sushixd的个人专页

西貢呢間海鮮酒家非常有名氣，連續16年奪得米芝蓮一星，今次專程相約食友入西貢親身品嚐！西貢地道魚湯奶白色魚湯，賣相平凡，不是走奢華路線。但飲落好鮮甜，用多種鮮魚熬製，加入番茄仔，味道豐富，飲完成個人暖笠笠。椒鹽奇脆豆腐豆腐外層香脆，入面超滑溜！椒鹽味道唔會太鹹，食到淡淡豆香，送酒一流。藥膳辣酒煮花螺花螺用藥膳同辣酒煮，好入味！食落有淡淡酒香同藥材香，辣辣地好過癮，真係好啱送酒。椒鹽焗大連鮮鮑魚鮑魚大大隻，咬落非常彈牙。椒鹽做法香口，但完全無蓋過鮑魚嘅鮮味，外脆內軟好好食。鹽蒸野生海魚條魚好大條，魚肉厚身又嫩滑。簡單用鹽蒸已經好鮮，點少少醬油同蔥一齊食更加提鮮。蒜蓉粉絲蒸貴妃蚌貴妃蚌大隻又肥美，配上蒜蓉同粉絲一齊蒸。上枱時熱辣辣，蒜香十足，粉絲吸盡精華好正。天婦羅桶蠔伴生菜桶蠔大大隻，炸粉薄脆，入面蠔肉飽滿多汁。用生菜包住食，可以減低油膩感，口感更清新。椒鹽鮮魷鮮魷金黃香脆，入口外脆內彈牙，一啲都唔韌。椒鹽味道香濃，係一道非常好嘅佐酒小食。豉油王炒麵麵條炒得夠乾身，食落有鑊氣！豉油味道鹹香適中，麵身又彈牙，簡單但好好味。…查看更多

最近和朋友相約吃中菜聚會，剛巧朋友是香港大學校友，幸運地由他預約校友會的中菜廳，一嚐這間預約困難店！餐廳環境雅致，當日全場滿座，服務貼心到位，食物更是色香味俱全！三色燻素鵝腐皮包裹著三種顏色的素菜，綠橙啡的組合很鮮艷。以玻璃罩著上桌，打開煙燻香氣撲鼻！素鵝外皮酥脆，口感口足！涼拌繡球菌賣相精美，猶如繡毬花般美麗。加上不同顏色的食用花及毛豆，視覺上己經很滿足！繡球菌很爽口，醋香為菜式帶來清新的感覺！麻香鳳尾蝦多士多士炸得香脆，絲毫沒有油膩感，蝦肉爽彈，金黃外表令人食慾大增！太極鴛鴦羹白綠湯羹流轉成太極圖案呈現，豆腐羹和蔬菜羹的配搭好夾，湯羹細滑，內有海鮮粒為口感提升不少。招牌脆皮鹽焗雞雞皮相當薄脆，肉質嫩滑多汁。麻香脆皮牛腩脆皮外層包裹住牛腩，牛腩好軟嫩。沾麻香咖哩汁一同，夠哂惹味！原個羊肚菌蔬菜炒南瓜羊肚菌飽滿，咬開啖啖濃郁菌汁。蔬菜同南瓜抄香，更加入夏威夷果仁，口感十足！泡沫杏仁茶配果仁撻現打泡沫如雲朵飄浮，賣相非常吸引！杏仁茶溫潤回甘。撻殼盛著烘烤果仁，酥脆可口。…查看更多

六國酒店嘅中菜廳「粵軒」原來已經開咗92年，相當有歷史！最近推廣緊1933年開業嘅經典Menu，有唔少傳統懷舊菜式，值得嚟試下！必點「招牌蜜汁叉燒」係我最近食到最好味嘅叉燒😍除咗肥瘦均勻，肉質好彈牙之外，最正係佢嘅濃邊，令叉燒增添口感😍仲有「陳村粉龍蝦煲」都係超吸引！個龍蝦好爽彈之餘，個陳村粉更加係非常出色👍🏻👍🏻吸盡龍蝦精華嘅陳村粉，外脆內軟，真係勁正，我地幾個都大讚🥰「大漠風沙鴿」都值得試下，平時多數食到嘅係燒乳鴿，今次試下新野，鴿肉煙燻味好香，肉質都幾嫩！「合浦環珠」外層好香脆，內餡係用豬網油包住鹹蛋黃、合桃、雞肉及蝦膠，口感幾豐富👍🏻飲埋「蘋果雪梨燉湯」大熱天時飲佢真係好生津解渴，清甜嘅蘋果雪梨飲完好舒服！「蟹肉扒鮮菇芥膽」蟹肉同芥膽份量都幾足，豐富晚餐再加個菜balance 一下👍🏻最後「欖菜燒肉粒脆米炒飯」口感十足。每啖都脆卜卜，平時減肥唔食飯嘅我都食哂成碗😆…查看更多

要數香港好食嘅雞煲，呢間亞南雞煲真係數一數二！最近朋友帶我嚟太子呢間開咗10幾年嘅雞煲專門店，平日夜晚全場爆滿，都幾誇張，好彩有訂位！預先打電話留咗個「冬瓜花膠瑤柱花甲雞煲」$468，加$200預訂咗隻新鮮雞，加埋成600幾一個煲真係唔平，但嚟呢到食嘅人好多都會加錢要新鮮雞，講真一分錢一分貨，呢個價仲咁多人食，就知係正野，真材實料。再加埋我最愛嘅野生竹笙皇，呢煲野真係超正！新鮮雞煮出嚟嘅湯底特別鮮甜，雞肉好嫩好滑，咬落肉質有彈性，啖啖肉好滿足！個煲好多料，花膠份量都幾多，花甲好新鮮，竹笙皇大大件又爽口。仲有叫咗個牛雜雞煲，呢款係用冰鮮雞，食佢嘅惹味醬汁，辣辣地幾過癮！鍾意食牛雜嘅我食得好開心。我地仲有叫咗唔少野食麻辣墨魚鬚：係我食過最爽脆嘅墨魚鬚椒鹽鮮鮑魚：椒鹽味好香，鮑魚肉質彈牙仲有酥炸桶蠔：外層炸到口感有啲似油炸鬼 好香口好好食！皇牌脆炸牛坑腩：外脆內嫩，食到忍唔住要encore火鍋料必點安格斯牛小排： 油花好均勻，肉味濃香頂級鵝腸：打邊爐最鍾意嘅item之一，呢到鵝腸夠哂肥，油香好足極級芝士牛丸：必食，好出色嘅流心丸！我仲叫咗自家製嘅海底椰雪梨茶，唔會太甜，打邊爐飲佢真係好舒服，養身之選！…查看更多

母親節同屋企人慶祝，最啱食中菜。最近朋友介紹呢間新開嘅上海菜，裝修高雅，菜式精緻，預咗咗同媽媽嚟試下！呢到菜式選擇好多，我哋點咗幾款點心、前菜、湯羹、主菜、主食及甜品。招牌小籠包：皮薄汁多，每粒都大大隻好飽滿，肉餡鮮甜，必食！香煎韭菜餡餅：外層煎到金黃，韭菜內餡味道香濃，食落口感豐富！蘿蔔千絲酥餅：外酥內嫩，絲絲金黃層次分明，每啖都食到蘿蔔絲，清甜味美。油燜筍：直立擺盤相當特別，油燜筍鮮嫩爽口，值得一試話梅醉鴿：乳鴿擺盤精嫩美觀，鴿肉緊實彈牙。話梅同花雕好香濃，而且好入味，酸酸甜甜好開胃。腌篤鮮：湯頭濃郁，食材新鮮，以火腿提鮮，咸香味十足！遠年陳皮意大利黑醋骨：外層香脆，酸甜適中，遠年陳皮意大利黑醋非常濃香！排骨食落啖啖肉，非常美味！欖菜肉碎乾煸四季豆：肉碎香濃，攬菜味道獨特，同四季豆好夾。鱔糊湯拉麵：鱔糊好滑嫩，加埋韭菜，超正！拉麵麵質有彈性，同鱔糊撈埋食，相當出色！豆沙鍋餅：外脆內軟，豆沙蓉好細膩，甜而不膩，好食！整體食飯質素都好有水準，值得一試！…查看更多

早排去過銅鑼灣分店，念念不忘！好開心最近佢地仲開埋分店去尖沙咀👍🏻今次試下其他款，叫左2款套餐，抵食得嚟價錢又好貼地，質素都相當唔錯，值得一試！尖沙咀店限定「牛板腱壽喜燒套餐」！大盛180g只係$258！牛肉嘅份量都幾多，每片雪花紋都好靚👍🏻油花分布均勻，燒到五成熟夠哂嫩，入口即化又夠肉味！蘸埋蘭王蛋漿，蛋香味好濃，和牛滑上加滑🥰仲叫咗個「精品赤身壽喜燒套餐」$168雖然油花相對少啲但肉味都唔錯，但勝在夠抵食，壽喜燒汁同牛肉真係完美配搭！食完肉再用返啲肉汁煮野菜、豆腐，索哂啲汁最正！甜品係蕨餅，食落好煙韌唔會太甜。 …查看更多

最近喺海港城行完街，發掘咗間主打馬來西亞菜嘅餐廳—Auntie Malay，除咗食到充滿地道風情嘅菜式，餐廳仲有超靚嘅海景添😌椰糖燒雞翼：外皮燒得焦脆，帶有椰糖嘅香甜，肉質鮮嫩多汁！馬來沙嗲豬肉串：一碟有三串，可以揀要豬肉/雞肉。豬肉串燒得啱啱好，點埋花生醬，味道濃郁👍🏻招牌肉骨茶：藥材味香濃，排骨燉到好淋，暖胃又滿足。招牌海南雞：必食！雞肉超滑嫩，啖啖肉，配埋雞湯同油飯，好正！椰香黃咖喱牛肋肉：咖喱香濃帶椰奶嘅甜香，牛肋肉夠哂腍，配埋酥餅，點住咖喱食，簡直係絕配。上湯蝦米肉末浸娃娃菜：娃娃菜吸晒蝦米同肉末嘅精華，清爽又入味。斑蘭咖央多士：外皮脆口，斑蘭內餡香甜，食得好滋味！飲品羅漢果龍眼冰同埋話梅蜂蜜梳打都值得試下～…查看更多

週末放工同朋友Chillax下鍾意嚟大坑嘅 classified ，呢到環境舒適，令人好放鬆！雞肉牛油果凱撒沙律健康之選，雞肉同蛋有豐富蛋白質，牛油果又有靚油脂，好啱注重健康嘅朋友！小食韓式炸雞配甜酸汁炸雞好脆，配埋酸酸甜甜嘅醬汁好開胃，食落仲唔會有油膩嘅感覺龍蝦汁三文魚意大利飯意大利飯吸盡龍蝦嘅精華，鮮味十足。飯中有蝦肉、帶子及三文魚，可以撈埋一齊食，每啖都食到海鮮！風乾火腿火箭菜芝士薄餅薄餅加入香嫩Serrano Ham同芝士，口感豐富，咸香十足，令人一試愛上甜品必點法式可麗餅加雲呢拿雪糕，dessert lover絕對要每人點一份。…查看更多

食日本燒肉最緊要有Beef Master即席烤肉，將牛肉以最完美嘅烤法呈現。今次來到餐廳品嚐「而今大師烤肉套餐」，由女將為我地烤煮每款菜式，成個體驗好到我要俾100分！前菜煙燻A5黑毛和牛粒配魚子醬和牛帶有煙燻櫻花木香氣，再配上咸香魚子醬同埋柚子醬醋，係好清新嘅開胃前菜！主菜A5黒毛和牛他他配A5黒毛和牛壽司將牛肉他他加入日本蛋黃攪拌，味道香濃，鋪上烤至香脆嘅牛油多士，口感更加豐富。而和牛壽司輕輕火灸過，油香更出👍🏻而今特選鹽焼A5黒毛和牛（3切）三款肉當中，最愛厚切牛舌，既爽口又Juicy，印象好深刻！而今特選醬燒A5黑毛和牛1切配海膽A5黑毛和牛熱狗最令人期待嘅海膽熱狗😍用紫蘇葉同紫菜，包住黑毛和牛及一整排鮮美海膽🥰真係極致嘅享受！鮮甜冰凍嘅海膽配上剛烤到熱辣辣嘅和牛，冷熱交融嘅口感，相當正！而今特選醬燒夏多布里昂（1场）及A5黑毛和牛西冷配柚子醋女將將珍貴嘅Chateaubriand部位烤煮得好完美，肉質極軟腍，油香同肉味都好balance，實在係太美味！和牛西冷卷起呈上，燒至半熟狀態，同樣好好味。而今特選A5黑毛和牛壽喜燒配松露和牛壽喜燒，沾上蛋黃醬油，再用原粒松露刨上滿滿嘅松露絲，相當正！和牛茶漬飯最後嘅茶漬飯減低成餐飯嘅油膩感甜品自家製紅豆玄米茶奶凍茶香清新，奶凍細滑，為今晚畫上完美句號！…查看更多

前排去咗食「蠔飲蠔食-鹿兒島A5和牛火鍋＋三大名蟹宴」，食材勁豐富，有齊我最愛嘅日本和牛、生蠔同埋蟹蟹蟹，係free flow嘅半放題名蟹菜式&炭燒包括：炭燒佐酒鱈魚干日式昆布汁煮翡翠螺日本松葉蟹天婦羅大閘蟹粉蟹黃稻庭烏冬炭燒串燒拼盤（廚師發板）炭燒日本鱈場蟹腳炭燒蟹黃醬鵝肝蟹肉飯糰一次過食到三款靚蟹👍🏻日本松葉蟹天婦羅好鮮甜、大閘蟹粉蟹黃烏冬夠哂濃香啖啖蟹粉💕仲有炭燒日本雪場蟹腳，原汁原味好鬼正！就連炭燒蟹黃醬鵝肝蟹肉飯糰都充滿驚喜，鵝肝肥美，蟹黃濃郁！Shabu Shabu包括：鹿兒島A5黑毛和牛（120g）雜菜盛盒鹿兒島A5黑毛和牛油香十足，質感軟腍仼食任飲包括：日本時令牡蠣刺身Sapporo Draft BeerHouse Sake黑糖薑茶最期待嘅日本時令牡蠣刺身，超肥美，隻隻都好飽滿，好鮮甜又富海水味，encore 咗好多次，正！…查看更多

兩年前同老公喺M+影Pre-wedding 好喜歡呢到充滿藝術文化氣息今次慶祝結婚兩週年 專登嚟返M+嘅餐廳慶祝☺️CVIEW 主打江浙中菜，坐擁維港海景，景色優美。餐廳展現出中國庭園景觀，更有一系列樹木代表四季嘅轉換，相當有意思！餐廳菜式選擇眾多，侍應為我地悉心推介菜式，服務既貼心👍前菜：花雕醉雞、黃瓜、鎮江肴肉醉雞鮮嫩，酒味濃香，肴肉味道清爽，味感有多種層次海參酸辣湯：係近期飲過最好飲嘅酸辣湯，酸度適中再帶微辣，口感穠稠滑順，加入海參更添矜貴。外婆紅燒肉肥瘦相間嘅五花肉，香滑軟腍，每啖都食得好滋味，配上上海菜飯減低油膩感👍干燒明蝦球蝦肉爽彈，醬汁酸甜惹味，好開胃！小籠包每隻外皮都夠薄，餡料肉鮮多汁甜品 酒釀小丸子：味道清甜帶酒香，小丸子口感軟糯…查看更多

好朋友生日，約咗佢嚟米芝蓮一星餐廳食午餐慶祝。點咗 「清雅」套餐，包括前菜、茶碗蒸、壽司10貫、玉子燒、湯、甜品。前菜：素麵 用山芋製作而成，口感細膩滑嫩松葉蟹茶碗蒸：蟹肉好鮮甜，茶碗蒸內嘅年糕軟糯味美，提升整體嘅口感。壽司當日發板包括：左口魚、墨魚、白蝦、北寄貝、池魚、赤身、拖羅、海膽、小肌魚及海鰻。當中最愛拖羅壽司，來自青森下前，經過一星期熟成，富有豐富氨基酸，魚肉味道濃香，肉質亦相當柔軟。另下海鰻壽司亦都好喜歡，海鰻好細滑，用上海鰻骨煮成醬汁，相當鮮味，再灑上生椒粉，味道更佳！魚湯：每啖都好鮮甜， 飲完暖笠笠！玉子燒兩個做法，包括江戶前做法：加入魚肉蝦肉，無落麵粉，口感似蛋糕。另一款無加入海鮮，表面係焦糖脆面。兩款各有特色。甜品：粟子蛋糕朋友生日餐廳用上花花插牌，好靚成個好似一朵花…查看更多

銅鑼灣最近新開的Omakase 店，裝潢很雅致，環境很有身在日本的感覺。蟹肉與菠菜混合雜菇，味道清新。以及南瓜製作成的凍品，在表面放上蟹子，口感豐富。鱈魚白子，加入了蔥花和蘿蔔蓉，軟滑無比，入口即溶！鰤魚配上日本黃芥辣 ，魚味濃香，加入莓子令整體更清新。醋青魚，輕輕火燒過魚皮，魚香味迫出，再加上白昆布，味道更加balance。岩手縣蠔加土佐醋製成的慕絲，淡淡海水味，蠔肉清甜，口感爽口，非常好吃！粒貝加上青檸汁和柚子皮，味道清新，更突顯粒貝的鮮味。深海池魚經輕輕燒過，油份滿滿，加上炒香的木魚花，很特別！磯煮鮑魚配肝醬，柔韌彈嫩，搭配馥郁肝醬，口感層次豐富。慢煮鮟鱇魚肝，夾在最中餅內，魚肝味道濃郁，相當滋味。金鯛立鱗燒，魚肉非常嫩滑，紫菜汁很溫和，不會蓋過魚肉的鮮甜。海膽很鮮甜綿滑，完全唔有腥味。一塊醬油漬拖羅和一塊燒推羅，用柚子胡椒和紫蘇夾在紫菜裏，一口吃到兩個風味的肥美拖羅，很幸福！…查看更多

最近嚟到Hyatt Regency 好出名嘅中菜廳沙田18食Lunch😌呢到嘅菜式充滿創意，配搭新奇充滿驚喜！除咗點心係水準之作外，主菜同甜品都唔可以錯過！香辣蟹肉餃蟹肉，鮮味再帶點微微辣度；方魚芥蘭肉碎餃，方魚同芥蘭味道幾夾，再帶點肉碎味道更香👍🏻焗孜然羊肉酥外層酥脆，羊肉鮮嫩多汁，孜然香氣誘人，口感層次分明黃酒薑汁雞子煮桶蠔雞子細細粒好可愛，外皮彈牙，內層軟嫩！黃酒酒香醇厚，桶蠔肥美啖啖肉，好味道😍黑胡椒煎焗老虎蝦蝦肉彈牙，黑椒香濃，食得好滋味！花螺紅芽芋仔燜鵝掌翼燜煮得好入味，花螺鮮嫩，與芋仔及鵝掌翼一齊寫，味道有驚喜！笼仔糯米蒸腩排：腩排酥爛，糯米醇香，經竹籠慢蒸，脂香四溢。甜品懷舊沙翁：外皮鬆脆內軟綿，糖霜甜蜜而不膩，必點！三款雪糕都有驚喜。特別係五糧液朱古力雪糕：五糧液醇厚，朱古力濃郁，兩者完美結合，風味好獨特。酸車厘子相思梅雪葩酸酸咪咪好開胃、椰子芋頭雪糕椰香奶滑，椰香濃郁！…查看更多

和好友聚會，愈來愈喜歡相約一起吃中菜！喜歡較安靜的用餐環境，可以邊聊天邊品嚐美食，來翠亨村就最適合了。寒冷的天氣，來一煲時令清湯羊腩煲！羊肉鮮嫩，湯頭醇厚，清香四溢。羊肉肥瘦勻稱，肉質相當軟腍。鮮滕椒啫啫老虎班煲老虎斑魚肉嫩滑，搭配鮮藤椒的香麻，讓人很開胃，讓人回味無窮。咸骨大芥菜煲咸骨咸香味十足，芥菜脆爽回甘，咸鮮交融。腊味煲仔飯（4-6位用）香氣撲鼻，腊味份量非常多！我最愛是潤腸。米粒分明且吸盡臘味精華。底層飯焦香脆可口，份量十足。川貝石斛燉花膠花膠搭配川貝石斛有滋陰潤燥的功效，湯頭很鮮甜，很好喝！蒜蓉蒸龍蝦糯米飯龍蝦肉質彈牙，融入蒜香糯米飯中，口感層次豐富，色香味俱全。…查看更多