arigatou17的個人專頁

之前本來諗住去飲老闆的手沖比賽豆，點知去到老闆出咗去比賽，有另一個女士代班，心諗都試下咁囉，係囉，就係試一次咁囉。過咗一排等到老闆返黎，想試手沖比賽豆，點知又有新發現，藍山1號，日晒喎，一定要飲，老闆話豆唔多，呢批之後又唔知有冇了。結果心思思，都係要虹吸😂😂回憶的味道，加埋呢隻杯，真係要親身感受！大家想飲就要快！次次去親都有驚喜👍當然講緊係老闆喺度嘅時候！P.S. SonneCAD 老闆的虹吸真係冇得輸，協會欠佢一個冠軍！老闆加油！…查看更多

一直喜歡這裡的虹吸，知道老闆在今年復辦的虹吸比賽得獎後馬上跑來碰碰運氣，非常幸運俾我飲到比賽啡。一如以往，老闆出品的虹吸掌握非常到位，正常水準之作。另一幸運是原來有款限定的比賽虹吸特調凍飲，有幸可以體驗評審的角度，一次品嘗比賽的兩杯虹吸作品，老闆仲係用比賽mode黎講解，真係一次非常有趣和難得的經驗，讚！P.S. 比賽豆唔係成日有得飲，一次飲唔到咁多，希望下次可以飲到比賽豆的手沖！是傻的先會黎大坑SonneCAD唔飲手沖或虹吸！…查看更多

上次掛住試伏，今次認真去飲啡聞說近期有兩隻老闆私伙比賽豆，要了隻Bolivia Finca Isabel Geisha 做虹吸，老闆話只得小量，因為要留番黎比賽。好多時外面飲虹吸都會帶苦，但老闆今次呢隻有很美的花香，虹吸沖煮掌握得剛好，甜感更高而且軟滑，讚！坐bar台睇住煮係一大享受，感覺好療癒。臨走買咗之前見人問有咩唔同的白桃烏龍說真的，除咗係豆同掛耳包嘅分別之外，我真係搵唔到有咩唔同。手殘都沖到白桃香同港式奶茶風味，難怪老闆話係鎮店之寶之一，再讚！…查看更多

見到之前有人寫到呢間嘢咁伏又差，我梗係第一時間去試伏！結果整個體驗令我懷疑人生，好多問號？？想問，我係咪去錯地方？我係咪生活緊喺另一個維度？首先，去到見到門口有人等位，心諗伏到咁都要排隊？(問號1)咁入去問下有冇外賣啦。入到去，冇禮貌嘅女店員就冇喇，非常好心機講解介紹嘅老闆同老闆娘就有兩個！(問號2)同埋，一入門口就清楚見到個menu喺面前，心諗，之前嗰個人可能要去驗下眼。(問號3)然後，要咗杯人地話嘅“熱水”，嗱，熱水同咖啡我都仲識分嘅，呢杯“熱水”嘅堅果同朱古力味非常平衡，當然冇所謂嘅苦味，亦唔會淡而無味，難得小有的出色house blend。(問號4) 同埋我仲要多咗支佢地出名嘅cold brew，人地唔出“凍水”係因為冰會令杯啡一路淡，所以，識飲一定飲cold brew的。最後，出門口睇埋啲字先。我橫睇掂睇，打斜睇，反轉再睇都睇唔到人地話要你賠，只係見到人地想大家愛惜古董，人地小店，你整爛咗人地要賠俾業主，會好傷囉。(問號5)總結：把口喺人地度，事實係點，終歸係要靠自己雙眼去睇，自己親身去體驗的。…查看更多