好多兔兔娃娃公仔，小朋友超愛！呢到有做埋特別優惠，又買一送一，真係抵到黐線！今日要咗招牌雞白湯拉麵，包埋雞胸叉燒，個湯底真係無creamy，加埋糖心蛋，湯底個顏色真係靚到蛙一聲，而且雞胸叉燒好嫩滑，成個感覺好heart warming！我哋都要埋牛油粟米，冇諗過咁大碗，呢個抵加！另外煙肉芝士雞白湯拉麵都好出色，煙肉加埋芝士本身已經夠邪惡，但係食完之後又唔會覺得油膩或者太滯，好balanced，好好味！後來同店員傾偈先知原來呢度嘅湯底、雞肉，甚至係蔥都係鹿兒島直送，啲蔥仲要係每兩日直送，真係連呢啲細節都睇得出有幾細心！我哋都叫咗一個炸魷魚小食，炸得酥脆之餘，點埋檸檬同mayo好正啊！飲品方面就叫咗蘋果汁同埋鹿兒島貴茶兌燒酎，呢個覺得一般男士都應該好鍾意，唔甜之外，飲落都好爽口！…查看更多

最近我地都真係好忙好忙，基本上都冇時間幫狗狗剪指甲，所以就book好新開青衣SPCA session，原來呢度更加有cafe，咁就剪完甲之後可以直接上愛協會員專享嘅6,400平方呎寵物共享天台，呢到有狗狗障礙賽道，玩到攰就可以落返去cafe食野，呢度除咗有嘢食俾主人食，連狗狗貓貓都有適合嘅食物㗎！呢到係非牟利機構，支持不同能力同國藉嘅員工，更加係青衣唯一一間寵物友善café ，所以大家有寵物嘅，都要多多嚟支持！另外都講多句，呢到所有美容師都持有專業護理證書，可以提供沖涼及美容服務同按摩服務，如果冇揸車嘅人怕唔方便，其實逢星期六KMB 都會有寵物巴士直達呢到，所以大家記住趁早book星期六嘅session啊唔好以為呢度冇乜嘢好食，其實都有好多選擇，下甜都有，咖啡或者果汁都應有盡有，所以係嚟食過下午茶定係輕食，或者當午餐其實都冇問題…查看更多

中秋節當然要買月餅啦，市面好多新潮月餅，不過今年吸引到我出手嘅就係南山農舍嘅手工流心系列月餅！一盒有兩個口味，包括有原椰拿鐵流心月餅同焦糖太妃流心月餅，一盒2個，兩個都係mini size，甜度適中，做飯後甜品一流！啱晒唔想增肥，但係又想應節嘅我。屋企人食完都話幾好食！最主要係貪佢救世，每個口味一粒，一家人切嚟食就剛剛好，但係雖然係咁，個包裝設計都好有心思，小男孩同小女孩兩個一齊望出窗外欣賞又大又圓嘅月亮，都幾應節。…查看更多

最近同朋友去澳門玩，朋友一早已經安排晒行程，我乜都唔使諗直接玩就得，結果覺得佢安排嘅一間餐廳特別好食，就係葡頌苑。呢間餐廳聽落開咗冇幾耐，但係食物質素超高，呢度嘅店員亦都好好禮貌，成個用餐過程都好開心。有幾樣嘢我覺得一定要叫嘅，就係馬介休球、葡式海鮮飯同埋葡式牛排。馬介休球炸得酥脆，入面餡料飽滿，點埋個醬汁真係超級無敵好食。葡式牛扒都好特別，啲肉會唔會太嚡，調味剛剛好。牛角海鮮腸粉都係超出色，勁多海鮮種類。…查看更多

前排同朋友講好想食龍蝦，朋友就反問對片皮鵝有冇興趣，一開始仲以為佢又九唔搭八，點知原來搵到一間酒店buffet都幾特別❤️位於六國酒店嘅le menu buffet有好多食物選擇，我最鍾意嘅就有鴨肝、片皮鵝，當然啦，超多人搶食嘅就係龍蝦、花膠同佛跳牆。講真每一樣嘢都好好食，就連甜品選擇都真係有驚喜。龍蝦海鮮茶碗蒸真係好出色，完完整整嘅一個龍蝦蟹鉗，裡面又多海鮮，好清甜。龍蝦海鮮馬莎曼咖喱好surprising，masala curry整得好有層次感，食得出用咗好多唔同嘅spice。薑蔥炒龍蝦鉗都係啖啖肉咁樣，食得超過癮！記住唔好錯過每日6:45準時開始嘅葡式燒乳豬表演，另外我地都有得睇火焰雪山，有得睇又有得食，真係勁開心！ ❤️…查看更多

最近香港呢邊真係有一股蛋撻熱潮，所有店舖都做出唔同嘅蛋撻，原來澳門呢邊都有好多新穎嘅葡撻選擇，係呢間就可以食到葡萄牙主廚手工製作嘅葡撻。佢用上咗日本生食級夢王蛋，蛋香超級濃郁，口感都滑順細膩，係街尾排隊已經聞到好香好香，真係超級邪惡！另外因為都用左法國頂級牛油，所以撻皮更加酥脆香醇，咬下去口感超正。今次要咗三隻味道，包括開心果、芋泥麻糬同埋黑糖珍珠，我最鍾意就係開心果味，好出色，唔會太甜，然後就係黑糖珍珠，呢個用來打卡好華麗！…查看更多

為左呢張炎夏椰樂祭活動貼紙，特登再訪牛大人要貼紙，當然都有口福，終於食到期間限定嘅木瓜椰皇嫩雞鍋，同喇沙椰爺仲夏鍋！今日食左120分鐘日本A4黑毛和牛火鍋放題，連啤酒都飲埋，正正正。今期有好多特別嘅椰子小食產品，例如椰酥跳跳豬、黃金椰絲蝦丸。我今日特登叫咗椰林火山脆薯條用嚟煎特色醬料嘅香椰火焰醬同椰汁美奶滋，夏日感滿滿。就連飲品都有好多期間限定嘅特色調製飲品，平時更加有得飲少爺啤，不過今日我哋去嘅時候已經賣晒，所以有得飲sopporo都已經覺得好幸福。呢度嘅牛更加唔使講啦，永遠都咁好食，高質日本和牛都可以任食。…查看更多

紅磡係平民美食地區，真係一條街都有好多間小食店，而我最近愛上咗蕪湖街，蕪湖居地下嘅呢間家之味美食，佢同個名一樣，食完真係覺得有家嘅味道，同細個喺媽咪屋企食開嘅家庭飯餸味道好累近。加埋係外賣店，買完之後即刻返屋企食，返到去都可以保持到啲餸熱辣辣咁樣，感覺新鮮又健康，加埋呢度每一樣嘢嘅調味都恰到好處，唔會太鹹唔會太味精，大家都可以食得安心！最重要就係呢度啲店員個個都好親切，好有禮貌，嚟咗幾次其實大家已經認得我，每次一嚟到就已經會問係唔係係要平時嘅嘢，同埋都會介紹吓今日有咩特別新嘅菜式，感覺真係好溫馨。今日叫咗個四季豆，顏色清脆，口感都有少少脆，食得出好新鮮，另外苦瓜炒蛋都做得好出色，條味一流，苦瓜唔會太苦，蛋亦都唔會煮得過老，正。…查看更多

最近睇中旺角呢一間豆公館，係香港荳品廠 ，優質加拿大大豆每日新鮮製造，特別好味。之前嚟過食已經勁鍾意佢個麻婆豆腐花，不過呢一樣要11:30打後先有售，今日就食其他嘅：肉鬆蛋餅，蛋餅呈現金黃色，配上肉鬆，蛋餅口感柔軟香滑，但外皮脆脆，入面更加有芽菜同蔥，咬落去口感好豐富，亦都好飽滿！魚肉煎豆腐好夠味，魚肉比我上次食到嘅更加出色，更加彈口，煎得香口，豆腐唔容易散開特盛黑松露炒米粉炒得一啲都唔油，亦有好香嘅黑松露味！柴魚花生粥夠軟綿糯口，清清地，同其他展嘅嘢一齊食可以balance下，好好味原味同無糖豆漿都好濃黃豆味，媽咪今次嘅杞子元肉紅棗黑糖豆漿都好出色，唔會太甜，滋潤又養生凍楊枝甘露豆腐花超級出色，係我地嘅最愛！…查看更多

今次老公同我食呢間茶餐廳，野食賣相精美，份量多，帶BB嚟食都唔怕因為BB車太大而冇位擺，因為呢度地方好闊落，坐得好舒服土魷蒸肉餅我老公好鍾意食土魷蒸肉餅㗎，所以通常如果見到茶餐廳有嘅話我都會叫，一上枱都覺得佢好大份，兩個人唔係好食得晒。第一啖食落口已經覺得佢唔係！好 Juicy 好嫩，魷魚份量都幾多，每一啖都食到咁滯。蒜蓉娃娃菜＄53通常我哋出去食飯都會叫碟菜嘅，呢度嘅時蔬有得揀娃娃菜，所以我毫不猶豫就揀咗娃娃菜。唔會覺得蒜蓉味太過鹹，反而清清地鮮菠蘿拔絲咕嚕肉＄98一定要叫佢哋嘅 Signature ！！好夠鑊氣嘅菠蘿拔絲咕嚕肉，甜到入心既菠蘿同埋咕嚕肉醬心，仲做埋拉絲效果，好夠鑊氣。成個擺盤都好精緻，旁邊仲有乾冰，拍得住高級中菜廳無骨海南雞 $98我最鍾意呢個海南雞係下面有啲雜菜墊底，酸蘿蔔好爽ロ又酸甜海南雞肉嫩。香燒豬頸肉 $68正喺度糾結到底食豬頸肉定係瑞士汁雞翼好嘅期間，隔籬嗰張枱好大聲咁講咗句豬頸肉好好味然後我就因為佢呢一句叫咗，果然冇令我失望 。唔會燒到柴晒反而仲有啲肉汁-利賓納半價-珍寶檸檬茶半價…查看更多

喺咁多香港地道小食之中，我最鍾意食，就係雞蛋仔，所以基本上香港所有雞蛋仔我都會去試，不過我最鍾意嘅，始終都係媽咪雞蛋仔，因為除咗佢本身口感好好之外，就算食新穎嘅味道其實都覺得超出色！今次去咗尖沙咀天星碼頭嘅呢間分店，呢度景觀好正，好多打卡位，當然遊客都唔少啦，睇完咗餐牌，考慮完有啲咩新嘅味道之後，最終就要咗紫薯雞蛋仔，紫薯味好濃，口感順滑，外皮超脆，外脆內軟嘅口感，真係淨係可以用幸福嚟形容！飲品方面，就叫咗凍奶茶豆花，奶茶好順滑，完全有香港風味，加埋舊花就好似食緊一個醒神嘅甜品咁樣，真係幾正！…查看更多

我最愛就係食omakase，今日來到我覺得CP值爆燈嘅花晨月夕食dinner omakase，因為預先bopk好，所以一進來就有位坐，師傅都係我熟悉嘅師傅，所以都有不聽咁交流，不過師傅當然都冇忽略其他食客啦，都有一齊傾計，今晚真係食得好開心。前菜我鍾意柑橘核桃小女子，味道好特別，酸酸甜甜，好有日式風格。三文魚子海膽杯好鮮甜，加埋魚子漬甜甜地，又有d柚子味，好清爽！黑陸魚本身油分比較多，燒過後食真係入口即溶，好正！壽司我鍾意金線鯛、帆立貝、白三文魚、赤身…查看更多