ktchan的个人专页

香燒沙爹豬肉串 - 不是燒豬肉串，是炸豬肉串香燒菠蘿串 - 唔知點解無清菠蘿釘脆皮豬手泰皇炒飯 - 個皮完全唔脆🫣，反而豬手肉有少少脆泰國金柚海蝦沙律 - 得幾粒金柚，蝦無清腸🫣環境一般，入內環境有陣噏味，燈光有少少暗，睇餐牌有少少辛苦，好彩用手機落單，服務尚可；而價錢方面真係見仁見智，個脆皮豬手炒飯就唔太值，因個皮完全唔脆，極度失望，而炒飯味道都是一般。之前食過lunch，係好食嘅，同事還說可以encore ，但今晚的晚餐真心覺得唔好食。…查看更多

每次用openrice app 落單外賣自取，有外賣出時，收銀counter同事都唔叫外賣單號，次次都要問，已經睇到係自己外賣單號已有，但收銀姐姐睇都未睇，就話未出，真係太過份，十次有9次都係咁。如果唔係附近太少選擇，真係唔想再幫趁，每次都要發老脾話佢哋，有時都想比下機會呢間嘢，但最後都係失望。仲有，每次落單已經註明唔要餐具，但每次拎到返屋企，就會見到有餐具喺袋底。可唔可以注意下呢？想要保一下都唔可以，儲儲埋埋真係唔少餐具。…查看更多

今日飯脚們放曬假，自己一條友搵嘢食，忽然諗起呢間新開咗一段時間嘅食肆，就走去試下。室內裝修好舒服午餐餐牌唔係太多選擇，最後揀咗紅燒牛肉湯麵，價錢都算高，不過一場嚟到，都照食。嘩…碗麵到咗，好多前菜送，仲有生果添，不錯不錯，有驚喜。紅燒湯有少少辣，唔食得太辣嘅我，可以接受，但湯頭就冇藥材味，覺得都係爭啲。牛腱好入味及夠淋，牛筋好軟，正。食飽後，覺得可以再同飯脚再去食。…查看更多

同狗狗去完赤柱，就同埋老公去天天食，因帶埋寶貝，就坐戶外坐位。比咗餐牌我地睇，set lunch係唔包飲品，普通的咖啡或茶都要加18蚊（心諗食飽出去買杯珍珠奶茶仲好），坐戶外有唔好處，要自己搵侍應落單，冇人會自動走出黎睇你有咩需要（可能時間早，得我哋一枱，所以變孤兒仔）。老公叫咗海南雞飯，我就叫咗喇沙粉絲。嘢食好快到，賣相都唔錯，碗喇沙好多蜆，都好新鮮，不過湯底好咸海南雞飯份量就……，如果男人食一定唔夠飽，不過試咗一細件雞肉，喺幾滑我未食曬碗喇沙，已經有侍應過黎叫我哋埋單（未叫佢埋單的，當時戶外都係得我哋一枱及都未夠1點就趕客）…查看更多

今日去大館參觀，去開中環就睇下有咩食，見到呢間食評都唔差，就去試下，叫咁兩款咸味班戟，分別喺公司班戟及油封鴨班戟，黎到後雖然冇乜美感，但爆餡及好味已經可以補償返，另叫了咖啡，佢地d咖啡好香，下次去開中環而唔知食咩好，可以再去食…查看更多

每次我地兩公婆去深水埗，都係食豬膶麵，有點悶，所以諗住去完鴨寮街買嘢再諗下食咩，行經一間小舖，見到門口放咗手寫字的餐牌，就入去試下；有位好熱情的姐姐叫我地兩個坐入面，當我地坐低後，就問我地有冇食過米苔目，我地就話未食過；佢就好詳細解釋係咩黎，之後再介紹餐牌上的食物。我地一齊都係叫咗喇沙湯底的米苔目，餸就分別係豬膶+腩肉 及 木耳+鴨肉，另加一碟小食花雕酒雙脆（豬舌+豬耳）。喇沙米苔目到咗之後，先飲湯底，好香濃，最緊要係唔多覺有味精（讚），豬膶好爽，鴨肉好軟淋，好好食。雙脆都唔差，如果浸在花雕再耐少少更入味。當離開去收銀找數時，會主動問客人在食物方面有咩需要改進，好有heart的一間食肆，下次去深水埗都會再去食其他嘢。…查看更多

是晚食本人的生日飯，上網發現有新餐廳係將軍澳，就去試下，其實之前都食過呢間係鑽石山荷里活廣場的分店，因當日先發現，想訂座已經full咗，所以6點幾就去到，好彩有位。點咗以下的餸菜1. 一口小籠包2. 豆腐三文治3. 椒鹽小黃魚4. 紫薯浸莧菜5. 豆沙鍋餅6. 紅棗雪耳燉原個雪梨…查看更多

一行6人去食lunch，去到已經1:40pm，咁等咗10分鐘先有位，當時安排座位果位小姐叫我地order 定食物，ok啦我地6個齊order (5個焗飯 及 1個意粉)，數分鐘後有位座啦。個意粉好快就到咗，焗飯耐d我地明白，咁我地一路傾一路等啦，等..等..等..2:15pm都未有，再追d waitress話整緊，再繼續等..等..等.............最終2:25pm 先有得食，我地各人用咗5分鐘要食飽及飲埋杯餐飲。:(仲要入座好耐，連杯水都冇，要問先有，下次都唔好預我再光顧。…查看更多

今晚同老公去新城市廣場行完街，就去找食肆食dinner，見到shakey's pizza的pizza是薄批，而我們鍾意食薄批關係，同埋見到匯豐信用卡做緊promo，所以入去試下；坐下order 了優惠套餐﹕深海龍皇pizza 套餐(個名好似係呢個)套餐包括﹕1. 煙三文魚凱撒沙律2. 龍蝦湯3. 鮮蝦忌廉蝴蝶粉4. 龍蝦pizza (真正的菜名已忘記)5. 朱古力mousse6. 咖啡或茶 煙三文魚凱撒沙律 > 不過不失 :) 龍蝦湯 > 好味道 鮮蝦忌廉蝴蝶粉 > yummy yummy 龍蝦pizza > 值得一試 very good，好香脆 朱古力mousse > 唔會好甜，不過略為硬少少 飲品> :)…查看更多