每樣嘢份量都超大，超級抵食，仲要免收加一，值得一試！！！出邊睇唔到有座位，但入邊可以坐低嚟食，空間感十足，環境都好乾淨企理，下次會再黎食！韓式牛肉芝士蛋包飯 $68 牛肉份量好多，醬汁唔太鹹，熱辣辣嘅飯卷配埋芝士有晒層次。韓式豬肉雜錦飯 $76個人覺得賣相係咁多個入邊最靚，望到咁多配料已經好吸引，撈埋食啖啖蔬菜同肉。咁大兜飯如果細食嘅話可以兩個人share，好抵食！10件炸雞 $88炸雞係即叫即炸！外皮又脆但又唔油膩，雞件冇咩肥肉，搭埋個蜜糖醬甜甜地好好食！韓式五花豬肉炒粉絲 $76 入面有好多蔬菜配料，但整體嚟講有啲濃味，如果淡味少少會更好。海帶豆腐湯飯 $76個湯係即叫即煮，所以要等10分鐘左右，飯另上。放上枱後已經聞到陣鮮味，飲落仲有魚味，食到海帶豆腐之餘仲有小魚乾。韓式辣炒年糕 $76比我係韓國當地食更加多配料，多左蘑菇同蔬菜。年糕煙靭好好食，啲辣味好開胃。…查看更多
