Cathy123123的个人专页

一行五人到這裡食晚餐，6 點多到達，人客不太多。牛肚牛根牛肉刀削麵（辣）牛肚好入味，麻辣湯拼刀削麵好夾。牛根牛肉刀削麵（番茄湯）個湯酸酸甜甜，好濃番茄味。鹽酥雞/豬扒新竹米粉（湯米粉另上）米粉幼滑，隔左一陣食依然爽彈，貨源吾錯，至於2件雞/豬扒，大大件炸到好香口。加配手抓餅、迷你生煎包和椒鹽尤魚鬚，3 款小食都熱辣辣，生煎包個皮比較厚，尤魚鬚份量大返啲就更佳。凍黑糖珍珠奶茶，夠凍夠甜夠多珍珠。整體來說，味道不錯，埋單$300，抵食。…查看更多

一行九人到這𥚃食阿拉斯加蟹，依家做緊$228/ 斤，叫左隻5 斤半，大大隻啖啖肉，不過真係要趁熱食，凍左真系大打折扣。燒鵝1 隻，做緊特價$68/ 隻，比平時食嘅細啲，但咁嘅價錢，真心抵。豬肺湯$188/ 盅，份量大，料也多，雖然話6 位用，但我哋9 位都夠飲。咕嚕肉，菠蘿好多，粒肉炸到有啲乾。椰菜粉絲煲，有獲氣好香口。瑤柱蛋白炒飯，炒得好乾身，吾錯。羊肚菌燴豆付、上湯魚付菜苗，冇試，但嗰菜苗好似細碟左啲。埋單$2500，都ok 啦。…查看更多

一行五人訂左6:30 食晩餐。牛扒叫左兩款，香草平鐵牛扒加大，這款肉質普通，另一款特別版招牌牛平鐵牛扒肉嘅質地好明顯高啲，入口嫩滑，豚肉粒意粉個汁味道有點中式怪怪地，龍蝦汁海鮮意粉微辣正正常常，小食炸魷魚圈外面個炸粉好脆但入面嘅魷魚質地吾彈仲有啲梅梅地。至於任食嘅薯條好可惜吾系粗薯條，真係比較差。餐廳內冷氣不足，侍應哥哥話今日有部冷氣壞左，好彩依家系秋天，否則食完一餐之後，應該好似焗完桑拿咁。整體來說，吾可以話吾好又吾可以話好，試過便算。…查看更多

一行七人到這裡食糖水。芒果綿綿冰，材料豐富大堆頭，芒果肉吾少而且幾甜幾靚。燉椰皇椰果湯丸，燉奶好滑，湯丸系芝麻餡，好飽肚。紅豆抹茶綿綿冰，紅豆好綿，但抹茶雪糕和冰味道不強，這個一般。加配麥提莎糯米糍，外軟內脆保持水準。芒果糯米糍，芒果肉吾甜，比較差。…查看更多

經kkday 買左這𥚃的下午茶自助餐，用了折扣$403/2位。安排坐在卡梳化位，十分闊寬。凍青口吾新鮮有異味，凍蝦就幾爽口，烤腸、烤雞槌、炸饅頭、豬頸肉，完全吾熱，牛肉球好香陳皮味和有馬蹄粒吾錯，燒賣正正常常，腐皮卷嗰皮好乾好硬，炒腸粉溶溶爛爛，即灼麵檔配料選擇少而且湯底只有一款就係清湯，皮蛋瘦肉粥冇乜料但有味應該落左吾少味精。甜點選擇多算系亮點，鬆餅、焦糖燉旦、鮮忌廉蛋糕、木糠布甸，都幾好食。飲品是自助的，西柚汁和杧果汁是室溫的口感不佳，凍檸茶茶味不濃。整體來說，坐得舒服，待應勤收碟，但食物就，鹹點不行，甜點還可。…查看更多

一行五人到這裡晚餐。卡邦尼意粉，個汁做得吾錯。肉丸意粉，微辣，普普通通，但顏色鮮艷。斧頭豬扒，生熟度合格而且肉嫩多汁，最好食系佢。封門柳蘭王煲仔飯，封門柳叫左3 成熟剛剛好，加左隻蘭王，系絕配。蛇餅腸，個鮮茄汁比得夠多所以令條腸更好食。和風薯條，不脆不香，份量不多，比較差。雞翼2 隻，用一個細碟仔裝著，浄系擺盆已經吾合格。芒果梳打，果肉多，梳打夠，好解膩。朱古力咖啡（綿花糖），朱古力味濃，冬天飲應該好有幸福感整體來說，可以的。…查看更多

好耐冇嚟，差唔多6 點到，有3、4 成客，到8 點走嘅時候，已經有大約15-20 人等位。個餐選左中價的$308/位，湯底要左香辣沙爹，好味濃，淥皇子麵好夾。乳鴿、雞翼、糍粑熱辣辣而且保持到水準，牛板腱、封門柳都吾錯，炸魚片脆脆好食，油炸鬼變咗粒粒就好硬，芋頭貢丸味道怪怪，墨魚丸好粉，其他丸類也是一般。甜點芝士蛋糕、脆脆奶凍、木糠布甸，楊枝甘露、燒仙草，都好食。榴連大福就冇乜味。咖啡機，吾知系咪冇乜人飲，所以㩒出嚟嘅咖啡好苦，應該系好耐冇換咖啡粉或是質素問題，希望餐廳可以注意一下。送食物及收碟員工勤快、態度吾錯。整體來說，久不久去食下，都可以。…查看更多

一行六人被安排在閣樓的一間房內，房內有2 張8 人枱，冷氣不足，所以房間有少少味道。櫻桃鴨半隻（連骨）可以選起骨的，鴨肉好淋都juicy ，碟邊嘅喬頭好爽脆好食，附有2 碗汁可以點，汁味帶甜。叉燒例牌，偏向瘦叉而且乾左啲，同埋落左好多麥芽糖。醉雞，份量很大，估計差不多有半隻春雞，雞皮爽彈，但酒味不濃。胡椒豬肚雞湯（半份）料頭豐富，有鮮枝竹、白果，湯頭有濃濃胡椒味，這個湯冬天飲應該更合適。福建炒飯，好英國唐餐feel ，獻汁多，未必個個人都鍾意。上湯芥蘭，冇試。皮蛋子薑，子薑吾入味應該未夠時候。埋單$1011/6 位，抵食。整體來說，食物份量大，侍應姐姐勤快有禮，可以再去。…查看更多

買左3 個雙併淨餸加燒鴨飯。燒鴨飯嘅燒鴨都幾多件，而且幾淋身，白飯食得出質素吾錯。蘿白牛腩/薯粒牛仔骨，牛腩碎濕濕，牛仔骨味道還可以，但好油。醋骨/菜心炒牛肉，醋骨冇醋味，反而菜心炒牛肉有小小獲氣。咕嚕肉/蒸鯇魚，咕嚕肉完全吾得，炸到過左火位，乾到不得了。只可以講，試過便算。…查看更多

又去食燒肉放題，晚市有7、8 成滿。即食嘅炸饅頭、芝麻波、旦散、炸雞皮、薯條、多春魚，輕輕燒一陣子，加上煉奶、糖膠，茄汁，好食好多。凍海鮮嘅蝦同青口，都係燒一燒，吾冼凍冰冰。酸菜魚嘅魚片細細片，加上大量酸菜、金菇，酸酸辣辣，好醒胃。豬腳薑，淋身好入味。即燒部份，冇左豬大腸供應，問左佢哋，佢哋話因為太多嘢食，冇位擺。鱔條、牛仔骨、辣雞翼，保持一貫水準。期間請侍應換燒烤鐵盆及收碟，都快手。埋單$524/2位。…查看更多

朋友介紹話這𥚃吾錯，一行七人到這𥚃食晚飯，星期五晚有7、8 成客，都幾熱鬧，枱與枱之間比較廹。燒鵝1 隻，好大隻，味道不濃，附上的酸梅醬不夠可以比多啲，而且有小火爐保溫，幾好。蟹肉粉絲煲，好有獲氣，粉絲炒得好乾身，可惜蟹肉不多。菜芯炒牛肉，好大碟牛肉大大片，菜芯都好嫩口冇渣。醋香骨，應該超過10 件，酸甜度適中，吾錯。海味雜菜煲、蒜香豬手，冇試。送嘅紅豆沙，煲得幾綿。服務方面，待應都殷勤嘅，食物方面，份量都幾大，埋單 $1347/7 位，可以呀。…查看更多

下午茶自助餐做緊半價優惠，訂左今日嚟試吓，餐廳食物區幾大，取食物吾會人迫人。刺身好似吾系幾新鮮鯛魚入口即散，熱食選擇好多，咕嚕雞球、燒西冷、香腸拼盤、燒豬髀、即灼叻沙麵都吾錯，點心蝦餃、燒賣、粉果啲皮好厚，簿餅吾熱。甘筍旦糕、麵包布甸、Cupcake 、曲奇餅仔都可以，牛角包、丹麥酥不酥不脆，芝麻糊好糊口，甜點反而選擇不多。果汁有3 款，其他冷熱飲品系去counter 自己落order 的，其實都幾好。整體來說，這個價格在這地段，是可以的。…查看更多

見網站有特別優惠，所以買左餐券嚟試吓佢嘅自助晚餐。餐廳坐位比較迫，幸好今晩附近客人都比較斯文，不大有影響。凍海鮮凍蝦爽口，翡翠螺冇沙，雪場蟹腳就麻麻，刺身三文魚厚切，八爪魚、甜蝦、薯仔、蝦餃、日式牛柳粒、牛面肉、蒸比目魚、烤羊架、烤牛舌、蜜汁叉燒、燒西冷、葡撻、沙翁旦球，都算吾錯。蒜蓉蒸扇貝蒜蓉不夠，小籠包皮好厚，豆沙芝蔴球個外皮吾脆、豆腐花、紅豆沙可以不試。飲品有多款選擇，驚喜有支裝汽水，雪糕有兩大牌子，口味就是一般大路味道，沒有新出嘅味道。整體來說，以這個價位是可以的。題外話，侍應勤快有禮，讚。…查看更多

一行五人到這裡晚飯，座位比較窄有點背對背，幸好附近食客都斯文，不太嘈吵。廣東片皮鴨二食$278，鴨肉厚切大片，配料醬汁好多，二食叫左醬爆西芹炒鴨絲，好惹味。雲吞雞半隻$98，雲吞有6 粒，個濃湯都吾錯。沙爹肥牛粉絲煲，有啲芽菜而且份量都多，不過食到煲底略為多油。濃湯鮮竹菠菜苗，清清地，冇乜特別。送糖水，紅或綠豆沙，紅豆沙比較出色。埋單$745/5位，可以。題外話，收銀姐姐和侍應都相當有禮貌，用餐體驗良好。…查看更多

The lounge 裝修停業了一段時間，知道佢11 月重開，加上官網下午茶自助餐有優惠，所以今日嚟試吓。下午茶時段客人不多，裝修後空間感大了，上層取食物的位置少了選擇，之前放凉菜的位置直情沒有放任何食物，下層的甜品區也細了。食物方面，燒牛肉卷、燒魷魚好有BBQ風味，點心有燒賣、牛肉腸、牛柏葉，水準吾錯，豬肉鮮蝦雲吞加叻沙湯底和鮮蝦皮旦瘦肉生滾粥保持一貫水準，燒乳鴿和迷你牛肉漢堡就吾夠熱所以好乾。燒牛肉、炸雲吞、皮片鴨、甜酸齋不見了。提子鬆餅、葡撻有熱櫃保持溫度，所以食落口感不錯，斑蘭戚風蛋糕就冇乜班蘭味，豆腐花質地有啲怪，軟雪糕位置也少了選擇。整體來說，食物水準和種類確實差了和少了，但服務方面，仍然系保持到。…查看更多